స్మోక్‌ పాన్: 12 ఏళ్ల బాలిక దుస్థితి తెలిస్తే జన్మలో దాని జోలికెళ్లరు | Sakshi
Sakshi News home page

స్మోక్‌ పాన్: 12 ఏళ్ల బాలిక దుస్థితి తెలిస్తే జన్మలో దాని జోలికెళ్లరు

Published Tue, May 21 2024 4:32 PM

12-Year-Old Girl Develops Hole In Stomach After Consuming Smoke Paan At Wedding

 పెళ్లిల్లో  స్మోక్‌ పాన్‌  తిన్న  12 ఏళ్ల బాలిక

తీవ్ర అనారోగ్యం కడుపులో రంధ్రం, ఆపరేషన్‌

ఈ మధ్యంకాలంలో పెళ్లిళ్లు, పార్టీలలో ఎక్కడ చూసినా స్మోక్‌  పాన్‌, స్మోక్‌ చాకెట్ల సందడి కనిపిస్తోంది.  ముఖ్యంగా 'స్మోక్‌ పాన్' తిన్న తర్వాత నోట్లోంచి పొగలు రావడంపై  జనాలకు  బాగా క్రేజ్‌ పెరిగింది. వాస్తవానికి  ఈ స్మోక్‌ పాన్ ఒక రకమైన హానికరమైన రసాయన నైట్రోజన్ సహాయంతో తయారు చేస్తారు. అందుకే నైట్రోజన్‌ పాన్‌అని కూడా అంటారు. తాజాగా ఇలాంటి   స్మోకీ పాన్ తిని ప్రాణాలకు మీదకి తెచ్చుకున్న ఉదంతం కలకలం రూపింది.

టైమ్స్ ఆఫ్ ఇండియా నివేదిక ప్రకారం భారతదేశంలోని బెంగళూరు నగరానికి చెందిన 12 ఏళ్ల బాలిక లిక్విడ్ నైట్రోజన్‌తో కూడిన 'స్మోకీ పాన్'ని  తిని తీవ్ర అనారోగ్యానికి గురై  ఆసుపత్రిలో చేరింది. పెర్ఫోరేటెడ్ పెరిటోనిటిస్  (కడుపులో రంధ్రం) వ్యాధి బారిన బాలిక పడినట్లు  పరీక్షల్లో తేలింది. దీంతో వైద్యులు శస్త్రచికిత్స  చేయాల్సి వచ్చింది. ఆరు రోజుల తర్వాత చికిత్స తరువాత ఇంటికి చేరింది.

స్మోక్‌ పాన్‌ ప్రమాదమా?
నైట్రోజన్ అనే వాయువును లిక్విడ్‌ రూపం  20 డిగ్రీల సెల్సియస్ ఉష్ణోగ్రత వద్ద నిల్వ చేయబడుతుంది. ఈ ద్రవ నత్రజని వేగంగా ఆవిరై, పొగలు వస్తాయి.  ఇది చూడ్డానికి ఆకర్షణీయంగా కనిపించినా ఆరోగ్యానికి హానికరమని వైద్యనిపుణులు హెచ్చరిస్తున్నారు. ఆవిరిని పీల్చడం వల్ల శ్వాస తీసు కోవడంలో ఇబ్బందులు తలెత్తుతాయంటున్నారు. ప్యాక్ చేసిన ఆహారం నాణ్యత, షెల్ఫ్ జీవితాన్ని పెంచడానికి  ద్రవ నైట్రోజన్‌ను వాడతారు. 
 

Advertisement
 
Advertisement
 
Advertisement