అజయ్‌ దేవ్‌గణ్‌ ప్రధాన పాత్రలో నటించిన చిత్రం మైదాన్‌. ఎప్పుడో రిలీజ్‌ కావాల్సిన సినిమా ఇది.. కానీ అనేక సార్లు వాయిదా పడుతూ వచ్చింది. ఇటీవల అజయ్‌ నటించిన షైతాన్‌ మూవీ సూపర్‌ హిట్‌గా నిలవడంతో మైదాన్‌పై భారీ అంచనాలు నెలకొన్నాయి. ఈ మూవీ ఎట్టకేలకు ఏప్రిల్‌ 10న ప్రపంచవ్యాప్తంగా రిలీజ్‌ కానుంది. ఈ సినిమాలో ప్రియమణి హీరోయిన్‌గా నటించింది. ఫస్ట్‌ చాయిస్‌ ప్రియమణి కాదు అయితే హీరోయిన్‌ పాత్రకు ముందుగా ప్రియమణిని అనుకోలేదట! ఈ విషయాన్ని డైరెక్టర్‌ అమిత్‌ తాజా ఇంటర్వ్యూలో వెల్లడించాడు. రహీం(హీరో పాత్ర పేరు) భార్యగా కీర్తి సురేశ్‌ను అనుకున్నాను. ఒకప్పుడు బొద్దుగా ఉండే ఆమె చాలా బరువు తగ్గిపోయి సన్నగా అయిపోయింది. అలా సన్నగా ఉంటే తను పాత్రకు సెట్టవదని మిగతావారి దగ్గరకు వెళ్లాను. అలా ఈ పాత్ర ప్రియమణిని వరించింది అని చెప్పుకొచ్చాడు. బాక్సాఫీస్‌ ఫైట్‌ మైదాన్‌ రిలీజ్‌ రోజే అక్షయ్‌ కుమార్‌- టైగర్‌ ష్రాఫ్‌ల మల్టీస్టారర్‌ బడే మియా చోటే మియా రిలీజ్‌ కానుంది. మరి ఈ బాక్సాఫీస్‌ ఫైట్‌లో ఎవరు గెలుస్తారో చూడాలి! ఇదిలా ఉంటే కీర్తి సురేశ్‌ బాలీవుడ్‌లో ఎంట్రీ ఇచ్చేందుకు సిద్ధమైంది. తమిళ హిట్‌ మూవీ తేరి హిందీ రీమేక్‌ 'జాన్‌ బేబీ'లో నటించనుంది. ఈ చిత్రాన్ని అట్లీ నిర్మిస్తుండగా అతడి అసిస్టెంట్‌ కలీస్‌ దర్శకత్వం వహిస్తున్నాడు. చదవండి: సుజిత్‌ పెళ్లికి ఎందుకు పిలవలేదు?.. ఆనంద్‌ మహీంద్రా ఆన్సరిదే!

కేరళ త్రిసూర్‌ దగ్గరలో ఉన్న కొచ్చిలో 'త్రిక్కయిల్ మహాదేవ ఆలయం' ఉంది. అక్కడి ఆలయం కోసం ఒక ఏనుగును కానుకగా సినీ నటి ప్రియమణి అందించారు. కానీ అది రోబోటిక్‌ ఏనుగు కావడం గమనార్హం. ఆమె రోబోటిక్‌ ఏనుగును ఎందుకు ఇవ్వాల్సి వచ్చిందంటే.. కేరళ, తమిళనాడులోని పలు ఆలయాల్లో భక్తులు గజరాజుల ఆశీర్వాదాలు పొందుతుంటారు. పలు క్షేత్రా­ల్లో ప్రత్యేకంగా ఏనుగులను పెంచుతూ ఉంటారు. అయితే అవి ఎప్పుడు ఎలా ప్రవర్తిస్తాయో ఎవరికీ తెలియదు. అంబారి కట్టినతర్వాత ఒక్కసారిగా ఘీంకారాలు పెడుతూ భక్తులపైకి వెళ్తూఉంటాయి. కొన్నిసార్లయితే శిక్షణ ఇచ్చిన మావటీలను చంపిన ఘటనలు చూస్తుంటాం. 15 ఏళ్ల కాలంలో కేరళలో బందీ అయిన ఏనుగులు 526 మందిని చంపాయని అక్కడి ప్రభుత్వాలు లెక్కలు చెబుతున్నాయి. దీంతో అక్కడి పూజారులు రోబొటిక్‌ ఏనుగులు ప్రవేశపెట్టాలని పలుమార్లు కోరారు. అందుకు బడ్జెట్‌ ఎక్కువ కానున్నడంతో వారి ప్రతిపాదన ఆగిపోయింది. కానీ సంవత్సరం క్రితం పెటా ఇండియా సభ్యుల అధ్వర్యం ద్వారా ఇరింజలకుడ శ్రీకృష్ణ ఆలయానికి ఒక రోబోటిక్‌ ఏనుగు అందించారు. ఇప్పుడు తాజాగా కొచ్చిలోని త్రిక్కయిల్ మహాదేవ ఆలయానికి హీరోయిన్‌ ప్రియమణి కూడా ఒక ఏనుగును కానుకగా అందించి తన మంచి మనసును చాటుకుంది. ఇండియాలో ఒక ఆలయంలో రోబోటిక్‌ ఏనుగులను ఉపయోగించడం ఇదే మొదటిసారి. ప్రియమణి అందించిన ఏనుగుకు 'మహదేవన్' అని  పేరు పెట్టారు. ఈ సందర్భంగా  ప్రియమణి మాట్లాడుతూ.. 'బీటా సంస్థతో కలిసి రోబోటిక్‌ ఏనుగును బహుమతిగా ఇవ్వడం చాలా సంతోషంగా ఉంది. వివాహ వేడుకల్లో అలంకరణకు మాత్రమే వినియోగించే ఈ యాంత్రిక ఏనుగులను ఇప్పుడు ఆలయాల్లోనూ ఉపయోగిస్తున్నారు. ఈ యాంత్రిక ఏనుగులను ఉపయోగించడం వల్ల ప్రాణాలతో ఉన్న ఏనుగులను హింసించడం తగ్గుతుందని ఆమె తెలిపింది. అంతే కాకుండా వాటి నుంచి పలువురి ప్రాణాలను కూడా రక్షించవచ్చు.' అని ఆమె తెలిపింది. పదిన్నర అడుగుల ఎత్తు, 800 కిలోల బరువు ఉన్న ఈ యాంత్రిక ఏనుగు నలుగురిని తీసుకెళ్లగలదు. ఏనుగు తల, కళ్లు, నోరు, చెవులు, తోక అన్నీ విద్యుత్తుతో పనిచేస్తాయి. హిందూ ఆచారాల ప్రకారం ఉత్సవాల్లో ఏనుగులు, ఇతర జంతువులను ఉపయోగించకూడదని దేవస్థానం ఇచ్చిన పిలుపుతో పెటా ఇండియా సంస్థ వారు ప్రియమణి సాయంతో ఈ రోబోటిక్ ఏనుగును దేవాలయానికి బహుమతిగా అందించింది.

