TV
రోడ్డుపై ఆందోళన చేసిన గ్రామస్తులు
తాడికొండ: రాయపూడి సీడ్‌ యాక్సిస్‌ రోడ్డుపై ఆదివారం రాత్రి హైడ్రాలిక్‌ క్రేన్‌ కింద పడి దొండపాడు గ్రామానికి చెందిన కొండముది ఆనందరావు(35) మృతి చెందాడు. రాయపూడి నుంచి మందడం వైపు ద్విచక్ర వాహనంపై వెళుతుండగా ఎదురుగా వస్తున్న హైడ్రాలిక్‌ క్రేన్‌ వేగంగా వచ్చి ఢీ కొట్టింది. ఈ ప్రమాదంలో ద్విచక్ర వాహనంపై ప్రయాణిస్తున్న వ్యక్తి ఘటనా స్థలంలోనే దుర్మరణం పాలయ్యాడు. సమాచారం తెలుసుకున్న కుటుంబ సభ్యులు, గ్రామస్తులు ఘటనా స్థలానికి చేరుకొని బాధిత కుటుంబానికి న్యాయం చేయాలని ఆందోళన చేపట్టారు. పోలీసులు వచ్చి కుటుంబ సభ్యులకు నచ్చజెప్పి న్యాయం జరిగేలా చూస్తామని హామీ ఇవ్వడంతో ఆందోళన విరమించారు.
