ఏసీ టెక్నీషియన్‌ పాడుపని.. నమ్మించి యువతిని హోటల్‌కు తీసుకెళ్లి..

కాకినాడ క్రైం: తన కుమార్తెపై లైంగికదాడి జరిగిందంటూ ఓ వ్యక్తి పోలీసులకు ఫిర్యాదు చేశారు. స్థానిక టూ టౌన్‌ పోలీసుల కథనం ప్రకారం.. తన కుమార్తెపై ఇంటి ఎదురుగా ఏసీ దుకాణంలో టెక్నీషియన్‌గా పనిచేస్తున్న పిఠాపురానికి చెందిన శేఖర్‌ అత్యాచారం చేశాడని కాకినాడ మిలటరీ రోడ్‌కు చెందిన ఓ వ్యక్తి ఫిర్యాదు ఇచ్చారు.
చదవండి: స్వీట్‌గా మాట్లాడి ​క్లోజ్‌ అవుతారు.. కలవాలని ఉందని చెప్పి..

మీ నాన్న తీసుకు రమ్మన్నారంటూ నమ్మబలికి ఈ నెల 23న సాయంత్రం కాకినాడలోని ఓ హోటల్‌కు తీసుకెళ్లి అత్యాచారం చేశాడని పేర్కొన్నారు. సాయంత్రం ఇంటికి వచ్చిన తన కుమార్తె జరిగిన విషయాన్ని తెలిపిందన్నాడు. బాలిక తండ్రి ఫిర్యాదుతో పోలీసులు కేసు నమోదు చేశారు. విచారణలో వెలుగుచూసే వాస్తవాల ఆధారంగా చర్యలు చేపడతామని సీఐ రామచంద్రరావు వివరించారు.