సస్పెన్స్ థ్రిల్లర్ జానర్‌లో వచ్చే చిత్రాలకు ఎప్పుడూ మంచి డిమాండ్ ఉంటుంది. కంటెంట్ ఉన్న చిత్రాలను చూసేందుకు ఇష్టపడుతున్నారు. రొటీన్ కమర్షియల్ చిత్రాల కంటే కాన్సెప్ట్‌ ఓరియెంటెడ్ సినిమాలనే ప్రేక్షకులు ఆదిరిస్తున్నారు. ఈ క్రమంలోనే కన్నడ నుంచి బ్లాక్ బస్టర్ చిత్రాలు వస్తున్నాయి. ప్రియమణి నటించిన కన్నడ చిత్రం "నన్న ప్రకార" అక్కడ బ్లాక్ బస్టర్‌ హిట్‌గా నిలిచింది. ఇదే సినిమాను 'విస్మయ' పేరుతో తెలుగులోకి డబ్ చేశారు. ప్రస్తుతం ఈ విస్మయ చిత్రం ఓటీటీలో అందరినీ ఆకట్టుకుంటోంది. విస్మయ చిత్రంలో డాక్టర్‌గా ప్రియమణి నటించింది. కాంతారా ఫేమ్‌ కిషోర్‌ ఇన్వెస్టిగేషన్ చేసే పోలీస్ ఆఫీసర్‌గా కనిపిస్తాడు. ఈ చిత్రంలో మూడు కథలు ఒకదానికొకటి అల్లుకుని ఉంటాయి. నగరంలో జరిగే హత్యలను ఇన్వెస్టిగేషన్ చేసే క్రమంలో చివర్లో వచ్చే ట్విస్టులు అందరినీ మెప్పిస్తాయి.  దర్శకుడు వినయ్‌ బాలాజీకి ఇది మొదటి చిత్రమైనా కూడా ఎంతో అనుభవం ఉన్న డైరెక్టర్‌లా తెరకెక్కించారు.  ఈ చిత్రంలో విజువల్స్, ఆర్ఆర్, కెమెరాపనితనం అన్ని హైలెట్‌గా నిలిచాయి. ప్రస్తుతం ఈ సినిమా అమెజాన్‌ ప్రైమ్‌ వీడియోలో తెలుగు ప్రేక్షకులను ఆకట్టుకుంటోంది. ఈ చిత్రానికి అర్జున్ రాము సంగీతమందించారు. మనోహర్ జోషి కెమెరామెన్‌గా పని చేశారు.

