ప్రముఖ వ్యాపారవేత్త, భారతదేశంలో అత్యంత సంపన్నమైన వ్యక్తి 'ముఖేష్ అంబానీ' (Mukesh Ambani) ప్రపంచంలో ఖరీదైన నివాసాల్లో ఒకటైన యాంటిలియాలో నివసిస్తూ.. ఖరీదైన కార్లను ఉపయోగించే ఈయన ఇటీవల మరో సూపర్ కారుని కొనుగోలు చేశారు. ఇంతకీ ఆ కారు ఏది? దాని ధర ఎంత అనే మరిన్ని వివరాలు ఈ కథనంలో తెలుసుకుందాం. ముఖేష్ అంబానీ కొనుగోలు చేసిన కొత్త కారు ఫెరారీ కంపెనీకి చెందిన రోమా. దీని ధర రూ. 4.5 కోట్లు అని తెలుస్తోంది. ఎరుపు రంగులో ఆకర్షణీయంగా ఉన్న ఈ కారు మంచి డిజైన్, లేటెస్ట్ ఫీచర్స్ పొందుతుంది. ఇప్పటికే లెక్కకు మించిన ఖరీదైన కార్లున్న అంబానీ గ్యారేజీకి మరో సూపర్ కారు చేరిపోయింది. అంబానీ కుటుంబ సభ్యుల కాన్వాయ్‌లో మెర్సిడెస్ ఏఎమ్‌జి జి63లు, రేంజ్ రోవర్ ఎస్‌యూవీలు, రోల్స్ రాయిస్ కల్లినన్ ఖరీదైన ఎన్నో కార్లు ఉన్నాయి. ముకేశ్ అంబానీ కార్ల ధర వందల కోట్లు ఉంటుందని సమాచారం.  ఫెరారీ రోమా 3.9 లీటర్ ట్విన్ టర్బోచార్జ్డ్ వి8 ఇంజిన్ కలిగి 690 పీఎస్ పవర్, 760 న్యూటన్ మీటర్ టార్క్ ప్రొడ్యూస్ చేస్తుంది. 2021లో ప్రారంభమైన ఈ కారు మొదటి నుంచి ఎంతోమంది సెలబ్రిటీలను ఆకర్శించింది. పలువురు ప్రముఖులు ఇప్పటికే ఈ కారుని కొనుగోలు చేసినట్లు సమాచారం. ఇదీ చదవండి: కొత్త సంవత్సరంలో కారు కొనడం కష్టమేనా.. పెరగనున్న ఆ బ్రాండ్ ధరలు ముఖేష్ అంబానీ గ్యారేజిలో సూపర్ కార్ల జాబితాలో ఫెరారీ 812 సూపర్‌ఫాస్ట్, మెక్‌లారెన్ 570S, లంబోర్ఘిని అవెంటడోర్ S రోడ్‌స్టర్, ఫెరారీ 488 GTB, ఫెరారీ పోర్టోఫినో, ఆస్టన్ మార్టిన్ DB11 వంటి కార్లు ఉన్నాయి. కాగా తాజాగా ఇప్పుడు ఫెరారీ రోమా సూపర్ కారు లిస్ట్‌లో చేరింది.

