బీమా రంగ దిగ్గజం ఎస్‌బీఐ జనరల్‌ ఇన్సూరెన్స్‌ తమ ఫ్లాగ్‌షిప్‌ ఆరోగ్య బీమా పథకం హెల్త్‌ ఆల్ఫాను ఆవిష్కరించింది. జీవన విధానాలు, ఆరోగ్య సంరక్షణ అవసరాలకు తగ్గట్లు 50 పైగా కవరేజీ ఆప్షన్లతో ఇది లభిస్తుంది. సమ్‌ ఇన్సూర్డ్‌ రూ. 5 లక్షల నుంచి ఉంటుంది. దీర్ఘకాలికంగా 5 ఏళ్ల వరకు పాలసీ వ్యవధిని ఎంచుకోవచ్చు.క్లెయిమ్స్‌ చేయకపోతే ఏటా పది రెట్లు క్యుములేటివ్‌ బోనస్, జిమ్‌.. స్పోర్ట్స్‌ గాయాలకు కవరేజీ, కోట్‌ జనరేట్‌ చేసిన అయిదు రోజుల్లోగా కొత్త పాలసీని కొనుగోలు చేస్తే 5 శాతం వెల్కం డిస్కౌంటు, డే కేర్‌ ట్రీట్‌మెంట్‌ మొదలైన ఫీచర్లు ఈ పాలసీలో ఉన్నాయి. జీఎస్‌టీ సంస్కరణల తర్వాత పరిశ్రమలో తొలిసారిగా ప్రవేశపెట్టిన పథకం ఇదని సంస్థ డిప్యూటీ సీఈవో మొహమ్మద్‌ ఆరిఫ్‌ ఖాన్‌ తెలిపారు.ప్లాన్‌ పూర్తి ఫీచర్లు10 రెట్ల వరకు క్యూమ్యులేటివ్ బోనస్‌: ఇది ఒక అదనపు కవర్. పాలసీ కింద ఏదైనా క్లెయిమ్ చేయకపోతే ప్రతి సంవత్సరం గరిష్ఠంగా 10 రెట్లు క్యూమ్యులేటివ్ బోనస్ అందిస్తుంది.అన్‌లిమిటెడ్ సమ్ ఇన్సూర్డ్‌: ఈ పాలసీ బేస్ సమ్ ఇన్ష్యూర్డ్ పరిమితి లేకుండా ఉంటుంది. పాలసీ నిబంధనలు, షరతుల ప్రకారం, ఎంత మొత్తం క్లెయిమ్ అయినా చెల్లిస్తారు.ఎండ్లెస్ సమ్ ఇన్ష్యూర్డ్: ఒకే క్లెయిమ్‌లో బేస్ సమ్ ఇన్ష్యూర్డ్ దాటి ఆసుపత్రి ఖర్చులను కవర్ చేస్తుంది. ఈ ప్రయోజనాన్ని పాలసీ జీవితంలో ఒక్కసారి మాత్రమే వినియోగించవచ్చు.జిమ్ & స్పోర్ట్స్ ఇంజురీ కవర్: ఇది ఇండస్ట్రీలోనే మొదటిసారిగా అందిస్తున్న ప్రత్యేక అదనపు కవర్. హాబీ స్పోర్ట్స్ లేదా డైలీ ఫిట్‌నెస్ కార్యకలాపాలలో గాయపడిన సందర్భాలలో ఓపీడీ ప్రయోజనాలను అందిస్తుంది. ఇందులో స్పెషలిస్ట్ కన్సల్టేషన్‌లు, డయాగ్నస్టిక్ పరీక్షలు, ప్రిస్క్రైబ్డ్ మెడిసిన్లు, ఫిజికల్ థెరపీ కవర్ అవుతాయి.ప్లాన్ అహెడ్: ఈ ప్రత్యేక అదనపు ప్రయోజనం వల్ల పాలసీదారు సంపాదించిన వెయిటింగ్ పీరియడ్ కంటిన్యూయిటీని కొత్తగా పెళ్లి అయిన జీవిత భాగస్వామికి (గరిష్ఠంగా 35 ఏళ్ల వయస్సు వరకు), నవజాత శిశువులకు (గరిష్ఠంగా 2 మంది పిల్లలు) వర్తింపజేయవచ్చు. అయితే వారు వివాహం లేదా పుట్టిన తేదీ నుండి 120 రోజులలోపు పాలసీలో చేరాల్సి ఉంటుంది.వెల్కమ్ డిస్కౌంట్: కోటేషన్ రూపొందించిన 5 రోజులలోపుగా పాలసీ కొనుగోలు చేసినట్లయితే 5శాం ప్రత్యేక "వెల్కమ్ డిస్కౌంట్" ఇస్తారు.

