TV
సంగమేశ్వరం(నాగాయలంక): మండలంలోని సంగమేశ్వరంలో కొలువైన శ్రీగంగాపార్వతీ సమేత సంగమేశ్వరస్వామి దేవస్థానంలో వినాయకస్వామికి భక్తులు గురువారం రూ.1,10,976 విలువైన బంగారు, రూ.5వేలు విలువైన వెండి దంతం సమర్పించారు. హైదరాబాద్‌లో స్థిరపడిన సమీప గ్రామం భావదేవరపల్లికి చెందిన భోగాది కరుణాకర్‌ ఈ ఆభరణాలను దేవదాయశాఖ గుమాస్తా మాజేటి వెంకట నాంచారయ్యకు అందజేశారు. ఈ సందర్భంగా ప్రత్యేక పూజ జరిపి స్వామివారి శేషవస్త్రంతో దాతను ఆలయం తరఫున సన్మానించారు. దాత తండ్రి వెంకటరాయుడు, సోదరి జ్యోతి పాల్గొన్నారు.
