కొత్త కారు కొనడానికి కావలసినంత డబ్బు లేనప్పుడు, చాలామంది సెకండ్ హ్యాండ్ కారు లేదా యూస్డ్ కార్లను కొంటుంటారు. అయితే ఇలా కొనుగోలు చేసేటప్పుడు తప్పకుండా కొన్ని జాగ్రత్తలు తీసుకోవాల్సి ఉంటుంది. ఈ కథనంలో ఆ వివరాలను తెలుసుకుందాం.డాక్యుమెంట్లు చెక్ చేయాలిమీరు కొంటున్న కారుకు సరైన డాక్యుమెంట్స్ ఉన్నాయా?, లేదా?.. అని చెక్ చేసుకోవాలి. ఇన్సూరెన్స్ చెల్లుబాటు అవుతోందా?, క్లెయిమ్స్ ఉన్నాయా కూడా చెక్ చేసుకోవాలి. పొల్యూషన్ సర్టిఫికెట్ తనిఖీ చేయాలి. ఒకవేల లోన్ ఉంటే.. బ్యాంక్ నో అబ్జక్షన్ సర్టిఫికెట్ (NOC) తీసుకోవాలి. డాక్యుమెంట్స్ సరిగ్గా లేకుంటే.. అనుకోని సమస్యల్లో చిక్కుకోవాల్సి ఉంటుంది.మీరు కొంటున్న కారు సెకండ్ హ్యాండ్ కారా? లేక ఎంతమంది చేతులు మారిందనే విషయం కూడా తెలుసుకోవాలి. ఒక ఓనర్ మాత్రమే కారును ఉపయోగించి ఉంటే.. అది మంచి కండిషన్లో ఉంటుంది. ఎక్కువమంది చేతులు మారి ఉంటే.. కారులో లెక్కలేనన్ని సమస్యలు తలెత్తుతాయి. దీనికోసం మీరు ఎక్కువ డబ్బు ఖర్చు చేయాల్సి ఉంటుంది.కారు కండీషన్మీరు కొంటున్న కారు ఎలాంటి స్థితిలో ఉందనే విషయం గమనించాలి. స్క్రాచులు, డెంట్స్ ఏమైనా ఉన్నాయా?, పెయింట్ ఒకేలా ఉందా? అనేది పరిగణలోకి తీసుకోవాలి. టైర్లు ఎలాంటి కండిషన్లో ఉన్నాయనేది చూడాలి. ప్రమాదాలకు గురైన కార్లకు చిన్న చిన్న మరమ్మత్తులు చేసి.. మార్కెట్లో అమ్మే అవకాశం ఉంటుంది. కాబట్టి దీనిని తప్పకుండా గమనించాలి.ఇంజిన్ స్థితికారుకు గుండె వంటి ఇంజిన్ పరిస్థితి ఎలా ఉందనేది చూడాల్సి ఉంటుంది. ఇంజిన్ శబ్దం స్మూత్‌గా ఉందా?, స్టార్ట్ చేయగానే ఎక్కువ శబ్దం లేదా పొగ వస్తుందా?, గేర్ షిఫ్టింగ్ సరిగ్గా ఉందా? అని పరిశీలించాలి. మీకు ఈ విషయాలను చెక్ చేయడంలో అనుభవం లేకపోతే.. నమ్మకమైన మెకానిక్‌తో చెక్ చేయించడం మంచిది.టెస్ట్ డ్రైవ్ & ఓడోమీటర్ రీడింగ్కారు కొనడానికి ముందు టెస్ట్ డ్రైవ్ తప్పనిసరి. టెస్ట్ డ్రైవ్ చేస్తున్న సమయంలో.. బ్రేకులు బాగా పని చేస్తున్నాయా?, స్టీరింగ్ వీల్ షేక్ అవుతోందా?, సస్పెన్షన్ శబ్దం ఉందా? అనేవి గమనించాలి. పరిశీలించాల్సిన మరో విషయం ఏమిటంటే.. ఓడోమీటర్ చెక్ చేసుకోవాలి. తక్కువ కిలోమీటర్లు ప్రయాణించినట్లు చూపిస్తుంటే.. తప్పకుండా అనుమానించాల్సిందే. అలాంటప్పుడు సర్వీస్ రికార్డ్స్‌తో పోల్చుకోవాలి.ధర & ట్రాన్స్‌ఫర్ ప్రక్రియసెకండ్ హ్యాండ్ కారు ధర మార్కెట్లో ఎలా ఉందో తెలుసుకోవాలి. ఒకవేల చాలా తక్కువ ధరకు విక్రయిస్తుంటే.. కారణం కనుక్కోవాల్సిందే. ట్రాన్స్‌ఫర్ ప్రక్రియ కూడా పూర్తి చేసుకోవాలి. రిజిస్ట్రేషన్ సర్టిఫికెట్ (RC) తప్పకుండా మీ పేరు మీదకు చేయించుకోవాలి. ఫారమ్ 29, 30 సరిగ్గా సబ్మిట్ చేయాలి.ఛలాన్స్మీరు కొంటున్న కారుపై ఏమైనా పెండింగ్ ఛలాన్స్ ఉన్నాయా?, దొంగతనం కేసులు వంటివి ఉన్నాయా? కూడా చెక్ చేసుకోవాలి. ఇలాంటి చెక్ చేసుకోకపోతే.. ఆ భారం మీ మీద పడుతుంది. అనుకోని సమస్యలను ఎదుర్కోవాలి ఉంటుంది.డీలర్ vs డైరెక్ట్ ఓనర్కొత్త కారును డీలర్ దగ్గర నుంచి కొనుగోలు చేస్తారు. అయితే యూస్డ్ కారును నేరుగా ఓనర్ దగ్గర నుంచి కొనుగోలు చేయడం మంచిది. మధ్యవర్తులను ఆశ్రయించకపోవడం మంచిది. ఒకవేల డీలర్ దగ్గర నుంచి కొనుగోలు చేయాలనుకుంటే.. నమ్మకమైన డీలర్ నుంచి కొనుగోలోను చేయడం మంచిది.

ఐదేళ్ల కిందట దేశంలో ఎలక్ట్రిక్‌ వాహనాలు పెద్దగా లేనేలేవు. మొత్తం వాహనాల్లో ఎలక్ట్రిక్‌ వాటా నిండా ఒక శాతం కూడా లేదు. మరి ఇప్పుడో..? దాదాపుగా మూడున్నర శాతానికి చేరుకుంది. ఇదేమీ మామూలు పెరుగుదల కాదు. మరెలా సాధ్యమైంది? ఎలాగంటే అప్పట్లో ఛార్జింగ్‌ సదుపాయాలు తక్కువ. ధరలు ఎక్కువ. పైపెచ్చు మోడళ్లూ తక్కువే. దాంతో కొనేవారు వెనకడుగు వేసేవారు. ఇపుడు ఛార్జింగ్‌ సదుపాయాలు పెరిగాయి. ప్రతి అపార్ట్‌మెంట్‌ కాంప్లెక్స్‌లలోనూ వస్తున్నాయి. దాదాపు అన్ని కంపెనీలూ ఈ రంగంలోకి వచ్చి రకరకాల మోడళ్లు తెస్తున్నాయి. వీటికి తోడు ధరలూ తగ్గాయి. అందుకే ఇపుడు జనం ఆలోచనలు మారుతున్నాయి. సరే! ఇదంతా ఒకెత్తయితే... ఆర్థికంగా మనకు ఏదైతే లాభం? ఈ ప్రశ్నకు చాలామంది సమాధానం వెతుకుతూనే ఉన్నారు. వారికోసమే ఈ కథనం...పెట్రోల్, డీజిల్‌ కార్లతో పోలిస్తే ఎలక్ట్రిక్‌ కార్ల ధరలు కొంచెం ఎక్కువ. కానీ నిర్వహణ వ్యయాన్ని లెక్కలోకి తీసుకుంటే ఎలక్ట్రిక్‌ కారు నిర్వహణ వ్యయమే తక్కువ. మరి మొత్తంగా చూసినపుడు ఏది బెటర్‌? ఇలా చూసినపుడు స్మార్ట్‌గా సేవ్‌ చేసుకోవటానికి సెకండ్‌ హ్యాండ్‌ (ప్రీఓన్డ్‌/ అప్పటికే మరొకరు వినియోగించిన) ఎలక్ట్రిక్‌ కారు కొనటం మంచిదంటున్నారు నిపుణులు. కొత్త పెట్రోల్‌ కారు కొనే బదులు ప్రీ ఓన్డ్‌ ఎలక్ట్రిక్‌ కారును ఇంటికి తెచ్చుకోవటమనేది స్మార్ట్‌ మార్గమని సలహా ఇస్తున్నారు. ఎలక్ట్రిక్‌ కారే చౌక.. అదెలా?కొత్త వాటి ధరలు అధికంగా ఉంటుండడంతో.. హైదరాబాద్, విజయవాడ, వైజాగ్‌ తదితర పట్టణాల్లో ప్రీ ఓన్డ్‌ ఎలక్ట్రిక్‌ కార్లకు ఇటీవల డిమాండ్‌ బాగా పెరిగింది. ఇందులో ఉన్న ఆదా సూత్రం చాలా మందికి నచ్చుతోంది. ఎందుకంటే పెట్రోల్‌ కార్లతో పోల్చినపుడు ఎలక్ట్రిక్‌ కార్ల విలువ వేగంగా తగ్గిపోతోంది. 2020లో రూ.12 లక్షలు పలికిన ఈవీ ధర.. ఇప్పుడు రూ.5.5 నుంచి 6.5 లక్షలకే దొరుకుతోంది. అందుబాటు ధరలకే.. ఎలక్ట్రిక్‌ కార్ల మార్కెట్‌ ఎప్పటికప్పుడు మారిపోతోంది. కొత్త కొత్త ఫీచర్లు తరచూ యాడ్‌ అవుతూనే ఉన్నాయి. పైపెచ్చు కంపెనీలు అత్యాధునిక సదుపాయాలతో మోడళ్లను అప్‌గ్రేడ్‌ చేస్తున్నాయి. దీంతో అప్‌గ్రేడెడ్‌ వెర్షన్‌ను కొనుక్కోవటానికి సంపన్నులు మొగ్గు చూపిస్తున్నారు. ఫలితంగా 3– 4 ఏళ్లు తిరక్కుండానే తమ పాత వాహనాన్ని సెకండ్‌ హ్యాండ్‌ మార్కెట్లో విక్రయానికి పెడుతున్నారు. ఈ ధోరణే ఇప్పుడు మధ్య తరగతి వాసులకు కలిసి వస్తోంది. సెకండ్‌ హ్యాండ్‌లో పెట్రోలు కారు కొని అధిక నిర్వహణ వ్యయాన్ని భరించే బదులు... తక్కువ ధరకే ఈ ఎలక్ట్రిక్‌ వాహనాన్ని కొని తక్కువ నిర్వహణ వ్యయంతో ముందుకెళుతున్నారు. నిర్వహణ వ్యయం కలిసొచ్చేదిలా... → పెట్రోలు కారు లీటర్‌కు 15 కిలోమీటర్లు మైలేజీ ఇస్తోందనుకుందాం. దాన్లో నెలకు 1,000 కిలోమీటర్లు ప్రయాణిస్తే దాదాపుగా రూ.6,500 నుంచి రూ.7000 ఖర్చవుతుంది. → నెలకు ఇంతే దూరం కోసం ఎలక్ట్రిక్‌ కారులో గనక తిరిగితే.. ఒక కిలోమీటర్‌కు రూ.1.5 చొప్పున ఎలక్ట్రిక్‌ చార్జింగ్‌ కోసం రూ.1,500–2,000 వెచి్చస్తే సరిపోతుంది. → ఈ ఉదాహరణలో ఎలక్ట్రిక్‌ కారును వినియోగించడం వల్ల నెలవారీ రూ.5,000 వరకు ఆదా అవుతుంది. → ఎలక్ట్రిక్‌ కారులో ఇంజన్‌ ఆయిల్‌ మార్చుకోవాల్సిన అవసరం ఉండదు. క్లచ్‌/గేర్‌ బాక్స్‌లు ఉండవు. కనుక ఎలక్ట్రిక్‌ కారుకు సర్వీసింగ్‌ కోసం ఏడాదిలో రూ.2,000–5,000 సరిపోతుంది. → పెట్రోల్‌ కారులో ఇంజన్‌ ఆయిల్, సర్వీసింగ్‌ కోసం ఏటా రూ.12,000 వరకు ఖర్చు చేయాల్సి వస్తుంది. ‘బ్యాటరీ’పై ఆందోళన ఎందుకు? ఎలక్ట్రిక్‌ కారుకు బ్యాటరీయే హృదయం. కొంత కాలానికి బ్యాటరీ పనితీరు పడిపోతుందని, అగ్ని ప్రమాదాల రిస్క్‌ ఉంటుందని కొందరు భయపడుతుంటారు. కానీ, ఇపుడు కంపెనీలు ఏమాత్రం రాజీ పడకుండా మెరుగైన టెక్నాలజీతో మంచి బ్యాటరీలు తెస్తున్నాయి. పైపెచ్చు కార్ల కంపెనీలు బ్యాటరీలపై ఎనిమిదేళ్ల వారంటీని లేదంటే 1,60,000 కిలోమీటర్ల వినియోగానికి వారంటీని ఆఫర్‌ చేస్తున్నాయి. పైగా నాలుగేళ్ల వినియోగం తర్వాత ఎలక్ట్రిక్‌ కారు బ్యాటరీ పనితీరు అందరూ అనుకునేట్టు 40–50 శాతం పడిపోవడం అన్నది నిజం కాదు. 8–12 శాతమే తగ్గుతున్నట్టు యూజర్‌ డేటా ఆధారంగా తెలుస్తోంది.దీన్నిబట్టి చూసినపుడు మూడేళ్లు వాడిన కారును కొనుక్కున్నా మరో మూడు నాలుగేళ్లు అదే బ్యాటరీని నిరభ్యంతరంగా వాడుకోవచ్చు. ఒకవేళ బ్యాటరీ మార్చాల్సి వస్తే.. అది కారును బట్టి రూ.2 లక్షల నుంచి రూ.7 లక్షల వరకూ ఉంటోంది. ఐదేళ్లలో మిగిలేది బ్యాటరీకి పెట్టొచ్చు... ప్రీఓన్డ్‌ ఈవీ వర్సెస్‌ పెట్రోల్‌ కారు → నెలవారీ వినియోగం 1,000 కిలోమీటర్లు → పెట్రోల్‌ కారుకు నెలకు ఇంధనం కోసం రూ.7,000 చొప్పున ఐదేళ్లలో రూ.4.2 లక్షలు అవుతుంది. → అదే ఎలక్ట్రిక్‌ కారుకు నెలకు రూ.2,000 చొప్పున రూ.లక్ష చాలు. → పెట్రోల్‌ కారుకు ఏటా రూ.12వేల చొప్పున ఐదేళ్లలో రూ.60వేలు మెయింటెనెన్స్‌ అవుతుంది. → ఎలక్ట్రిక్‌ కారుకు రూ.2–5 వేల చొప్పున రూ.10–25వేలు సరిపోతుంది. → ఈ రకంగా చూస్తే ఎలక్ట్రిక్‌ కారుపై ఐదేళ్లలో రూ.3 – 4 లక్షలు మిగులుతుంది. → బ్యాటరీ రీప్లేస్‌ చేయాల్సిన సమయం వచ్చేసరికి బ్యాటరీ ఖర్చు కన్నా మనకు మిగిలేదే ఎక్కువనేది నిపుణుల మాట. ఎవరికి ఏది అనుకూలం? ప్రీఓన్డ్‌ ఈవీ: → పట్టణాల్లో రోజువారీ కార్యాలయానికి వెళ్లి వచ్చేందుకు అయితే ఈవీ అనుకూలం. → ఒక రోజులో 80 కిలోమీటర్ల లోపు ప్రయాణించే వారు దీనికి మొగ్గు చూపొచ్చు. నెలలో కనీసం 700 కిలోమీటర్లు, అంతకుమించి ప్రయాణించే వారికే ఈవీ లాభసాటి. → రూ.5– 8 లక్షలే పెట్టుబడి పెట్టగలిగే వారు, ఇంట్లో చార్జింగ్‌ వసతులు కలిగిన వారు ఇటు వైపు మొగ్గు చూపించొచ్చు. పెట్రోల్‌ కారు: → హైవేలపై ఎక్కువగా ప్రయాణించే వారు లేదా గ్రామీణ/మారుమూల ప్రాంతాలకు ప్రయాణాలు ఎక్కువగా పెట్టుకునే వారికి ఎలక్ట్రిక్‌ కారు కంటే పెట్రోల్‌ కారు అనుకూలం. ఎలక్ట్రిక్‌ కారుకు ఒకసారి చార్జింగ్‌ చేశాక... మైలేజ్‌ పరంగా పరిమితులను దృష్టిలో పెట్టుకోవాలి. → ఇంట్లో చార్జింగ్‌ సదుపాయం లేని వారికి సైతం పెట్రోల్‌ కారుతోనే సౌలభ్యమని చెప్పాలి. → నెలలో 500 కిలోమీటర్లకు మించి ప్రయాణం చేయని వారికి పెట్రోల్‌పై, కారు నిర్వహణపై పెద్దగా వ్యయం చేయాల్సిన అవసరం ఏర్పడదు. వినియోగం తక్కువే కనుక ఏటా విలువ గణనీయంగా తగ్గిపోయే ఎలక్ట్రిక్‌ కారు కంటే పెట్రోల్‌ కారే వీరికి అనుకూలం.

సోమవారం సాయంత్రం ఢిల్లీలోని ఎర్రకోట సమీపంలో జరిగిన భారీ పేలుడులో తొమ్మిది మంది మరణించగా, 20 మంది గాయపడ్డారు. ఈ నేపథ్యంలో ఢిల్లీలో హై అలర్ట్ ప్రకటించారు. ఈ పేలుడుకు ఉపయోగించిన కారు 'హ్యుందాయ్ ఐ20' అని తేలింది. దీనిని మొదట ఉపయోగించిన వ్యక్తి/ఓనర్ రిజిస్ట్రేషన్ బదిలీ చేయకుండా ఒకరికి విక్రయిస్తే.. వాళ్లు ఇంకొకరికి విక్రయించడంతో.. అలా, అలా చాలా రాష్ట్రాలు తిరిగింది. ఈ ఘటన సెకండ్ హ్యాండ్ మార్కెట్లో ఒకింత భయాన్ని కలిగించింది.పేలుడు సంభవించిన హ్యుందాయ్ ఐ20 రిజిస్ట్రేషన్ బదిలీ చేయలేదు కాబట్టి.. ఆ కారు మొదటి ఓనర్ పేరు మీదనే ఉంది. ఇది ఆ యజమానిని ఇబ్బందుల్లోకి నెడుతుంది. కాబట్టి సెకండ్ హ్యాండ్ వాహనాలను విక్రయించేటప్పుడు యజమాని ఎలాంటి జాగ్రత్తలు తీసుకోవాలో ఇక్కడ తెలుసుకుందాం..సెకండ్ హ్యాండ్ కారును విక్రయించేటప్పుడు.. యాజమాన్య బదిలీ అత్యంత ముఖ్యమైన దశలలో ఒకటి. కానీ దీనినే నిర్లక్ష్యం చేస్తూ విస్మరిస్తుంటారు. ఎట్టి పరిస్థితుల్లో యజమాని ఆలా చేయకూడదు. ఎందుకంటే.. మీరు అమ్మేసిన కారు ఏదైనా ప్రమాదంలో చిక్కుకుంటే ఆ కేసు మీ మీద పడే అవకాశం ఉంయింది.వెహికల్ అమ్మేటప్పుడు తీసుకోవలసిన జాగ్రత్తలుఒక కారు లేదా బైక్‌ను విక్రయించాలనుకున్నప్పుడు.. దానికి సంబంధించిన డాక్యుమెంట్స్ అన్నీ సిద్ధంగా ఉంచుకోవాలి. ఇందులో ఆర్సీ, భీమా, పొల్యూషన్ సర్టిఫికేట్, సర్వీస్ హిస్టరీ, ట్యాక్స్ రసీదులు ఉంటాయి. వీటన్నింటినీ అందించడం మాత్రమే కాకుండా.. రిజిస్ట్రేషన్ కూడా బదిలీ చేయలి. లేకుంటే మీరు విక్రయించే వాహనాన్ని నేరపూరిత కార్యకలాపాలకు ఉపయోగిస్తే.. అది రిజిస్ట్రేషన్ ఎవరి పేరు మీద ఉంటుందో వారిమీద పడుతుంది.బీమాను కూడా బదిలీ చేయాల్సి ఉంటుంది. ఎందుకంటే మీరు ఎందుకున్న బీమా పాలసీ కాకుండా.. కొనుగోలుదారు ఇతర బీమా ఎంచుకోవచ్చు. కాబట్టి అప్పటికే వాహనం మీద ఉన్న బీమాను కారు కొనుగోలుదారు క్యాన్సిల్ చేసుకోవచ్చు. అంతే కాకుండా పెండింగ్‌లో ఉన్న ఏవైనా లోన్స్, చలాన్లు లేదా సర్వీస్ బకాయిలను చెల్లించండి.అధికారికంగా యాజమాన్యాన్ని బదిలీ చేయడానికి.. RTO వద్ద ఫారమ్‌లు 28, 29, 30లను సమర్పించండి. ఫారమ్ 28 నో అబ్జెక్షన్ మంజూరుకు సంబంధించినది. ఫారమ్ 29 & 30 యాజమాన్య బదిలీకి సంబంధించినవి. ఇవన్నీ పూర్తి చేయడం వల్ల వాహనం బాధ్యతలు కొనుగోలుదారుకు వెళ్తాయి.ఢిల్లీ బ్లాస్ట్‌లో హ్యుందాయ్ ఐ20నిజానికి.. ఢిల్లీ బ్లాస్ట్‌లో పేలిన హ్యుందాయ్ ఐ20 కారు రిజిస్ట్రేషన్ నంబర్ - HR26CE7674. 2013లో తయారైన ఈ కారును 2014లో గుర్గావ్ నివాసి అయిన 'సల్మాన్' కొనుగోలు చేశారు. ఆ తరువాత కొన్ని రోజులకు ఢిల్లీలోని ఓఖ్లాకు చెందిన దేవేంద్రకు విక్రయించారు. తరువాత, అది అంబాలాలోని ఒక వ్యక్తి చేతుల్లోకి వెళ్ళింది. ఆపైన జమ్మూ & కశ్మీర్‌లో పుల్వామా నివాసికి అమ్మినట్లు సమాచారం.ఆ కారు విక్రయం అంతటితో ఆగలేదు. ఆ తర్వాత దానిని సూసైడ్ బాంబర్‌గా అనుమానించబడిన డాక్టర్ ఉమర్ మొహమ్మద్‌కు అప్పగించారు. ఈ అమ్మకాల ప్రక్రియ కొనసాగినప్పటికీ, రిజిస్ట్రేషన్ కొత్త యజమానులకు బదిలీ కాలేదు. మొదటి ఓనర్ కాకుండా.. తరువాత కారును కొనుగోలుచేసినవారందరూ.. చట్టబద్ధమైన యజమానులు కానందున, సల్మాన్ ఇబ్బందుల్లో పడ్డాడు.ఇదీ చదవండి: విజయ్ మాల్యా సామ్రాజ్యం: దివాలా తీసిందిలా..

ఢిల్లీ వంటి మహా నగరాల్లో కాలుష్యం అధికమవడంతో పదిహేనేళ్లు దాటిన కార్లు, ట్యాక్సీలపై ఆంక్షలు విధిస్తున్నారు. ఈ తరుణంలో డీజిల్, పెట్రోల్‌ కార్ల అమ్మకాలు గణనీయంగా పెరిగాయి. వీటి విక్రయాలకు అక్కడ ప్రత్యేక మార్కెట్లు ఉంటాయి. కాగా, ఉమ్మడి వరంగల్‌ జిల్లాలోని పలువురు వ్యాపారులు తక్కువ ధరకు వాటిని అక్కడ కొనుగోలు చేసి సెకండ్‌ హ్యాండ్‌ కార్లంటూ విక్రయిస్తున్నారు. వరంగల్‌ నగరంలో రకరకాల పేర్లతో సుమారు 20 వరకు పాత కార్ల దుకాణాలు ఉన్నాయి. ఏటా సుమారు 1,500 నుంచి 2వేల లోపు కార్లు విక్రయాలు సాగుతున్నాయి. ఇవి కాక తెలిసిన వారు, మధ్యవర్తుల సహకారంతో తెచ్చుకునేవి మరో 1,000 వరకు ఉంటాయని తెలుస్తోంది.ధ్రువీకరణ పత్రాలు కీలకం..వాహనం కొనుగోలు చేసే ముందు ఆర్‌సీ, బీమా, కాలుష్య నియంత్రణ ధ్రువీకరణ పత్రాలు అఫిడవిట్‌ తీసుకోవాలి. వాహనంపై ఎలాంటి కేసులు లేవని పోలీసు శాఖ నుంచి ధ్రువీకరణ పత్రం పొందాలి. ఎన్‌ఓసీ పొందిన 15 రోజుల లోపు రిజిస్ట్రేషన్‌ చేయించుకోవాలి. లేదంటే నెలవారీగా జరిమానా విధిస్తారు. వాహన కాల పరిమితి 15 ఏళ్లు, మోడల్, కంపెనీ(ఇన్వాయిస్‌) ధరను బట్టి రోడ్‌ ట్యాక్స్‌ విధిస్తారు. ఇంజిన్‌ ఆన్‌ చేసే సమయంలో ఆయిల్‌ పైకి ఎగజిమ్మినా లీకైనా, పొగవచ్చినా ప్రమాదమని గుర్తించాలి. గేర్‌ ఇంజిన్‌ సరి చూసుకోవాలి. టైర్లు సరిగా లేకపోతే మైలేజీ తగ్గుతుంది.ఇదీ చదవండి: 1200 మందికే ఈ బైక్: ధర తెలిస్తే షాకవుతారు!వాహనాన్ని పసిగట్టొచ్చిలా..వాహన అద్దాల చివర కంపెనీ పేరు, ఏడాది సంఖ్య ముద్రించి లేకపోతే మార్చారని గ్రహించాలి. డోర్‌ బాటమ్‌ ప్రాంతంలో రబ్బర్లు తీసి వాటిపై గుండీల ఆకారంలో అచ్చులుంటే ఎలాంటి మార్పు చేయలేదని అర్థం. కాళ్ల కింద డిక్కీ ప్రాంతంలో మ్యాట్‌లు ఎత్తి కింది వైపు దెబ్బతిందో లేదో చూసుకోవాలి. ప్రమాదం జరిగిన వాహనాలకు రంగులు వేసి బఫింగ్‌ చేస్తే పోల్చుకోవడం కష్టమవుతుంది.

సాక్షి, హైదరాబాద్‌: ఢిల్లీ బండ్లు హైదరాబాద్‌ రోడ్లపై పరుగులు తీస్తున్నాయి. అక్కడ కాలపరిమితి ముగిసిన వాహనాలు నగరంలో జోరుగా అమ్ముడవుతున్నాయి. తక్కువ ధరల్లో లభిస్తుండటంతో నగరవాసులు వెనుకడుగు వేయకుండా కొనుగోలు చేస్తున్నారు. సెకండ్‌ హ్యాండ్‌ వాహనాలే అయినప్పటికీ కండీషన్‌ బాగా ఉన్నవి కొనుగోలుదారులను ఆకట్టుకుంటున్నాయి. సెకండ్‌ హ్యాండ్‌ వాహనాల దందా ఏజెంట్‌లకు లాభసాటిగా మారింది. తక్కువ ధరలకు లభిస్తుండటంతో.. ⇒ ఇటీవల ఢిల్లీ సర్కారు పెట్రోల్, డీజిల్‌ వాహనాలపై ఆంక్షలను కఠినతరం చేసింది. కొద్ది రోజుల క్రితమే ఈ వాహనాలకు పెట్రోల్‌ బంకుల్లో ‘నో పెట్రోల్, నో డీజిల్‌’ అంటూ నిబంధనలు విధించింది. ప్రస్తుతం కొన్ని సాంకేతిక కారణాలతో ఈ నిబంధనను వాయిదా వేసినప్పటికీ ఢిల్లీలో వాహన కాలుష్యం ప్రమాదకర స్థాయికి చేరినందువల్ల పెట్రోల్, డీజిల్‌ వాహనాల వినియోగం ప్రశ్నార్థకంగా మారింది. దీంతో ఈ వాహనాలకు హైదరాబాద్‌తో పాటు ఇతర ప్రాంతాల్లో డిమాండ్‌ ఏర్పడింది. ⇒ మరోవైపు తక్కువ ధరలకు లభిస్తుండటంతో చాలామంది ఆసక్తి చూపుతున్నారు. కానీ ఈ క్రమంలో కొందరు ఏజెంట్‌లు సెకండ్‌ హ్యాండ్‌ వాహనాల ముసుగులో ఊరూపేరూ లేని వాహనాలను విక్రయించి భారీఎత్తున సొమ్ము చేసుకుంటున్నట్లు ఆరోపణలు ఉన్నాయి. ఎలాంటి డాక్యుమెంట్‌లు, ఆధారాలు లేని వాహనాలకు సైతం నగరంలోని కొన్ని ఆర్టీఏ కార్యాలయాల్లో తప్పుడు అడ్రస్‌లపై రిజిస్ట్రేషన్‌ల పునరుద్ధరణ జరుగుతోంది. దీంతో అటు ఏజెంట్‌లకు, ఇటు కొందరు ఆర్టీఏ అధికారులకు ‘సెకండ్‌హ్యాండ్‌ బండి ఒక దందా’గా మారిందనే ఆరోపణలు ఉన్నాయి.డాక్యుమెంట్లు ఉంటే ఓకే.. ⇒ ఒక రాష్ట్రంలో నమోదైన వాహనాలను మరో రాష్ట్రానికి తరలించేందుకు తప్పనిసరిగా రవాణాశాఖ అనుమతి అవసరం. వాహనాల రిజిస్ట్రేషన్‌ పత్రాలు, బీమా పత్రాలు, వాహన యజమాని చిరునామా ఉన్న వాటినే కొనుగోలు చేయాలి. అలా అన్ని డాక్యుమెంట్‌లు ఉన్నవాటికి మాత్రమే రవాణా అధికారులు నిరభ్యంతర పత్రం (ఎన్‌ఓసీ) అందజేస్తారు.దీంతో ఆ వాహనాన్ని ఎక్కడైనా విక్రయించవచ్చు. కానీ కొందరు ఏజెంట్‌లు ఎలాంటి ఎన్‌ఓసీలు లేకుండా దొంగబండ్లను హైదరాబాద్‌కు తరలిస్తున్నారు. ఇలాంటి వాహనాలపై గతంలో పోలీసులు పలు కేసులు నమోదు చేసి నిందితులపైన చట్టపరమైన చర్యలు సైతం తీసుకున్నారు. ⇒ తాజాగా 15 ఏళ్లు ముగిసిన పెట్రోల్‌ వాహనాలు, 10 ఏళ్లు ముగిసిన డీజిల్‌ వాహనాలపై ఢిల్లీ రవాణాశాఖ ఆంక్షలను విధించింది. ప్రస్తుతానికి ఈ ఆంక్షలను సడలించారు. ఇలాంటి వాహనాల వినియోగాన్ని మాత్రం ప్రభుత్వం నిరుత్సాహపరుస్తోంది. దీంతో చాలామంది వాహన యజమానులు వాటిని తక్కువ ధరలకు విక్రయిస్తున్నారు. ఈ క్రమంలోనే ఢిల్లీ బండ్లకు హైదరాబాద్‌లో మరోసారి గిరాకీ నెలకొంది. ఈ ముసుగులో కొందరు ఏజెంట్‌లు ఎలాంటి ఆధారాలు లేని వాహనాల విక్రయాలకు పాల్పడడం గమనార్హం. ‘వాహన్‌’లో నమోదు తప్పనిసరి.. గ్రేటర్‌ హైదరాబాద్‌లోని వివిధ ప్రాంతీయ రవాణా కార్యాలయాల్లో ప్రతి రోజు సుమారు 3000లకు పైగా వాహనాలు కొత్తగా నమోదవుతాయి. వాటిలో 600 నుంచి 800 వరకు ఇతర రాష్ట్రాలకు చెందిన సెకండ్‌ హ్యాండ్‌ వాహనాలే ఉన్నాయి. ప్రత్యేకించి సెకండ్‌ హ్యాండ్‌ కేటగిరీలో వ్యక్తిగత కార్ల కొనుగోళ్లు ఎక్కువ. ఈ కేటగిరీలో 70 శాతం కార్లు ఢిల్లీకి చెందినవే ఉన్నట్లు అంచనా. నగరంలో 15 ఏళ్లు దాటిన వ్యక్తిగత వాహనాల కాలపరిమితిని ప్రతి సంవత్సరం పొడిగించుకొనే అవ కాశం ఉంది. ఈ వెసులుబాటును దృష్టిలో ఉంచుకొని 5 నుంచి 10 ఏళ్ల లోపు కాల పరిమితి కలిగిన ఢిల్లీ వాహనాలను ఎక్కువగా కొను గోలు చేస్తున్నారు. ఎలాంటి వాహనాలైనా కేంద్ర ప్రభుత్వం రూపొందించిన ‘వాహన్‌’ వెబ్‌సైట్‌లో నమోదై ఉంటేనే కొనుగోలు చేయాలని అధికారులు సూచిస్తున్నారు.

