Radikaa Sarathkumar

చిత్ర పరిశ్రమలో ప్రేమ, పెళ్లిళ్లు ఎంత వేగంగా జరుగుతున్నాయో.. విడాకులు కూడా అంతే వేగంగా జరిగిపోతున్నాయి. ప్రేమించి పెళ్లి చేసుకున్నవారిలో కొన్ని జంటలు మాత్రమే ద‌శాబ్ధాల పాటు క‌లిసుంటున్నాయి. చాలా మంది వివాహ బంధంలోకి అడుగు పెట్టిన కొన్నేళ్లకే విడిపోతున్నారు. ఆ తర్వాత మరోకరి పెళ్లి చేసుకొని, కొత్త జీవితాన్ని ప్రారంభిస్తున్నారు. అయితే కొందరి విషయంలో ఒకటి కాదు.. రెండు, మూడు వివాహాలు కూడా విడాకులతో ముగిశాయి. అయినప్పటికీ వారు జీవితంలో మరోసారి ప్రేమకు అవకాశం ఇచ్చారు. అలా రెండు లేదా అంతకంటే ఎక్కువసార్లు విడాకులు తీసుకున్న సినీ ప్రముఖులు ఎవరో చూద్దాం.పవన్‌ కల్యాణ్‌..వరుసగా మూడు విడాకులు1997లో నందినిని వివాహం చేసుకున్న పవన్ కల్యాణ్ 2008లో ఆమెతో విడాకులు తీసుకున్నారు. ఆ తర్వాత నటి రేణుదేశాయ్ లో సహజీవనం చేసి 2009లో పెళ్లిచేసుకున్నారు.ఇద్దరు పిల్లలు పుట్టిన తర్వాత 2012లో వీరిద్దరూ విడిపోయారు. అనంతరం రష్యాకు చెందిన అన్నా లెజ్‌నేవాని 2013లో వివాహం చేసుకున్నారు. వీరికి ఇద్దరు పిల్లలున్నారు..తాజాగా పరస్పర అంగీకారంతో విడిపోతున్నట్టు ప్రకటించారు.ఆమిర్ ఖాన్‌.. రెండు విడాకులుబాలీవుడ్‌ స్టార్‌ ఆమిర్‌ ఖాన్‌ వ్యక్తిగత జీవితంలో మూడు వివాహాలు చేసుకున్నారు. 1986లో రీనా దత్తాను పెళ్లి చేసుకున్న ఆయన.. 2002లో ఆమెకు విడాకులు ఇచ్చారు. ఆ తర్వాత 2005లో దర్శకురాలు కిరణ్‌ రావును వివాహం చేసుకున్నారు. ఈ బంధం కూడా 2021లో విడాకులతో ముగిసింది. అనంతరం గౌరీ స్ప్రాట్‌ను 2026లో వివాహం చేసుకున్నారు. దీంతో ఆమిర్‌ జీవితంలో ఇప్పటివరకు రెండు వివాహాలు విడాకులతో ముగిశాయి.ఇదీ చదవండి: రాజమౌళి వారణాసి.. తెలుగు రాష్ట్రాల్లో భారీ డీల్..!కమల్‌ హాసన్‌..మూడోసారి కూడా.. 1978 లో నర్తకి వాణి గణపతిని కమల్‌ హాసన్‌ వివాహం చేసుకున్నారు. పదేళ్ల తరువాత విడాకులు తీసుకున్నారు.. ఆ తర్వాత నటి సారిక ను పెళ్లి చేసుకొని, 2002లో ఆమెకు విడాకులు ఇచ్చారు. అనంతరం రముఖ నటి గౌతమితో సుమారు 13 ఏళ్ల పాటు హజీవనం చేశారు. గౌతమి కూతురు సుబ్బులక్ష్మిని కూడా కమల్ తన సొంత బిడ్డలా చూసుకున్నారు. అయితే 2016లో వ్యక్తిగత కారణాల వల్ల గౌతమి ఈ బంధం నుండి బయటికి వస్తున్నట్లు ప్రకటించారు. ఆ తర్వాత కమల్ హాసన్ ఒంటరిగానే ఉంటున్నారు.రాధిక.. రెండు విడాకులు..