న్యూఢిల్లీ: ఢిల్లీ మెట్రో ప్రయాణికులకు శుభవార్త. ఇకపై మెట్రోలో ప్రయాణించేవారు బైక్‌ను కూడా బుక్ చేసుకోవచ్చు. ప్రస్తుతం 12 మెట్రో స్టేషన్లలో ఈ సౌకర్యాన్ని ప్రారంభించారు. రానున్న రోజుల్లో దీని సంఖ్య మరింత పెరగనుంది.ఢిల్లీ మెట్రో ప్రయాణికులు 'డీఎంఆర్‌సీ మొమెంటం' అప్లికేషన్ ద్వారా బైక్ టాక్సీలను బుక్ చేసుకోవచ్చు. మహిళా ప్రయాణికుల కోసం ఢిల్లీ మెట్రో ప్రత్యేక బైక్ టాక్సీ సర్వీసును కూడా అందుబాటులోకి తీసుకువస్తూ, రెండు రకాల బైక్ ట్యాక్సీలను విడుదల చేసింది. మొదటిది ‘షీరైడ్స్‌’ దీనిని ప్రత్యేకించి మహిళా ప్రయాణికుల కోసం తీసుకువచ్చారు. రెండవది ‘రైడర్‌’ ఈ బైక్‌ టాక్సీ అందరికీ ఉపయోగపడుతుంది. ఈ బైక్ టాక్సీలన్నీ ఎలక్ట్రిక్ బైక్‌లు. వీటి వినియోగం వల్ల కాలుష్యం ఏర్పడదు. DELHI METRO LAUNCHES BIKE TAXI SERVICE FOR ITS COMMUTERS INCLUDING DEDICATED BIKE TAXIS FOR WOMEN TRAVELERSDelhi Metro customers will now be able to book their Bike taxi rides from Delhi Metro’s official mobile app, DMRC Momentum (Delhi Sarthi 2.0) itself without the need to… pic.twitter.com/pFwmhi3t0u— Delhi Metro Rail Corporation (@OfficialDMRC) November 11, 2024షీరైడ్స్‌ బైక్ టాక్సీకి మహిళా డ్రైవర్ ఉంటారు. దీనిద్వారా మహిళా ప్రయాణికులకు సురక్షితమైన ప్రయాణాన్ని ఎంచుకోవచ్చు. షీరైడ్స్‌లో ప్రయాణానికి కనీస ధర రూ. 10. ఈ సౌకర్యం ప్రస్తుతం 12 మెట్రో స్టేషన్లలో అందుబాటులో ఉంది. డీఆర్‌ఎంసీ ఈ సేవలను ‘ఫస్ట్ అండ్ లాస్ట్ మైల్ కనెక్టివిటీ ఇండియా ప్రైవేట్ లిమిటెడ్’ భాగస్వామ్యంతో అందుబాటులోకి తీసుకువచ్చినట్లు ఒక ప్రకటనలో తెలిపింది. మిగిలిన స్టేషన్లలో కూడా ఈ సదుపాయం రానున్న మూడు నెలల్లో అందుబాటులో ఉంటుందని పేర్కొంది. ఇది కూడా చదవండి: మబ్బుల్లో తేలుదాం.. మంచును ముద్దాడదాం