సాక్షి, అమరావతి: ఉద్యోగంలో చేరిన వెంటనే సొంతకారు ఉండాలన్న కోరిక యువతరంలో బలంగా పెరుగుతోంది. ఇందుకోసం చాలామంది అప్పు చేసి మరీ సెకండ్‌ హ్యాండ్‌ కార్లను కొనుగోలు చేసి జాలీగా ఎంజాయ్‌ చేస్తున్నారు. ముఖ్యంగా 25 నుంచి 30 ఏళ్లలోపు యువత రుణం(ఫైనాన్స్‌) తీసుకుని మరీ సెకండ్‌ హ్యాండ్‌ కార్లను కొనుగోలు చేస్తున్నారు. మొత్తం కార్లు కొనేవారిలో 57 శాతం మంది ఫైనాన్స్‌ ద్వారానే నిధులు సమకూర్చుకుంటున్నారని, ఈ సంఖ్య ఏటా వేగంగా పెరుగుతోందని యూజ్డ్‌ కార్‌ ప్లాట్‌ఫాం స్పిన్నీ 2025 క్యూ1 నివేదికలో వెల్లడించింది. దేశంలో అత్యధికంగా సెకండ్‌ హ్యాండ్‌ కార్ల అమ్మకాలు హైదరాబాద్, బెంగళూరు, ఢిల్లీలో జరుగుతున్నాయని తెలిపింది. మొత్తం అమ్మకాల్లో 77 శాతం డిజిటల్‌ లావాదేవీల ద్వారానే జరుగుతున్నట్లు పేర్కొంది. దేశంలో సొంతకారు కొనుగోలు చేస్తున్నవారి సగటు వయసు 2023లో 34 ఏళ్లు ఉండగా, అది ఇప్పుడు 32 ఏళ్లకు తగ్గినట్లు వివరించింది. పెరుగుతున్న మహిళా కారు ఓనర్లు » సెకండ్‌ హ్యాండ్‌ కార్ల కొనుగోళ్లలో మహిళల సంఖ్య ఏటా పెరుగుతోంది. కార్ల కొనుగోలుకు సంబంధించి 2024లో మహిళల వాటా 26% ఉండగా, అది 2025లో 28 శాతానికి పెరిగిందని స్పిన్నీ 2025 క్యూ1 నివేదిక వెల్లడించింది. మార్చి నెల కొనుగోళ్లలో అయితే 30 శాతం దాటినట్లు తెలిపింది. » మహిళలు కార్లు ఎక్కువగా కొంటున్న నగరాల్లో కొచ్చి మొదటి స్థానంలో ఉంది. » రుణాలు తీసుకుని కార్లు కొంటున్న మహిళలు అత్యధికంగా ఉన్న నగరాల్లో కోయంబత్తూరు అగ్రస్థానంలో నిలిచింది. ఎలక్ట్రిక్‌ వాహనాల అమ్మకాల్లో పుణే మొదటి స్థానంలో ఉంది. » లగ్జరీ కార్ల అమ్మకాల్లో 30 శాతం ఢిల్లీలోనే ఉంటున్నాయి. జీప్‌ కాంపాస్, బీఎండబ్ల్యూ ఎక్స్‌1, మెర్సిడెజ్‌ జీఎల్‌ఏ లగ్జరీ మోడల్స్‌కు అత్యధిక డిమాండ్‌ ఉంది. » మొత్తం సెకండ్‌ హ్యాండ్‌ కార్ల అమ్మకాల్లో 74 శాతం మంది తొలిసారి కారు కొనుగోలు చేస్తున్నవారే ఉంటున్నారు. » 84% మంది పెట్రోలు కారు కొనుగోలుకే ఇష్టపడుతున్నారు. » రానున్న కాలంలో పట్టణాల్లో ఎలక్ట్రిక్, హైబ్రీడ్‌ కార్ల అమ్మకాలకు డిమాండ్‌ మరింత పెరుగుతుందని ‘స్పిన్నీ’ అంచనా వేసింది. కార్లు కొనుగోలు చేస్తున్న యువత సగటు వయసు 32 ఏళ్లు 57% ఫైనాన్స్‌లో కార్లు కొనుగోలు చేస్తున్న యువత74% తొలిసారి కారు కొనేవారిలో సెకండ్‌ హ్యాండ్‌ వాహనాలను తీసుకునేవారు30% ఈ ఏడాది మార్చిలో సెకండ్‌ హ్యాండ్‌ కార్లను కొనుగోలు చేసినవారిలో మహిళలు

న్యూఢిల్లీ: థియేటర్లలో లూజుగా విక్రయించే పాప్‌కార్న్‌పై జీఎస్‌టీ అనేది రెస్టారెంట్ల తరహాలో 5 శాతంగానే ఉంటుందని ప్రభుత్వ వర్గాలు తెలిపాయి. అయితే, సినిమా టికెట్‌తో పాటు కలిపి విక్రయిస్తే మాత్రం నిబంధనల ప్రకారం ఆ కాంబో ప్యాకేజీకి వర్తించే రేటు అమలవుతుందని పేర్కొన్నాయి. జీఎస్‌టీ కౌన్సిల్‌ 55వ సమావేశంలో తీసుకున్న నిర్ణయాలపై ప్రభుత్వ వర్గాలు ఈ మేరకు వివరణనిచ్చాయి.మరోవైపు, సెకండ్‌ హ్యాండ్‌ కార్ల విక్రయానికి సంబంధించిన జీఎస్‌టీపైనా స్పష్టతనిచ్చాయి. విక్రయ విలువ కన్నా తరుగుదల విలువ ఎక్కువ ఉంటే మార్జిన్లపై 18 శాతం జీఎస్‌టీ వర్తించదని, అదే తక్కువగా ఉంటే వర్తిస్తుందని పేర్కొన్నాయి. మధ్యవర్తిత్వ సంస్థలు విక్రయించే పాత వాహనాల విషయంలో మార్జిన్లపై సింగిల్‌ జీఎస్‌టీ రేటు 18 శాతం వర్తింపచేయాలని జీఎస్‌టీ కౌన్సిల్‌ నిర్ణయం తీసుకోవడంపై అస్పష్టత నెలకొన్న నేపథ్యంలో ఈ వివరణ ప్రాధాన్యం సంతరించుకుంది.

పాత, వాడిన ఎలక్ట్రిక్ వాహనాలు (EV), తేలికపాటి పెట్రోల్, డీజిల్ వాహనాలపై వస్తు సేవల పన్ను (GST) పెరిగే అవకాశం ఉంది. జీఎస్టీ కౌన్సిల్ ఫిట్‌మెంట్ కమిటీ సిఫార్సు ఆధారంగా పన్ను రేటు 12 శాతం నుండి 18 శాతానికి పెంచవచ్చని సీఎన్‌బీసీ టీవీ 18 రిపోర్ట్‌ పేర్కొంది. రాజస్థాన్‌లోని జైసల్మేర్‌లో డిసెంబర్ 20-21 తేదీలలో జరగనున్న కౌన్సిల్ సమావేశంలో ఈ ప్రతిపాదనను చర్చించనున్నట్లు తెలుస్తోంది.ఈ ప్రతిపాదన అమలు చేస్తే.. సెకండ్ హ్యాండ్ ఎలక్ట్రిక్‌ వాహనాలు కొనేవారి సంఖ్య తగ్గే అవకాశం ఉంది. గ్రీన్ మొబిలిటీని ప్రోత్సహించడానికి ప్రస్తుతం ప్రభుత్వం కొత్త ఈవీలకు రాయితీపై 5 శాతం జీఎస్టీ మాత్రమే విధిస్తోంది. అలాగే పాత, వాడిన విద్యుత్‌ వాహనాలపై 12 శాతం పన్ను అమలవుతోంది. దీన్ని 18 శాతానికి తీసుకెళ్లాలని తద్వారా రీసేల్‌ మార్కెట్‌ సౌలభ్యాన్ని తగ్గించాలని ప్రభుత్వం భావిస్తోంది. పాత, సెకెండ్‌ హ్యాండ్‌ వాహనాలపై విధించే జీఎస్టీ సరఫరాదారు మార్జిన్‌కు మాత్రమే వర్తిస్తుంది.ప్రస్తుత విధానంలో 1200 సీసీ కంటే ఎక్కువ ఇంజిన్ సామర్థ్యం, 4000 ఎంఎం కంటే ఎక్కువ పొడవు కలిగిన పెట్రోల్ వాహనాలపై 18 శాతం జీఎస్టీ అమలవుతోంది. అదేవిధంగా 1500 సీసీ పైగా ఎక్కువ ఇంజన్ సామర్థ్యం, 4000 ఎంఎం కంటే ఎక్కువ పొడవు కలిగిన డీజిల్ వాహనాలు, అలాగే 1500 సీసీ కంటే ఎక్కువ ఇంజన్లు కలిగిన ఎస్‌యూవీలపై కూడా 18 శాతం పన్ను విధిస్తున్నారు.ఇదీ చదవండి: ఈ-టూవీలర్స్‌లోనూ పెద్ద కంపెనీలే..ఇక ఈవీలు, చిన్న కార్లతో సహా అన్ని ఇతర వాహనాలు ప్రస్తుతం 12 శాతం పన్ను పరిధిలోకి వస్తాయి. ఈవీలతో సహా 12 శాతం కేటగిరీలోని అన్ని వాహనాలకూ 18 శాతం పన్ను విధించాలని ఫిట్‌మెంట్ కమిటీ సిఫార్సు చేసింది. జీఎస్టీ కౌన్సిల్ తదుపరి సమావేశంలో ఈ ప్రతిపాదనపై తుది నిర్ణయం తీసుకోనుంది. ఇది ఆమోదం పొందితే అన్ని పాత, సెకెండ్‌ హ్యాండ్‌ వాహనాలపై ఏకరీతిలో 18 శాతం పన్ను అమలవుతుంది.

సెంకడ్‌హ్యాండ్‌లో వెహికిల్‌ కొనుగోలు చేస్తున్నారా..? తీరా వెహికిల్‌ తీసుకున్నాకా ఇంటికి పోలీసులు వచ్చి ‘మీ వాహనంపై క్రిమినల్‌ కేసు నమోదైంది. మిమ్మల్ని అరెస్టు చేస్తున్నాం’ అని అంటే షాకింగ్‌గా ఉంటుంది కదా. అందుకే ముందే జాగ్రత్త పడండి. మీరు కొనాలనుకునే వాహనంపై ఏవైనా కేసులున్నాయో లేదో తెలుసుకోండి. అందుకోసం మీరు ఎక్కడకూ వెళ్లాల్సిన అవసరం లేదు. ఆన్‌లైన్‌లోనే ఈ వివరాలు తెలుసుకునేలా ప్రభుత్వం క్రైమ్‌ అండ్‌ క్రిమినల్‌ ట్రాకింగ్‌ నెట్‌వర్క్‌ అండ్‌ సిస్టమ్స్‌ను(సీసీటీఎన్‌ఎస్‌) ఆవిష్కరించింది. వాహనాలపై ఎలాంటి కేసు లేకపోతే నో అబజెక్షన్‌ సర్టిఫికేట్‌(ఎన్‌ఓసీ) పొందవచ్చు. చాలా వరకు దొంగతనం జరిగిన వాహనాలను ఏదో రూపంలో కన్సల్టెన్సీల ద్వారా ఇతరులకు అంటగట్టే ముఠాలూ ఉన్నాయి. కాబట్టి అలాంటి వాహనాలను కొనుగోలు చేయడానికి ముందుగానే కేసుల వివరాలు తెలుసుకునే అవకాశం ఉంది. అందుకోసం..బ్రౌజర్‌లోకి వెళ్లి digitalpolicecitizenservices.gov.in అని టైప్‌ చేయాలి.క్రైమ్‌ అండ్‌ క్రిమినల్‌ ట్రాకింగ్‌ నెట్‌వర్క్‌ అండ్‌ సిస్టమ్స్‌(సీసీటీఎన్‌ఎస్‌) సంబంధించిన విండో ఓపెన్‌ అవుతుంది.సిటిజన్‌ లాగిన్‌ పేరుతో డిస్‌ప్లే అయిన బ్లాక్‌లో వివరాలు ఎంటర్‌ చేయాలి. ముందుగా మొబైల్‌ నంబర్‌ ఎంటర్‌చేసి ‘సెండ్‌ ఓటీపీ’ బటన్‌పై క్లిక్‌ చేయాలి.మొబైల్‌కు వచ్చిన ఓటీపీను కింద ఎంటర్‌ చేయాలి. తర్వాత వినియోగదారుడి పేరు, క్యాప్చా కోడ్‌ ఇవ్వాలి. తర్వాత లాగిన్‌ బటన్‌ ప్రెస్‌ చేయాలి.తర్వాత వేరే విండో ఓపెన్‌ అవుతుంది. వెహికిల్‌ టైప్‌ ఎలాంటిదో సెలక్ట్‌ చేసుకోవాలి. రిజిస్ట్రేషన్‌ నంబర్‌, చాసిస్‌ నంబర్‌, ఇంజిన్‌ నంబర్‌ ఎంటర్‌ చేసి సెర్చ్‌ బటన్‌ క్లిక్‌ చేయాలి.ఏదైనా కేసులు ఉంటే వేరే విండోలో వాటికి సంబంధించిన వివరాలు డిస్‌ప్లే అవుతాయి. కేసులేవీ లేకపోతే ఎన్‌ఓసీ వస్తుంది.ఇదీ చదవండి: బ్లాకర్లు వాడుతున్నా యాడ్‌! ఇప్పుడేం చేయాలి..?

న్యూఢిల్లీ: ఆదాయాలు, మధ్యతరగతి ప్రజలు పెరుగుతున్న నేపథ్యంలో దేశీయంగా యూజ్డ్‌ కార్ల మార్కెట్‌ గణనీయంగా పెరగనుంది. వచ్చే పదేళ్లలో ఇది 100 బిలియన్‌ డాలర్లకు చేరగలదని అంచనా వేస్తున్నట్లు కార్స్‌24 సహ వ్యవస్థాపకుడు, సీఈవో విక్రమ్‌ చోప్రా తెలిపారు. తమ అంతర్గత అధ్యయనం ప్రకారం 2023లో 25 బిలియన్‌ డాలర్లుగా ఉన్న సెకండ్‌ హ్యాండ్‌ కార్ల మార్కెట్‌ 2034 నాటికి ఏటా 15 శాతం చక్రగతి వృద్ధితో 100 బిలియన్‌ డాలర్లకు చేరే అవకాశాలు ఉన్నాయని పేర్కొన్నారు. ఎనిమిదేళ్ల క్రితం కార్స్‌24 ప్రారంభమైనప్పుడు ఇది 10–15 బిలియన్‌ డాలర్ల స్థాయిలో ఉండేదని, గత 3–4 ఏళ్లలో వివిధ రకాల కార్ల రాకతో మార్కెట్‌ వేగం పుంజుకుందని చోప్రా తెలిపారు. పట్టణీకరణ, పెరుగుతున్న మధ్య తరగతి వర్గాల ప్రజలు, వినియోగదారుల్లో మారుతున్న ప్రాధాన్యతలు, అందుబాటు ధరల్లో మొబిలిటీ సొల్యూషన్స్‌కి డిమాండ్‌ పెరుగుతుండటం మొదలైన అంశాలు వృద్ధికి తోడ్పడగలవని చోప్రా వివరించారు.   సొంత కార్లు ఉన్న వారు తక్కువే.. అభివృద్ధి చెందిన ఇతర దేశాలతో పోలిస్తే భారత్‌లో సొంత కారు ఉన్న వారి సంఖ్య చాలా తక్కువేనని చోప్రా తెలిపారు. అమెరికా, చైనా, యూరప్‌ జనాభాలో 80–90 శాతం మందికి కార్లు ఉంటే భారత్‌లో 8 శాతం మందికే సొంత ఫోర్‌ వీలర్‌లు ఉన్నాయని పేర్కొన్నారు. కాబట్టి మార్కెట్‌ పెరిగేందుకు మరింతగా అవకాశాలు ఉన్నాయని చెప్పారు. యువ జనాభా .. కార్లను కొనుగోలు చేసిన 5–6 ఏళ్లలోనే విక్రయించేసి మరో కొత్త వాహనం వైపు మొగ్గు చూపుతున్నారని చోప్రా తెలిపారు. రెండు దశాబ్దాల క్రితం కనీసం 10–12 ఏళ్లయినా కార్లను అట్టే పెట్టుకునే వారని వివరించారు.   ఎస్‌యూవీలకు డిమాండ్‌.. గడిచిన నాలుగేళ్లలో వినూత్న ఫీచర్లున్న ఎస్‌యూవీలకు యూజ్డ్‌ కార్ల మార్కెట్లోనూ డిమాండ్‌ పెరిగింది.  అంతర్గత అధ్యయనం ప్రకారం 2018–23 మధ్య కాలంలో రూ. 8 లక్షలకు పైబడిన విలువ గల కార్ల అమ్మకాలు 14 శాతం పెరిగాయి. ఆదాయాలు, మధ్యతరగతి ప్రజల జనాభా పెరుగుతుండటమనేది మార్కెట్‌ ముఖచిత్రాన్ని మార్చేస్తోందని చోప్రా తెలిపారు. 2022 ఆర్థిక సంవత్సరంలో ప్రీ–ఓన్డ్‌ కార్ల అమ్మకాల్లో మెట్రోపాలిటన్‌ నగరాల వాటా 65 శాతంగా ఉంది. మరోవైపు, పెరుగుతున్న డిమాండ్‌కి అనుగుణంగా వచ్చే అయిదేళ్లలో యూజ్డ్‌ ఎలక్ట్రిక్‌ కార్లు కూడా పెద్ద ఎత్తున అందుబాటులోకి వచ్చే అవకాశం ఉందని చోప్రా చెప్పారు.

