CWC 2023: వరల్డ్‌ ఎలెవెన్‌ జట్టు.. నలుగురు భారత క్రికెటర్లకు చోటు | Iceland Cricket Announced Their World XI From CWC 2023 Group Stage, 4 Indians Got Placed | Sakshi
Sakshi News home page

CWC 2023: వరల్డ్‌ ఎలెవెన్‌ జట్టు.. నలుగురు భారత క్రికెటర్లకు చోటు

Published Thu, Nov 9 2023 11:07 AM | Last Updated on Thu, Nov 9 2023 11:37 AM

Iceland Cricket Announced Their World XI From CWC 2023 Group Stage, 4 Indians Got Placed - Sakshi

వన్డే వరల్డ్‌కప్‌-2023కి సంబంధించి ఐస్‌ల్యాండ్‌ క్రికెట్‌ తమ ఫేవరెట్‌ (వరల్డ్‌ ఎలెవెన్‌) జట్టును ప్రకటించింది. లీగ్‌ దశలో అత్యుత్తమ ప్రదర్శన కనబర్చిన ఆటగాళ్లకు ఐస్‌ల్యాండ్‌ క్రికెట్‌ తమ జట్టులో చోటు కల్పించింది. ఇందులో ఏకంగా ఐదుగురు భారత క్రికెటర్లకు చోటు దక్కడం విశేషం. ఈ జట్టుకు కెప్టెన్‌గా రోహిత్‌ శర్మ ఎంపిక చేయబడగా.. విరాట్‌ కోహ్లి, రవీంద్ర జడేజా, జస్ప్రీత్‌ బుమ్రా, మొహమ్మద్‌ షమీలకు సభ్యులుగా చోటు దక్కింది. 

ఈ జట్టుకు వికెట్‌కీపర్‌గా దక్షిణాఫ్రికా ఆటగాడు క్వింటన్‌ డికాక్‌ ఎంపిక చేయబడగా.. న్యూజిలాండ్‌ రచిన్‌ రవీంద్ర, డారిల్‌ మిచెల్‌ (న్యూజిలాండ్‌), గ్లెన్‌ మ్యాక్స్‌వెల్‌ (ఆస్ట్రేలియా), మార్కో జన్సెన్‌ (దక్షిణాఫ్రికా), ఆడమ్‌ జంపా (ఆస్ట్రేలియా) ఇతర సభ్యులుగా చోటు దక్కించుకున్నారు. ఈ జట్టులో కేవలం నాలుగు జట్లకు మాత్రమే ప్రాతినిథ్యం లభించింది. భారత్‌ నుంచి ఐదుగురు, ఆస్ట్రేలియా, న్యూజిలాండ్‌, దక్షిణాఫ్రికా నుంచి తలో ఇద్దరు ఈ జట్టుకు ఎంపికయ్యారు. ఈ ఆటగాళ్లంతా ప్రస్తుత ప్రపంచకప్‌లో ప్రఛండమైన ఫామ్‌లో ఉన్నారు. ఈ జట్టును గనక వరల్డ్‌కప్‌ బరిలో దించితే ఎంతటి మేటి జట్టునైనా మట్టికరిపించగలదు. 

ఐస్‌ల్యాండ్‌ క్రికెట్‌ ప్రకటించిన ఈ జట్టులో ఆసీస్‌ స్టార్‌ ఆటగాడు డేవిడ్‌ వార్నర్‌కు స్థానం​ లభించకపోవడం విశేషం. పై పేర్కొన్న అందరు ఆటగాళ్లలాగే వార్నర్‌ సైతం ప్రస్తుత ప్రపంచకప్‌లో భీకరఫామ్‌లో ఉన్నాడు. ఇప్పటివరకు జరిగిన మ్యాచ్‌ల్లో అత్యధిక పరుగులు చేసిన ఆటగాళ్ల జాబితాలో టాప్‌-7 బ్యాటర్లకు చోటు కల్పించిన ఐస్‌ల్యాండ్‌ క్రికెట్‌ ఒక్క డేవిడ్‌ వార్నర్‌ను మాత్రమే విస్మరించింది. జట్టు కూర్పు విషయాన్ని దృష్టిలో పెట్టుకుని వారు ఈ నిర్ణయం తీసుకుని ఉండవచ్చు. అలాగే బౌలర్ల విషయంలోనూ షాహీన్‌ అఫ్రిదికి చోటు కల్పించి ఉండాల్సిందని పాక్‌ క్రికెట్‌ అభిమానులు అభిప్రాయపడుతున్నారు.

ఐస్‌ల్యాండ్‌ క్రికెట్‌ ప్రకటించిన వరల్డ్‌ ఎలెవన్‌ జట్టు.. ప్రస్తుత వరల్డ్‌కప్‌లో ఆయా ఆటగాళ్ల ప్రదర్శన

  • రోహిత్‌ శర్మ (కెప్టెన్‌)- 8 మ్యాచ్‌ల్లో సెంచరీ, 2 హాఫ్‌ సెంచరీల సాయంతో 442 పరుగులు
  • క్వింటన్‌ డికాక్‌ (వికెట్‌కీపర్‌)- 8 మ్యాచ్‌ల్లో 4 సెంచరీల సాయంతో 550 పరుగులు
  • విరాట్‌ కోహ్లి- 8 మ్యాచ్‌ల్లో 2 సెంచరీలు, 4 హాఫ్‌ సెంచరీల సాయంతో 543 పరుగులు
  • రచిన్‌ రవీంద్ర- 8 మ్యాచ్‌ల్లో 3 సెంచరీలు, 2 హాఫ్‌ సెంచరీ సాయంతో 523 పరుగులు
  • డారిల్‌ మిచెల్‌- 8 మ్యాచ్‌ల్లో సెంచరీ, 2 హాఫ్‌ సెంచరీల సాయంతో 375 పరుగులు
  • గ్లెన్‌ మ్యాక్స్‌వెల్‌- 7 మ్యాచ్‌ల్లో 2 సెంచరీల సాయంతో 397 పరుగులు
  • రవీంద్ర జడేజా- 8 మ్యాచ్‌ల్లో 14 వికెట్లు
  • మార్కో జన్సెన్‌- 8 మ్యాచ్‌ల్లో 17 వికెట్లు
  • ఆడమ్‌ జంపా- 8 మ్యాచ్‌ల్లో 20 వికెట్లు
  • జస్ప్రీత్‌ బుమ్రా- 8 మ్యాచ్‌ల్లో 15 వికెట్లు
  • మొహమ్మద్‌ షమీ- 4 మ్యాచ్‌ల్లో 16 వికెట్లు

No comments yet. Be the first to comment!
Add a comment
Advertisement
 
Advertisement
 
Advertisement