అర్ధరాత్రి ఫుడ్ ఆర్డర్లు, ప్రైవేట్ ఫొటోలు..!

ప్ర‌తీకాత్మ‌క చిత్రం (ఏఐ ఫోటో)

బెంగళూరు: భర్త వేధింపులను భరించలేక అతనికి విడాకులు ఇచ్చి ప్రశాంతంగా బతుకుదామనుకున్న మహిళకు పీడకలలా మారాడు. వేరుగా జీవిస్తున్న మాజీ భార్యను నానా రకాలుగా వేధిస్తున్న సైకో బెంగళూరు హెచ్‌ఏఎల్‌ పోలీస్‌ స్టేషన్‌ పరిధిలో వెలుగు చూశాడు.  వైట్‌ఫీల్డ్‌ నివాసి అయిన మహిళ (36)ను ఆమె మాజీ భర్త నితిన్‌ గుప్త నానా రకాలుగా సతాయిస్తున్నాడు. వీరికి  2013లో ఢిల్లీలో పెళ్లయింది. అయితే నితిన్‌ ఆమెకు నరకం చూపించాడు. 

దీంతో విడాకులు తీసుకుని 2022లో బెంగళూరుకు వచ్చి జీవిస్తోంది. ఆమె ఇంటికి  అర్ధరాత్రిళ్లు ఫుడ్‌ ఆర్డర్‌ పెట్టడం ప్రారంభించాడు. ఆమె ప్రైవేటు ఫోటోలను ఇంటర్నెట్‌లో పోస్టు చేశాడు. పలుమార్లు ఇంటికి వచ్చి హత్యాయత్నం చేసినట్టు బాధిత మహిళ ఫిర్యాదులో పేర్కొంది. పోలీసులు కేసు నమోదు చేశారు.