TV
తమిళ నటుడు విజయ్‌ సేతుపతి, కత్రినా కైఫ్‌ హీరోహీరోయిన్లుగా ఓ సినిమా తెరకెక్కించడానికి సన్నాహాలు చేస్తున్నారాయన.
‘అంధాధున్‌’ తర్వాత దర్శకుడు శ్రీరామ్‌ రాఘవన్‌ ఏ సినిమా చేస్తారనే ఆసక్తి ఉంది బాలీవుడ్‌కి. తమిళ నటుడు విజయ్‌ సేతుపతి, కత్రినా కైఫ్‌ హీరోహీరోయిన్లుగా ఓ సినిమా తెరకెక్కించడానికి సన్నాహాలు చేస్తున్నారాయన. ఇదో సస్పెన్స్‌ థ్రిల్లర్‌ అని సమాచారం. ఈ సినిమాను కేవలం 90 నిమిషాల నిడివితో తెరకెక్కించనున్నారట. అలాగే ఈ సినిమాకు ఇంటర్వెల్‌ కూడా ఉండదట. ఏప్రిల్‌ నెలలో ఈ సినిమా చిత్రీకరణ ప్రారంభించనున్నారు. పూణె పరిసర ప్రాంతాల్లో షూటింగ్‌ చేస్తారు. ఒకే షెడ్యూల్‌లో సినిమా మొత్తాన్ని పూర్తి చేయాలనుకుంటున్నారు.