న్యూఢిల్లీ: ప్రపంచంలో అత్యంత సంపన్నులకు సంబంధించి 2008లో వెలువడిన జాబితాలో ఆరవస్థానంలో నిలిచిన అనిల్‌ అంబానీకి వరుస ఎదురు దెబ్బలు కొనసాగుతున్నాయి. అనిల్‌ అంబానీ గ్రూప్‌ సంస్థల్లో ఒకటైన–  ఢిల్లీ ఎయిర్‌పోర్ట్‌ మెట్రో ఎక్స్‌ప్రెస్‌ ప్రైవేట్‌ లిమిటెడ్‌కు(డీఏఎంఈపీఎల్‌) అనుకూలంగా గతంలో వచ్చిన ఆర్బిట్రేషన్‌ అవార్డును సుప్రీంకోర్టు తాజాగా కొట్టేసింది. అనిల్‌ అంబానీకి చెందిన రిలయన్స్‌ ఇన్‌ఫ్రాస్ట్రక్చర్‌ అనుబంధ సంస్థ– డీఏఎంఈపీఎల్‌ అలాగే ఢిల్లీ మెట్రో రైల్‌ కార్పొరేషన్‌ (డీఎంఆర్‌సీ) మధ్య కుదిరిన ‘‘రాయితీ ఒప్పందం’’ విషయంలో తలెత్తిన ఒక వివాదానికి సంబంధించి రూ.8,000 కోట్ల అవార్డుతో ఆయన కష్టాలు కొంత గట్టెక్కుతాయన్న అంచనాలను తాజా పరిణామం దెబ్బతీసింది. ఆర్బిట్రేషన్‌ అనుగుణంగా గతంలో డీఎంఆర్‌సీ చెల్లించిన రూ.3,300 కోట్లను వాపసు చేయాలని సుప్రీం డీఏఎంఈపీఎల్‌ని ఆదేశించింది. అయితే తీర్పు వల్ల తనకు వచ్చిన ఇబ్బందేమీ లేదని  రిలయన్స్‌ ఇన్‌ఫ్రాస్ట్రక్చర్‌ పేర్కొంది. అటు డీఎంఆర్‌సీ నుంచి కానీ ఇటు గ్రూప్‌ సంస్థ  డీఏఎంఈపీఎల్‌ నుంచి తనకు ఎటువంటి డబ్బూ అందలేదని వివరించింది.

న్యూఢిల్లీ: ఢిల్లీ మెట్రోలో ఓ యువతి టు పీస్ బికినీ టైప్ దుస్తులు ధరించి ప్రయాణించిన వీడియో సామాజిక మాధ్యమాల్లో వైరల్‌ అయిన విషయం తెలిసిందే.  దీనిపై స్పందిస్తూ ఢిల్లీ మెట్రో రైల్ కార్పోరేషన్ కీలక ప్రకటన చేసింది. రైలులో ప్రయాణించేవారు ఎలాంటి దుస్తులు ధరించాలనే విషయంపై మార్గదర్శకాలు జారీ చేసింది. ప్రయాణికులు మెట్రోలో ఇతరులకు అసౌకర్యంగా, ఇబ్బందికరంగా అన్పించే దుస్తులు ధరించవద్దని యాజమాన్యం సూచించింది.  తోటి ప్రయాణీకుల సున్నితత్వాన్ని కించపరిచే విధంగా ప్రవర్తించవద్దని స్పష్టం చేసింది. సమాజానికి ఆమోదయోగ్యమైన వేషధారణలో ప్రయాణించాలని తెలిపింది. నిబంధనలను అతిక్రమించి ఎవరైనా అసభ్యంగా ప్రవర్తిస్తే సెక్షన్ 59 ప్రకారం శిక్షార్హులని హెచ్చరించింది. 'మెట్రో వంటి ప్రజా రవాణా వ్యవస్థలో ప్రయాణిస్తున్నప్పుడు వేషధారణ మంచిగా ఉండాలని ప్రయాణికులందరికీ మేము విజ్ఞప్తి చేస్తున్నాం. దుస్తుల ఎంపిక వ్యక్తిగత విషయమే అయినప్పటికీ.. ప్రయాణికులు బాధ్యతాయుతంగా ప్రవర్తించి స్వీయ నియంత్రణలో ఉండాలని విజ్ఞప్తి చేసింది. బ్రా.. మిని స్కర్ట్‌.. పీలికల్లాంటి దుస్తుల్లో మెట్రో రైలులో ప్రయాణిస్తూ తోటి ప్రయాణికులను బిత్తరపోయేలా చేసిన యువతి పేరు రిథమ్‌ చననా. సోషల్‌ మీడియాలో ఈ యువతిపై మామూలు తిట్లు పడడం లేదు. సొసైటీని పాడు చేయడానికే అలాంటి బట్టలు వేసుకుంటున్నావా? అంటూ మండిపడుతున్నారంతా. తొలుత ఆమె ఫొటోలు, వీడియోలు చూసి అంతా ఉర్ఫీ జావెద్‌ అనుకుని పొరపడ్డారంతా. చివరికి.. ఆమె అసలు సోషల్‌ మీడియా అకౌంట్ల ద్వారా ఐడెంటింటీ రివీల్‌ అయ్యింది.   తనది ఎంతో పద్ధతిగల కుటుంబమని చెప్పిన ఆమె.. మొదట్లో తాను అంతే పద్దతిగా ఉండేదానినని చెప్పింది. అయితే.. సడన్‌గా తన ఆలోచనలు మారాయని, ఆ ఆలోచనలకు ఇంట్లో వాళ్లు అంగీకరించకపోవడంతో దూరంగా ఉంటూ వస్తున్నానని తెలిపింది. చదవండి: దారుణం.. ప్రియుడ్ని చంపి ముక్కలు ముక్కలుగా నరికిన ప్రియురాలు.. 400 కిలోమీటర్లు తీసుకెళ్లి బీచ్‌లో..

న్యూఢిల్లీ: బ్యాంకులో తనఖా పెట్టి.. 20 కోట్ల రూపాయలు లోన్‌ తీసుకున్న ప్రాపర్టీని.. మాయమాటలు చెప్పి.. మరో వ్యక్తికి ఏకంగా 5 కోట్ల రూపాయలకు అంటగట్టారు నిందితులు. ఇక్కడ మోసపోయిన వ్యక్తి ఓ ఎంపీ కావడం విషేశం. నిందితులను అరెస్ట్‌ చేశారు ఆర్థిక నేరాల విభాగం అధికారులు. ఆ వివరాలు.. ఝాన్సీ ఎంపీ అనురాగ్‌ శర్మకు నాలుగేళ్ల క్రితం నిందితుడు వినోద్‌ కుమార్‌ శర్మతో పరిచయం ఏర్పడింది. ఈ క్రమంలో వినోద్‌ కుమార్‌ ఢిల్లీలో తనకు ఓ ప్రాపర్టీ ఉందని.. దాని విలువ సుమారు 5 కోట్ల రూపాయలుంటుందని తెలిపాడు. ఆ ప్రాపర్టీని ఢిల్లీ మెట్రో రైల్వై ప్రాజెక్ట్‌ లీజుకు తీసుకుందని.. నెలకు 8-9 లక్షల రూపాయల అద్దె చెల్లిస్తుందని నమ్మబలికాడు.  (చదవండి: చందమామపై ఇల్లు 289 కోట్లే!) వినోద్‌ మాటలు నమ్మిన అనురాగ్‌.. అతడు చెప్పిన మేరకు 5.6 కోట్ల రూపాయలు చెల్లించి 2017, ఫిబ్రవరి 21న కొనుగోలు చేశాడు. ఆ తర్వాత అసలు మోసం వెలుగులోకి వచ్చింది. విషయం ఏంటంటే అనురాగ్‌కు ప్రాపర్టీని అమ్మడానికి ముందే వినోద్‌ దాని మీద కెనరా బ్యాంక్‌లో 20.2 కోట్ల రూపాయలు లోన్‌ తీసుకున్నాడు. ఆ ప్రాపర్టీ మీద కెనరా బ్యాంక్‌ అనేక చార్జీలు విధించినట్లు తెలుసుకున్నారు. (చదవండి: ఆస్తులు తాక‌ట్టు పెట్టిన సోనూసూద్‌!) అంతేకాక ప్రాపర్టీని