టాలీవుడ్‌లో పలువురు హీరోల దగ్గర ఖరీదైన కార్లు ఉన్నాయి. ఈ లిస్టులో మెగాహీరో రామ్ చరణ్ కచ్చితంగా ఉంటాడు. మార్కెట్‌లోకి కొత్త మోడల్ రావడం లేటు. దాన్ని తన గ్యారేజీలోకి తెచ్చేస్తుంటాడు. ఇప్పుడు అలానే ఓ ఖరీదైన కారులో డ్రైవ్ చేస్తూ కనిపించాడు. దాన్ని ఓ వ్యక్తి వీడియో తీసి సోషల్ మీడియాలో అప్‌లోడ్ చేయడంతో అదికాస్త వైరల్ అయిపోయింది. (ఇదీ చదవండి: ఆడిషన్స్‌కు వెళ్తే పాతిక లక్షలడిగారు: బిగ్ బాస్ సన్నీ) మెగా పవర్‌స్టార్ ప్రస్తుతం 'గేమ్ ఛేంజర్' మూవీ చేస్తున్నాడు. షూటింగ్ జరుగుతుందో లేదో తెలీదు గానీ చరణ్ అయితే హైదరాబాద్ లోనే ఉన్నాడు. తాజాగా కొన్నాళ్ల క్రితం కొన్న ఫెర్రారీ కారు తీసుకుని డ్రైవ్ కి వెళ్లాడు. తిరిగి ఇంట్లోకి వెళ్తున్న టైంలో ఒకరు దాన్ని వీడియో తీసి సోషల్ మీడియాలో పోస్ట్ చేశారు. దీంతో సదరు ఫెర్రారీ కారు, దాని కాస్ట్.. మరోసారి డిస్కషన్‌లోకి వచ్చింది. చరణ్ దగ్గరున్న ఫెర్రారీ కారు ఖరీదు దాదాపు రూ.మూడున్నర కోట్లు అని అంటున్నారు. దీనితో పాటు మరో అరడజను కార్లు కూడా చరణ్ దగ్గరున్నాయి. ఇంతకీ అవేంటి? వాటి ఖరీదు ఏంటనేది కింద లిస్ట్ ఉంది చూసేయండి. రామ్ చరణ్ కార్స్ కలెక్షన్ రోల్స్ రాయిస్ ఫాంటూమ్ — రూ 9.57 కోట్లు మెర్సిడెస్ మేబాచ్ జీఎల్ఎస్ 600 - రూ.4 కోట్లు ఆస్టన్ మార్టిన్ వాంటేజ్ వీ8 - రూ. 3.2 కోట్లు ఫెర్రారీ ఫోర్టోఫినో - రూ 3.50 కోట్లు రేంజ్ రోవర్ ఆటోబయోగ్రఫీ - రూ 2.75 కోట్లు బీఎమ్‌డబ్ల్యూ 7 సిరీస్ - రూ 1.75 కోట్లు మెర్సిడెజ్ బెంజ్ జీఎల్ఈ 450 ఏఎమ్‌జీ కూప్ - రూ. కోటి (ఇదీ చదవండి: ఎవిక్షన్ పాస్ గెలుచుకున్న రైతుబిడ్డ.. ఆమెని దెబ్బకొట్టడం గ్యారంటీ!?) View this post on Instagram A post shared by abhi's photography📸 (@abhi__photographyy)

కాలిఫోర్నియా:  1960వ దశకంలో రేసింగ్‌లో పాల్గొంటుండగా మంటల్లో చిక్కుకొని తుక్కుగా మారిన ఫెరారీ కారు తాజాగా వేలంలో రూ.15 కోట్ల(1.8 మిలియన్‌ డాలర్లు) ధర పలికింది. ఈ ‘ఫెరారీ 500 మాండియార్‌ స్పైడర్‌ సిరీస్‌–1’ కారును 1954లో తయారు చేశారు. ప్రముఖ ఇటాలియన్‌ రేసర్‌ అల్బర్టో అస్కరీ 1952, 1953లో ఫార్ములా వన్‌ వరల్డ్‌ డ్రైవర్స్‌ చాంపియన్‌షిప్‌లో సాధించిన విజయాలకు గుర్తుగా ఫెరారీ సంస్థ దీన్ని తయారు చేసింది. రేసింగ్‌ డ్రైవర్‌ ఫ్రాంకో కోర్టెస్‌ 1954లో కారును కొనుగోలు చేశాడు. అనంతరం 1958లో ఇది అమెరికాకు చేరుకుంది. 1960లలో ఓ రేసులో ప్రమాదానికి గురై మంటల్లో కాలిపోయింది. 1978 వరకూ పలువురి చేతులు మారుతూ వచి్చంది. పూర్తిగా ధ్వంసమైన స్థితిలో ఉన్న ఈ కారును  ఓ వ్యక్తి కొనుగోలు చేసి, దాదాపు 45 ఏళ్లపాటు అలాగే కాపాడుతూ వచ్చాడు. ఇటీవల ఆర్‌ఎం సోథ్‌బీ సంస్థ ఈ కారును వేలం వేసింది. ఏకంగా రూ.15 కోట్లు పలికింది. కారును బాగుచేసి, మళ్లీ రేసింగ్‌ ట్రాక్‌పై తీసుకొస్తానని దాన్ని కొనుక్కున్న వ్యక్తి చెప్పాడు.

