TV
‘గౌతమ్‌ నంద’ చిత్రం తర్వాత హీరో గోపీచంద్‌– డైరెక్టర్‌ సంపత్‌ నంది కాంబినేషన్‌లో తెరకెక్కిన చిత్రం ‘సీటీమార్‌’. మహిళా కబడ్డీ నేపథ్యంలో తెరకెక్కిన ఈ సినిమాలో తమన్నా హీరోయిన్‌గా నటించింది. భూమిక చావ్లా, రెహమాన్, రావు రమేష్, ప్రగతి వంటి ప్రముఖులు ముఖ్య పాత్రలు పోషించారు. అప్సరా రాణి ‘పెప్సీ ఆంటీ’ అనే ఐటెం సాంగ్‌తో దుమ్ము దులిపేసింది. పవన్‌ కుమార్‌ సమర్పణలో శ్రీనివాసా చిట్టూరి నిర్మించిన ఈ సినిమా ఈ నెల 10న వినాయక చవితి కానుకగా థియేటర్‌లో విడుదలై మంచి వసూళ్లు రాబట్టిన విషయం తెలిసిందే.
Action, Drama, and Romance; we’ve got everything for you
— BA Raju's Team (@baraju_SuperHit) October 8, 2021
Watch @YoursGopichand and @tamannaahspeaks in their most #SeetiMaarr avatar ever Streaming from 15th October only on @DisneyPlusHS #SeetiMaarrOnHotstar pic.twitter.com/rF1FQLwv0M
తాజాగా ఈ సినిమా ఓటీటీ రిలీజ్‌కు రెడీ అయింది. ప్రముఖ ఓటీటీ ప్టాట్‌ఫామ్‌ డిస్నీ ప్లస్‌ హాట్‌స్టార్‌ 'సీటీమార్‌' స్ట్రీమింగ్‌ హక్కులను సొంతం చేసుకుంది. దీంతో ఈ చిత్రం ఈ నెల 15 నుంచి హాట్‌స్టార్‌లో అందుబాటులోకి రానున్నట్లు అధికారిక ప్రకటన వెలువడింది. ఇక ఇదివరకే థియేటర్లలో సినిమా చూసిన అభిమానులు దసరా పండగరోజు మరోసారి ఎంచక్కా ఇంట్లోనే కూర్చొని చూసేయొచ్చని సంతోషం వ్యక్తం చేస్తున్నారు.