మూడోసారి ప్రేమ పెళ్లిప్రముఖ సినీనటి రాధిక 1985లో ప్రముఖ నటుడు, దర్శకుడు ప్రతాప్ పోతన్‌ను పెళ్లి చేసుకున్నారు. ఆ తర్వాత పోతనకు విడాకులిచ్చారు రాధిక. రెండో సారి లండన్‌కు చెందిన రిచర్డ్ హ్యార్లీని వివాహం చేసుకున్నారు. వీరికి ఒక కూతురు (రయాన్నే హార్డీ) జన్మించారు. ఆ తర్వాత వీరు కూడా విడాకులు తీసుకున్నారు. 2001లో హీరో శరత్ కుమార్‌తో ప్రేమలో పడి మరో పెళ్లి చేసుకున్నారు.అనురాగ్‌ కశ్యప్‌.. రెండు పెళ్లిళ్లు.. రెండు విడాకులుబాలీవుడ్‌ దర్శకుడు అనురాగ్‌ కశ్యప్‌ కూడా రెండుసార్లు వివాహం చేసుకుని.. రెండుసార్లు విడాకులు తీసుకున్నారు. మొదట ఆర్తి బజాజ్‌ను వివాహం చేసుకున్నారు. వీరిద్దరూ విడిపోయిన తర్వాత నటి కల్కి కొచ్లిన్‌ను పెళ్లి చేసుకున్నారు. ఆ బంధం కూడా విడాకులతో ముగిసింది. అనురాగ్‌ తర్వాత మూడో వివాహం చేసుకోలేదు.కరణ్‌ సింగ్‌ గ్రోవర్‌.. వరుసగా రెండు విడాకులుటెలివిజన్‌ నుంచి బాలీవుడ్‌కు వచ్చిన కరణ్‌ సింగ్‌ గ్రోవర్‌ మూడు వివాహాలు చేసుకున్నారు. 2008లో శ్రద్ధా నిగమ్‌ను వివాహం చేసుకోగా.. ఆ బంధం ఏడాదిలోపే ముగిసింది. 2012లో నటి జెన్నిఫర్‌ వింగెట్‌ను పెళ్లి చేసుకున్నారు. ఈ వివాహం కూడా ఎక్కువ కాలం నిలవలేదు. 2014లో ఇద్దరూ విడిపోయారు. అనంతరం 2016లో నటి బిపాషా బసును పెళ్లి చేసుకున్నారు. ప్రస్తుతం వీరిద్దరూ కలిసి ఉన్నారు. కరణ్‌ జీవితంలో రెండు వివాహాలు విడాకులతో ముగిశాయి.సిద్ధార్థ్‌ రాయ్‌ కపూర్‌.. మూడో వివాహంతో సక్సెస్‌నిర్మాత సిద్ధార్థ్‌ రాయ్‌ కపూర్‌ మూడు వివాహాలు చేసుకున్నారు. ఆయన మొదటి రెండు వివాహాలు విడాకులతో ముగిశాయి. ఆ తర్వాత 2012లో నటి విద్యాబాలన్‌ను వివాహం చేసుకున్నారు. ప్రస్తుతం ఈ జంట బాలీవుడ్‌లో స్థిరమైన దాంపత్యానికి ఉదాహరణగా నిలుస్తోంది.విధు వినోద్‌ చోప్రా.. రెండు విడాకుల తర్వాత మూడో వివాహంప్రముఖ దర్శక-నిర్మాత విధు వినోద్‌ చోప్రా కూడా మూడు వివాహాలు చేసుకున్నారు. ఆయన తొలి భార్య రేణు సలూజా. ఆ వివాహం విడాకులతో ముగిసింది. ఆ తర్వాత శబ్నమ్‌ సుఖ్‌దేవ్‌ను వివాహం చేసుకున్నారు. ఆ బంధం కూడా విడాకులకు దారితీసింది. అనంతరం అనుపమా చోప్రాను వివాహం చేసుకున్నారు. ప్రస్తుతం వీరిద్దరూ కలిసి ఉన్నారు.కిషోర్‌ కుమార్‌.. నాలుగు పెళ్లిళ్లు.. మూడు విడాకులుభారతీయ సినీ సంగీత ప్రపంచంలో దిగ్గజంగా నిలిచిన కిషోర్‌ కుమార్‌ ఏకంగా నాలుగు వివాహాలు చేసుకున్నారు. రూమా గుహ ఠాకుర్తా, మధుబాల, యోగితా బాలితో జరిగిన వివాహాలు విడాకులతో ముగిశాయి. నాలుగో భార్య లీనా చందావర్కర్‌తో మాత్రం ఆయన చివరి వరకు కలిసి ఉన్నారు. అందుకే కిషోర్‌ కుమార్‌ పేరు ఒకటి కంటే ఎక్కువ వివాహాలు, విడాకుల విషయానికి వస్తే ప్రముఖంగా వినిపిస్తుంది.