తమిళసినిమా: పరుత్తివీరన్‌ చిత్రంలో నటనకు జాతీయ ఉత్తమ నటి అవార్డును గెలుచుకున్న నటి ప్రియమణి. తెలుగులోనూ కథానాయకిగా రాణించిన ఈమె వివాహనంతరం నటనకు చిన్న గ్యాప్‌ ఇచ్చారు. ఇటీవల సెకండ్‌ ఇన్సింగ్స్‌ ప్రారంభించిన ప్రియమణి తెలుగులో ప్రాధాన్యత ఉన్న పాత్రలు పోషిస్తూ, టీవీ షోల్లో పాల్గొంటున్నారు. తాజాగా ఈమె ప్రధాన పాత్రలో కన్నడం, తమిళ భాషల్లో డీఆర్‌ 56 అనే చిత్రంలో నటించారు. హరిహరా పిక్చర్స్‌ పతాకంపై ప్రవీణ్‌రెడ్డి నిర్మించి కథానాయకుడిగా నటించారు. రాజేష్‌ ఆనంద్‌ లీలా దర్శకత్వం వహించారు. నిర్మాణ కార్యక్రమాలను పూర్తి చేసుకున్న ఈ చిత్రం డిసెంబర్‌ 9వ తేదీ తమిళం, తెలుగు, కన్నడం భాషల్లో విడుదలకు సిద్ధం అవుతోంది. కాగా దీన్ని తమిళం, తెలుగు భాషల్లో శ్రీలక్ష్మీ జ్యోతి క్రియేషన్స్‌ పతాకంపై ఏఎన్‌.బాలాజీ విడుదల చేయనున్నారు. ఈ సందర్భంగా సోమవారం చెన్నైలో జరిగిన చిత్ర ఆడియో ఆవిష్కరణ కార్యక్రమంలో ప్రియమణి మాట్లాడారు. తాను చారులత చిత్రం తరువాత తమిళంలో నటించిన చిత్రం డీఆర్‌ 56 అని తెలిపారు. 10 ఏళ్ల తరువాత కోలీవుడ్‌కు రీ ఎంట్రీ అవుతున్నట్లు చెప్పారు. దర్శకుడు కథ చెప్పినప్పుడే చాలా ఆశ్చర్యపోయానన్నారు. పలు ప్రాంతాల్లో జరిగిన వాస్తవ సంఘటనలతో తయారు చేసిన కథ కావడమేనన్నారు. ఈ కథను చెప్పినట్లుగా తెరకెక్కిస్తే మంచి సక్సెస్‌ అవుతుందని దర్శకుడికి చెప్పానన్నారు. అదే విధంగా చిత్రం వచ్చిందని చెప్పారు. ఇది మెడికల్‌ సస్పెన్స్‌ థ్రిల్లర్‌ చిత్రంగా ఉంటుందన్నారు. సమాజానికి అవసరం అయిన సందేశంతో కూడిన చిత్రంగా ఉంటుందన్నారు. తాను ఇందులో సీబీఐ అధికారిణిగా నటించినట్లు చెప్పారు. చిత్రంలో కుక్క కీలక పాత్ర పోషించినట్లు తెలిపారు. చిత్రంలో ప్రియమణి అద్భుతంగా నటించారని నిర్మాత బాలాజీ పేర్కొన్నారు.

ఇండస్ట్రీలో ఈమధ్యకాలంలో విడాకుల వార్తలు తరుచూ వినిపిస్తున్నాయి. ప్రేమించి పెళ్లి చేసుకున్న జంటలు విడిపోవడం అభిమానులను ఆందోళనకు గురిచేస్తుంది. టాలీవుడ్‌లో చై-సామ్‌ల విడాకుల విషయం ఇప్పటికీ హాట్‌టాపిక్‌గానే ఉంది. తాజాగా మరో హీరోయిన్‌ ప్రియమణి తన భర్త ముస్తఫా రాజ్‌తో విడిపోతున్నట్లు కొంతకాలంగా వార్తలు షికార్లు చేస్తున్నాయి. భర్తతో గొడవల కారణంగా కొంతకాలంగా వీరిద్దరూ వేర్వేరుగా ఉంటున్నట్లు వార్తలు గుప్పుమంటున్నాయి. త్వరలోనే  వీళ్లిద్దరు విడాకులు తీసుకోవాలని భావిస్తున్నట్టు మీడియా వర్గాల్లో వార్తలు వినిపించాయి. ఇప్పటికే ప్రియమణి టీం ఈ వార్తలను కొట్టిపారేసినా సోషల్‌ మీడియాలో ఆమె వ్యక్తిగత జీవితంపై రకరకాల కథనాలు వెలువడుతున్నాయి. అయితే ఈ వార్తల్లో ఎంతమాత్రం నిజం లేదని స్పష్టమవుతుంది. రీసెంట్‌గా 'రాకెట్రీ' సినిమా సక్సెస్‌ మీట్‌ పార్టీకి కూడా ప్రియమణి తన భర్తతో కలిసి హాజరైంది. దీనికి సంబంధించిన వీడియోను కూడా సోషల్‌ మీడియాలో ప​ంచుకుంది. కాగా ప్రియమణి 2017లో ముస్తఫారాజ్ అనే వ్యాపార‌వేత్త‌ను ప్రేమించి పెళ్లి చేసుకుంది.   ముస్తాఫాకు ఇది రెండో పెళ్లి. ఇదివరకే అయేషా అనే మహిళతో అతడికి వివాహం జరిగింది. ఒకనొక సమయంలో ముస్తాఫాపై అయేషా ఆరోపణలు చేసినా ప్రియమణి ఆ సమయంలో భర్తకు అండగా నిలిచిన సంగతి తెలిసిందే. ఇప్పటికీ ఆమె ఇన్‌స్టా ఐడీ భర్త పేరుతో కలిపి.. ప్రియమణి రాజ్‌ అనే ఉంది. దీంతో ఇప్పటికైనా ఈ పుకార్లకి ఫుల్‌స్టాప్‌ పడుతుందేమో చూడాలి.  View this post on Instagram A post shared by Shaneem (@shaneemz)

