TV
ఏఎన్‌యూ: లండన్‌కు చెందిన టైమ్స్‌ హయ్యర్‌ ఎడ్యుకేషన్‌ సంస్థ 2022వ సంవత్సరానికి సబ్జెక్ట్‌ వారీగా ర్యాంకులు ప్రకటించింది. వీటిలో ఫిజికల్‌ సైన్సెస్‌ కేటగిరీలో ఆచార్య నాగార్జున యూనివర్సిటీ (ఏఎన్‌యూ) అంతర్జాతీయ స్థాయిలో 1001+ కేటగిరీలో స్థానాన్ని, జాతీయ స్థాయిలో 37వ, రాష్ట్ర స్థాయిలో 2వ ర్యాంకును పొందింది. వర్సిటీలో విద్య, బోధన, పరిశోధనా పత్రాలు, సైటేషన్స్, ఇన్నోవేషన్స్‌ తదితర అంశాల ప్రామాణికంగా టైమ్స్‌ హయ్యర్‌ ఎడ్యుకేషన్‌ సంస్థ ఈ ర్యాంకులను కేటాయించింది. ఇందులో స్థానం సాధించడంపై వీసీ ఆచార్య రాజశేఖర్, రెక్టార్‌ ఆచార్య వరప్రసాదమూర్తి, రిజిస్ట్రార్‌ డాక్టర్‌ కరుణ, ఆన్‌లైన్‌ ర్యాంకుల కోఆరి్డనేటర్‌ డాక్టర్‌ నాగకిషోర్‌ హర్షం వ్యక్తం చేశారు.
