అడగ్గానే పదివేలు.. అషూ నా బెస్ట్‌ ఫ్రెండ్‌: రాహుల్‌

Bigg Boss Rahul Sipligunj Shocking Comments On Relationship With Ashu Reddy - Sakshi

బిగ్‌బాస్‌ చాలామందికి లైఫ్‌ ఇస్తుందంటారు. కానీ కొందరికి మాత్రం ఎందుకూ పనికి రాకుండా పోతుంది. కేవలం షోలో కనిపించినప్పుడు మాత్రమే పాపులారిటీని తెచ్చిపెడుతుందే తప్ప తర్వాత అవకాశాలు మాత్రం అంతంత మాత్రంగానే ఉంటాయి. అయితే టాలెంట్‌ ఉన్న చాలామందిని జనాలకు మరింత దగ్గర చేస్తుంది. అలా సింగర్‌ రాహుల్‌ సిప్లిగంజ్‌ బిగ్‌బాస్‌ మూడో సీజన్‌లో అడుగు పెట్టి టైటిల్‌ విజేతగా నిలిచాడు.

కానీ హౌస్‌లో 'ఉయ్యాల జంపాల' ఫేమ్‌ పునర్నవి భూపాలంతో లవ్‌ ట్రాక్‌ నడిపాడు. దీంతో వీరు పెళ్లి పీటలెక్కబోతున్నారంటూ ఆ మధ్య వార్తలు వినిపించాయి. కానీ షో పూర్తయ్యాక పరిస్థితి తలకిందులైంది. నెమ్మదిగా వీరి మధ్య దూరం పెరిగింది. అనూహ్యంగా రాహుల్‌.. జూనియర్‌ సామ్‌ అషూరెడ్డికి క్లోజ్‌ అయ్యాడు. కలిసి పార్టీలు చేసుకోవడం, ఒకరి కోసం ఇంకొకరు పోస్టులు పెట్టడం చూసి వీళ్లు ప్రేమలో ఉన్నారా? ఏంటి? అని అభిమానులు తలలు గోక్కోవడం మొదలు పెట్టారు. ఈ ఊహాగానాలకు ఆజ్యం పోస్తూ అషూను ఎత్తుకున్న రాహుల్‌ ఫొటో వైరల్‌ కావడంతో వీరి రిలేషన్‌ ఏంటనేది హాట్‌ టాపిక్‌గా మారింది. 

తాజాగా ఓ ఇంటర్వ్యూలో రాహుల్‌ మాట్లాడుతూ.. అషూ రెడ్డి తనకు చాలా స్పెషల్‌ అని చెప్పుకొచ్చాడు. ఆమె చూపించే కేరింగ్‌ ఇష్టమని పేర్కొన్నాడు. ఆమె తన బెస్ట్‌ ఫ్రెండ్‌ అని స్పష్టం చేశాడు. ఈ మధ్య ఓ సారి డబ్బులు అవసరమై అషూను రూ.10 వేలు అడిగానని, ఆమె క్షణం ఆలస్యం చేయకుండా వెంటనే పంపించిందని చెప్పాడు. కానీ వేరే వాళ్ల దగ్గర ఇలా నిర్మొహమాటంగా అడగలేనని పేర్కొన్నాడు. ఇతడి ఇంటర్వ్యూ చూసిన అషూ ఎమోషనల్‌ అయింది. థాం​క్యూ రాహుల్‌.. నాకు ఏడుపొస్తోంది.. నువ్వు ఎప్పటికీ ఎంతో స్పెషల్‌.. అని ఇన్‌స్టాగ్రామ్‌ స్టోరీస్‌లో రాసుకొచ్చింది.

చదవండి: తొక్కేశారు, రాహుల్‌ కాలికి రక్తస్రావం

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top