తమిళసినిమా: కోలీవుడ్‌లో పరుత్తివీరన్‌ త్రంతో నటిగా సత్తా చాటిన నటి ప్రియమణి. ఇక్కడ కొన్ని చిత్రాల్లో నటిం తరువాత టాలీవుడ్‌లోనూ ప్రముఖ కథానాయకిగా రాణించారు. తాజాగా ఈమె ప్రధాన పాత్రలో నటిస్తున్న ద్విభాషా చిత్రం డీఆర్‌ 56. శ్రీలక్ష్మీ జ్యోతి క్రియేషన్స్‌ ఏఎన్‌ బాలాజీ సమర్పణలో హరిహర పిక్చర్స్‌ సంస్థ తమిళం, కన్నడం భాషల్లో నిర్మిస్తున్న ఈ చిత్రానికి కథ, కథనం, నిర్మాణ బాధ్యతలను ప్రవీణ్‌రెడ్డి నిర్వహిస్తున్నారు. రాజేష్‌ ఆనంద్‌ లీలా దర్శకత్వం వహిస్తున్న ఈ చిత్రంలో నటి ప్రియమణి సీబీఐ అధికారిగా ప్రధాన పాత్ర పోషిస్తోంది. ఇతర ముఖ్య పాత్రలను ప్రవీణ్, దీపక్‌ రాజ్‌శెట్టి, రమేష్‌ భట్, ఎతిరాజ్, వీణా పొన్నప్పా, మంజునాథ్, స్వాతి తదితరులు పోషిస్తున్నారు. రమేష్‌ శ్రీ తిలక్‌ ఛాయాగ్రహణం నోబిన్‌బాల్‌ సంగీతం అందిస్తున్నారు. చిత్ర వివరాలను దర్శకుడు తెలుపుత ఇది సైన్స్‌ ఫిక్షన్‌ క్రైమ్‌ థ్రిల్లర్‌ కథా చిత్రంగా ఉంటుందన్నారు. సమాజంలో జరుగుతున్న పలు ఘటనల ఆధారంగా రూపొందించిన కథా చిత్రం ఇదని చెప్పారు. వివాహానంతరం ప్రియమణి నటిస్తున్న తొలి తమిళ చిత్రం ఇదేనన్నారు. పలు ఆసక్తికరమైన అంశాలతో కూడిన ఈ చిత్రాన్ని తమిళం, కన్నడం, మలయాళ కథా చిత్రం ఇదని చెప్పారు. వివాహానంతరం ప్రియమణి నటిస్తున్న తొలి తమిళ చిత్రం ఇదే నన్నారు. పలు ఆసక్తికరమైన అంశాలతో కూడిన ఈ చిత్రాన్ని తమిళం, కన్నడం, మలయాళం, తెలుగు భాషల్లో పాన్‌ ఇండియా స్థాయిలో డిసెంబర్‌ 9న విడుదల చేయనున్నట్లు తెలిపారు.

ప్రియమణి ప్రధాన పాత్రలో తెరకెక్కుతున్న చిత్రం 'డాక్టర్ 56.'  ఈ చిత్రాన్ని శ్రీ లక్ష్మీ జ్యోతి క్రియేషన్స్ బ్యానర్‌పై నిర్మిస్తున్నారు. తాజాగా ఈ చిత్రానికి సంబంధించిన కీలక అప్డేట్ వచ్చింది. ప్రముఖ నటుడు విజయ్ సేతుపతి చేతుల మీదుగా ప్రియమణి ఫస్ట్ లుక్ పోస్టర్‌ను రిలీజ్ చేశారు  ఈ సినిమాను సౌత్‌లోని అన్ని భాషల్లో రిలీజ్ చేయనున్నారు. ఈ సినిమాకు కథ, కథనాలను ప్రవీణ్‌ అందిస్తుండగా.. రాజేష్‌ ఆనందలీల దర్శకత్వం వహిస్తున్నారు. హరిహర పిక్చర్స్‌పై ఈ సినిమాను ప్రవీణ్‌ రెడ్డి తెరకెక్కిస్తున్నారు. ఈ చిత్రానికి నోబిన్ పాల్ సంగీతాన్ని సమకూరుస్తున్నారు. ఈ చిత్రంలో ప్రియమణితో పాటు ఇతర ముఖ్య పాత్రల్లో ప్రవీణ్, దీపక్ రాజ్‌శెట్టి, రమేష్‌ భట్, యతిరాజ్, వీణా పొన్నప్ప, మంజునాథ్ హెగ్డే, స్వాతి తదితరులు నటిస్తున్నారు.

పండగలప్పుడు పెద్ద హీరోల సినిమాలు విడుదల కావడం కామన్‌. అయితే ఈసారి ఓనమ్‌ పండగకి మలయాళంలో పెద్ద చిత్రాలేవీ విడుదల కాలేదు. ఆ రకంగా వెండితెర పండగ మిస్సయింది. అయితే లేట్‌ అయినా లేటెస్ట్‌గా వస్తామంటూ.. మలయాళ అగ్రహీరోలు మమ్ముట్టి, మోహన్‌లాల్, పృథ్వీరాజ్, దుల్కర్‌ సల్మాన్‌ తదితరులు తమ చిత్రాలను రిలీజ్‌కు రెడీ చేస్తున్నారు. ఫ్యాన్స్‌కు ‘ఓనమ్‌’ శుభాకాంక్షలు తెలిపారు. ఇక కొందరు కథానాయికలు గురువారం ‘అంగన్నె ఓనమ్‌ వన్ను’ (అలా ఓనమ్‌ వచ్చింది) అంటూ ఓనమ్‌ స్పెషల్‌ శారీ కట్టుకుని, ట్రెడిషనల్‌ జ్యువెలరీ పెట్టుకుని ఫొటోలు షేర్‌ చేశారు. బంగారు రంగు చారలున్న ఐవరీ కలర్‌ చీర, మల్లెపువ్వులు, ముత్యాల నెక్లెస్‌కి బంగారు లాకెట్, చెవి దుద్దులతో అందంగా ముస్తాబయ్యారు అనుపమా పరమేశ్వరన్‌. ‘ఓనమ్‌ చిరునవ్వు ఇదిగో’ అంటూ ఆ ఫొటోలు షేర్‌ చేశారు. మరో మలయాళ కుట్టి కల్యాణీ ప్రియదర్శన్‌ కూడా జరీ అంచు ఉన్న తెలుపు రంగు చీర, గ్రాండ్‌గా ఉన్న చెవి దుద్దులు, చేతినిండా గాజులు, జడకు మల్లెపువ్వులు పెట్టుకుని తళతళలాడారు. ‘అందరికీ హ్యాపీ ఓనమ్‌’ చెప్పి, ఫొటో షేర్‌ చేశారు కల్యాణీ ప్రియదర్శన్‌. ఇంకో మలయాళ భామ రమ్యా నంబీసన్‌ కూడా తెలుపు రంగు చీర, చక్కని నగలతో పాటు నుదుట బొట్టుతో కళకళలాడారు. ‘అంగన్నె ఓనమ్‌ వన్ను’ అంటూ ఫొటో షేర్‌ చేశారు రమ్య. ఇక పండగ సందర్భంగా మంజు వారియర్‌ కూడా ప్రత్యేకంగా రెడీ అయ్యారు. ‘హ్యాపీ ఓనమ్‌’ అంటూ ఫొటో షేర్‌ చేశారు. ఇంకా ప్రియమణి, సంయుక్తా మీనన్, భావన తదితర తారలు తళుకులీనారు. ఇలా మలయాళ పరిశ్రమలో ఓనమ్‌ సందడి బాగా కనిపించింది.

