కరువుపై సమీక్షకు నేడు రాష్ట్రానికి కేంద్ర బృందం

శివాజీనగర: రాష్ట్రంలోని వివిధ ప్రాంతాల్లో నెలకొన్న కరువు పరిస్థితిని సమీక్షించేందుకు కేంద్ర ప్రభుత్వ ఉన్నతాధికారుల బృందం ఈనెల 3న రాష్ట్రానికి రానుంది. మొత్తం 10 మంది సభ్యులున్న ఈ బృందానికి కేంద్ర వ్యవసాయ శాఖ కార్యదర్శి అజిత్‌కుమార్‌ సాహు నేతృత్వం వహిస్తున్నారు. ఈ ప్రత్యేక కమిటీ వరుసగా నాలుగు రోజుల పాటు కరువు ప్రభావిత ప్రాంతాల్లో పర్యటించి, అధ్యయనం చేస్తుంది.

సీఎం, డీసీఎంలతో అధికారుల సమావేశం

రాష్ట్రానికి రానున్న ఈ అధికారుల బృందం మొదటగా విధానసౌధలో ముఖ్యమంత్రి డీ.కే.శివకుమార్‌, ఉప ముఖ్యమంత్రి, రెవెన్యూ మంత్రి డాక్టర్‌ జీ.పరమేశ్వర్‌, సంబంధిత శాఖల ఉన్నతాధికారులతో కీలక సంప్రదింపులు జరుపుతుంది. ఈ సమయంలో రాష్ట్ర ప్రభుత్వం చేపట్టిన ‘గ్రౌండ్‌ టూతింగ్‌’ సర్వే వివరాలను, రాష్ట్రంలోని కరువు పరిస్థితిపై పూర్తి నివేదికను కేంద్ర బృందానికి అందజేస్తారు. కేంద్ర బృందం మూడు వేర్వేరు విభాగాలుగా ఏర్పడి, రాష్ట్రంలోని వివిధ కరువు పీడిత తాలూకాల్లో పర్యటించి, పంట నష్టాన్ని, తాగునీటి సరఫరా పరిస్థితిని స్వయంగా పరిశీలిస్తుంది. రాష్ట్ర రెవెన్యూ శాఖ సహకారంతో నిర్వహించే ఈ పరిశీలన అనంతరం అధికారుల బృందం కేంద్ర ప్రభుత్వానికి ఒక సమగ్ర నివేదికను సమర్పిస్తుంది. ఈ నివేదిక ఆధారంగా కేంద్రం నుంచి రాష్ట్రానికి కరువు సహాయం నిధులు అందుతాయి. ఇది చాలా ముఖ్యమైన విషయం.

కరువు సాయం కోసం ప్రధానికి సీఎం లేఖ

రోజు రోజుకు విపత్తుగా మారుతున్న కర్ణాటకలోని తీవ్ర కరువు పరిస్థితిని ఎదుర్కోవడానికి, మధ్యంతర ఆర్థిక సహాయ నిధిలో 50 శాతాన్ని తక్షణమే విడుదల చేయాలని కోరుతూ ముఖ్యమంత్రి డీ.కే.శివకుమార్‌ ప్రధానమంత్రి నరేంద్ర మోదీకి ఒక ప్రత్యేక లేఖ పంపారు. అంతకు ముందు 101 తాలూకాలను కరువు పీడిత ప్రాంతాలుగా ప్రకటిస్తూ, రూ.3,705.30 కోట్ల సహాయాన్ని కోరుతూ గతంలో సమర్పించిన నివేదికకు కొనసాగింపుగా ఈ లేఖ రాశారు. కేంద్ర ప్రభుత్వ కరువు నిర్వహణ మార్గదర్శకాలు–2020లోని నిబంధనలకు అనుగుణంగా రాష్ట్ర ప్రభుత్వం శాసీ్త్రయ సర్వే నిర్వహించగా, ఆ ప్రకారం ఇప్పుడు 70 తాలూకాల మొత్తం సంఖ్య 177కు చేరింది. నైరుతి రుతుపవనాల కాలం ముగిసే నాటికి ఈ సంఖ్య 200 మార్కును దాటుతుందనడానికి స్పష్టమైన సంకేతాలు ఉన్నాయి.

అదనపు గ్రాంటు కోసం అభ్యర్థిస్తాం

కొత్తగా చేర్చిన తాలూకాల్లో పంట, ఆస్తి నస్టాన్ని అంచనా వేసే ప్రక్రియ ప్రస్తుతం కొనసాగుతోందని, అంచనా పూర్తయిన వెంటనే ఎస్‌డీఆర్‌ఎఫ్‌ నిబంధనల ప్రకారం అదనపు గ్రాంటు కోసం ప్రత్యేక అభ్యర్థనను సమర్పిస్తామని ఆ లేఖలో పేర్కొన్నారు. ప్రత్యక్ష పరిశీలన కోసం కేంద్రం నుంచి వస్తున్న అంతర్‌ మంత్రివర్గ బృందం నివేదిక సమర్పణ, ఆమోద ప్రక్రియకు ఎక్కువ సమయం పడుతున్నందున, సంక్షోభంలో ఉన్న రైతుల ప్రయోజనాల దృష్ట్యా ప్రతిపాదిత మొత్తంలో 50 శాతాన్ని మధ్యంతర సహాయంగా తక్షణమే విడుదల చేయాలి. దీంతో పాటు ఎస్డీఆర్‌ఎఫ్‌ రెండో విడతలోని కేంద్రం వాటాను, పశుసంపద రక్షణకు మద్దతును, పంట నష్టానికి ఇన్‌ఫుట్‌ సబ్సిడీని, తాగునీటి సరఫరాను ముందుగానే విడుదల చేయాలని ప్రధానిని ముఖ్యమంత్రి కోరారు.

సీఎం శివకుమార్‌ లేఖకు

ప్రధాని మోదీ స్పందన

నాలుగు రోజులు క్షామ పీడిత

ప్రాంతాల్లో అధ్యయనం