టీడీపీ నేతల కనుసన్నల్లోనే ఇసుక అక్రమ రవాణా

పోలీసులతో ఫోనులో మాట్లాడుతున్న ఎమ్మెల్యే

తిరువూరు: ఆంధ్ర నుంచి తెలంగాణకు టీడీపీ నేతల కనుసన్నల్లోనే ఇసుక అక్రమంగా తరలిపో­తోందని ఎన్టీఆర్ ‌ జిల్లా తిరువూరు టీడీపీ ఎమ్మెల్యే కొలికపూడి శ్రీనివాసరావు ధ్వజమెత్తారు. ఇసుక అక్రమ రవాణాతో టీడీపీ నేతలు అక్రమార్జనకు పా­ల్పడుతున్నారని విమర్శించారు. శుక్రవారం అర్ధరాత్రి తిరువూరు మండలంలోని పెద్దవరం వద్ద తెలంగాణ సరిహద్దుల్లో ఎంపీ కేశి­నేని చిన్ని అనుచ­రులు ఇసుక అక్రమంగా నిల్వ చేసి అమ్ముతున్నా­రని సమాచారం అందుకున్న ఎమ్మెల్యే కొలికపూడి, ఆ గ్రామం వెళ్లి డంపింగ్‌ చేసిన ఇసుకను పరిశీలించారు.

ఒకే వ్యక్తి పేరుతో ఇసుక నమోదు చేసి తెలంగాణకు తరలిస్తున్నారని, ఈ అక్రమ రవాణాను పోలీసులు ఎందుకు అడ్డుకోలేకపోతున్నారని ఏసీపీ ప్రసాదరావుపై ఫోనులోనే విరుచుకుపడ్డారు. ఇటీవ­ల తిరువూరులో ఘర్షణకు పాల్పడిన గంజాయి బ్యా­చ్‌ ఆధ్వర్యంలోనే ఇసుక అక్రమాలు జరుగుతున్నాయని, పోలీసులు నేరాల అదుపులో ఎందుకు ఉ­దాసీనంగా వ్యవహరిస్తున్నా­రని ఎమ్మెల్యే మండి­పడ్డారు. సీసీ కెమెరా­లు ఏర్పాటు చేసి పటిష్ట ని­ఘా ఉంచామని, నేరాలు అదుపు చేస్తామ­ని చెబుతు­న్న పోలీసులు అవసరమైన చోట సీసీ కెమెరా­లు లేకుండా జాగ్రత్త పడుతున్నారని ఎద్దేవా చేశారు.