pushpa Movie: దాక్కో దాక్కో మేక.. మొదలైంది రికార్డుల మోత

Allu Arjun Pushpa First Song Daakko Daakko Meka Records In Youtube - Sakshi

ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ డైరెక్షన్‌లో  తెరకెక్కుతోన్న చిత్రం ‘పుష్ప’. పాన్‌ ఇండియా లెవల్లో ప్రతిష్టాత్మకంగా తెరకెక్కుతోన్న ఈ మూవీ మొదటి భాగం ఈ ఏడాది క్రిస్మస్‌ సందర్భంగా  ప్రేక్షకుల ముందుకు రానుంది. కాగా, శుక్రవారం ఈ మూవీ నుంచి తొలి పాట ‘దాక్కో దాక్కో మేక..’ విడుదలైంది.   ఈ సాంగ్‌ని హిందీలో విశాల్ ద‌డ్‌లాని, క‌న్న‌డ‌లో విజ‌య్ ప్ర‌కాశ్, మ‌ల‌యాళంలో రాహుల్ నంబియార్,తెలుగులో శివం,త‌మిళంలో బెన్నీ ద‌యాల్  ఆల‌పించారు.

అల్లు అర్జున్‌ మాస్‌ లుక్‌, దేవీశ్రీ స్పెషల్‌ బీట్‌, చంద్రబోస్‌ పవర్‌ ఫుల్‌ లిరిక్స్‌ కలిస్తే.. ‘దాక్కో దాక్కో మేక’పాట.  ఈ ప్రపంచంలో ప్రతి జీవి బతకడం కోసం మరో జీవిని చంపక తప్పదు అనే అర్థం చెప్పేలా అద్భుత లిరిక్స్‌ అందించాడు చంద్రబోస్‌. ఈ సాంగ్‌ అప్పుడే యూట్యూబ్‌లో రికార్డుల మోత మోగిస్తుంది. విడుదలైన 182 నిమిషాల్లోనే 4 లక్షల లైకులను సొంతం చేసుకొని రికార్డు క్రియేట్‌ చేసింది. అంతేకాదు ఇప్పటి వరకు 39లక్షలకు పైగా వ్యూస్‌తో యూట్యూబ్‌లో దూసుకెళ్తుంది. ఈ మైత్రి మూవీ మేకర్స్ నిర్మిస్తున్న ఈ చిత్రం ఎర్రచందనం స్మగ్లింగ్ నేపథ్యంలో తెరకెక్కుతోంది. రష్మిక మందన హీరోయిన్ గా నటిస్తోంది. సునీల్, అనసూయ కీలక పాత్రల్లో నటిస్తుండగా.. మలయాళీ నటుడు ఫహద్ ఫాజిల్ విలన్ రోల్ ప్లే చేస్తున్నాడు.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top