నటి ప్రియమని తాజా నటించిన చిత్రం భామకలాపం. ఇటీవల ఓటీటీలో విడుదలైన ఈ మూవీ మంచి విజయం సాధించింది.  ఇందులో తన నటనకు విమర్శకుల నుంచి సైతం ప్రశంసలు అందుకుంది. గతేడాది ఆమె నటించిన నారప్ప మూవీ కూడా సూపర్‌ హిట్‌ కొట్టింది. ఇలా వరస హిట్‌లు అందుకున్న ప్రియమణి తాజా వెబ్ సిరీస్ సక్సెస్‌తో ఒక్కసారిగా రెమ్యునరేషన్ పెంచేసిందనే టాక్‌ వినిపిస్తోంది. చదవండి: తొలిసారి కాస్టింగ్ కౌచ్‌పై నోరు విప్పిన స్వీటీ, అవకాశాల కోసం అలా చేయాల్సిందే.. ఈ వెబ్ సిరీస్‌కు గాను ప్రియమణి రోజుకు దాదాపు 1.5 లక్షల రూపాయలు తీసుకుందని, ఇప్పుడు ఏకంగా రోజుకు మూడు నుంచి నాలుగు లక్షల వరకు డిమాండ్ చేస్తోందని జోరుగా ప్రచారం జరుగుతోంది. కాగా ప్రస్తుతం ప్రియమణి.. రానా తాజా చిత్రం విరాటపర్వం సినిమాలో కీలక పాత్రలో నటిస్తోన్న సంగతి తెలిసిందే. 

'ఎవరే అతగాడు' సినిమాతో వెండితెరకు పరిచయమై అనేక చిత్రాలతో అలరించింది ప్రియమణి. అనంతరం కొంతకాలం సినిమాలకు బ్రేక్ ఇచ్చిన ప్రియమణి వెబ్​ సిరీస్​, రియాల్టీ షోలతో ప్రేక్షకులను అలరిస్తూ వస్తోంది. తాజాగా ప్రియమణి నటించిన కొత్త సినిమా​ 'భామాకలాపం'. అభిమన్యు తాడిమేటి దర్శకత్వం వహించిన ఈ సినిమా ​ ఆహా ఓటీటీ వేదికగా ప్రసారం కానుంది. ఇదివరకు విడుదల చేసిన ప్రియమణి పోస్టర్​, గ్లింప్స్​ ఆకట్టుకున్నాయి. ఎనిమిది చేతుల్లో ఎనిమిది రకాల పరికరాలను పట్టుకుని గృహిణీగా ఆ పోస్టర్​లో కనువిందు చేసింది. తాజాగా ఈ సినిమా టీజర్​ను నేషనల్​ క్రష్​ రష్మిక మందన్నా ఆదివారం విడుదల చేసింది.  టీజర్​లో పక్కింటి జరిగే విషయాలు తెలుసుకోవడంలో ఆసక్తి చూపే గృహిణీగా ప్రియమణి కనిపించింది. మన గురించి మనం ఎప్పుడైనా ఆలోచించవచ్చు.. కానీ పక్కవాళ్ల గురించి తెలుసుకుంటే వచ్చే ఆనందమే వేరు అంటూ ప్రియమణి చెప్పే డైలాగ్​ చాలా మంది గృహిణీలకు నచ్చేవిధంగా ఉంది. క్రైమ్​ థిల్లర్​గా తెరకెక్కిన ఈ సినిమా ఫిబ్రవరి 11న ఆహాలో స్ట్రీమింగ్​ కానుంది. టీజర్​ ఎండింగ్​లో 'చాలా డేంజరస్ హౌస్​ వైఫ్​రా' అని చెప్పడం ఆకట్టుకుంది. 

