వారిద్దరూ జంటగా '101 జిల్లాల అందగాడు'

అవసరాల శ్రీనివాస్, రుహానీ శర్మ జంటగా తెరకెక్కిన చిత్రం ‘101 జిల్లాల అందగాడు’. ఈ సినిమాతో రాచకొండ విద్యాసాగర్‌ దర్శకునిగా పరిచయమవుతున్నారు. నిర్మాత ‘దిల్‌’ రాజు, డైరెక్టర్‌ క్రిష్‌ సమర్పణలో శ్రీ వెంకటేశ్వర క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌ మెంట్స్‌ బ్యానర్స్‌పై శిరీష్, రాజీవ్‌ రెడ్డి, సాయిబాబు జాగర్లమూడి నిర్మించారు. ఈ సినిమాను మే 7న విడుదల చేయనున్నట్లు ప్రకటించారు. ‘‘వినోదాత్మకంగా తెరకెక్కిన చిత్రమిది. ఈ చిత్రంలో హీరోగా నటించడంతో పాటు కామెడీ పంచ్‌లతో ప్రేక్షకులు ఎంజాయ్‌ చేసేలా మంచి ఎంటర్‌టైనింగ్‌ కథను అందించారు అవసరాల శ్రీనివాస్‌. ప్రస్తుతం పోస్ట్‌ ప్రొడక్షన్‌  కార్యక్రమాలు జరుగుతున్నాయి’’ అని చిత్రబృందం పేర్కొంది. ఈ చిత్రానికి కెమెరా: రామ్, సంగీతం: శక్తికాంత్‌ కార్తీక్‌.