ప్రముఖ నటుడు శరత్‌ కుమార్‌ వారసురాలిగా ఇండస్ట్రీలోకి అడుగుపెట్టి,తనదైన నటనతో ప్రత్యేకమైన గుర్తింపు తెచ్చుకుంది వరలక్ష్మీ శరత్ కుమార్‌. కేవలం హీరోయిన్‌గా మాత్రమే కాకుండా..విలన్‌గా, క్యారెక్టర్‌ ఆర్టిస్ట్‌గా నటించి..మెప్పించింది. క్రాక్, యశోద, వీరసింహారెడ్డి తదితర సినిమాలతో తెలుగు ప్రేక్షకులకు మరింత దగ్గరైంది. ఇలా తనదైన నటనతో తండ్రికి తగ్గ తనయగా పేరు సంపాదించింది. అయితే కూతురు సినిమాల్లోకి రావడం మొదట్లో శరత్‌కుమార్‌కి ఏమాత్రం నచ్చలేదట. యాక్టింగ్‌ వదంటూ ఆమెపై సీరియస్‌ కూడా అయ్యాడట. ఒకానొక దశలో ఆమెకు చాన్స్‌ ఇచ్చిన నిర్మాతలకు ఫోన్‌ చేసి వార్నింగ్‌ కూడా ఇచ్చాడట. ఈ విషయాలన్నీ శరత్‌ కుమార్‌ సతీమణి రాధికా చెప్పారు. వరలక్ష్మీ స్వీయ దర్శకత్వంలో నటించిన తాజా చిత్రం ‘సరస్వతి’.ఈ నెల 6న ఈ చిత్రం విడుదల కానుంది. ఈ నేపథ్యంలో తాజాగా హైదరాబాద్‌లో ఈ సినిమా ప్రీరిలీజ్‌ ఈవెంట్‌ని నిర్వహించారు. ఈ సందర్భంగా రాధికా మాట్లాడుతూ.. ‘వరలక్ష్మి సినిమాల్లోకి రావాలనుకున్నప్పుడు శరత్‌ వ్యతిరేకించారు. ‘ఎలా నటిస్తావ్‌? నువ్వు యాక్ట్‌ చేయకూడదు’ అంటూ సీరియస్‌ అయ్యేవారు. ‘మా కుమార్తెను నటిగా ఎంపిక చేయొద్దు’ అంటూ నిర్మాతలకూ ముందే చెప్పేవారు. ఈ విషయాలన్నింటినీ తన తల్లితో కలిసి వరలక్ష్మి ఓ రోజు నాతో పంచుకుంది. దీనిపై నిర్ణయం తీసుకోలేనని చెప్పి.. సినిమా సెట్స్‌లో ఉన్న శరత్‌ వద్దకు వారిని తీసుకెళ్లా. అప్పుడు ఆయన.. నమితతో కలిసి ఓ సాంగ్‌కు డ్యాన్స్‌ చేస్తున్నారు. నమితతో సినిమా పాట అంటే ఎలా ఉంటుందో అర్థం చేసుకోండి(నవ్వుతూ..). మమ్మల్ని చూడగానే ఆయన కారవాన్‌లోకి వెళ్లిపోయారు. తర్వాత వరలక్ష్మి నటించేందుకు అంగీకరించారు. వరలక్ష్మి తొలి సినిమా (పోడా పోడి)ని చూడగానే.. తను గొప్ప నటి అవుతుందని చెప్పా. తెలుగు సినిమాపై దృష్టి పెట్టమని వరలక్ష్మికి సలహా ఇచ్చా. ఆమె అదే ఫాలో అయింది. ఇప్పుడు వరలక్ష్మీని చూస్తుంటే గర్వంగా ఉంది’ అని రాధిక అన్నారు.