ప్రియమణి ప్రస్తుతం ఫుల్‌ బిజీగా మారింది. ఇప్పటికే ఫ్యామిలీ మ్యాన్‌-2 వెబ్‌సిరీస్‌తో అలరించిన ఆమె ఓ కన్నడ చిత్రంలో లీడ్‌ రోల్‌ పోషించనుంది. గతేడాది కన్నడలో 'యాక్ట్ 1978' అనే చిత్రం విడుదలై మంచి విజయం సాధించింది. ఈ సినిమాలో యజ్ఞ శెట్టి ప్రధానపాత్ర పోషించింది. మన్సో రే దర్శకత్వం వహించిన ఈ సినిమాకు మంచి ఆధరణ లభించింది. ఇప్పుడు ఈ చిత్రాన్ని తెలుగులో రీమేక్‌ చేయనున్నారట. నిర్మాత ఠాగూర్ మధు ఇప్పటికే ఈ చిత్రానికి సంబంధించి రీమేక్‌ హక్కులను కొనుగోలు చేసినట్లు సమాచారం. ప్రియమణి కథానాయికగా ఈ చిత్రాన్ని తెరకెక్కించనున్నారు. ఈ సినిమాలో ప్రియమణి గర్భవతి పాత్రలో కనిపించనుంది. ప్రభుత్వం నుంచి తనకి రావలసిన నష్టపరిహారం కోసం,ఆఫీసుల చుట్టూ తిరిగి విసిగిపోయిన ఓ మహిళ పాత్రలో ప్రియమణి నటించనుంది. చివరికి మానవ బాంబుగా మారి ఆఫీసులో ఎవరిని బయటకు వెళ్లకుండా తలుపులు మూసేస్తుంది. ఆ తర్వాత ఏం జరిగిందనే దానిపై ఇంట్రెస్టింగ్‌గా స్టోరీ తెరకెక్కనుంది. త్వరలోనే దీనికి సంబంధించి అఫీషియల్‌ ప్రకటన రానుంది. ఇప్పటికే ప్రియమణి తెలుగులో విరాటపర్వం, నారప్ప అనే చిత్రాల్లో ముఖ్య పాత్రలు పోషించింది. కరోనా కారణంగా ఈ చిత్రాలు వాయిదా పడ్డాయి.  చదవండి : ఇన్నాళ్లకు నా కోరిక నెరవేరింది : ప్రియమణి మా మధ్య చిన్న చిన్న గొడవలు వస్తుంటాయి!

‘చెన్నైఎక్స్‌ప్రెస్‌’లో బాలీవుడ్ నటుడు షారుఖ్‌ ఖాన్‌తో కలిసి ప్రియమణితో చిందేసిన ఐటమ్‌సాంగ్‌ గుర్తుందా. అదేనండి అప్పట్లో వన్‌ టూ త్రీ ఫోర్‌.. గెట్‌ ఆన్‌ ది డ్యాన్స్‌ ఫ్లోర్‌..అంటూ స్టెప్పులేసిన ఈ పాట సూపర్‌ హిట్‌ అయిన సంగతి తెలిసిందే. ఇప్పుడు ఇది ఎందుకు అంటారా?  ఇటీవల విడుదలై విశేష ప్రజాదరణ పొందుతున్న ఫ్యామిలీ మ్యాన్‌-2తో ఆకట్టుకున్న నటి ప్రియమణి ఓ ఇంటర్య్వూలో ఈ ఐటెం సాంగ్‌ చిత్రీకరణ షూటింగ్‌ సమయంలోని కబుర్లను గుర్తుచేసుకుంది. అది నా పర్సులో భద్రంగా దాచుకున్నా ఈ సందర్భంగా ఆమె.. ‘‘నాకు అది మరచిపోలేని అనుభవం. షూటింగ్‌ సమయంలో షారుఖ్‌ ఐప్యాడ్‌లో ‘కౌన్‌ బనేగా కరోడ్‌పతి’ ఆడుతుంటే రూ.300 ఇచ్చారు. అవి ఇప్పటికీ నా పర్సులో భద్రంగా దాచుకున్నా. షారుఖ్‌ని బాలీవుడ్‌ బాద్‌షా అని అనడానికి ప్రత్యేకించి ఒక్క కారణమంటూ లేదు. మనదేశంలో ఉన్న గొప్పనటుల్లో ఆయన ఒకరు. సక్సెస్‌ని ఎప్పుడూ తలకెక్కించుకోరు. షూటింగ్‌లోనూ చాలా సింపుల్‌గా ఉంటారు. షారుక్‌ వ్యక్తిత్వమే మనల్ని మరింతగా ఆయన్ని ఇష్టపడేలా చేస్తుంది. ఎప్పుడు మరుసటి రోజు సమయం వృథా కాకుండా జాగ్రత్త పడేవారు. అలా షూటింగ్‌ సమయాన్ని చక్కగా ప్లాన్‌ చేసుకునే వారు’’ అంటూ షారుఖ్‌తో తన అనుబంధాన్ని ఈ రకంగా చెప్పుకొచ్చింది. చదవండి: ఆ కామెంట్స్‌ చూసి తట్టుకోలేకపోయా: జరీన్‌ ఖాన్‌

