Hero Sumanth: హీరోకి దీటైన హీరో!

మామూలుగా హీరోకి దీటైన విలన్‌ అంటారు కదా.. హీరోకి దీటైన హీరో అన్నారేంటీ అనుకుంటున్నారా? మరేం లేదు. దుల్కర్‌ సల్మాన్‌ హీరోగా హను రాఘవపూడి దర్శకత్వంలో రూపొందుతున్న చిత్రంలో సుమంత్‌ ఓ ప్రత్యేక పాత్ర చేయనున్నారట. హీరోగా పాతిక సినిమాలకు పైగా చేసిన సుమంత్‌ ప్రత్యేక పాత్ర చేయడమేంటీ అనుకోవచ్చు.

ఇది హీరోకి దీటుగా నిలిచే మరో హీరో పాత్ర కావడంతో ఒప్పుకున్నారట. 1964 బ్యాక్‌డ్రాప్‌లో ప్రియాంకా దత్, స్వప్నా దత్‌ నిర్మిస్తున్న ఈ బహు భాషా చిత్రం షూటింగ్‌ హైదరాబాద్‌లో జరుగుతోంది. మరోవైపు సుమంత్‌ హీరోగా నటించిన ‘అనగనగా ఒక రౌడీ’ విడుదలకు సిద్ధమైంది.