భారతదేశంలో ప్రముఖ బీమా సంస్థల్లో ఒకటైన ఎస్‌బీఐ జనరల్ ఇన్సూరెన్స్ తమ వినియోగదారుల అవసరాలకు అనుగుణంగా హెల్త్ ఆల్ఫా (Health Alpha) పేరుతో సమగ్ర ఆరోగ్య బీమా పథకాన్ని ప్రవేశపెడుతున్నట్లు ప్రకటించింది. ఆధునిక వైద్య ఖర్చులను సమర్థవంతంగా ఎదుర్కోవడానికి, అన్ని వయసుల వారికి మెరుగైన రక్షణ కల్పించడానికి రూపొందిస్తున్నట్లు చెబుతున్న ఈ ప్లాన్ వివిధ రకాల ప్రత్యేకతలు, సౌకర్యాలు, ప్రయోజనాలు కలిగి ఉందని కంపెనీ తెలిపింది.అనూహ్యంగా పెరిగే వైద్య ఖర్చుల నుంచి పాలసీదారులకు ఆర్థిక భద్రత కల్పించడానికి ఎస్‌బీఐ జనరల్ (SBI General) ఈ ప్లాన్‌ను అందుబాటులోకి తీసుకొచ్చినట్లు పేర్కొంది. జీఎస్టీ సంస్కరణల తర్వాత ఎస్‌బీఐ ‍ప్రారంభించిన మొదటి ఆరోగ్య బీమా ఇది.అదనంగా ప్రీమియం చెల్లించకుండా 10 రెట్లు క్లెయిం-ఫ్రీ క్యుమిలేటివ్ బోనస్‌ను అందిస్తున్నట్లు చెప్పింది. ఈ ప్లాన్‌లో బేస్ కవరేజీపై గరిష్ట పరిమితి లేదని తెలిపింది. ‘జిమ్, స్పోర్ట్స్ ఇంజ్యూరీ కవరేజి కూడా లభిస్తుంది. అందుకు ఓపీడీ ప్రయోజనాలు, పరీక్షలు, చికిత్స, మందుల ఖర్చులు కూడా కవర్‌ అవుతాయి. ప్లాన్‌ కొనుగోలు చేసేందుకు కోట్ చేసిన 5 రోజుల్లోగా కొనుగోలు చేసినట్లయితే ప్రీమియంపై 5% తగ్గింపు పొందవచ్చు’ అని కంపెనీ తెలిపింది.ఇదీ చదవండి: చనిపోయేంత కాలం బ్యాంకు నుంచి డబ్బు వచ్చేలా..

హైదరాబాద్, బిజినెస్‌ బ్యూరో: ప్రభుత్వ రంగ బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) రెండు అనుబంధ సంస్థల పబ్లిక్‌ ఇష్యూపై కసరత్తు చేస్తోందని ఎస్‌బీఐ గ్రూప్‌ చైర్మన్‌ చల్లా శ్రీనివాసులు (సీఎస్‌) శెట్టి తెలిపారు. ఎస్‌బీఐ జనరల్‌ ఇన్సూరెన్స్, ఎస్‌బీఐ మ్యూచువల్‌ ఫండ్‌ వీటిలో ఉన్నాయని చెప్పారు. స్టాక్‌ మార్కెట్‌లో లిస్టింగ్‌కు సంబంధించి నిర్దిష్ట గడువేదీ నిర్దేశించుకోలేదని పేర్కొన్నారు.