సాక్షి, హైదరాబాద్‌: ఢిల్లీకి చెందిన సెకండ్‌ హ్యాండ్‌ కార్ల అమ్మకాలకు హైదరాబాద్‌ అడ్డాగా మారింది. తక్కువ ధరలకు లభిస్తున్నాయనే ఆశతో కొనుగోలు చేసేందుకు నగరవాసులు ఆసక్తి చూపుతున్నారు. ఈ క్రమంలో ఊరూ పేరూ లేని వాహనాలను కొనుగోలు చేసి ఏజెంట్‌ల చేతుల్లో దారుణంగా మోసపోతున్నారు. మరోవైపు ఇలాంటి అక్రమ వాహనాలపై కొందరు దళారులు తప్పుడు డాక్యుమెంట్‌లను సృష్టించి కొందరు ఆర్టీఏ అధికారుల సహకారంతో అధికారికంగా నమోదు చేయిస్తున్నారు. నగరంలోని పలు ప్రాంతాల్లో ఈ తరహా అక్రమ వాహనాల అమ్మకాలు పెద్ద ఎత్తున జరుగుతున్నాయి. తరచూ ఇలాంటి వాహనాలను పోలీసులు గుర్తించి కేసులు నమోదు చేస్తున్నా అక్రమ అమ్మకాలకు అడ్డుకట్ట పడటంలేదు.  ఇదో మచ్చుతునక..  కొద్ది రోజుల క్రితం నగరంలోని మలక్‌పేట్‌ ప్రాంతానికి చెందిన ఒక వ్యక్తి ఓ ఏజెంట్‌ సహాయంతో ఢిల్లీకి చెందిన సెకండ్‌ హ్యాండ్‌  ఇన్నోవా కారును కొనుగోలు  చేశాడు. ఆరేళ్ల క్రితం షోరూమ్‌ నుంచి  బయటకు వచ్చిన బండి కావడంతో అన్ని విధాలా బాగుందని భావించాడు. పైగా తక్కువ ధరకే లభించడంతో వెనుకడుగు వేయలేదు. కానీ వాహనం రిజిస్ట్రేషన్‌ సమయంలో తాను దారుణంగా నష్టపోయినట్లు గుర్తించాడు. సదరు వాహనానికి సంబంధించిన నిరభ్యంతర పత్రం (ఎన్‌ఓసీ) నకిలీదని తేలింది. నగరంలో లభించే సెకండ్‌ హ్యాండ్‌ వాహనాల కంటే ఢిల్లీకి చెందిన వాహనాలు తక్కువ ధరకే లభిస్తుండటంతో చాలామంది ఎలాంటి పత్రాలు పరీక్షించుకోకుండానే కొనుగోలు చేసి మోసపోతున్నారు.   ఎన్‌ఓసీ ఎంతో కీలకం..  ►    ఎలాంటి వాహనమైనా సరే ఒకరి నుంచి మరొకరికి  యాజమాన్య బదిలీ అయ్యే సమయంలో నిరభ్యంతర పత్రం (ఎన్‌ఓసీ) ఎంతో  కీలకం. ఒక జిల్లా నుంచి మరో జిల్లాకు బదిలీ అయినా, ఒక రాష్ట్రం నుంచి మరో రాష్ట్రానికి బదిలీ అయినా తప్పనిసరిగా ఎన్‌ఓసీ ఉండాల్సిందే. ఉదాహరణకు ఢిల్లీకి చెందిన వాహనాన్ని హైదరాబాద్‌కు చెందిన వ్యక్తి కొనుగోలు చేసినప్పుడు వాహనం మొదటి యజమానికి పేరిట నమోదైన రిజి్రస్టేషన్‌ పత్రాలను అక్కడి  ఆర్టీఏ  అధికారులకు సమరి్పంచి ఎన్‌ఓసీ  పొందాలి. దాని ఆధారంగా హైదరాబాద్‌లో ఆర్టీఏ అధికారులు తిరిగి నమోదు చేస్తారు. చట్టబద్ధంగా ఒకరి నుంచి మరొకరు కొనుగోలు చేసినట్లు నిరూపించుకోవాలి. కానీ.. ఢిల్లీ, హరియాణా నుంచి తరలిస్తున్న వాహనాలకు ఇలాంటి కీలకమైన డాక్యుమెంట్‌లు లేకపోవడం  గమనార్హం.   ►   గ్రేటర్‌ హైదరాబాద్‌లోని  వివిధ ప్రాంతీయ రవాణా కార్యాలయాల్లో ప్రతి రోజు సుమారు 3వేలకు పైగా  వాహనాలు కొత్తగా నమోదవుతాయి. వాటిలో 600 నుంచి 800 వరకు ఇతర రాష్ట్రాలకు చెందిన సెకండ్‌ హ్యాండ్‌ వాహనాలే. ఢిల్లీ, హరియాణాలతో పాటు చెన్నై, బెంగళూరు, ముంబై తదితర నగరాల నుంచి కూడా సెకండ్‌ హ్యాండ్‌ వాహనాలు నగరంలో నమోదువుతున్నాయి. వీటిలో 70  శాతం వరకు ఢిల్లీకి  చెందిన కార్లే ఉన్నట్లు అంచనా. వీటిపైన ఎక్కువ ఆదాయం లభిస్తూండడంతో ఏజెంట్‌లు పెద్ద సంఖ్యలో రంగంలోకి దిగి అక్రమ వ్యాపారం కొనసాగిస్తున్నారు.  

న్యూఢిల్లీ: ప్రస్తుత ఆర్థిక సంవత్సరం(2022–23)లో ఎన్‌బీఎఫ్‌సీ విభాగం ఆకర్షణీయ ఫలితాలు సాధించనున్నట్లు సెకండ్‌హ్యాండ్‌(ప్రీఓన్‌డ్‌) వాహనాల ఈకామర్స్‌ ప్లాట్‌ఫామ్‌ కార్స్‌24 అంచనా వేస్తోంది. వినియోగించిన కార్లకు కనిపిస్తున్న భారీ డిమాండు నేపథ్యంలో 80–100 శాతం వృద్ధిని సాధించే వీలున్నట్లు కంపెనీ సహవ్యవస్థాపకుడు, సీఎంవో గజేంద్ర జంగిడ్‌ పేర్కొన్నారు.  గతేడాది(2021–22) నాన్‌బ్యాంకింగ్‌ ఫైనాన్షియల్‌ కంపెనీ(ఎన్‌బీఎఫ్‌సీ) విభాగం రూ. 75 కోట్ల టర్నోవర్‌ సాధించింది. ఇందుకు ప్రీఓన్‌డ్‌ కార్ల ఫైనాన్సింగ్‌ బిజినెస్‌ దోహదం చేసింది. 2019లో కంపెనీ ఎన్‌బీఎఫ్‌సీ లైసెన్సును పొందింది. తద్వారా కన్జూమర్లకు రుణాలివ్వడం ప్రారంభించినట్లు గజేంద్ర తెలియజేశారు. కంపెనీ ద్వారా విక్రయమవుతున్న ప్రతీ 2 కార్లలో ఒకదానికి ఫైనాన్స్‌ అందిస్తున్నట్లు తెలియజేశారు. ప్రస్తుతం దేశీయంగా ప్రీఓన్‌డ్‌ కార్ల విభాగంలో ఫైనాన్సింగ్‌ అవకాశాలు అతిస్వల్పమని వివరించారు. దీంతో ఎన్‌బీఎఫ్‌సీ లైసెన్సును తీసుకున్నట్లు వెల్లడించారు.  

కర్నూలు(సెంట్రల్‌): అవసరాలకు అనుగుణంగా ప్రజలు సెకండ్‌ హ్యాండ్‌ కార్లు, బైక్‌ల కొనుగోళ్లపై ఆసక్తి చూపుతున్నారు. జిల్లాలో గతేడాది సెకండ్‌ హ్యాండ్‌ షోరూముల్లో దాదాపు 5 వేల కార్లు, 10 వేల బైక్‌ల వరకు అమ్ముడుపోయినట్లు తెలుస్తోంది. ప్రస్తుతం మార్కెట్లో బీఎస్‌ 6 వాహనాలు వచ్చాయి. ఏ కంపెనీ బైక్‌ తీసుకున్నా దాదాపు రూ.లక్షకు అటు ఇటుగా ధరలు ఉన్నాయి. ఈఎంఐల రూపంలో తీసుకుంటే వడ్డీ, ఇతర చార్జీలు కలుపుకొని రెండేళ్ల వ్యవధిలో రూ. 1.40 లక్షలు చెల్లించాల్సి వస్తోంది. ఈ క్రమంలో సగం ధరకే సెకండ్‌ హ్యాండ్‌ బైక్‌లు లభిస్తుండడంతో చిరుద్యోగులు, చిరు వ్యాపారులు, రైతులు, కూలీలు, చిన్నచిన్న పనులు చేసుకొని బతికేవారు వాటిని కొనుగోలు చేసేందుకు ఆసక్తి చూపుతున్నారు. సెకండ్స్‌లో రూ.50 వేల నుంచి రూ. 70 వేల మధ్య రెండు, మూడేళ్ల సర్వీసు ఉన్న బైక్‌లు అందుబాటులో ఉన్నాయి.  విలాసవంతమైన జీవితం  వైఎస్సార్‌సీపీ ప్రభుత్వం అధికారంలోకి వచ్చాక ప్రజల జీవన విధానంలో భారీ మార్పులు వచ్చాయి. ఉద్యోగుల వేతనాలు పెరిగాయి. అనేక సంక్షేమ పథకాలను అమలు చేస్తుండడంతో అన్ని వర్గాల ప్రజల జీవన గమనంలో వృద్ధి కనిపిస్తోంది. ఇదే క్రమంలో సకాలంలో వర్షాలు కురుస్తుండడంతో మంచి పంటలు పండుతున్నాయి. రాష్ట్ర ప్రభుత్వం వాటికి గిట్టుబాటు ధరలు ఇస్తుండడంతో రైతన్నల ఇంటా ఆనందం వెల్లివిరుస్తోంది. దీంతో అన్ని వర్గాల ప్రజలు విలాసవంతమైన జీవనం వైపు అడుగులు వేస్తున్నారు. అందులో అవసరాలకు తగ్గట్లుగా కార్లు, బైక్‌లు, ఇతర వాహనాలు కొనుగోలు చేస్తున్నారు.  వెలుస్తున్న షోరూంలు..  సెకండ్‌ హ్యాండ్‌ వాహనాల కొనుగోలుపై ప్రజలు ఎక్కువగా ఆసక్తిని కనబరుస్తుండడంతో వ్యాపారులు అందుకు తగ్గట్లుగా షోరూంలను తెరుస్తున్నారు. కర్నూలులో 15 కారు, 20 బైక్‌ షోరూంలు ఉన్నాయి.  ఆదోనిలో 5 కారు, 10 బైక్, నంద్యాలలో 5 కారు, 13 బైక్‌ షోరూంలు వెలిశాయి. వీటిని ఆయా పట్టణాలతోపాటు గ్రామీణ ప్రాంత  ప్రజలు ఆదరిస్తున్నారు. ఉమ్మడి జిల్లాలో సెకండ్‌ హ్యాండ్‌ షోరూముల్లో గతేడాది 5 వేల వరకు కార్లు, 10 వేల వరకు బైక్‌లు అమ్మకాలు జరిగాయి.  ఈఎంఐ సదుపాయం   సెకండ్‌ హ్యాండ్‌ కార్లు, బైక్‌లకు కూడా కొన్ని ఫైనాన్స్‌ కంపెనీలు లోన్‌ సదుపాయాన్ని కల్పిస్తున్నాయి. తక్కువ వడ్డీ, తక్కువ డౌన్‌పేమెంట్స్‌తో ఈజీ మంత్లీ ఇన్‌స్టాల్‌మెంట్‌ వసతి కూడా ఉంది. కొనుగోలు సమయంలో కొన్ని జాగ్రత్తలు తీసుకోవాల్సి ఉంది. లేదంటే మొదటికే మోసం వస్తుంది. కొనుగోలు చేసే వాహనాన్ని మొదట మెకానిక్‌కు చూపించి,  దాని పరిస్థితిని క్షుణ్ణంగా పరిశీలించిన తర్వాతనే రేటును నిర్ణయించుకోవాలి. తక్కువ దూరం తిరిగినవి మేలైన మన్నిక ఇస్తాయి. షోరూంలకు చిన్నపాటి మరమ్మతులకు గురైనవి అధికంగా వస్తుంటాయి. కొందరు అచ్చుబాటుకాక, మరికొందరు తక్షణ రుణావసరాల కోసం అమ్మి ఉంటారు. రికార్డులను పరిశీలించి, కొనుగోలు చేయడం ఉత్తమం.   కార్లపై పెరిగిన ఆసక్తి...  మార్కెట్‌లో పలు కంపెనీల కార్లు వివిధ మోడళ్లలో అందుబాటులో ఉన్నాయి. వీటి ధర కాస్త ఎక్కువగానే ఉంది. సెకండ్స్‌లో రూ.లక్ష నుంచి సరసమైన ధరకు కార్లు లభిస్తున్నాయి. నాలుగైదు లక్షలు వెచ్చిస్తే మంచి కంపెనీ..రెండు, మూడేళ్ల సర్వీసు ఉన్న కార్లను కొనుగోలు చేయవచ్చు. దీంతో సామాన్యులు సైతం కార్ల కొనుగోలుపై ఆసక్తి కనబరుస్తున్నారు. సెకండ్స్‌లో కార్లు కొనుగోలు చేస్తున్న వారిలో ఉద్యోగులు, రైతులు, ప్రైవేట్‌ కంపెనీల్లో పనిచేసే వారు ఎక్కువగా ఉంటున్నారు. కార్లు ఎక్కువగా కొంటున్నారు  కర్నూలులోని నంద్యాల చెక్‌పోస్టు సమీపంలో మా  షోరూం ఉంది. ఇటీవల కాలంలో ప్రజలు ఎక్కువగా కార్లను కొనుగోలు చేస్తున్నారు. మా దగ్గర అన్ని రికార్డులు సక్రమంగా ఉంటాయి.  కొనుగోలుదారులకు భవిష్యత్‌లో ఏమీ ఇబ్బందులు ఉండవు. నెలలో కనీసం 10 కార్ల అమ్మకాలు జరుగుతున్నాయి.            – శ్రీనివాసులు    సౌకర్యవంతంగా ఉంది   మేం ఇటీవల సెకండ్‌ హ్యాండ్‌లో కారును కొనుగోలు చేశాం. దాని స్థితిగతి చాలా బాగుంది. మేము కొనుగోలు చేసిన వాహనం కొత్తదైతే రూ.10 లక్షల విలువ ఉంటుంది. సెకండ్స్‌లో దానిని రూ.4 లక్షలకే కొనుగోలు చేశాం. మా కుటుంబ అవసరాలకు చాలా సౌకర్యవంతంగా ఉంది.   – రజనీకాంత్‌రెడ్డి, కర్నూలు  సగం ధరకే  కొనుగోలు చేశా  నేను వృత్తి రీత్యా ఉపాధ్యాయుడిని. స్కూలుకు సమయానికి వెళ్లేందుకు కారును కొనుగోలు చేయాలని నిర్ణయించాను. అయితే మార్కెట్‌లో ఫస్టు హ్యాండ్‌ వాహనాలకు రేట్లు చాలా ఎక్కువగా ఉన్నాయనిపించింది. సెకండ్స్‌లో చూస్తే మేము అనుకున్న ధరకే లభించింది. దాదాపు సగం ధరకే కారును కొనుగోలు చేశా.    – శ్రీనివాసరెడ్డి, కర్నూలు