సాక్షి, ముంబై:  రిలయన్స్‌ అధినేత ముఖేష్‌ అంబానీ, నీతా అంబానీల పెద్ద కుమారుడు, వ్యాపారవేత్త ఆకాశ్‌ అంబానీ ఖరీదైన కారుతో ముంబై వీధుల్లో చక్కర్లు కొట్టాడు..  లగ్జరీ కార్లంటే ఇష్టపడే ఆకాశ్‌ గ్యారేజీలో పలు లగ్జరీ కార్లతో పాటు వరల్డ్‌లోనే లావిష్‌ కార్లున్నాయి. ఖరీదైన, స్పోర్ట్స్‌ కార్లను డ్రైవ్‌ చేస్తూ  తరచుగా ముంబై మహానగరంలో దర్శనమిస్తూ ఉంటాడు ఆకాశ్‌. (తొలి పదిరోజుల్లోనే కోట్ల అమ్మకాలు: వామ్మో అన్ని కొనేశారా!) స్వతహాగా ఖరీదైన కార్ల ప్రేమికుడైన ఆకాశ్‌కు  ప్రపంచంలోని అత్యంత విలాసవంతమైన కార్లను సొంతం చేసుకోవడమే కాదు ముంబై వీధుల్లో  డ్రైవింగ్‌  థ్రిల్‌ అనుభవించడం కూడా  చాలా ఇష్టం. ఈ క్రమంలోనే ఎరుపు రంగు ఫెరారీ కారులో హల్‌చల్‌  చేయడంలో ఫ్యాన్స్‌ దృష్టిలో పడింది.  ఆకాష్ అంబానీ తన  డ్రైవింగ్‌ నైపుణ్యంతో ఫెరారీ SF90ని  పరుగులు పెట్టించడం విశేషం. ఇన్‌స్టాలో ఆకాశ్‌ అంబానీ ఫ్యాన్‌ పేజీ రెడ్‌  ఫెరారీ  SF90ని నడుపుతున్న వీడియోను షేర్ చేసింది.  ఫ్రంట్ సీట్ లో కూర్చుని వైట్ కలర్ టీ షర్ట్ లో దర్జాగా కనిపించాడు.   (బీమా పాలసీపై క్రెడిట్‌ కార్డ్‌ లోన్స్‌: ఇకపై ఇలా చేయలేరు!) ఫెరారీ SF90 ధర రూ. 7.50 కోట్లు. నివేదికల ప్రకారం 'ప్రాన్సింగ్ హార్స్' లోగో ఉన్న ఈ కారును భారతదేశంలో కేవలం ఇద్దరికి మాత్రమే ఈ కారు ఉంది.  7.9 kWh లిథియం-అయాన్ బ్యాటరీ ఉన్న  ఈకారుకు ఇది కారుకు 26 km (16 mi) రేంజ్‌ను అందిస్తుంది. ఇటీవల ఎల్లో కలర్‌ మెక్‌లారెన్ కారులో ఆకాశ్‌ అంబానీ సందడి చేసిన సంగతి తెలిసిందే. ఇండియాలో ఈ  కారు ధర సుమారు రూ. 3.30 - 4.85 కోట్లు. మెక్‌లారెన్ కారులో ఫోల్డబుల్ డ్రైవర్ డిస్‌ప్లే, స్టాటిక్ అడాప్టివ్ హెడ్‌లైట్లు, వేరియబుల్ డ్రిఫ్ట్ కంట్రోల్, మెక్‌లారెన్ ట్రాక్ టెలిమెట్రీ ,కార్బన్-సిరామిక్ బ్రేక్‌ లాంటి ఫీచర్లు ప్రధానంగా ఉన్నాయి.  (వరల్డ్ బ్యాంక్ ప్రెసిడెంట్‌గా అజయ్‌ బంగా: ఆయన వేతనం, నెట్‌వర్త్‌ ఎంతో తెలుసా? ) View this post on Instagram A post shared by Akash Mukesh Ambani (@akashambani_fc)