గ్రూప్‌లో ప్రస్తుతం 18 అనుబంధ సంస్థలు ఉన్నాయని, వీటిపై సుమారు రూ.6,500 కోట్లు ఇన్వెస్ట్‌ చేయగా, వాటి విలువ ప్రస్తుతం రూ.4 లక్షల కోట్ల పైచిలుకు ఉంటుందని వివరించారు. ఆంధ్రప్రదేశ్, తెలంగాణ రాష్ట్రాల్లోని అనకాపల్లి, ఖమ్మం తదితర ప్రాంతాల్లో ఎస్‌బీఐ జనరల్‌ ఇన్సూరెన్స్‌కు సంబంధించిన 30 హెల్త్‌ ఇన్సూరెన్స్‌ శాఖలను శనివారం ఆయన వర్చువల్‌గా ప్రారంభించారు. ఇవి ప్రత్యేకంగా ఆరోగ్య బీమా సర్వీసులను అందించేందుకే ఉద్దేశించినవని శ్రీనివాసులు శెట్టి తెలిపారు. తెలుగు రాష్ట్రాల్లో 2,100 పైగా ఆస్పత్రుల నెట్‌వర్క్‌తో సేవలు అందిస్తున్నట్లు ఎస్‌బీఐ జనరల్‌ ఇన్సూరెన్స్‌ ఎండీ నవీన్‌ చంద్ర ఝా చెప్పారు. టారిఫ్‌ల అనిశ్చితి తొలగిపోతే మంచిది.. భారత్‌పై అమెరికా టారిఫ్‌ల వల్ల ప్రత్యక్షంగా పడే ప్రభావం తక్కువే అయినప్పటికీ, వాటి వల్ల తలెత్తిన అనిశ్చితి సాధ్యమైనంత త్వరగా తొలగిపోతే మంచిదని శ్రీనివాసులు శెట్టి అభిప్రాయపడ్డారు. అమెరికాకు ఎక్కువగా ఎగుమతయ్యే రసాయనాలు, టెక్స్‌టైల్స్, ఆభరణాలు, తెలుగు రాష్ట్రాల నుంచి ఆక్వా తదితర రంగాలకు టారిఫ్‌ల వల్ల సవాళ్లు తలెత్తవచ్చని చెప్పారు. అయితే, టారిఫ్‌ల ప్రభావిత రంగాలకు రుణాలు స్వల్ప స్థాయిలోనే ఉన్నందున తమ బ్యాంకుపై ప్రభావం పెద్దగా ఉండదని తెలిపారు.

ముంబై: ఎస్‌బీఐ జనరల్‌ ఇన్సూరెన్స్‌ కొత్తగా ఎస్‌బీఐ జనరల్‌ ఫ్లెక్సీ హోమ్‌ ఇన్సూరెన్స్‌ ప్లాన్‌ను తీసుకొచ్చింది. సొంతిల్లు లేదా అద్దె ఇంటికి సంబంధించి సమగ్రమైన బీమా రక్షణను ఈ ప్లాన్‌ అందిస్తుందని ఎస్‌బీఐ జనరల్‌ తెలిపింది. కస్టమర్లు తమ అవసరాలకు అనుకూలంగా దీన్ని తీసుకోవచ్చని పేర్కొంది.ఇంట్లోని విలువైన వస్తువులతోపాటు.. ప్రత్యామ్నాయ వసతి కోసం అయ్యే వ్యయాలు, ఇంట్లో చోరీల నుంచి రక్షణ ఇలా అన్ని రకాల రక్షణలు ఈ ప్లాన్‌లో అందుబాటులో ఉంటాయి. ఫైర్‌ కవర్‌ ఒక్కటి తప్పనిసరిగా ఉంటుంది. మిగిలినవి పాలసీదారులు తమ అవసరాలకు అనుగుణంగా ఎంపిక చేసుకోవచ్చు. ఒక్కసారి ప్రీమియంతో 20 ఏళ్లకు రక్షణ పొందొచ్చని ఎస్‌బీఐ జనరల్‌ ఇన్సూరెన్స్‌ వెల్లడించింది.

