ఏపీలో ద్రవ్యోల్బణం టాప్‌

సాక్షి, అమరావతి: ఏపీలో 5 నెలలుగా నిత్యావ­సర ధరలు మండిపోతున్నాయి. ఈ ఏడాది జన­వరి నుంచి మే వరకు రాష్ట్రంలో ద్రవ్యోల్బణం విపరీతంగా పెరిగినట్లు ఎస్‌బీఐ రీసెర్చ్‌ నివేదిక వెల్లడించింది. కేంద్ర గణాంకాల ఆధారంగా ఎస్‌బీఐ తాజాగా రీసెర్చ్‌ నివేదికను విడుదల చేసింది. జనవరి నుంచి మే మధ్య దేశంలో 2 శాతం కన్నా అత్యధిక ద్రవ్యోల్బణం గల రాష్ట్రాల్లో ఏపీ(2.08 శాతం) టాప్‌లో ఉందని పేర్కొంది. 

ఆ తర్వాతి స్థానాల్లో అస్సోం, ఒడిశా రాష్ట్రాలున్నాయని తెలిపింది. జనవరి నుంచి మే మధ్య ప్రతి నెలా జాతీయ స్థాయిని మించి రాష్ట్రంలో ద్రవ్యోల్బణం నమోదైనట్లు స్పష్టం చేసింది. రాష్ట్రంలో పట్టణాల్లో కంటే గ్రామీణ ప్రాంతాల్లో ఎక్కువ ద్రవ్యోల్బణం ఉంది. చంద్ర­బాబు ప్రభుత్వం ఎలాంటి చర్యలు తీసుకోకుండా మిన్నకుండిపోవడంతో రాష్ట్రంలో బియ్యం నుంచి నిత్యావసర ధరలు ఆకాశాన్నంటాయి. దీంతో ప్రజలు అధిక ధరల భారంతో ఇబ్బందులు పడుతున్నారు.