సాక్షి, హైదరాబాద్‌: నగరానికి చెందిన వెంకటేశ్‌ కొద్ది రోజుల క్రితం ఓ ఏజెంట్‌ సహాయంతో ఢిల్లీకి చెందిన సెకెండ్‌ హ్యాండ్‌  ఇన్నోవా కారును కొనుగోలు చేశాడు. ఆరేళ్ల క్రితం షోరూమ్‌ నుంచి బయటకు వచ్చిన బండి కావడంతో అన్ని విధాలుగా బాగుందని భావించాడు. పైగా తక్కువ ధరకే లభించడంతో వెనుకడుగు వేయకుండా బండెక్కేశాడు. కానీ వాహనం రిజిస్ట్రేషన్‌ సమయంలో తాను దారుణంగా నష్టపోయినట్లు గుర్తించాడు. సదరు వాహనానికి సంబంధించిన నిరభ్యంతర పత్రం (ఎన్‌ఓసీ) నకిలీదని తేలింది. రూ.15 లక్షల వాహనం కేవలం రూ.10 లక్షలకే లభించిందని మొదట ఎగిరి గంతేశాడు. చదవండి: ట్రాన్స్‌కో ఏఈ  పాడుపని.. నీతోనే పెళ్లంటూ యువతికి మత్తు మందు ఇచ్చి.. కానీ ఏజెంట్‌ చేతిలో తాను మోసపోయినట్లు గుర్తించి లబోదిబోమన్నాడు. ...ఒక్క వెంకటేశ్‌ మాత్రమే కాదు. ఇటీవల కాలంలో తక్కువ ధరలకు లభిస్తున్నాయనే ఆశతో ఢిల్లీకి చెందిన వాహనాలను కొనుగోలు చేసే నగరవాసులు సరైన ఆధారాలు లభించక నష్టపోతున్నట్లు రవాణాశాఖ ఉన్నతాధికారి  ఒకరు తెలిపారు. నగరంలో లభించే సెకెండ్‌ హ్యాండ్‌ వాహనాల కంటే ఢిల్లీ నుంచి కొనుగోలు చేసే వాహనాలు కొంత మేరకు తక్కువ ధరకే లభిస్తున్నప్పటికీ సరైన డాక్యుమెంట్లు లేకపోతే తీవ్రంగా నష్టపోయే ప్రమాదం ఉందని అధికారులు హెచ్చరిస్తున్నారు. గ్రేటర్‌ హైదరాబాద్‌లోని వివిధ ప్రాంతీయ రవాణా కార్యాలయాల్లో  ప్రతి రోజు సుమారు 3000లకు పైగా వాహనాలు కొత్తగా నమోదవుతాయి. వాటిలో 600 నుంచి 800 వరకు ఇతర రాష్ట్రాలకు చెందిన సెకండ్‌ హ్యాండ్‌  వాహనాలు..ప్రత్యేకించి కార్లు ఎక్కువగా ఉంటాయి. చెన్నై, బెంగళూరు, ముంబయి తదితర నగరాల నుంచి కూడా సెకెండ్‌ హ్యాండ్‌ వాహనాలు నగరంలో నమోదవుతున్నాయి. కానీ 70 శాతం వరకు ఢిల్లీకి చెందిన కార్లే ఎక్కువగా ఉన్నట్లు అంచనా. నగరంలో 15 ఏళ్లు దాటిన వ్యక్తిగత వాహనాల కాలపరిమితిని ప్రతి సంవత్సరం పొడిగించుకొనే అవకాశం ఉంది. కానీ ఢిల్లీలో నమోదైన వాహనాలు కేవలం 10 ఏళ్ల కాలపరిమితికే పరిమితం. దీంతో ఢిల్లీ వాసులు తమ వాహనాల కాలపరిమితి ఆరేడుళ్లు దాటితే వాటిని సెకండ్‌ హ్యాండ్‌ వాహనాలుగా విక్రయించేందుకు మొగ్గు చూపుతున్నారు. ఇలా విక్రయించే వాటి ధరలు కూడా కొంత మేరకు తక్కువగా ఉండడంతో నగరంలో డిమాండ్‌ ఏర్పడింది. దీన్ని సొమ్ము చేసుకొనేందుకు ఏజెంట్లు పెద్ద సంఖ్యలో రంగంలోకి దిగి వ్యాపారం కొనసాగిస్తున్నారు. ఈ వాహనాలపైన సామాజిక మాధ్యమాల్లో విస్తృతంగా  ప్రచారం చేసి వినియోగదారులకు కట్టబెడుతున్నారు. ‘వాహన్‌’లో నమోదు తప్పనిసరి...  ‘సెకెండ్‌ హ్యాండ్‌ వాహనాల కొనుగోలుపైన జాగ్రత్తగా ఉండాలి. వినియోగదారులకు చూపించే వాటికి, విక్రయించే వాటికి ఒక్కోసారి సంబంధం ఉండకపోవచ్చు. కేంద్ర ప్రభుత్వ అధికారిక వెబ్‌సైట్‌ ‘వాహన్‌’లో నమోదైన వాహనాలను మాత్రమే కొనుగోలు చేయాలి.’ అని హైదరాబాద్‌ సంయుక్త రవాణా కమిషనర్‌  పాండురంగ్‌ నాయక్‌  సూచించారు. కొన్ని ముఠాలు వాహనాలను అపహరించి విక్రయిస్తాయి. ఈ క్రమంలో నకిలీ ఆధారాలను సృష్టిస్తారు. ఈ నకిలీల వల్ల నష్టపోయే ప్రమాదం ఉంది. అందుకే  ‘వాహన్‌’లో బండి వివరాలు పరిశీలించాలని ఆయన తెలిపారు. వాహనం ఆర్సీ (రిజి్రస్టేషన్‌), ఢిల్లీ రవాణా అధికారులు జారీ చేసిన నిరభ్యంతర పత్రం (ఎన్‌ఓసీ), బీమా పత్రాలు, తదితర డాక్యుమెంట్లను సమగ్రంగా పరిశీలించి  సంతృప్తి చెందిన తర్వాత కొనుగోలు చేయడం మంచిది. సెకండ్‌ హ్యాండ్‌ వాహనాలపైన వాటి వయస్సు, కొనుగోలు చేసిన సమయంలో ఉన్న ధర ఆధారంగా  నగరంలో నమోదుకు  జీవితకాల పన్ను చెల్లించవలసి ఉంటుంది.   

ముంబై: కొత్త కార్ల కంటే.. అప్పటికే వేరొకరు వాడి విక్రయించే వాటి వైపు (ప్రీఓన్డ్‌ కార్లు) వినియోగదారులు పెద్ద మొత్తంలో మొగ్గుచూపిస్తున్నారు. కొత్త కారుతో పోలిస్తే సెకండ్‌ హ్యాండ్‌ కారు చాలా తక్కువ ధరకు రావడం వినియోగదారులను ఆకర్షిస్తోంది. వినియోగ కార్ల మార్కెట్‌ ఏటా 19.5 శాతం చొప్పున 2026–27 వరకు వృద్ధిని చూపిస్తుందని డాస్‌వెల్ట్‌ ఆటో, ఇండియన్‌ బ్లూబుక్‌ సంయుక్తంగా ప్రీఓన్డ్‌ కార్ల మార్కెట్‌పై ఓ సవివర నివేదికను విడుదల చేశాయి. ఇందులో డాస్‌ వెల్ట్‌ ఆటో అన్నది ఫోక్స్‌వ్యాగన్‌ ప్రీఓన్డ్‌ కార్ల కంపెనీ కావడం గమనించాలి. దేశంలోని టాప్‌ 40 పట్టణాల్లో ప్రీఓన్డ్‌ కార్లకు ఏటా డిమాండ్‌ 10 శాతం మేర పెరగనుండగా, మిగిలిన పట్టణాల్లో అయితే ఇది ఏటా 30 శాతం మేర వృద్ధి సాధిస్తుందని ఈ నివేదిక అంచనా వేసింది. 2021–22లో ప్రీఓన్డ్‌ కార్ల మార్కెట్‌ విలువ 23 బిలియన్‌ డాలర్లుగా (రూ.1.84 లక్షల కోట్లు) ఉన్నట్టు తెలిపింది.  మారిన మార్కెట్‌ తీరు  గతంతో పోలిస్తే సెకండ్‌ హ్యాండ్‌ కార్ల మార్కెట్‌ తీరు తెన్నుల్లో ఎంతో మార్పు వచ్చింది. ఆయా కార్లను కంపెనీలు సర్టిఫై చేస్తున్నాయి. తక్కువ వ్యవధికే కార్లు, ద్విచక్ర వాహనాలను మార్చే ధోరణి కూడా పెరిగింది. దీంతో ఇంచుమించు కొత్త వాహనాలే అయినా తక్కువ ధరలకు లభిస్తుండడం వినియోగదారులను ఆకర్షిస్తోంది. కంపెనీలు ఎప్పటికప్పుడు కొత్త మోడళ్లతో ఆర్జనా శక్తి కలిగిన కస్టమర్లను లక్ష్యం చేసుకుంటున్నాయి. బైబ్యాక్‌ ఆఫర్లను కూడా ఇస్తున్నాయి. ఇవన్నీ కలసి ప్రీఓన్డ్‌ కార్ల మార్కెట్‌ను పరుగెత్తిస్తున్నట్టు ఈ నివేదిక అభిప్రాయపడింది. పైగా సంఘటిత రంగంలో ప్రీఓన్డ్‌ కార్లు, ద్విచక్ర వాహనాల వ్యాపారంలోకి కొత్త సంస్థలు ప్రవేశిస్తుండడం కూడా ఈ మార్కెట్‌ బలోపేతానికి సహకరిస్తోంది.  35 లక్షల కార్ల విక్రయం..   గడిచిన ఆర్థిక సంవత్సరంలో 35 లక్షల ప్రీఓన్డ్‌ కార్లు అమ్ముడుపోయాయి. అంతకుముందు సంవత్సరం రికార్డులను అధిగమించింది. ఇక అదే ఏడాది అంతర్జాతీయంగా విక్రయాలు 4 కోట్లుగా ఉన్నట్టు వెల్లడించింది. ‘‘మరిన్ని సంస్థలు ప్రీఓన్డ్‌ వాహన మార్కెట్లోకి ప్రవేశిస్తున్నాయి. దీంతో రోడ్డు పక్కన మెకానిక్‌ గ్యారేజ్‌లు, బ్రోకర్ల ద్వారా జరిగే సెకండ్‌ హ్యాండ్‌ వాహనాల విక్రయ లావాదేవీలు సంఘటిత రంగానికి క్రమంగా మళ్లుతున్నాయి’’అని ఈ నివేదిక తెలిపింది. సంఘటిత రంగం మార్కెట్‌ వాటా ప్రీఓన్డ్‌ కార్ల విభాగంలో 2021–22 నాటికి 20 శాతం ఉంటే, 2025–26 నాటికి 45 శాతానికి పెరుగుతుందని అంచనా వేసింది. 2026–27 నాటికి ప్రీఓన్డ్‌ కార్ల విక్రయాలు 80 లక్షలకు చేరుకోవచ్చని తెలిపింది. కరోనా తర్వాత ఈ మార్కెట్‌ రూపురేఖలే మారిపోయినట్టు పేర్కొంది. 2021–22లో ప్రీఓన్డ్, కొత్త కార్ల రేషియో 1:4గా ఉండగా, ఇది 2026–27 నాటికి 1:9కు చేరుకుంటుందని తెలిపింది. నాన్‌ మెట్రోల్లో 64 శాతం మంది ప్రీఓన్డ్‌ కారును తమ మొదటి వాహనంగా చేసుకుంటుంటే, మెట్రోల్లో ఇలాంటి వారు 55 శాతం ఉన్నారు. గత ఆర్థిక సంవత్సరంలో సరఫరా అయిన మొత్తం ప్రీఓన్డ్‌ కార్లలో 65 శాతం హైదరాబాద్, చెన్నై, బెంగళూరు, ముంబై, ఢిల్లీ ఎన్‌సీఆర్‌లోనే ఉన్నాయి. 

మైసూరు: పార్ట్‌ టైం పని ఇప్పిస్తామని నమ్మించి యువతి వద్ద సైబర్‌ మోసగాళ్లు సుమారు రూ. 3.38 లక్షలను కొట్టేశారు. మైసూరు నగరంలోని కెసరెలో ఈ ఘటన  జరిగింది. ఎన్‌. మైత్రి బాధితురాలు. ఆమె మొబైల్‌ ఫోన్‌కు పార్ట్‌ టైమ్‌ పని ఉందని గుర్తు తెలియని వ్యక్తి మొబైల్‌ నుంచి మెసేజ్‌ లింక్‌ వచ్చింది. తరువాత ఆమె వాట్సాప్‌కు మరో  మెసేజ్‌ వచ్చింది. మీకు పార్ట్‌ టైమ్‌ పని కోసం కొన్ని వస్తువులను పంపిస్తాము. మీరు ఇంటి వద్ద ఉండే పని చేసుకోవచ్చు, ఇందుకు కొంత రుసుము చెల్లించాలని మోసగాళ్లు చెప్పారు. వారు చెప్పిన నంబర్‌కు మైత్రి రూ.100 పంపింది. తరువాత తన బ్యాంకు ఖాతా, ఇతర వివరాలను ఇచ్చింది. వెంటనే ఆమె ఖాతా నుంచి సుమారు రూ. 3.38 లక్షల నగదు మాయమైంది. మోసపోయినట్లు గుర్తించిన బాధితురాలు సైబర్‌ క్రైం పోలీసులకు ఫిర్యాదు చేసింది.  టెక్కీకి రూ.2.90 లక్షలు మోసం ఐటీ ఇంజనీర్‌ ఒకరు వెబ్‌సైట్‌ ద్వారా సెకెండ్‌ హ్యాండ్‌ కారు కొనాలని భారీగా డబ్బు కోల్పోయాడు. ఈ ఘటన  మైసూరు నగరంలో చోటు చేసుకుంది. రామకృష్ణ నగరవాసి, టెక్కీ ఎం.మనోజ్‌ బాధితుడు. ఇతడు కార్‌వాలె అనే వెబ్‌సైట్‌లో తక్కువ ధరకు సెకెండ్‌ హ్యాండ్‌ కార్ల కోసం వెతికాడు. అందులో ఒక కారు నచ్చడంతో అక్కడ ఉన్న నంబర్లకు కాల్‌ చేశాడు. వారు కాల్‌ ఎత్తకుండా, వాట్సాప్‌ ద్వారా సమాధానం ఇచ్చారు. వారు లింక్‌లో పంపినఒక వెబ్‌సైట్‌ను తెరిచి అన్ని వివరాలను నమోదు చేశాడు. కారును రూ.2.90 లక్షలకు అమ్ముతామని మోసగాళ్లు చెప్పారు, కారును మైసూరుకు తరలించడానికి రూ.3150 చార్జీ కట్టాలన్నారు. వారు చెప్పినట్లు మనోజ్‌ ఆన్‌లైన్లో నగదును చెల్లించాడు. తరువాత ఫోన్‌ చేయగా మోసగాళ్లు స్పందించలేదు. దీంతో టెక్కీ పోలీసులకు ఫిర్యాదు చేశాడు.   (చదవండి: ఆమె సౌందర్యమే శాపమైంది)

హైదరాబాద్, బిజినెస్‌ బ్యూరో: స్కోడా ఆటో ఇండియా ప్రీ–ఓన్డ్‌ కార్ల వ్యాపారంలో విస్తరిస్తోంది. దేశంలో 100కుపైగా డీలర్‌షిప్స్‌ను ఏర్పాటు చేసినట్టు కంపెనీ బుధవారం ప్రకటించింది. పాత కారు కొనుగోలు, విక్రయం.. లేదా పాత కారును ఇచ్చి కొత్త కారును ఈ కేంద్రాల్లో మార్పిడి చేసుకోవచ్చు. సర్టిఫైడ్‌ ప్రీ–ఓన్డ్‌ నెట్‌వర్క్‌ ద్వారా ఇప్పటికే 2,500లకుపైగా కార్లను విక్రయించినట్టు స్కోడా వెల్లడించింది. 115 క్వాలిటీ చెక్‌ పాయింట్స్‌ ఆధారంగా కారును ధ్రువీకరిస్తున్నట్టు తెలిపింది.  చదవండి: ఫిబ్రవరిలో పెరిగిన ఉపాధి కల్పన.. కొత్తగా 14.12 లక్షల మంది  