ఎస్‌బీఐ జనరల్‌ ఇన్సూరెన్స్‌ మార్చితో ముగిసిన గత ఆర్థిక సంవత్సరం(2024–25) ప్రోత్సాహకర ఫలితాలు సాధించింది. నికర లాభం రెట్టింపునకుపైగా జంప్‌చేసి రూ. 509 కోట్లకు చేరింది. అంతక్రితం ఏడాది(2023–24) కేవలం రూ. 240 కోట్లు ఆర్జించింది.స్థూల ప్రీమియం ఆదాయం(జీడబ్ల్యూపీ) సైతం 11 శాతం ఎగసి రూ. 14,140 కోట్లను తాకింది. అంతక్రితం ఏడాది రూ. 12,731 కోట్ల జీడబ్ల్యూపీ సాధించింది. కంపెనీ సాల్వెన్సీ రేషియో ఆర్థిక పటిష్టతను సూచిస్తూ 2ను మించింది. నిబంధనల ప్రకారం 1.5 నిష్పత్తిని మించింది. ప్రభుత్వ రంగ బ్యాంకింగ్‌ దిగ్గజం ఎస్‌బీఐకు సాధారణ బీమా రంగ అనుబంధ సంస్థ ఇది.హెల్త్ ఇన్సూరెన్స్ విభాగం 19.2 శాతం, మోటార్ ఇన్సూరెన్స్ 31.2 శాతం వృద్ధిని నమోదు చేసుకోవడంతో కంపెనీ పటిష్టమైన పనితీరు కనబరిచింది. మెరైన్ కార్గో, ఇంజినీరింగ్, కమర్షియల్ లైన్స్ సహా ఇతర విభాగాలు కూడా బీమా కంపెనీ వృద్ధికి ఊతమిచ్చాయి.ఎస్‌బీఐ జనరల్ ఇన్సూరెన్స్ ఎండీ, సీఈఓ నవీన్ చంద్ర ఝా మాట్లాడుతూ ‘2025 ఆర్థిక సంవత్సరం పనితీరు కస్టమర్ సర్వీస్, వృద్ధి, లాభదాయకత పట్ల మా నిబద్ధతను ప్రతిబింబిస్తుంది. జీడబ్ల్యూపీ వృద్ధి 11.1 శాతం, పీఏటీలో 2.1 రెట్లు పెరుగుదలతో, మేము మార్కెట్ కంటే వేగంగా అభివృద్ధి చెందుతున్నాం’ అ​న్నారు.

దేశంలోని ప్రముఖ జనరల్‌ ఇన్సూరెన్స్‌ కంపెనీల్లో ఒకటైన ఎస్‌బీఐ జనరల్ ఇన్సూరెన్స్ (SBI General Insurance) ప్రధాన మంత్రి ఫసల్ బీమా యోజన (PMFBY) కింద రైతులకు పంట బీమా పాలసీలను అందించేందుకు ముందుకు వచ్చింది. ఈ మేరకు కేంద్ర వ్యవసాయ, రైతు సంక్షేమ శాఖతో కలిసి పాలసీలను రైతుల ముంగిటకు చేర్చే ‘మేరీ పాలసీ మేరే హాథ్’ అనే ప్రచార కార్యక్రమంలో పాల్గొంటోంది.‘మేరీ పాలసీ మేరే హాథ్’ కార్యక్రమం ఫిబ్రవరి 1 నుండి మార్చి 15 వరకు జరగనుంది. ఇందులో భాగంగా రైతులకు వారి ఇంటి వద్దనే భౌతికంగా పంట బీమా పాలసీ పత్రాలను అందజేస్తారు. రైతులలో పంట బీమా ప్రయోజనాలపై అవగాహన పెంచడానికి, నిరాటంకమైన పంట బీమా అనుభవం అందించేందుకు ఈ కార్యక్రమం రూపొందించారు.‘మేరీ పాలసీ మేరే హాథ్’ కార్యక్రమం ముఖ్యంగా పంట బీమా ప్రక్రియలో పారదర్శకతను పెంచడంపై దృష్టి సారిస్తుంది. పంట నష్టాలు వాటిల్లిన పక్షంలో వెంటనే నేషనల్ క్రాప్ ఇన్సూరెన్స్ పోర్టల్, సెంట్రల్ టోల్ ఫ్రీ నంబర్ 14447 వంటి వాటి ద్వారా సమాచారం అందించేలా రైతులను చైతన్యపరుస్తుంది. ఇందులో భాగంగా అవగాహన కార్యక్రమాలు నిర్వహిస్తుంది.“పీఎంఎఫ్‌బీవై కింద రైతులకు పంట బీమా ప్రయోజనాలను సులభంగా అందించేందుకు ఎస్‌బీఐ జనరల్ ఇన్సూరెన్స్ కట్టుబడి ఉంది. ఆర్థిక భద్రత, నిశ్చింతను రైతులకు అందించడం, రిస్కులను అధిగమించడంలో వారికి సహాయం చేయడమే మా లక్ష్యం. ‘మేరీ పాలసీ మేరే హాథ్’ క్యాంపెయిన్‌ ద్వారా స్థానిక అడ్మినిస్ట్రేషన్లు, భాగస్వాములు, రైతులతో కలిసి సమర్ధవంతంగా, ప్రభావవంతంగా పాలసీల పంపిణీకి మా నిబద్ధతను తెలియజేస్తున్నాము” అని ఎస్‌బీఐ జనరల్ ఇన్సూరెన్స్ ఎండీ, సీఈవో నవీన్ చంద్ర ఝా పేర్కొన్నారు.