వైవిధ్య భరిత కథ చిత్రాలను నిర్మించడంలోనూ, టాలెంటెడ్‌ కళాకారులను ప్రోత్సహించడంలోనూ ముందుండే నటుడు శివ కార్తికేయన్‌.. తన ఫ్యాషన్‌ స్టూడియోస్‌ సంస్థతో కలిసి నిర్మిస్తున్న కొత్త చిత్రం తాయ్‌ కిళవి. ఈ చిత్రం ద్వారా శివ కుమార్‌ మురుగేశన్‌ దర్శకుడిగా పరిచయం అవుతున్నారు. ఇందులో నటి రాధిక శరత్‌ కుమార్‌ ప్రధాన పాత్రను పోషిస్తున్నారు. కాగా ఈ చిత్ర ఫస్ట్‌ లుక్‌ పోస్టర్, టీజర్‌ను విడుదల చేశారు. తెలుగు, తమిళ చిత్రాల్లో కథానాయికగా, క్యారెక్టర్‌ ఆర్టిస్ట్‌గా ఎన్నో వైవిధ్యమైన పాత్రల్లో మెప్పించిన రాధికా శరత్‌కుమార్‌.. ఈ మూవీలో ఉసిలంపట్టి గ్రామం కట్టుబాటులో నివసించే 75 ఏళ్ల బామ్మగా ఆమె కనిపించనున్నారు. ఆమె కుటుంబం, ఆ ఊరి ప్రజల జీవన విధానం, కట్టుబాట్లు, సమస్యలు తదితర అంశాలకు వినోదాన్ని జోడించి తెరకెక్కించినట్లు దర్శకుడు చెప్పారు. ఇప్పటికే చిత్రీకరణ పూర్తి చేసుకున్న ఈ మూవీ 2026 ఫిబ్రవరి 20న ప్రేక్షకుల ముందుకు రానుంది.

సౌత్‌ ఇండియా స్టార్‌ యాక్టర్‌ రాధిక శరత్‌కుమార్‌ ఒక ఫోటోను అభిమానులతో పంచుకున్నారు. అందులో భారత స్టార్‌ క్రికెటర్‌ విరాట్‌ కోహ్లీ ఉండటంతో అందరినీ ఆశ్చర్యానికి గురిచేసింది. సౌత్‌ సినిమా ఇండస్ట్రీతో విరాట్‌కు పెద్దగా పరిచయం లేదు. అలాంటిది వీరిద్దరూ ఎక్కడ పోటో దిగి ఉంటారబ్బా అని నెటిజన్లు తెగ ఆలోచిస్తున్నారు. రాధిక షేర్‌ చేసిన ఆ ఫోటో ప్రస్తుతం సోషల్‌ మీడియాలో తెగ వైరల్‌ అవుతుంది.ఇదీ చదవండి: రావు రమేశ్ హీరోగా చేసిన మూవీ.. ఓటీటీ రిలీజ్ ఫిక్స్సెల్ఫీ ఫోటోను షేర్‌ చేసిన రాధికా ఇలా చెప్పుకొచ్చారు. ' కొన్ని కోట్ల హృదయాలకు దగ్గరైన వ్యక్తి విరాట్‌ కోహ్లీ. తన ఆటతో మనల్ని గర్వపడేలా చేస్తాడు. కొంత సమయం పాటు అతనితో కలిసి ప్రయాణం చేయడం ఆనందంగా ఉంది. సెల్ఫీ తీసుకున్నందుకు ధన్యవాదాలు.' అంటూ ఆమె తెలిపారు. సోషల్‌మీడియాలో ఈ ఫోటో భారీగా వైరల్‌ అవుతుంది.చెన్నై వేదికగా సెప్టెంబర్ 19న బంగ్లాదేశ్‌తో భారత్‌ టెస్టు సిరీస్ ప్రారంభం కానుంది. దీంతో ఇవాళ వేకువజామున 4 గంటలకు లండన్‌ నుంచి నేరుగా ఆయన చెన్నైకి చేరుకున్నారు. ఈ క్రమంలో అదే విమానంలో రాధిక శరత్‌కుమార్‌ కూడా ప్రయాణం చేశారు. ఆ సమయంలో వారిద్దరూ సరదాగా కొంత సమయం పాటు ముచ్చటించి ఆపై సెల్ఫీ తీసుకున్నారు. View this post on Instagram A post shared by Radikaa Sarathkumar (@radikaasarathkumar)