Google Pixel 7 And Pixel 7 Pro India Launch Confirmed, Check Special Features - Sakshi
Sakshi News home page

గూగుల్  పిక్సెల్ ‌7, పిక్సెల్ 7 ప్రొ కమింగ్‌ సూన్‌

Published Thu, Sep 22 2022 3:09 PM

Google Pixel 7 Pixel 7 Pro confirmed to launch in India - Sakshi

సాక్షి,ముంబై: టెక్ దిగ్గజం గూగుల్‌ పిక్సెల్‌ సిరీస్‌లో ప్రపంచవ్యాప్తంగా కొత్త ఫోన్లను లాంచ్‌ చేయనుంది. గూగుల్ పిక్సెల్ 7, పిక్సెల్ 7 ప్రొ తోపాటు  పిక్సెల్ వాచ్‌ను కూడా తీసు కొస్తోంది.  అక్టోబర్ 6న  ‘మేడ్ బై గూగుల్’ పేరుతో నిర్వహించే గ్లోబల్‌ స్పెషల్‌ ఈవెంట్‌లో వీటిని లాంచ్‌ చేయనుంది. ఆన్‌లైన్ రిటైల్ భాగస్వామిని ఫ్లిప్‌కార్ట్‌లో పిక్సెల్ 7, పిక్సెల్ 7 ప్రో అందుబాటులో ఉంటాయి.

గూగుల్ పిక్సెల్ 7 సిరీస్ భారతదేశంలో కూడా అందుబాటులో ఉంటుందని  గూగుల్‌ ధృవీకరించింది. మీ వెయిటింగ్‌ ముగిసింది! పిక్సెల్ 7, పిక్సెల్ 7 ప్రొ త్వరలో భారత్‌లోకి రానున్నాయి. మరిన్ని విషయాల కోసం చూస్తూనే ఉండండి అంటూ గూగుల్ ఇండియా  ట్వీట్ చేసింది. స్నీక్‌పీక్‌ అంటూ ఒక వీడియోను షేర్‌ చేసింది.

పిక్సెల్ 7, పిక్సెల్ 7 ప్రొ ఫిచర్ల విషయానికి వస్తే...6.3 అంగుళాల డిస్‌ప్లే, టెన్సర్ G2 చిప్‌సెట్‌,  5,000 mAh బ్యాటరీ, 33 వాట్స్‌ ఫాస్ట్ ఛార్జ్‌, ట్రిపుల్ కెమెరా సెటప్‌ ప్రధాన ఫీచర్లుగా ఉంటాయని అంచనా. పిక్సెల్ 7 అబ్సిడియన్ (నలుపు),వైట్‌, లెమన్‌గ్రాస్ (పసుపు) కలర్స్‌లో రానున్నాయి  పిక్సెల్ 7  ప్రొ అబ్సిడియన్  బ్లాక్‌, వైట్‌,   హాజెల్ (ఆకుపచ్చ) రంగులలో అందుబాటులో ఉంటుంది.

Advertisement
 
Advertisement
 
Advertisement