హైదరాబాద్‌, సాక్షి: రెండు తెలుగు రాష్ట్రాలలోనూ ఇటీవల వరదల కారణంగా దెబ్బతిన్న ప్రాంతవాసులకు చేయూత నందించేందుకు బీమా రంగ కంపెనీ ఎస్‌బీఐ జనరల్‌ ఇన్సూరెన్స్‌ ముందుకొచ్చింది. ఆంధ్రప్రదేశ్‌, తెలంగాణలలో వరదల వల్ల నష్టపోయిన రైతులు, వ్యాపారస్తులు తదితర వ్యక్తులకు త్వరితగతిన బీమా క్లెయిములను పరిష్కరించనున్నట్లు ఒక ప్రకటనలో తెలియజేసింది. ఆస్తులు, వ్యాపారాలు, పంటలు తదితరాలలో ఏర్పడిన నష్టాలకుగాను బీమా ప్రయోజనాలను వేగంగా అందించేందుకు కట్టుబడి ఉన్నట్లు తెలియజేసింది. తెలంగాణలోని హైదరాబాద్‌, రంగారెడ్డి, నల్గొండ, వికారాబాద్‌, సంగారెడ్డి, కామారెడ్డి, మెదక్‌, సిద్ధపేట, కరీమ్‌నగర్, యాదాద్రి భువనగిరి జిల్లాలలో వరదవల్ల నష్టాలు సంభవించినట్లు పేర్కొంది. ఇదే విధంగా ఆంధ్రప్రదేశ్‌లోని తూర్పు గోదావరి, పశ్చిమ గోదావరి, విశాఖపట్టణం జిల్లాలు వరదవల్ల ప్రభావితమైనట్లు అభిప్రాయపడింది. ఈ ప్రాంతాలలోని కస్టమర్లకు వరద నష్టంకింద పరిహారం అందించేందుకు అక్టోబర్‌ నుంచి సన్నాహాలు చేస్తున్నట్లు తెలియజేసింది. వరదల కారణంగా చిన్నతరహా పరిశ్రమల(ఎస్‌ఎంఈలు) యూనిట్లు, ఫ్యాక్టరీలు, గోదాములు, దుకాణాలు తదితర కార్యకలాపాలకు విఘాతం ఏర్పడినట్లు పేర్కొంది. ఇప్పటికే 120 క్లెయిములను పరిష్కరించినట్లు ఈ సందర్భంగా ఎస్‌బీఐ జనరల్‌ ఇన్సూరెన్స్‌ ఎండీ, సీఈవో పీసీ కంద్‌పాల్‌ వెల్లడించారు. వీటిలో అత్యధికం ఎస్‌ఎంఈలుకాగా.. వివిధ మార్గాల ద్వారా తమ పాలసీదారులకు క్లెయిముల సెటిల్‌మెంట్‌పై అవగాహన కల్పించినట్లు తెలియజేశారు. ఆస్తులు, బిజినెస్‌లు నష్టపోయినట్లు 120కుపైగా క్లెయిమ్‌లు అందగా.. 100 మోటార్‌ క్లెయిములు వచ్చినట్లు పేర్కొన్నారు. వీటిలో అత్యధికం హైదరాబాద్‌, చుట్టుప్రక్కల ప్రాంతాల నుంచి వచ్చినట్లు తెలియజేశారు. కస్టమర్లకు వాటిల్లిన నష్టాలను దృష్టిలో ఉంచుకుని క్లెయిములను వేగవంతంగా పరిష్కరించేందుకు కృషి చేస్తున్నట్లు తెలియజేశారు. 