హీరోయిన్‌ ప్రియమణి ప్రస్తుతం సినిమాలు, టీవీషోలు సహా వెబ్‌ సిరీస్‌లలోనూ నటిస్తుంది. తాజాగా ఆమె బాలీవుడ్‌లో 'హిజ్ స్టోరీ' అనే వెబ్‌ సిరీస్‌లో నటించింది. ​బాలాజీ టెలిఫిలింస్, డింగ్ ఇన్ఫినిటీ సంస్థలు సంయుక్తంగా నిర్మంచిన ఈ సిరీస్‌ ఈ నెల 25న విడుదల కానుంది. ఈ సందర్భంగా ప్రమోషన్‌లో పాల్గొన్న ప్రియమణి పలు ఇంట్రెస్టింగ్‌ విశేషాలను షేర్‌ చేసుకుంది. 'ఈ వెబ్‌ సిరీస్‌లో తాను సాక్షి అనే చెఫ్‌ పాత్ర పోషిస్తున్నాని, రియల్‌ లైఫ్‌లో అసలు తనకు అసలు వంట చేయడమే రాదని పేర్కొంది. నిజం చెప్పాలంటే నాకు కోడిగుడ్డు ఉడకబెట్టడం కూడా రాదు. సెట్‌లో ఉన్న అబ్బాయిలు బాగా వంట చేసేవారు. ఈ సిరీస్‌లో వంట సీన్లు వచ్చినప్పుడు నేను వంట చేయడం చూసి వాళ్లంతా నవ్వుకునేవారు, నాపై జోకులు వేసేవారు' అని ప్రియమణి తెలిపింది. ఈ సిరీస్‌లో తాను పోషించిన చెఫ్‌ రోల్‌ చాలా కీలకమైనది, ప్రేక్షకులందరికీ నచ్చుతుందని పేర్కొంది. ప్రస్తుతం ప్రియమణి తెలుగులో 'విరాటపర్వం', 'నారప్ప' చిత్రాల్లో నటిస్తోంది. బాలీవుడ్‌లోనూ అజయ్ దేవగణ్ తో కలిసి 'మైదాన్' చిత్రంలో నటిస్తోంది. చదవండి : వైరల్‌గా మారిన 'మై విలేజ్ షో' అనిల్ లగ్నపత్రిక హైదరాబాద్ ఎయిర్‌పోర్టులో ప్రభాస్‌.. వైరలవుతోన్న ఫోటోలు

ప్రియమణి ప్రధాన పాత్రలో తెరకెక్కనున్న చిత్రం ‘కొటేషన్‌ గ్యాంగ్‌’. తెలుగు, తమిళ, కన్నడ, మలయాళ, హిందీ భాషల్లో రూపుదిద్దుకోనున్న ఈ చిత్రానికి ప్రముఖ దర్శకుడు బాలా దగ్గర అసోసియేట్‌గా చేసిన వివేక్‌  కె. దర్శకత్వం వహించనున్నారు. ‘శ్రీమన్నారాయణ, మిరపకాయ్, పైసా’ వంటి సినిమాలను హిందీలో డబ్‌ చేసిన ఫిల్మీ నాటీ ఎంటర్‌టైన్‌మెంట్స్‌ బ్యానర్‌పై గాయత్రీ సురేష్‌ ఈ చిత్రాన్ని నిర్మించనున్నారు. ఈ సందర్భంగా దర్శక–నిర్మాతలు మాట్లాడుతూ– ‘‘వాస్తవ సంఘటనల ఆధారంగా ఈ సినిమా రూపొందించబోతున్నాం. ఈ క్రైమ్‌ థ్రిల్లర్‌ మూవీ చిత్రీకరణ అంతా ఆంధ్రప్రదేశ్, తెలంగాణ రాష్ట్రాలతో పాటు ముంబై, తమిళనాడులో ప్లాన్‌ చేశాం. ఈ సినిమాలో ఓ స్టార్‌ హీరో కీలక పాత్ర పోషించనున్నారు. ధన్యా రాఫియా బాను, వైష్ణో వారియర్, అక్షయ ఇతర పాత్రల్లో నటించనున్నారు’’ అన్నారు. కాగా ప్రియమణి ప్రస్తుతం వెంకటేష్‌ ‘నారప్ప’ చిత్రంలో సుందరమ్మగా నటిస్తున్నారు. అదే విధంగా ‘విరాటపర్వం’ సినిమాలోనూ కామ్రేడ్‌ భారతక్కగా నటనకు ఆస్కారమున్న పాత్ర చేస్తున్నారు. బాలీవుడ్, కన్నడలోనూ ఆమె చిత్రాలు చేస్తున్నారు. ‘ద ఫ్యామిలీ మెన్‌’ సీజన్‌ 2 వెబ్‌ సిరీస్‌లో, ‘ఢీ’ షోతోనూ బిజీబిజీగా ఉన్నారు.

దక్షిణాదిలోనే కాకుండా బాలీవుడ్‌ చిత్రాల్లో నటిస్తూ మెప్పిస్తున్న అందాల భామ ప్రియమణి వివాదాలకు, రూమర్లకు దూరంగా ఉంటారు. అయితే  సెలబ్రిటీ క్రికెట్ లీగ్‌ (సీసీఎల్)లో అస‌భ్యంగా ప్ర‌వ‌ర్తించినందుకు అత‌డ్ని ప్రియ‌మ‌ణి చెంప‌బెబ్బ కొట్టింది అంటూ ప‌లు వార్తుల సోష‌ల్ మీడియాలో వైర‌ల్ అవుతున్నాయి. అంతేకాకుండా  దేశవ్యాప్తంగా సినీ తారలు పాల్గొన్న అలాంటి టోర్నిలో దక్షిణాది తారకు అవమానం జరిగింది అనే విధంగా కథనాలు వెలువడ్డాయి.  దీనిపై న‌టి ప్రియ‌మ‌ణి వివ‌ర‌ణ ఇస్తూ.. "ఓ వ్య‌క్తి  మొబైల్ ఫోన్ దొంగిలించి నాతో ప్రాంక్ చేస్తున్నాడు. ర‌క‌ర‌కాలుగా ఇబ్బంది పెట్టాడు. ఆ త‌ర్వాత ఫోన్ దొంగిలించిన వ్యక్తి స్వయంగా నా హోటల్ రూంకు వచ్చి కలిశాడు.  నాతో బిహేవ్ చేసిన విధానం సరిగా లేదని చెప్పాను. ఆ సంఘటన ఓ చేదు అనుభవం లాంటిదే. అయితే తాను అతడిని కొట్టానని వచ్చిన వార్తల్లో నిజం లేదు" అని ప్రియమణి క్లారిటీ ఇచ్చింది. ఇంత‌కీ త‌న‌ను ఇబ్బంది పెట్టిన ఆ క్రికెట‌ర్ పేరేంటి అన్న ప్ర‌శ్న‌కు మాత్రం ప్రియ‌మ‌ణి స‌మాధానం ఇవ్వ‌లేదు. ప్ర‌స్తుతం సినిమాలు, టీవీ షోలో జ‌డ్జిగా వ్య‌వ‌హ‌రిస్తూ బిజీ బిజీగా ఉన్నారు.  

