Tata 407 CNG: మార్కెట్‌లో టాటా కమర్షియల్‌ వెహికల్‌, ధర ఎంతంటే?

Tata 407 Cng Commercial Vehicle Launched In India - Sakshi

హైదరాబాద్, బిజినెస్‌ బ్యూరో: వాహన తయారీ సంస్థ టాటా మోటార్స్‌.. తేలికపాటి వాణిజ్య వాహనం టాటా 407 సీఎన్‌జీ వర్షన్‌ను విడుదల చేసింది. ధర పుణే ఎక్స్‌షోరూంలో రూ.12.07 లక్షలు. డీజిల్‌ వేరియంట్‌తో పోలిస్తే ఇది 35 శాతం వరకు అధిక లాభాలను అందిస్తుందని కంపెనీ తెలిపింది.

డీజిల్‌ ధర పెరుగుతున్న నేపథ్యంలో సీఎన్‌జీ శ్రేణిని విస్తరిస్తున్నట్టు వివరించింది. 35 ఏళ్లలో టాటా 407 మోడల్‌ వాహనాలు ఇప్పటి వరకు 12 లక్షల పైచిలుకు యూనిట్లు రోడ్డెక్కాయి. ఈ విభాగంలో అత్యధిక అమ్మకాలు సాధించిన మోడల్‌ ఇదేనని టాటా మో టార్స్‌ వెల్లడించింది.

3.8 లీటర్‌ సీఎన్‌జీ ఇంజన్, 85 పీఎస్‌ పవర్, 285 ఎన్‌ఎం టార్క్, 10 అడుగుల లోడ్‌ డెక్, 180 లీటర్ల ఇంధన ట్యాంక్‌ కలిగి ఉంది. గరిష్టంగా మోయగలిగే సరుకుతో కలిపి మొత్తం వాహన బరువు 4,995 కిలోలు.    

Read latest Business News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top