TV
ముంబై: పేటీఎం పేమెంట్స్‌ బ్యాంక్‌ తన వ్యాలెట్‌ యూజర్లకు మంచి సదుపాయాన్ని తీసుకొచ్చింది. వ్యాలెట్‌ నుంచి క్యూఆర్‌ కోడ్‌ సాయంతో ఏ మర్చంట్‌కైనా చెల్లింపులు చేసుకోవచ్చని ప్రకటించింది. అలాగే, ఆన్‌లైన్‌లోనూ యూపీఐ చెల్లింపులను అనుమతించే చోట పేటీఎం వ్యాలెట్‌ నుంచి చెల్లింపులు చేసుకోవచ్చని తెలిపింది.
కేవైసీ పూర్తి చేసిన వ్యాలెట్‌ యూజర్లకే ఈ సదుపాయం ఉంటుందని స్పష్టం చేసింది. పేటీఎం పేమెంట్స్‌ బ్యాంక్‌కు 10 కోట్ల వ్యాలెట్‌ కస్టమర్లు ఉన్నారు. వివిధ సంస్థల వ్యాలెట్ల మధ్య ఇంటర్‌ ఆపరేబులిటీకి ఎన్‌పీసీఐ అవకాశం కల్పించడంతో పేటీఎం పేమెంట్స్‌ బ్యాంక్‌ ఈ సదుపాయాన్ని తీసుకొచ్చింది.