కారు కొనాలనే కోరిక అందరికీ ఉంటుంది. కుటుంబంతో కారులో షికారు చేయాలని ఎంతో  మంది కల. బడ్జెట్‌ రేంజ్‌ కారు కొనేందుకు చాలా మంది​ ప్రయత్నాలను చేస్తుంటారు. కొంతమంది లోన్‌ తీసుకోనైనా  కారును సొంతం చేసుకుంటారు. కొత్తమందికీ బడ్జెట్‌ అడ్జెట్స్‌ కాకపోవడంతో సెకండ్‌ హ్యాండ్‌ కారువైపు మళ్లుతారు. ఇలా పాత కార్లను కొనుగోలు చేసి వారి సొంత వాహన కలను నేరవేర్చుకుంటారు. పాత కార్లను విక్రయించేందుకు ఇప్పటికే పలు కంపెనీలు అవతరించాయి. ఈ కంపెనీలు నమ్మకమైనవిగా నిలుస్తూ ఆయా వాహన కొనుగోలుదారులకు కార్లను అందిస్తున్నాయి.  పేరుకు సెకండ్‌ హ్యాండే..! పేరుకు సెకండ్‌ హ్యాండే కార్లేఐనా భారత్‌లో మారుతీ, హ్యుందాయ్‌, హోండా కార్లు అత్యధిక డిమాండ్‌ ఉన్న కార్‌ బ్రాండ్స్‌గా ఉన్నాయని కార్ల రిటైలింగ్‌ ప్లాట్‌ఫాం స్పిన్నీ వెల్లడించింది. గత ఏడాదితో పోలిస్తే 2021లో సుమారు 57 శాతం పైగా అమ్మకాలు జరిగాయని తెలిపింది. పీ అండ్‌ ఎస్‌ ఇంటెలిజెన్స్ నివేదిక ప్రకారం...స్పిన్నీ ఈ ఏడాది అమ్మకాలలో గణనీయమైన పెరుగుదలను నమోదు చేసింది. . అగ్రగామి ఫుల్-స్టాక్ కార్ రిటైల్ ప్లాట్‌ఫారమ్ వాహనాలను ఆస్వాదిస్తున్న నగరాల్లో బెంగళూరు కేవలం  కొనుగోలుదారులలో 64 శాతం పెరుగుదలను అందించింది. తర్వాత అహ్మదాబాద్, ఢిల్లీ, హైదరాబాద్ గణనీయమైన అమ్మకాలు జరిగినటుల​ కంపెనీ పేర్కొంది.    స్పిన్ని ప్రస్థానం యూజ్‌డ్‌ కారు రిటైలింగ్‌ ఫ్లాట్‌ఫామ్‌గా మార్కెట్‌లోకి ఎంటరైన అనతి కాలంలోనే తనదైన ముద్ర వేసింది స్పిన్ని. ఇటీవల ఈ సిరీస్‌ ఈ ఫండింగ్‌ రౌండ్‌లో స్పిన్ని సంస్థలోకి 238 మిలియన్‌ డాలర్ల పెట్టుబడులు వచ్చాయి. ఇప్పటి వరకు 530 మిలియన్‌ డాలర్ల పెట్టుబడులు సమీకరించింది స్పిన్ని. ప్రస్తుతం ఈ కంపెనీ మార్కెట్‌ వ్యాల్యుయేన్‌ 1.80 బిలియన్‌ డాలర్లకు చేరుకుంది.  చదవండి: భలే స్కూటర్‌.. మడత పెట్టి బ్యాగులో పెట్టేయోచ్చు!

Used-Car Platform Spinny Raises $283 Million: భారత్‌లో స్టార్టప్స్‌ దూకుడు మీదున్నాయి. అతి తక్కువ కాలంలో యూనికార్న్‌ (ఒక బిలియన్‌ డాలర్‌ విలువ గల) స్టార్టప్స్‌గా అవతరిస్తున్నాయి. క్రియోటివ్‌ ఆలోచనలతో భారత మార్కెట్లను శాసిస్తున్నాయి. సెకండ్‌ హ్యాండ్‌ కార్ల అమ్మకాలను  జరిపే బెంగళూరు బేస్డ్‌ స్టార్టప్‌ స్పిన్నీ కంపెనీ సరికొత్త విలువకు చేరుకుంది.  283 మిలియన్ డాలర్ల సేకరణ..! అబుదాబికి చెందిన ఏడీక్యూ, టైగర్‌ గ్లోబల్‌ నేతృత్వంలోని ఫండింగ్‌ రౌండ్‌లో  స్పిన్నీ సుమారు  283 మిలియన్‌ డాలర్లను సేకరించింది. దీంతో కంపెనీ విలువ 1.8 బిలియన్‌ డాలర్లకు చేరింది. కస్టమర్ అనుభవాన్ని మెరుగుపరచడానికి , సాంకేతికత, పలు ఉత్పత్తులను అప్‌గ్రేడ్ చేయడానికి తాజా నిధులను ఉపయోగిస్తామని స్పిన్నీ ఒక ప్రకటనలో తెలిపింది.  పాత కార్లే వారి బిజినెస్‌..! 2015లో స్థాపించిన స్పిన్నీ కంపెనీ ఆన్‌లైన్ పోర్టల్‌లో ఉపయోగించిన కార్లను విక్రయించే అవకాశాన్ని కల్పిస్తోంది. 2,000 కంటే ఎక్కువ సెకండ్ హ్యాండ్ మోడల్స్‌ కొనుగోలు దారులకు అందుబాటులో ఉన్నాయి. అంతేకాకుండా టెస్ట్ డ్రైవ్‌ను బుక్ చేసుకోనే వీలును కూడా కల్పిస్తోంది. ఇప్పటి వరకు కంపెనీ వెబ్‌సైట్ ప్రకారం 20,000 సెకండ్‌ హ్యండ్‌ కార్లను విక్రయించింది.  పాత కార్లను సొంతం చేసుకునేవారికోసం ఫైనాన్సింగ్‌ను కూడా స్పిన్నీ అందిస్తోంది. నామమాత్రపు వడ్డీరేట్లతో కొనుగోలుదారులకు రుణాలను ఇస్తోంది.  చదవండి: అమ్మేది మాంసం..! సుమారు ఒక బిలియన్‌ డాలర్లు వారి సొంతం..!

ఎలక్ట్రిక్‌ స్కూటర్‌తో ఒక్కసారిగా దేశవ్యాప్తంగా అందరి దృష్టిని ఆకర్షించిన ఓలా మరో సంచలన నిర్ణయం తీసుకుంది. సెకండ్‌ హ్యాండ్‌ కార్ల మార్కెట్‌లోకి అడుగు పెట్టాలని నిర్ణయించింది. అందుకోసమని కొత్తగా ఓలా కార్స్‌ను ప్రారంభించింది. ట్రై అండ్‌ బయ్‌ సెకండ్‌ హ్యాండ్‌ కార్ల కొనుగోలు అమ్మకం విభాగంలోకి ఓలా ప్రవేశించింది. ఈ మేరకు ఓలా కార్స్‌ సంస్థను ప్రారంభించింది. ట్రయ్‌ అండ్‌ బయ్‌ నినాదంతో మార్కెట్‌లో ఎక్కువ వాటా పొందేందుకు ప్రయత్నాలు చేస్తోంది. సెకండ్‌ హ్యాండ​ కారును నడిపి చూసి సంతృప్తి చెందితేనే కొనండి అంటూ ఓలా కస్టమర్లకు ఆహ్వానం పలుకుతోంది సెకండ్‌కి పెరుగుతున్న డిమాండ్‌ కరోనా సంక్షోభం తర్వాత పబ్లిక్‌ ట్రా‍న్స్‌పోర్ట్‌ కంటే వ్యక్తిగత వాహనాల్లో ప్రయాణాలకు డిమాండ్‌ పెరిగింది. షోరూమ్‌ ధరకు కార్లను కొనుగోలు చేయలేని వారు, కొత్తగా కార్లు తీసుకోవాలనుకునే వారు సెకండ్‌ హ్యాండ్‌ మార్కెట్‌ని ఆశ్రయిస్తున్నారు. ప్రస్తుతం మన దేశంలో సెకండ్‌హ్యాండ్‌ కార్ల మార్కెట్‌ విలువ 18 బిలియన్‌ డాలర్లు ఉండగా 2030 నాటికి 70 బిలియన్‌ డాలర్లకు చేరుకోవచ్చని మార్కెట్‌ రీసెర్చ్‌ సంస్థ పీ అండ్‌ ఎస్‌ అంచనా వేసింది. దీంతో ఈ రంగంలో పట్టు కోసం ఓలా తన వంతు ప్రయత్నాలు ప్రారంభించింది. ఓలాకి సచిన్‌ దన్ను గత కొంత కాలంగా మార్కెట్‌లో ఓలా దూకుడు ప్రదర్శిస్తోంది. ఫ్లిప్‌కార్ట్‌ ఫౌండర్‌ సచిన్‌ బన్సాల్‌ ఓలాలో పెట్టుబడులు పెట్టారు. మరోవైపు ఓలా ఫౌండర్‌ భవీష్‌ అగర్వాల్‌ దూకుడు తోవడంలో ఓలా స్టార్టప్‌ నుంచి బ్రాండ్‌గా ఎదుగుతోంది. ఓలా ఎలక్ట్రిక్‌ స్కూటర్‌ అయితే ఇటీవల కాలంలో సంచలనమే సృష్టించింది. ఏకంగా ఏడాదికి పది కోట్ల యూనిట్ల స్కూటర్లు తయారు చేసేలా ఫ్యాక్టరీని నిర్మిస్తున్నారు.  చదవండి : ఐపీఓకి ఓలా,వేల కోట్ల నిధుల సమీకరణ లక్ష్యంగా సన్నాహాలు

హైదరాబాద్, బిజినెస్‌ బ్యూరో: పాత కార్ల విక్రయంలో ఉన్న మహీంద్రా ఫస్ట్‌ చాయిస్‌ వీల్స్‌ దేశవ్యాప్తంగా శుక్రవారం 75 ఫ్రాంచైజీ కేంద్రాలను ప్రారంభించింది. దీంతో సంస్థ స్టోర్ల సంఖ్య 1,100 దాటింది. ఈ ఔట్‌లెట్లలో  సర్టిఫైడ్‌ యూజ్డ్‌ కార్ల అమ్మకం, రుణ సౌకర్యం వంటి సేవలు పొందవచ్చు. కరోనా మహమ్మారి ఉన్నప్పటికీ పాత కార్లకు డిమాండ్‌ భారీగా ఉందని కంపెనీ చీఫ్‌ ఎగ్జిక్యూటివ్‌ అశుతోశ్‌ పాండే తెలిపారు

లక్నో: మనుషుల్లో మానవత్వం క్రమంగా సన్నగిల్లుతోంది. డబ్బు కోసం ఏదైనా చేసే స్థాయికి దిగజారుతున్నారు. జీవితంలో డ‌బ్బే ముఖ్య‌మ‌ని భావించే కొంద‌రు చివ‌రికి మాన‌వ‌త్వాన్ని కూడా మ‌రిచిపోతున్నారు. లగ్జరీ జీవితం కోసం ఓ జంట చేసిన పని అందరి చేత కంటతడి పెట్టిస్తోంది. కారు కొనేందుకు కన్న పేగును అమ్మకానికి పెట్టిన దారణ ఘటన ఉత్తర ప్రదేశ్‌లో చోటుచేసుకుంది. కన్నౌజ్‌లోని తిర్వా కొత్వాలి పోలీస్ స్టేషన్ పరిధిలో నివసించే దంపతులకు మూడు నెలల కిత్రం పండంటి మగబిడ్డ జన్మించాడు. కొన్నాళ్లు హాయిగా గడిచిన వీళ్ల జీవితంలో ఓ దుర్భుద్ది పుట్టింది. విలాసవంతంగా బతకాలన్న కోరిక కలిగింది.  ఇందుకు ఏకంగా కన్న కొడుకునని కూడా చూడకుండా అమ్మేందుకు సిద్దపడ్డారు. సెకండ్‌ హ్యండ్‌ కారు కొనేందుకు మూడు నెలల పసికందుకు లక్షన్నర రూపాయలకు ఓ వ్యాపారవేత్తకు అమ్మేశారు. అంతేగాక ఇప్పటికే సెకండ్‌ హ్యాండ్‌ కారును సైతం తల్లిదండ్రులు కొనుగోలు చేశారు. అయితే ఈ ఘటనపై శిశువు అమ్మమ్మ, తాతయ్య గురువారం పోలీసులకు ఫిర్యాదు చేయడంతో వెలుగులోకి వచ్చింది. ప్రస్తుతానికి ఇంకా శిశువు వ్యాపారవేత్త దగ్గరే ఉందని, వాళ్ల తల్లిదండ్రులను పిలిచి విచారణ చేపడతామని ఇన్‌స్పెక్టర్‌ శైలేంద్ర కుమార్‌ మిశ్రా తెలిపారు. చదవండి:  మహిళ రెండో పెళ్లి.. ఉమ్మిని నాకాలని కుల పెద్దల శిక్ష తల్లి ప్రాణం తీసిన నలుగురు ఆడపిల్ల జననం  

హైదరాబాద్, బిజినెస్‌ బ్యూరో:  దేశీయ సెకండ్‌ హ్యాండ్‌ కార్ల పరిశ్రమకు కరోనా మహమ్మారి కలిసొచ్చింది. వైరస్‌ నేపథ్యంలో ప్రజా రవాణా సాధనాలను వినియోగించడం రిస్క్‌ అనే భావన పెరగడంతో సొంత వాహన కొనుగోళ్ల వైపు జనం మొగ్గు చూపుతున్నారు. ఈ నేపథ్యంలో కొత్త కారుకు బదులుగా సెకండ్‌ హ్యాండ్‌ కార్ల కొనుగోళ్లకే  జై కొడుతున్నారు. ఫస్ట్‌ టైమ్‌ కార్‌ కొనుగోలుదారులు యూజ్డ్‌ కార్లకే ఆసక్తి చూపిస్తుండటంతో మార్కెట్‌లో డిమాండ్‌ పెరిగింది.  ప్రతి ఏటా దేశవ్యాప్తంగా యూజ్డ్‌ లేదా సెకండ్‌ హ్యాండ్‌ కార్లకు డిమాండ్‌ పెరుగుతోంది. గత రెండు సంవత్సరాలలో యూజ్డ్‌ కార్లకు, పాత కార్ల మధ్య నిష్పత్తి 1.4 నుంచి 1.6కి పెరిగింది. గతేడాది దేశంలో 37 లక్షల సెకండ్‌ హ్యాండ్‌ కార్లు విక్రయమయ్యాయి. సమీప భవిష్యత్తులో ఈ సంఖ్య 40 లక్షలకు చేరుతుందని పరిశ్రమ వర్గాలు అంచనా వేస్తున్నాయి. కొత్త కార్ల కొనుగోలు ఎంక్వైరీలు 16 శాతం క్షీణిస్తే.. సెకండ్‌ హ్యాండ్‌ కార్ల ఎంక్వైరీలు మాత్రం 10 శాతం పెరిగాయని మారుతీ సుజుకీ ఇండియా ఎగ్జిక్యూటివ్‌ డైరెక్టర్‌ శషాంక్‌ శ్రీవాస్తవ తెలిపారు. డిజైర్, బ్యాలెనో, స్విఫ్ట్‌ వంటి 7 ఏళ్ల క్రితంనాటి  కార్ల ధరలు సగటున రూ.3.3 లక్షలుగా ఉంది. ఏడేళ్లు దాటినవయితే రూ.1.60 లక్షలకు దొరుకుతున్నాయి.  (18 ఏళ్లు పైబడిన వారికి టీకా:  ఖర్చు ఎంతో తెలుసా?) వ్యవస్థీకృత మార్కెట్‌ వాటా 20%..  దేశీయ యూజ్డ్‌ కార్ల మార్కెట్‌లో ఎక్కువ భాగం వ్యవస్థీకృత రంగంలోనే ఉంది. మారుతీ సుజుకీ ట్రూ వ్యాల్యూ, హోండా ఫస్ట్‌ చాయిస్, టాటా మోటార్స్‌ అష్యూర్డ్‌ వంటి వ్యవస్థీకృత కార్ల కంపెనీలతో పాటు స్పిన్నీ వంటి స్టార్టప్‌ కంపెనీలు కూడా సెకండ్‌ హ్యాండ్‌ కార్లను విక్రయిస్తున్నాయి. యూజ్డ్‌ కార్ల పరిశ్రమలో వ్యవస్థీకృత రంగం వాటా 20 శాతం వరకుంటుంది. యూజ్డ్‌ కార్ల మార్కెట్‌లో 55 శాతం అమ్మకాలు కన్జ్యూమర్‌ టు కన్జ్యూమర్‌ సేల్స్‌ ఉంటాయని శ్రీవాస్తవ చెప్పారు. గతేడాది కంటే ప్రస్తుతం యూజ్డ్‌ కార్ల వ్యవస్థీకృత కంపెనీలు చాలా వరకు అందుబాటులోకి వచ్చాయి.   (కరోనా ముప్పు: ఎస్‌బీఐ సంచలన రిపోర్ట్‌) యూజ్డ్‌ కార్లకే ఫస్ట్‌ టైమ్‌ బయ్యర్‌ ఓటు..  ద్విచక్ర వాహనం నుంచి కారు కొనుగోళ్లకు.. ఇందులోనూ తొలిసారి కారు కొనుగోలుదారులు క్రమంగా పెరుగుతున్నారు. యూజ్డ్‌ కార్ల మార్కెట్‌లో వేగాన్ని బట్టి గేర్లను నియంత్రించే ఆటోమెటిక్‌ ట్రాన్స్‌మిషన్‌ కార్లకు కూడా డిమాండ్‌ పెరుగుతుందని చెప్పారు. సమీప భవిష్యత్తులో ఈ తరహా కార్ల విభాగం రెండంకెల వృద్ధిని సాధిస్తుందని అంచనా వేశారు. గతేడాది ఎనిమిదేళ్లుగా ఉన్న యూజ్డ్‌ కార్ల సగటు వయసు ప్రస్తుతం తొమ్మిది సంవత్సరాలకు పెరిగిందని చెప్పారు. తొలిసారి కారు కొనుగోలుదారులు సెకండ్‌ హ్యాండ్‌ కార్ల కొనుగోలుకే మక్కువ చూపుతున్నారు. 2018–19 లో మొత్తం యూజ్డ్‌ కార్ల విక్రయాలలో ఫస్ట్‌ టైమ్‌ కారు కొనుగోలుదారులు వాటా 62 %గా ఉండగా.. ప్రస్తుతం ఇది 70%కి పెరిగిందని తెలిపారు.  టాప్‌గేర్‌లో ట్రూ వ్యాల్యూ సేల్స్‌..  మారుతీ సుజుకీ ట్రూ వ్యాల్యూ బ్రాండ్‌ పేరిట యూజ్డ్‌ కార్లను విక్రయిస్తుంది. ఏటా 4,20 లక్షల కార్లను విక్రయిస్తుంది కంపెనీ గణాంకాలు చెబుతున్నాయి. గతేడాది ట్రూ వ్యాల్యూకి 2.3 మిలియన్ల ఎంక్వైరీలు వచ్చాయి. అంతకుముందు సంవత్సరంతో పోలిస్తే ఎంక్వైరీలు పెరిగాయి కానీ విక్రయాలు తగ్గాయని శ్రీవాస్తవ తెలిపారు. 2016-17లో 3,46,603 సెకండ్స్‌ కార్లను విక్రయించగా.. 2017-18లో 3,54,135 యూనిట్లు, 2018-19లో 4,22,892 వాహనాలు, 2019-20లో 4,18,897 కార్లను విక్రయించింది. ట్రూ వ్యాల్యూలో ఫస్ట్‌ టైం కారు కొనుగోలుదారుల విభా గం 3% మేర వృద్ధిని నమోదు చేసిందని చెప్పారు. మహారాష్ట్ర, గుజరాత్, వెస్ట్‌ బెంగాల్‌లో ట్రూ వ్యాల్యూ విక్రయాలు 12 శాతం క్షీణించాయి. ఉత్తరప్రదేశ్‌లో స్థిరంగా ఉన్నాయి.  ఓడోమీటర్ల టాంపరింగ్‌ ఉండదు..  ఆర్గనైజ్‌ కంపెనీల యూజ్డ్‌ కార్లలో వాహనం తిరిగిన కిలో మీటర్లను తగ్గించే ఓడోమీటర్ల టాంపరింగ్‌ వంటి వాటికి అవకాశం ఉండదు. నాణ్యమైన కార్లను విక్రయించడంతో పాటు వారంటీ, మెయింటనెన్స్‌ రికార్డ్స్, ఇతరత్రా పారదర్శకమైన ఆఫర్లను అందిస్తుండటంతో మార్కెట్‌లో డిమాండ్‌ పెరిగిందని రీసెర్చ్‌ అండ్‌ అనలిటిక్ట్స్‌ కంపెనీ ఐహెచ్‌ మార్కిట్, పవర్‌ట్రెయిన్‌ అండ్‌ కంప్లెయిన్స్‌ ఫోర్‌కాస్ట్‌కు నాయకత్వం వహిస్తున్న సూరజ్‌ ఘోష్‌ తెలిపారు. ఉదాహరణకు మారుతీ ట్రూ వ్యాల్యూ ఇద్దరు యజమానుల కంటే ఎక్కువ చేతులు మారిన కార్లను  విక్రయించదు.  ట్రూ వ్యాల్యూ సేల్స్‌  ఎలా ఉన్నాయంటే?  సంవత్సరం    విక్రయాల సంఖ్య  2016–17    3,46,603   2017–18    3,54,135   2018–19    4,22,892   2019–20    4,18,897