ముంబై: ఎస్‌బీఐ జనరల్‌ ఇన్సూరెన్స్‌ లాభం సెప్టెంబర్‌ క్వార్టర్లో రూ.251 కోట్లకు దూసుకుపోయింది. రీఇన్సూరెన్స్‌ పోర్ట్‌ఫోలియో నుంచి వచ్చిన ఒక్కసారి ఆదాయం రూ.170 కోట్ల వల్ల ఈ స్థాయిలో పెరిగింది. వాస్తవానికి అంతకుముందు ఏడాది ఇదే కాలంలో లాభం కేవలం రూ.5.5 కోట్లుగానే ఉండడం గమనార్హం. ప్రీమియం ఆదాయం రూ.690 కోట్ల నుంచి రూ.926 కోట్లకు వృద్ధి చెందింది. ఇందులో పంటల బీమా నుంచి వచ్చిన ప్రీమియం వాటా రూ.306 కోట్లుగా ఉంది. ‘‘రూ.170 కోట్లు ఏకీకృత ఆదాయం రీఇన్సూరెన్స్‌ నుంచి రావడంతో రూ.156 కోట్ల అండర్‌రైటింగ్‌ లాభాన్ని నమోదు చేశాం. అంతకుముందు ఏడాది ఇదే క్వార్టర్లో అండర్‌రైటింగ్‌ నష్టాలు రూ.78 కోట్ల మేర ఉన్నాయి’’ అని ఎస్‌బీఐ జనరల్‌ ఇన్సూరెన్స్‌ ఎండీ పుషన్‌ మహపాత్ర తెలిపారు. మోటారు, అగ్నిప్రమాద, వైద్య, పంటల బీమా నుంచి వచ్చిన ప్రీమియం ఆదాయం మెరుగ్గా నమోదైంది. ప్రస్తుత ఆర్థిక సంవత్సరంలో ప్రీమియం ఆదాయంలో 40 శాతం వృద్ధి లక్ష్యాన్ని (రూ.3,600 కోట్లకు) విధించుకున్నట్టు మçహాపాత్ర తెలిపారు. ప్రస్తుతం తమ వార్షిక ప్రీమియం ఆదాయంలో 55 శాతం మేర ఎస్‌బీఐ గ్రూపు, ఇతర ప్రాంతీయ బ్యాంకుల నుంచే వస్తుండగా, భవిష్యత్తులో ఈ వాటాను 50%కి తగ్గించుకోవాలనుకుంటున్నట్టు పేర్కొన్నారు. మధ్య కాలానికి ఐపీవోకు రానున్నట్టు ఆయన చెప్పారు. ప్రస్తుతం కంపెనీ ఉద్యోగుల సంఖ్య 2,600గా ఉండగా, ప్రస్తుత ఆర్థిక సంవత్సరంలోనే 20% మేర పెంచుకోనున్నట్టు తెలిపారు.


 పేరు, లోగో వ్యవహారంలో ఎస్‌బీఐని ప్రశ్నించిన హైకోర్టు
 
 సాక్షి, హైదరాబాద్‌: స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) పేరు, లోగోను ప్రైవేటు కంపెనీలైన ఎస్‌బీఐ లైఫ్‌ ఇన్సూరెన్స్, ఎస్‌బీఐ జనరల్‌ ఇన్సూరెన్స్‌లు వాడుకుంటుండటంపై దాఖలైన వ్యాజ్యాన్ని ఉమ్మడి హైకోర్టు మంగళవారం విచారణకు స్వీకరించింది. దీనిపై వివరణ ఇవ్వాలని ఎస్‌బీఐ చైర్‌పర్సన్, ఎస్‌బీఐ లైఫ్‌ ఇన్సూరెన్స్, జనరల్‌ ఇన్సూరెన్స్‌ యాజమాన్యాలను ఆదేశిస్తూ... నోటీసులు జారీ చేసింది. తదుపరి విచారణను మూడు వారాలకు వాయిదా వేసింది. ఈ మేరకు తాత్కాలిక ప్రధాన న్యాయమూర్తి (ఏజేఐ) జస్టిస్‌ రమేశ్‌రంగనాథన్, న్యాయమూర్తి జస్టిస్‌ షమీమ్‌ అక్తర్‌తో కూడిన ధర్మాసనం ఉత్తర్వులిచ్చింది. ఎస్‌బీఐ లైఫ్‌ ఇన్సూరెన్స్, ఎస్‌బీఐ జనరల్‌ ఇన్సూరెన్స్‌ కంపెనీలకు... ఎస్‌బీఐకి సంబంధం లేదని, అయినప్పటికీ ఆ కంపెనీలు ఎస్‌బీఐ పేరు, లోగో వాడుతున్నా ఎస్‌బీఐ యాజమాన్యం పట్టించుకోవడం లేదంటూ హైదరాబాద్‌కు చెందిన వి.బి.కృష్ణమూర్తి హైకోర్టులో పిల్‌ వేశారు. దీనిపై మంగళవారం ఏసీజే నేతృత్వంలోని ధర్మాసనం విచారణ జరిపింది.
