TV
జగిత్యాలటౌన్‌: ఎల్‌నినో ప్రభావం బతుకమ్మ వేడుకలపై పడింది. జగిత్యాల పట్టణంలోని ధరూర్‌ క్యాంపులోగల శ్రీకోదండరామాలయం వెనుక వైపు నుంచి ప్రవహించే డీ–64కెనాల్‌లో బతుకమ్మలను నిమజ్జనం చేయడం ఆనవాయితీగా వస్తోంది. ఈ ఏడాది కెనాల్‌కు నీటిని వదలకపోవడంతో ఎండిపోయింది. ఈ క్రమంలో సద్దుల బతుకమ్మ సందర్భంగా కెనాల్‌లో భారీ టార్పాలిన్‌ షీట్లు పరిచి బల్దియా ట్యాంకర్ల ద్వారా నీటిని నింపారు. ప్రవహించే నీటిలో నిమజ్జనం చేయాల్సిన బతుకమ్మలను తాత్కాలికంగా నీటిని నిల్వ చేసి.. కార్యక్రమాన్ని పూర్తి చేయడం గమనార్హం.