కరోనా వైరస్‌ పరిణామాలతో కొత్త కార్ల అమ్మకాలు కొంతకాలంగా దెబ్బతిన్నప్పటికీ యూజ్డ్‌ కార్ల (సెకండ్‌ హ్యాండ్‌) విక్రయాలు మాత్రం జోరుగా సాగుతున్నాయి. తొలిసారిగా సరఫరాకి మించి డిమాండ్‌ నెలకొనడం గమనార్హం. ఏప్రిల్‌–నవంబర్‌ మధ్య కాలంలో కొత్త కార్ల అమ్మకాలు 26.14 శాతం క్షీణించగా, యూజ్డ్‌ కార్ల విక్రయాలు ఏకంగా 22 శాతం పెరిగాయి. కార్ల కంపెనీలు తమ దగ్గర పేరుకుపోయిన నిల్వలను వదిలించుకునేందుకు నానా తంటాలు పడుతుంటే.. యూజ్డ్‌ కార్ల విక్రయ సంస్థలు .. డిమాండ్‌కి తగ్గ స్థాయిలో వాహనాలను సమకూర్చుకోవడంపై దృష్టి పెట్టాయి. ప్రీ–ఓన్డ్‌ కార్లను విక్రయించే శ్రీరామ్‌ ఆటోమాల్‌ గతంలో ప్రతి నెలా సుమారు 4,000–5,000 కార్లను విక్రయిస్తుండగా, ప్రస్తుతం ఇది రెట్టింపై 10,000కు చేరింది. కరోనా పూర్వ స్థాయిలతో పోలిస్తే ప్రస్తుతం తమ వెబ్‌సైట్‌ ట్రాఫిక్‌ నాలుగు రెట్లు పెరిగిందని   ఆన్‌లైన్‌ విక్రయ సంస్థ కార్స్‌24 వెల్లడించింది.   తగ్గిన లభ్యత..  కొత్త కార్ల కొనుగోళ్లు పడిపోయిన నేపథ్యంలో పాత కార్లను ఎక్స్చేంజీ చేసుకునే వారి సంఖ్య కూడా తగ్గింది. ఫలితంగా యూజ్డ్‌ కార్ల లభ్యత తగ్గిపోయింది. సాధారణంగా కొత్త కార్ల విక్రయాల్లో 26–27 శాతం దాకా ఉండే ఎక్స్చేంజీ విభాగం ఒక దశలో 6–7 శాతానికి పడిపోయింది. కొత్త కారు విలువ మూడు–నాలుగేళ్లలో సుమారు 30–50 శాతం దాకా పడిపోతుంది. చాలా మంది కస్టమర్లు ఇలాంటి వాహనాల వైపే ఎక్కువగా మొగ్గు చూపుతుంటారు. అయితే, ఎక్స్చేంజీ వ్యాపారం తగ్గి .. ఈ కేటగిరీ వాహనాలకు కొరత ఏర్పడింది. దీంతో కస్టమర్లు తప్పనిసరై.. దాదాపు అయిదారేళ్ల నుంచి తొమ్మిదేళ్ల దాకా పాతబడిన కార్ల వైపు చూడటం మొదలుపెట్టాల్సి వచ్చింది.  ధరల్లో భారీ వ్యత్యాసం..  కొత్త, పాత కార్ల ధరల మధ్య వ్యత్యాసం భారీగా ఉండటం కూడా కస్టమర్లు ప్రీ–ఓన్డ్‌ వాహనాల వైపు మళ్లుతుండటానికి ఒక కారణమని పరిశ్రమవర్గాలు తెలిపాయి. బీఎస్‌–6 కాలుష్య నియంత్రణ ప్రమాణాలు అమల్లోకి వచ్చాక ఈ వ్యత్యాసం మరింతగా పెరిగిపోయిందని వివరించాయి. సుమారు 50,000–60,000 కి.మీ. ప్రయాణించిన ఓ అయిదేళ్లు పాతబడిన కారు... ప్రస్తుతం కొత్త కారు రేటులో సగానికే దొరుకుతోంది. ఇక ఫైనాన్షియర్స్‌ కూడా గతంతో పోలిస్తే ప్రస్తుతం యూజ్డ్‌ కార్లకు కూడా రుణాలు అందించేందుకు మరింతగా ముందుకొస్తున్నారు. మార్కెట్లోని అన్ని వర్గాలకూ ఈ పరిణామాలు సానుకూలంగా ఉంటున్నాయని వివరించారు.   పెరిగిన ఎంక్వైరీలు.. దేశీ కార్ల తయారీ దిగ్గజం మారుతీ సుజుకీ యూజ్డ్‌ కార్ల విభాగానికి గతేడాది గణనీయంగా ఎంక్వైరీలు వచ్చాయి. 2019లో వీటి సంఖ్య 16,53,264గా ఉండగా గతేడాది 17,51,928కి పెరిగింది. కరోనా పరిస్థితుల కారణంగా ప్రజలు క్రమంగా ప్రజా రవాణా సాధనాల నుంచి వ్యక్తిగత వాహనాల వైపు మళ్లుతున్నారని మారుతీ సుజుకీ ఈడీ శశాంక్‌ శ్రీవాస్తవ పేర్కొన్నారు. అయితే, ఆదాయాలు, ఉద్యోగాలపై అనిశ్చితి నెలకొనడంతో .. చేతిలో కాస్త డబ్బు ఉంచుకునే ఉద్దేశంతో కొత్త కార్ల కన్నా యూజ్డ్‌ కార్ల వైపు కొంత ఎక్కువగా మొగ్గు చూపుతున్నారని వివరించారు.  ఎర్న్‌స్ట్‌ అండ్‌ యంగ్‌ నివేదిక ప్రకారం  57%మంది.. ప్రీ–ఓన్డ్‌ కార్ల వైపే మొగ్గుతున్నారు. వాటా పెంచుకుంటున్న బడా కంపెనీలు..  అసంఘటితంగా ఉన్న యూజ్డ్‌ కార్ల విభాగంలో వృద్ధి అవకాశాలు గుర్తించిన పెద్ద కంపెనీలు క్రమంగా ఈ కేటగిరీలో కార్యకలాపాలను విస్తరిస్తున్నాయి. ఈ మార్కెట్లో సంఘటిత సంస్థల వాటా 2019లో సుమారు 18% ఉండగా.. గతేడాది 25–27%కి పెరగడం ఇందుకు నిదర్శనం. వారంటీలు, సర్టిఫికేషన్‌ వంటి అదనపు ప్రత్యేకతల కారణంగా పెద్ద కంపెనీల వైపు మళ్లే కస్టమర్ల సంఖ్య పెరుగుతోంది.  మహీంద్రా ఫస్ట్‌ చాయిస్‌ వీల్స్‌.. గతేడాది జూలై–డిసెంబర్‌ మధ్యకాలం అమ్మకాల్లో అంతక్రితం ఏడాది అదే వ్యవధితో పోలిస్తే 20% వృద్ధి సాధించింది. 2021–22లో 25% వృద్ధి లక్ష్యంగా పెట్టుకున్నట్లు సంస్థ సీఈవో అశుతోష్‌ పాండే వెల్లడించారు. మహీంద్రా ఫస్ట్‌ చాయిస్‌ వీల్స్‌.. తన నెట్‌వర్క్‌ ద్వారా ప్రతి నెలా సుమారు 14,000 వాహనాలు విక్రయిస్తోంది. కరోనా కష్టకాలంలో కూడా సుమారు 80 స్టోర్స్‌ తెరిచింది. దీంతో మొత్తం స్టోర్స్‌ సంఖ్య 1,000కి పైగా చేరింది. అటు ప్రీ–ఓన్డ్‌ లగ్జరీ కార్ల (పీవోసీ) అమ్మకాలు కూడా జోరందు కుంటున్నాయి. మెర్సిడెస్‌–బెంజ్‌ పీవోసీ  గత తొమ్మిదేళ్లలో 21,000 కార్లు విక్రయించింది. 20% పైగా వార్షిక వృద్ధి నమోదు చేసింది. 

సొంత ఇల్లు, కారు ఉండాలన్నది చాలా మంది కల. అయితే కారు కొనేటప్పుడు మనం చాలా విషయాలను పరిగణలోకి తీసుకోవాల్సి ఉంటుంది. ట్యాక్స్‌ విషయాలు, పేమెంట్‌ విధానం, ఏ మోడల్‌ కొనాలి, కొంత మంది విషయంలో అయితే సెంటిమెంట్లు.. ఇలా చాలా విషయాలను పరిశీలించాలి. మొదటిసారి కారుకొంటున్న వారు ముఖ్యంగా 10 విషయాల గురించి తెలుసుకుంటే మంచిది. 1. బడ్జెట్‌ను చూసుకోండి కొంత మంది విషయాల్లో తప్ప చాలా వరకు కారు కొనుక్కునే వారు మొత్తం డబ్బు ఒకేసారి చెల్లించి కాకుండా ఈఎంఐలో కారు కొంటారు. అయితే మీరు కారు తీసుకునేటప్పుడు మీ బడ్జెట్‌ ఎంత ఉంది, నెలవారీ మీ అవసరాలు పోను ఎంత మిగులుతుంది. ఎక్కువ భారం పడకుండా ఎంత వరకు ఈఎంఐ కట్టగలరో చూసుకొని కారును ఎంపిక చేసుకోవాలి. 2. ఎంత దూరం ప్రయాణించాలనుకుంటున్నారు కారు కొనే అవసరం ఒక్కొక్కరికి ఒక్కోలా ఉంటుంది. కొంతమంది ఫ్యామిలీతో సరదగా బయటకు వెళ్లడానికి కారు కొంటే కొంత మంది ఆఫీస్‌ అవసరాల కోసం కొంటారు. మరి కొంతమంది లాంగ్‌ డ్రైవ్‌లకు వెళ్లడానికి కారును ప్రిఫర్‌ చేస్తారు. దీనిలో మీరు దేనికోసం కారు కావాలనుకుంటున్నారో సరిగా ఆలోచించుకొని దాని ప్రకారం మీ కారును సెలక్ట్‌ చేసుకోండి. 3.రీసెర్చ్‌ చేయండి:  కారు కొనడానికి బడ్జెట్‌ ఎంత ఈఎంఐ ఎంత ఇలా అని ప్లాన్‌ చేసుకున్న తరువాత మార్కెట్‌లో మీ బడ్జెట్‌కు ఏ ఏ కార్లు అందుబాటులో ఉన్నాయో పరిశోధించండి. మీకు తెలిసిన వారిని కనుక్కోవడమే కాకుండా కొంత టైం వెచ్చించి గూగుల్‌లో మీరు కొనాలనుకుంటున్న కారు ఫీచర్స్, డ్రాబ్యాక్స్‌, రివ్యూ, వేరువేరు డీలర్ల గురించి చెక్‌ చేయండి.  4.  ఏవిధంగా కొనాలో నిర్ణయించుకోండి కారు కొనడానికి కావాల్సినంత డబ్బు మీరు సమకూర్చుకోలేకపోతే మీరు లోన్‌ కోసం బ్యాంక్‌ల మీద కానీ, క్రెడిట్‌ కార్డు ఎజెన్సీల మీద కానీ ఆధారపడాల్సి వస్తుంది. దీని కోసం బ్యాంకులు వాటి వడ్డీ రేట్లను, క్రెడిట్‌ కార్డు ఎజెన్సీలను పరిశీలించి లోన్‌ తీసుకోండి.  5. మీ క్రెడిట్‌ స్కోర్‌ పెంచుకోండి:  క్రెడిట్‌ స్కోర్‌ మంచిగా ఉంటే బ్యాంకులు మీకు రుణం ఇవ్వడానికి ఆసక్తిని చూపిస్తాయి. మీకు కొన్ని అదనపు ప్రయోజనాలు కూడా లభిస్తాయి. కాబట్టి లోన్‌ తీసుకునే ముందు మీ క్రెడిట్‌ స్కోర్‌ను పెంచుకోండి 6. పాత కారును ఎంచుకోవడానికి ప్రయత్నించండి మీరు మొదటి సారి కారు కొంటున్నట్లయితే పాత కారును ఎంచుకోవడానికి ప్రయత్నించండి. మార్కెట్‌లో ఐదేళ్ల నుంచి మూడేళ్ల ఓల్డ్‌ కారులు కూడా ఉంటాయి. మొదట వాటిని కొనండి. వీటిని కొనేటప్పుడు మీకు ఎక్కువ మార్జిన్‌ కూడా లభిస్తుంది.  7. టెస్ట్‌ డ్రైవ్‌కు వెళ్లండి మీ బడ్జెట్‌లో ఉన్న కారును నిర్ణయించుకున్న తరువాత ఒకటికి రెండుసార్లు టెస్ట్‌ డ్రైవ్‌కు వెళ్లండి. ఎందుకంటే మీకు ఆ కారు ఎంతవరకు సౌకర్యంగా ఉంది. ఎంత వరకు మీ అవసరాలకు సరిపోతుంది అనే విషయం అవగాహనకు వస్తుంది.  8. బేరం ఆడండి ఏ కారు కొనాలో నిర్ణయించుకున్న తరువాత దాని కాంట్రాక్ట్‌ అగ్రిమెంట్‌ పూర్తిగా చదివి టర్మ్స్‌ అండ్‌ కండీషన్స్ తెలుసుకొండి. వారంటీ ఎంత కాలం ఉంది అనే విషయాలను క్షుణ్ణంగా పరిశీలించండి. అనంతరం డీలర్‌తో మీరు ఎంతకు కొనాలనుకుంటున్నారో బేరం ఆడండి, దీని వలన మీకు ఇంకొంచెం తక్కువ రేటుకు కారు లభిస్తుంది.  9. కారును పరీక్షించండి మీరు సెకెండ్‌ హ్యాండ్‌ కారు బంధువుల నుంచి కానీ, మిత్రుల నుంచి కానీ లేదా డీలర్ల నుంచి కొనాలనుకుంటే దానిని కార్ల గురించి బాగా తెలిసిన వారి చేత టెస్ట్ చేయించండి. చాలా మెకానిక్‌ షోరూంలు ప్రీ ఇన్‌స్ఫెక్షన్‌ సదుపాయాన్ని కూడా కల్పిస్తున్నాయి. కాబట్టి అలాంటి వాటి దగ్గర మీరు కొనే కారును పరీక్షించండి. దాని ద్వారా కారు అసలైన పరిస్థితి మీకు అర్థం అవుతుంది. మీ డబ్బులకు సరైన విలువ దొరుకుతుంది.  10. రైడ్‌కు వెళ్లి ఎంజాయ్‌ చేయండి ఇక కారు కొనేటప్పుడు ఈ విషయాలన్ని చూసుకున్నతరువాత మీకు ఇష్టమైన కారును కొనుక్కొని మీ కోరిక నెరవేరిందనే సంతోషంలో ఒక డ్రైవ్‌కి వెళ్లి వచ్చేయండి. బడ్జెట్‌ ప్లానింగ్‌, రీసెర్చ్‌ అనేవి కారు కొనేటప్పుడు మీరు కచ్చితంగా తీసుకోవాల్సిన జాగ్రత్తలు. 