 
 వివరాలతో కౌంటర్లు దాఖలు చేయండి...
 ఈ సందర్భంగా కృష్ణమూర్తి వాదనలు వినిపిస్తూ... ప్రైవేటు కంపెనీలైన ఎస్‌బీఐ లైఫ్, ఎస్‌బీఐ జనరల్‌ ఇన్సూరెన్స్‌కు ప్రభుత్వ రంగ సంస్థయిన ఎస్‌బీఐ లోగోను వాడుకునే అధికారం లేదన్నారు. ఈ విషయాన్ని ఎస్‌బీఐని అడిగితే... వారు తమ లోగోను వాడుకోవడానికి ఎవరికీ అనుమతినివ్వలేదని తెలిపారన్నారు. అశోక చక్రం, అశోక స్తూపం తదితరాలను ప్రైవేటు వ్యక్తులు, సంస్థలు వినియోగించకుండా చట్టంలో నిషేధం ఉందన్నారు. దీనికి ధర్మాసనం స్పందిస్తూ... ఎస్‌బీఐ లోగో కూడా ఆ చట్ట నిషేధిత జాబితాలో ఉందా.. లేదా.. పరిశీలన జరపాల్సిన అవసరం ఉందని పేర్కొంది. ఇందుకు సంబంధించి ప్రతివాదులకు నోటీసులు జారీ చేసి పూర్తి వివరాలు తెలుసుకుంటామంటూ ఆ మేర నోటీసులిచ్చింది.


 న్యూఢిల్లీ: బీమా రంగ సంస్కరణల నేపథ్యంలో దేశీ ఇన్సూరెన్స్ కంపెనీల్లో వాటాలు పెంచుకునే విదేశీ సంస్థల సంఖ్య క్రమక్రమంగా పెరుగుతోంది. తాజాగా దేశీ బీమా సంస్థ ఎస్‌బీఐ జనరల్ ఇన్సూరెన్స్‌లో ఆస్ట్రేలియాకు చెందిన ఇన్సూరెన్స్ ఆస్ట్రేలియా గ్రూప్ (ఐఏజీ) తన వాటాను 26 శాతం నుంచి 49 శాతానికి పెంచుకోనుంది. జేవీలో ఈ మేరకు తమ వాటాను ఐఏజీకి బదలాయించేందుకు ఈ నెల 25న జరిగిన సెంట్రల్ బోర్డ్ ఎగ్జిక్యూటివ్ కమిటీ (ఈసీసీబీ) సమావేశంలో ఎస్‌బీఐ నిర్ణయం తీసుకుంది.
 
 ఇందుకోసం వాటా ధరను మదింపు చేసేందుకు వేల్యుయర్‌ను నియమించే ప్రతిపాదనకు కూడా ఆమోదముద్ర వేసినట్లు బ్యాంకు ఒక ప్రకటనలో తెలిపింది. ఎస్‌బీఐ జనరల్‌లో ఎస్‌బీఐకి 74 శాతం, ఐఏజీకి 26 శాతం వాటాలు ఉన్నాయి. ఇది 2010లో కార్యకలాపాలు ప్రారంభించింది. ఇప్పటికే మ్యాక్స్ ఇండియాతో ఏర్పాటు చేసిన మాక్స్‌బూపా బీమా కంపెనీలో బ్రిటన్‌కి చెందిన బూపా ఇన్సూరెన్స్ తమ వాటాను 26 శాతం నుంచి 49 శాతానికి పెంచుకోబోతున్నట్లు ప్రకటించిన సంగతి తెలిసిందే.