ఒక్క నిమిషమే కదా అనుకుంటే..? ఆ లెక్కలు చూస్తే కళ్లు బైర్లు కమ్మాల్సిందే!

సాక్షి సెంట్రల్‌ డెస్క్‌: ఒక్క నిమిషం.. ఇందులో ఏముంది. సింపుల్‌గా గడిచిపోతుంది. ఒక పాట వినాలన్నా, చూడాలన్నా నాలుగైదు నిమిషాలు పడుతుంది  అంటారా? కానీ ఒక్క నిమిషంలో డిజిటల్‌ ప్రపంచంలో ఏం జరుగుతుందో తెలుసా.. ఆ లెక్కలు చూస్తే కళ్లు బైర్లుకమ్మడం ఖాయం. ఆన్‌లైన్‌ సేవల సంస్థ డొమో దీనిపై పరిశీలన జరిపి నివేదిక రూపొందించింది. మరి ఒక్క నిమిషంలో ఏమేం జరుగుతోందో చూద్దామా..

డేటా లెక్క.. నోరు తిరగనంత!
♦స్టాటిస్టా సంస్థ లెక్కల ప్రకారం.. ప్రపంచంలోని అన్ని దేశాలు కలిపి ఈ ఏడాది ఏప్రిల్‌ నాటికి ఇంటర్నెట్‌ అందుబాటులో ఉన్న జనాభా సంఖ్య 500 కోట్లు దాటింది. 

♦మొత్తం భూమ్మీద ఉన్న జనాభాలో ఇది 62 శాతం

♦ఇంటర్నెట్‌ అందుబాటులో ఉన్నవారిలో ఏకంగా 93 శాతం సోషల్‌ మీడియాను వినియోగిస్తున్నారు. 

♦2022లో ప్రపంచవ్యాప్తంగా మొత్తంగా సృష్టించిన, కాపీ చేసిన, వినియోగించిన డేటా లెక్కఎంతో తెలుసా.. 

♦97 జెట్టాబైట్లు.. అంటే లక్ష కోట్ల జీబీ (గిగాబైట్లు) డేటా అన్నమాట. సింపుల్‌గా చెప్పాలంటే 10,00,00,00, 00,000 జీబీలు.