సాక్షి, సిటీబ్యూరో: కరోనా వైరస్‌ విజృంభణ... దేశ వ్యాప్తంగా లాక్‌డౌన్‌ అమలు... ఎక్కడిక్కడ స్తంభించిపోయిన ప్రజారవాణా... వెరసి ఎవరికి వారు వ్యక్తిగత వాహనాల వైపు మొగ్గు చూపుతున్నారు. ఇప్పటి వరకు రోజు వారీ ప్రయాణాలకు బస్సులు, లోకల్‌ రైళ్లు, మెట్రో, షేర్‌ క్యాబ్స్, కార్‌ పూలింగ్‌లను వినియోగించినవారు సైతం ఇప్పుడు సొంత వాహనాలు వాడుతున్నారు. ఇప్పటికే వాహనాలు ఉన్న వారు వాటిని వాడుతుండగా... లేని వారు ఖరీదు చేస్తున్నారు. ప్రస్తుతం నెలకొన్న పరిస్థితుల నేపథ్యంలో కొత్తవి కొనుక్కోవడం ఆర్థికంగా ఇబ్బందుల్ని తెచ్చిపెడుతోంది. దీంతో గతంలో ఎన్నడూ లేని విధంగా సెకండ్‌ హ్యాండ్‌ వాహనాలకు డిమాండ్‌ పెరిగింది. ఈ అంశంపై దేశవ్యాప్తంగా సర్వే నిర్వహించిన కార్స్‌ 24 సంస్థ ఈ విషయాన్ని వెల్లడించింది. దేశంలోని మెట్రో నగరాల్లో 100 మంది డీలర్లు, పది వేల మంది కస్టమర్ల అభిప్రాయాలను సేకరించి ఈ విషయం నిర్థారించింది. లాక్‌డౌన్‌ను పూర్తి స్థాయిలో ఎత్తివేసినా.. ఇప్పుడప్పుడే ప్రజా రవాణాను వినియోగించడానికి అత్యధికులు సిద్ధంగా లేరు. ఫలితంగా లాక్‌డౌన్‌ ముందు కంటే ఇప్పుడు సెకండ్‌ హ్యాండ్‌ వాహనాల డిమాండ్‌ భారీగా పెరిగినట్టు ఆ సంస్థ గుర్తించింది. లాక్‌డౌన్‌కు ముందు సెకండ్‌ హ్యాండ్‌ వాహనాల మార్కెట్‌ 19 శాతం ఉండగా... లాక్‌డౌన్‌ తర్వాత అది 37 శాతానికి పెరిగింది. అలాగే కొత్త వాహనాల మార్కెట్‌ 81 శాతం నుంచి 63 శాతానికి పడిపోయింది. దేశంలోని ఇతర మెట్రో నగరాల కంటే బెంగళూరులో ఈ డిమాండ్‌ అధికంగా ఉంది. ఈ ఏడాది మార్చికి ముందు, ఆ తర్వాత గణాంకాల ప్రకారం ఆ నగరంలో సెకండ్‌ హ్యాండ్‌ వాహనాల మార్కెట్‌ 81 శాతం పెరిగింది. ఈ తర్వాతి స్థానంలో ఢిల్లీ (35 శాతం పెరుగుదల) ఉండగా... 10 శాతం పెరుగుదలతో హైదరాబాద్‌ నగరంలో మూడో స్థానంలో నిలిచింది. మహారాష్ట్రలోని పుణేలో ఈ డిమాండ్‌ 5 శాతం పెరిగింది. సెకండ్‌ హ్యాండ్‌ వాహనాల్లోనూ ద్విచక్ర వాహనాల కంటే కార్లు వంటి తేలికపాటి వాహనాలు ఖరీదు చేయడానికి అత్యధికులు మొగ్గు చూపుతున్నారు. రహదారిపై ప్రయాణిస్తున్నప్పుడు బైక్స్‌ కంటే కార్లు సురక్షితం కావడంతో ఇలా చేస్తున్నారు. మరోపక్క రోడ్లపై ప్రయాణించే సందర్భాల్లో వివిధ రకాలుగా కరోనా వైరస్‌ బారినపడకుండా ఉండటానికీ కార్లకే ప్రాధాన్యం ఇస్తున్నారు. సెకండ్‌ హ్యాండ్‌ కార్లను ఖరీదు చేసే వారిలో 45 శాతం మంది రూ.2 లక్షల నుంచి రూ.5 లక్షల మధ్య ధర ఉన్న వాటికే ప్రాధాన్యం ఇస్తున్నారని కార్స్‌ 24 గుర్తించింది. ప్రధానంగా మారుతి స్విఫ్ట్, వ్యాగనార్, వోక్స్‌వ్యాగన్‌ పోలో, హుండై ఐ10, ఐ 20 బ్రాండ్లే ఎక్కువగా ఖరీదు చేస్తున్నారు. ఇన్నాళ్లు కాలుష్యం, ట్రాఫిక్‌ రద్దీ తదితర కారణాలతో పబ్లిక్‌ ట్రాన్స్‌పోర్ట్‌ వైపు మొగ్గు చూపినవారు కూడా ఇప్పుడు సెకండ్‌ హ్యాండ్‌ కార్లు ఖరీదు చేస్తున్నారు. కేవలం సెకండ్‌ హ్యాండ్‌ కార్లు విక్రయించే షోరూమ్స్‌తో పాటు ఆన్‌లైన్‌లోనూ ఈ వ్యాపారం జోరుగా సాగుతోంది. కొన్ని ప్రముఖ వెబ్‌సైట్లు వివిధ రకాలైన ఆఫర్లతో వినియోగదారుల్ని ఆకర్షిస్తున్నాయి. వాహన విక్రేత, ఖరీదు చేసే వ్యక్తుల మధ్య కాంటాక్ట్‌ లెస్‌ సర్వీసులు, డోర్‌స్టెప్‌ టెస్ట్‌ డ్రైవ్‌లు, ఆన్‌లైన్‌ డాక్యుమెంటేషన్, డిజిటల్‌ చెల్లింపులు, ఉచిత ఓనర్‌ షిప్‌ ట్రాన్స్‌ఫర్, కారు కండిషన్‌ పరీక్షలు, తక్కువ వడ్డీకి తేలికగా ఫైనాన్స్‌ సర్వీసులు అందిస్తూ వినియోగదారుల్ని తమ వైపు తిప్పుకునే ప్రయత్నం చేస్తున్నాయి. వివిధ మెట్రో నగరాలకు చెందిన అనేక మంది సెకండ్‌ హ్యాండ్‌ వాహనాల కోసం ఓఎల్‌ఎక్స్‌ వంటి ఈ–యాడ్స్‌ వెబ్‌సైట్లును ఆశ్రయిస్తున్నారు. ఉత్తరాదికి చెందిన సైబర్‌ నేరగాళ్లు దీన్ని తమకు అనువుగా మార్చుకుంటున్నారు. ప్రీ ఓన్డ్, యూజ్డ్‌ కార్లుగా పిలిచే సెకండ్‌ హ్యాండ్‌ వాహనాలను తక్కువ ధరకు విక్రయిస్తామంటూ ఆర్మీ అధికారుల మాదిరిగా ఓఎల్‌ఎక్స్‌లో ప్రకటనలు గుప్పిస్తున్నారు. వీటికి ఆకర్షితులై ఎవరైనా సంప్రదిస్తే... బేరసారాల తర్వాత అడ్వాన్సులు, ట్రాన్స్‌పోర్ట్‌ చార్జీల పేరుతో అందినకాడికి తమ ఖాతాల్లో జమ చేయించుకుని మోసం చేస్తున్నారు. ఈ సైబర్‌ నేరగాళ్లు కార్లు విక్రయిస్తామంటూ ఓఎల్‌ఎక్స్‌లో పోస్టు చేసిన వారినీ టార్గెట్‌ చేసుకుంటున్నారు. వారిని సంప్రదిస్తూ ఆయా వాహనాలను ఖరీదు చేస్తామంటూ ఎర వేస్తున్నారు. ఆపై నగదు చెలిస్తున్నామనే పేరుతో వివిధ పేమెంట్‌ యాప్స్‌కు చెందిన క్యూఆర్‌ కోడ్స్‌ పంపించి స్కానింగ్‌ చేయిస్తున్నారు. ఈ రకంగానూ టార్గెట్‌ చేసిన వ్యక్తుల ఖాతాల్లోంచి డబ్బు కాజేస్తున్నారు. ఈ తరహాకు చెందిన ఫిర్యాదులు నెలకు 100కు పైగా సైబర్‌ క్రైమ్‌ పోలీసుస్టేషన్లకు వస్తున్నాయి.  

అమీర్‌పేట: సెకండ్‌హ్యాండ్‌ సేల్‌ వ్యాపారులు ఇష్టారాజ్యంగా వ్యవహరిస్తున్నారు. రోడ్డుకు ఇరువైపులా ఫుట్‌పాత్‌లను ఆక్రమించి వ్యాపార సముదాయాలుగా మార్చేస్తున్నారు. దీనికి తోడు ప్రైవేట్‌ సంస్థల వాహనాలనూ రోడ్లపైనే నిలుపుతుండడంతో పాదచారులు తీవ్ర ఇబ్బందులు ఎదుర్కొంటున్నారు. ప్రజాప్రతినిధులు సంబంధిత అధికారులను ఆదేశించినా ఫలితం లేకుండా పోతోందని స్థానికులు వాపోతున్నారు. కార్ల సెకండ్‌ సేల్స్‌కు బల్కంపేట, అమీర్‌పేట, సంజీవరెడ్డినగర్‌ ప్రాంతాలు కేంద్రాలుగా మారాయి. చాలామంది ఇక్కడి పరిసర ప్రాంతాల్లో  వ్యాపారాలు చేసేందుకు ఆసక్తి చూపుతున్నారు.అయితే వాహనాలు పార్కింగ్‌ చేసేందుకు వీలున్న చోట వ్యాపారాలు చేయాల్సి ఉండగా.. చాలామంది నివాస గృహాలను అద్దెకు తీసుకొని బిజినెస్‌ నడిపిస్తున్నారు. విక్రయానికి వచ్చే కార్లను రోజుల తరబడి ఫుట్‌పాత్‌లపై నిలిపి ఉంచుతున్నారు. ఫలితంగా నిత్యం రద్దీగా ఉండే బల్కంపేట ఎల్లమ్మ దేవాలయం వెనకా, 60 ఫీట్‌ రోడ్డు, బీకేగూడ, ఈఎస్‌ఐ ఆసుపత్రి ప్రాంతాల్లో తరుచూ ట్రాఫిక్‌ సమస్యలు తలెత్తుతున్నాయి. ఎస్‌ఆర్‌నగర్‌ కమ్యూనిటీ హాలు నుంచి బీకేగూడ మున్సిపల్‌ వార్డు కార్యాలయం వరకు ఫుట్‌పాత్‌లు పూర్తిగా కనుమరుగయ్యాయి. దీనిపై బల్దియా అధికారులు, ట్రాఫిక్‌ పోలీసులకు ఫిర్యాదు చేసిన పట్టించుకోవడం లేదని స్థానికులు ఆవేదన వ్యక్తం చేస్తున్నారు. 


 దేశంలో లగ్జరీ కార్ల మార్కెట్‌ జోరుగా ఉంది. కార్ల కంపెనీల మధ్య పోటీ పెరగడం, సెకండ్‌ హ్యాండ్ కార్ల మార్కెట్‌ విస్తరిస్తుండటంతో లగ్జరీ కార్ల అమ్మకాలు  పెరుగుతున్నాయి. గత ఆర్థిక సంవత్సరం(2013-2014)లో ప్యాసింజర్‌ కార్ల అమ్మకాలు 6 శాతం తగ్గాయి. అదే సమయంలో లగ్జరీ కార్ల అమ్మకాలు 25 శాతం పెరిగి, 35 వేల యూనిట్లకు పెరిగాయి. అదే సమయంలో సెకండ్ హ్యాండ్‌ లగ్జరీ కార్ల మార్కెట్‌ 60 శాతం పెరిగి 30 వేల యూనిట్లకు చేరింది. సాధారణంగా ప్రతి రెండు మూడేళ్లలో లగ్జరీ కార్లను  వాటి యజమానులు మార్చేస్తున్నారు. ఈ కారణంగా యూజ్డ్‌ కార్ల మార్కెట్‌ విస్తృతి పెరుగుతూ వస్తోంది. ఈ ఏడాది ప్రథమార్ధంలో మెర్సిడెజ్‌-బెంజ్‌ యూజ్‌డ్‌ కార్ల అమ్మకాలు 42 శాతం పెరిగాయి. గడిచిన కొన్ని సంవత్సరాలుగా యూజ్‌డ్‌ లగ్జరీ కార్ల మార్కెట్‌ సగటున 25 శాతం చొప్పున వృద్ధి చెందుతూ వస్తోంది. బిఎండబ్లూ 3 సిరీస్‌ కారు కొత్తది 34 లక్షల రూపాయలు కాగా, సెకండ్‌ హ్యాండ్‌ ధర 22 లక్షల రూపాయలుగా ఉంది. కారు వయసు పెరిగే కొద్దీ ధర మరింతగా తగ్గుతుంది.
 
 ప్రస్తుతం మన దేశంలో బెంజ్‌, బిఎండబ్లూ, ఆడి కార్లు ప్రధానంగా లగ్జరీ కారు బ్రాండ్లుగా ఉన్నాయి. వీటికి పోటీగా టయోటా లెక్సస్‌, నిస్సాన్‌ ఇన్ఫినిటీ, జనరల్‌ మోటార్స్‌ క్యాడిల్లాక్‌ కంపెనీలు కూడా ఇండియన్‌ మార్కెట్‌ మీద దృష్టి పెట్టాయి. మార్కెట్‌ విస్తృతి పెరిగే కొద్దీ కొత్త కంపెనీలు రంగంలోకి రావడం సహజం. ఈ పోటీని తట్టుకునేందుకు ఇప్పటికే ఉన్న కంపెనీలు తక్కువ ధరల్లో ఎక్కువ ఫీచర్స్‌ ఉండే లగ్జరీ కార్లను రంగంలోకి దించుతున్నాయి. మొత్తం మీద కుబేరులు, కోట్ల రూపాయల వేతనాలందుకునే ఎగ్జిక్యూటివ్‌లతోపాటు ఓ మాదిరి ధనవంతులు కూడా ఇప్పుడు లగ్జరీ కార్లు కొనుగోలు చేసే అవకాశం ఏర్పడుతోంది.
 **