TV
● తల్లి మృతితో కుమారుడి బలవన్మరణం
ఖమ్మంక్రైం: తల్లి మృతి చెందిందనే మనస్థాపంతో ఓ యువకుడు బలవన్మరణానికి పాల్పడ్డాడు. ఖమ్మం రమణగుట్ట ప్రాంతానికి చెందిన పెంట సాయి(23) తల్లి రెండేళ్ల క్రితం అనారోగ్యంతో మృతి చెందింది. అప్పటినుంచి సాయి నిత్యం బాధపడుతుండేవాడు. ఈక్రమాన శుక్రవారం రాత్రి కుటుంబీకులతో భోజనం చేసి, అందరూ నిద్రించాక ఇంటి ముందు గదిలో రాడ్డుకు చున్నీతో ఉరి వేసుకున్నాడు. శనివారం ఉదయం గుర్తించిన కుటుంబ సభ్యులు ఆయనను ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. ఘటనపై సాయి తండ్రి పుల్లయ్య ఫిర్యాదుతో కేసు నమోదు చేసినట్లు ఖమ్మం టూటౌన్‌ సీఐ రామకృష్ణ తెలిపారు.
