కేజీబీవీలకు ఆదరణ..

కేజీబీవీలకు ఆదరణ..

పాల్వంచరూరల్‌: కస్తూర్బాగాంధీ బాలికల విద్యాలయాల్లో ప్రభుత్వం కల్పిస్తున్న సౌకర్యాలు.. అందుతున్న బోధన సత్ఫలితాలను ఇస్తున్నాయి. కేజీబీవీ ల్లో విద్యార్థినులకు ఉచిత భోజనం, వసతి, దుస్తులు ఇవ్వడంతో పాటు నాణ్యమైన బోధన అందుతోంది. గత వేసవి సెలవుల్లో ఉపాధ్యాయులు, అధ్యాపకులు ఇంటింటికీ తిరిగి ప్రచారం చేయడంతో ఉమ్మడి జిల్లాలోని 28 కస్తూ ర్బాగాంధీ కళాశాలల్లో ఈ ఏడా ది ఇంటర్‌ ప్రథమ సంవత్సరంలో ప్రవేశాలు పెరిగా యి. కొన్ని కళాశాలల్లో కొంతమేర తగ్గినా.. మొత్తంగా చూస్తే ప్రవేశాల సంఖ్య పెరిగిందని అధికారులు తెలిపారు.

మిగిలిన సీట్ల భర్తీకి స్పాట్‌ అడ్మిషన్లు

ఈ ఏడాది ఉమ్మడి జిల్లాలోని కేజీబీవీల్లో 8,234 మంది విద్యార్థినులు ఇంటర్‌ ప్రథమ సంవత్సరంలో చేరారు. భద్రాద్రి జిల్లాలోని కేజీబీవీల్లో 3,719 మంది చేరగా, ఖమ్మం జిల్లా కేజీబీవీల్లో 4,515 మంది ప్రవేశాలు పొందారు. అయితే, ప్రవేశాలు పెరిగినా ఉమ్మడి జిల్లాలోని కేజీబీవీల్లో ఇంకా 544 సీట్లు ఖాళీగా ఉన్నాయి. జిల్లాలోని ఎర్రుపాలెంలో 23, పెనుబల్లి 34, సింగరేణి 20, లింగాల 24, బోనకల్‌ 24, కూసుమంచి 23, ఏన్కూరు 14, కొణిజర్ల 15, ముదిగొండలో ఎనిమిది ఖాళీగా ఉన్నాయి. ఆయా సీట్ల భర్తీకి ఈనెల 15 వరకు స్పాట్‌ ఆడ్మిషన్ల ప్రక్రియ నిర్వహిస్తున్నట్లు సమగ్రశిక్షా అభియాన్‌ జీసీడీఓ ఎం.తులసి ఓ ప్రకటనలో తెలిపారు. విద్యార్థినులు ఈ అవకాశాన్ని సద్వినియోగం చేసుకోవాలని ఆమె సూచించారు.

కస్తూర్బా కళాశాలల్లో పెరిగిన

అడ్మిషన్లు

ఫలితమిచ్చిన ఇంటింటి ప్రచారం

ఉమ్మడి జిల్లాలో ఈ ఏడాది

8,234 మంది చేరిక

జిల్లాలోని కేజీబీవీల్లో గత ఏడాది, ఈ ఏడాది ప్రవేశాలు

2024 – 25 2025 – 26

ఎర్రుపాలెం 277 283

పెనుబల్లి 219 300

సింగరేణి 309 341

లింగాల 291 263

బోనకల్‌ 289 318

కూసుమంచి 302 334

ఏన్కూరు 317 329

కొణిజర్ల 281 288

ముదిగొండ 311 330

చింతకాని 330 334

ఖమ్మం 317 352

రఘునాథపాలెం 300 330

తిరుమలాయపాలెం 359 354

కొత్తూరు (వై) 369 369

మొత్తం 4,271 4,515

1/1

కేజీబీవీలకు ఆదరణ..