తమిళసినిమా: నటి ప్రియమణి తన భర్త అలాంటి వాడు కాదు అంటోంది. సినిమాకు చెందిన వారు ముఖ్యంగా కథానాయికలకు ఒక్కో సీజన్‌లో ఒక్కో భాషలో అవకాశాలు తలుపు తడతాయి. ఈ బెంగళూర్‌ బ్యూటీ తొలుత తమిళం, తెలుగు భాషల్లో నటిగా రంగప్రవేశం చేసింది. ఆ తరువాత మాతృభాష కన్నడంలో నటిగా అడుగుపెట్టింది. ఇక మలయాళంలోనూ నటించేసి హిందీ చిత్రం రంగ అనుభవాన్నీ పొందింది. ఇలా కథానాయకిగా పలు భాషలలో ఒక్కో సీజన్‌లో రాణించిన మూడు పదుల వయసు పైబడిన ప్రియమణి గత నెల తన చిరకాల ప్రేమికుడు ముస్తఫాను పెళ్లి చేసుకుంది. పెళ్లి తరువాత సైలెంట్‌ అయిన ఈ భామ ఇటీవల తన పెళ్లి, భర్త, నటనల గురించి పెదవి విప్పింది.  ప్రియమణి మాట్లాడుతూ.. ఒక సెలబ్రిటీ క్రికెట్‌ లీగ్‌లో తనకు ముస్తఫాకు పరిచయం ఏర్పడిందని చెప్పింది. అయితే చూడగానే ఆయనతో ప్రేమలో పడిపోలేదని, కొంత కాలం ఫ్రెండ్స్‌గా మెలిగామని తెలిపింది. అప్పుడు ముస్తఫా తనపై చూపిన అభిమానం ఆయన్ని ప్రేమించేలా చేసిందని చెప్పింది. పెళ్లి తరువాత నటనకు దూరంగా ఉండాలన్న ఆలోచన తనకు లేదని చెప్పింది. అదే విధంగా పెళ్లి అయిన మూడో రోజునే షూటింగ్‌కు వెళ్లాననీ చెప్పింది. భార్య వంటింటికే పరిమితం కావాలనే మనస్తత్వం తన భర్తది కాదని పేర్కొంది. ఆయన పరిపూర్ణ సమ్మతితోనే తాను వివాహానంతరం నటిస్తున్నానని చెప్పింది. ముస్లిం మతస్తుడైన ముస్తఫాను తాను పెళ్లి చేసుకోవడాన్ని చాలా మంది వ్యతిరేకించారని చెప్పింది.  నా భర్త, నా కుటుంబం, నా జీవితం ఇవే ఆమెకు ముఖ్యం అని ప్రియమణి పేర్కొంది. ప్రస్తుతం ఈ అమ్మడికి తమిళం, తెలుగు భాషల్లో అవకాశాలు లేకపోవడంతో కన్నడం, మలయాళం భాషల్లో నటిస్తోంది.


 ఈరోజు మీతో పాటు పుట్టినరోజు జరుపుకుంటున్న ప్రముఖులు: వేణు(నటుడు), ప్రియమణి (నటి)
 ఈ రోజు పుట్టినవారి సంఖ్య 9 అవుతుంది. ఇప్పటికే స్థాపించిన సంస్థలు, ఉన్న ఉద్యోగాలలో నూతన ఉత్సాహంతో పురోభివృద్ధి సాధిస్తారు. రియల్ ఎస్టేట్, గనులు, వ్యవసాయంలో మంచి అభివృద్ధి ఉంటుంది. ఇల్లు కట్టుకోవాలనే కోరిక ఈ సంవత్సరం నెరవేరుతుంది. లేదా ఉన్నవాటినే అభివృద్ధి చేస్తారు.
 
 యూనిఫామ్ వేసుకునేవారు తమ ఉద్యోగాలలో ప్రతిభ చూపడం వలన మంచి గుర్తింపు వస్తుంది. మంచి ఆరోగ్యంగా ఉంటారు. పాత రుగ్మతలు తొలగిపోతాయి. వాహనాలు నడిపేటప్పుడు జాగ్రత్త అవసరం. పోలీసు, కోర్టు కేసులు, తోటివారితో వైరాలు ఏర్పడే అవకాశం ఉన్నందున ఆచితూచి వ్యవహరించడం మంచిది. లక్కీ నెం: 1, 3, 4, 6, 9 లక్కీ డే: ఆది, గురు, మంగళ వారాలు.
 
 లక్కీ కలర్స్: ఊదా, ఎరుపు, నారింజ, నీలం, వంకాయ రంగులు. సూచన: రక్తదానం చేయడం మంచిది. సుబ్రహ్మణ్య స్వామిని ఆరాధించడం, సుదర్శన హోమం చేయించుకోవడం లేదా దగ్గరలోని ప్రసిద్ధ దేవాలయాలను, దర్గాలను, చర్చిలను దర్శించడం, అన్నదానం చేయడం, సోదరులతో సామరస్యంగా ఉండటం శ్రేష్టం.
  - డాక్టర్ మహమ్మద్ దావూద్ సంఖ్య, జ్యోతిష శాస్త్ర నిపుణులు