టీమ్ విక్టరీ సెలబ్రేషన్స్‌.. ఫ్యాన్స్‌పైకి దూసుకెళ్లిన కారు! వీడియో

May 27 2025 8:31 AM | Updated on May 27 2025 10:41 AM

27 In Hospital As Car Rams Into Liverpool Fans

లివ‌ర్‌పూల్ టీమ్ విక్టరీ ప‌రేడ్‌లో అప‌శ్రుతి చోటు చేసుకుంది. ప్రీమియర్‌ లీగ్‌లో 20వ టైటిల్‌ను లివర్‌పూల్‌ ఫుట్‌బాల్‌ క్లబ్ సొంతం చేసుకున్న విష‌యం తెలిసిందే. ఈ నేప‌థ్యంలో సోమ‌వారం లివ‌ర్‌పూల్‌లో విక్ట‌రీ ప‌రేడ్‌ను నిర్వ‌హించారు. త‌మ ఆరాధ్య ప్లేయ‌ర్ల‌ను అభినందించేందుకు పెద్ద ఎత్తున అభిమానులు ఈ విజయోత్సవ ర్యాలీలో పాల్గోన్నారు.

ఈ క్ర‌మంలో విక్ట‌రీ పరేడ్‌లోకి ఓ దుండగుడు కారుతో దూసుకొచ్చాడు. విచక్షణారహితంగా పలువురిని ఢీకొట్టుకుంటూ ముందుకెళ్లాడు. ఈ ప్రమాదంలో 27 మంది ఆసుపత్రి పాలయ్యారు. ఇద్దరు తీవ్రంగా గాయపడిన‌ట్లు తెలుస్తోంది.

వాహనదారుడిని అరెస్ట్ చేసినట్లు స్థానిక పోలీసులు వెల్లడించారు. అయితే ఇది ఉగ్ర‌వాద చ‌ర్య కాద‌ని పోలీసులు స్ప‌ష్టం చేశారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.