శునకాల్లో ‘నియంత్రణ’ అంతంతే

● వీధి కుక్కలను పట్టుకోవడానికి ప్రత్యేకంగా బృందాలను ఏర్పాటు చేసుకోవాలి. వాటికి స్టెరిలైజేషన్‌ చేయడానికి యానిమల్‌ బర్త్‌ కంట్రోల్‌ సెంటర్‌ను నెలకొల్పాలి. ● కుక్కలకు సంబంధించిన ఫిర్యాదులపై అధికారులు తక్షణమే స్పందించాలి. ● ప్రతి పట్టణంలో తప్పనిసరిగా వంద శాతం స్టెరిలైజేషన్‌ ప్రక్రియను చేపట్టాలి. ● మాంసాహార విక్రయ దుకాణాలు, హోటళ్లు తదితర వాటి వద్ద మిగిలిన మాంసపు వ్యర్థాలను పడేయకుండా తగిన జాగ్రత్తలు తీసుకోవాలి. ● కుక్కలు ఎదురుపడినప్పుడు ఎలా వ్యవహరించాలన్న దానిపై కరపత్రాల ద్వారా ప్రజలకు అవగాహన కల్పించాలి. ● వీధి కుక్కలు అధికంగా ఉన్న కాలనీలు, కుక్కకాట్లు ఎక్కువగా చోటు చేసుకుంటున్న ప్రాంతాలను గుర్తించి అక్కడ అవసరమైన చర్యలు చేపట్టాలి. ● స్టెరిలైజేషన్‌ కోసం మెట్‌పల్లి పట్టణంలోని 7వార్డులో సెంటర్‌ను ఏర్పాటు చేశారు. ఇందులో కొన్ని రోజుల పాటు ఆపరేషన్లు నిర్వహించారు. ఆ తర్వాత స్థానికుల అభ్యంతరంతో దానిని కోరుట్ల శివారుకు తరలించారు. మొత్తం మీద రెండింటిలో 180 కుక్కలకు చికిత్స చేశారు. ● సుమారు పది కిలోమీటర్ల దూరంలో ఉన్న కోరుట్లకు కుక్కలను తరలించడం ఇబ్బందిగా మారడంతో పదిరోజుల క్రితం ఆ సెంటర్‌ను మూసివేశారు. ● అప్పటి నుంచి స్టెరిలైజేషన్‌ ప్రక్రియ నిలిచిపోయింది. వాస్తవానికి స్టెరిలైజేషన్‌ వల్ల కుక్కల్లో సంతానోత్పత్తి శాశ్వతంగా ఆగిపోతుంది. తద్వారా వాటి జనాభా తగ్గే అవకాశముంటుంది. ● దీనిని దృష్టిలో పెట్టుకొని ప్రభుత్వం.. ఈ ప్రక్రియను పకడ్బందీగా చేపట్టి వంద శాతం పూర్తి చేయాలని ఆదేశించింది. ● కానీ అధికారులు దీని అమలుతో పాటు ప్రజలకు అవగాహన కల్పించడం, ఇతర జాగ్రత్తలు చేపట్టే విషయంలో నిర్లక్ష్యంగా వ్యవహరిస్తున్నారనే విమర్శలు వ్యక్తమవుతున్నాయి.

మెట్‌పల్లిలో యానిమల్‌ బర్త్‌ కంట్రోల్‌ సెంటర్‌ మూసివేత విపరీతంగా పెరుగుతున్న వీధి కుక్కలు బయటకు వచ్చేందుకు భయపడుతున్న ప్రజలు