అనురాగ్‌ శర్మకు అమ్మిన తర్వాత నిందితుడు.. ఆ విషయాన్ని దాచిపెట్టి డీఎంఆర్‌సీతో చేసుకున్న లీజ్‌ అగ్రిమెంట్‌ను తన పేరు మీదనే పొడగించుకున్నాడు. మోసపోయానని తెలుసుకున్న అనురాగ్‌ శర్మ.. నిందితుల మీద ఫిర్యాదు చేయడంతో ఆర్థిక నేరాల విభాగం అధికారులు వారిని అదుపులోకి తీసుకున్నారు. ఇక వినోద్‌ శర్మ తనను తాను మాజీ న్యాయశాఖ అధికారిగా పరిచయం చేసుకున్నట్లు విచారణలో వెల్లడయ్యింది.  చదవండి: ‘రూ.30 లక్షలు కట్టు.. గవర్నమెంట్‌ జాబ్‌ పక్కా’

న్యూఢిల్లీ: డిజిటల్‌ పేమెంట్‌ సేవల సంస్థ పేటీఎం తాజాగా ఢిల్లీ మెట్రో రైల్‌ కార్పొరేషన్‌తో కలిసి ఫాస్టాగ్‌ ఆధారిత పార్కింగ్‌ సర్వీసులు ప్రారంభించింది. వీటిని త్వరలో దేశవ్యాప్తంగా విస్తరించనున్నట్లు పేటీఎం పేమెంట్స్‌ బ్యాంక్‌ (పీపీబీఎల్‌) తెలిపింది. కష్మీర్‌ గేట్‌ మెట్రో స్టేషన్‌లో ఏర్పాటు చేసిన ఈ తరహా విధానంలో ఫాస్టాగ్‌ స్టికర్‌ గల కార్లు.. పార్కింగ్‌ ఏరియాలోకి వచ్చినప్పుడు నగదు చెల్లించేందుకు ప్రత్యేకంగా కౌంటర్‌ దగ్గర ఆగాల్సిన అవసరం ఉండదని వివరించింది. ఇక ద్విచక్ర వాహనాల కోసం యూపీఐ ఆధారిత చెల్లింపుల విధానాన్ని కూడా అందుబాటులోకి తెచ్చినట్లు పీపీబీఎల్‌ తెలిపింది .   చదవండి: ‘ఫాస్ట్‌’గా దోచేస్తున్నారు..

న్యూఢిల్లీ: ఒక‌ప్పుడు పాములు ఎక్క‌డ ఉంటాయి? అని అడిగితే ఊరి చివ‌ర‌ పుట్ట‌ల్లో, పొలాల్లో, అడ‌వుల్లో అని చెప్పేవాళ్లం. కానీ అవి కూడా వ‌ల‌స వ‌చ్చాయి.. జ‌నావాసాల్లోకి! ఇంటి క‌ప్పు మీద‌, వంట‌గ‌దిలో, ఆఖ‌రికి ఇంట్లోని బాత్రూమ్‌లోనూ పాములు ప్ర‌త్య‌క్ష‌మ‌వుతున్న ఘ‌ట‌న‌లు మ‌నం చూస్తూనే ఉన్నాం. తాజాగా ఢిల్లీలోని సాకెట్ మెట్రో స్టేష‌న్ ద్వారం ద‌గ్గ‌ర శుక్ర‌వారం నాలుగ‌డుగుల నాగుపాము పాగా వేసి అక్క‌డి సిబ్బందిని హ‌డ‌లెత్తించింది. దీంతో సిబ్బంది వెంట‌నే వైల్డ్‌లైఫ్ ఎస్‌వోఎస్ అనే స్వ‌చ్ఛంద సంస్థ‌కు స‌మాచార‌మిచ్చారు. (జాతీయ రహదారిపై త్రాచు పాము హల్‌చల్‌..) వారు ఘ‌ట‌నా స్థ‌లానికి చేరుకుని ఎంతో చాక‌చ‌క్యంగా పామును ప‌ట్టుకున్నారు. అనంత‌రం దాన్ని దూర ప్ర‌దేశానికి తీసుకెళ్లి విడిచిపెట్టారు. ఇంకా మెట్రో రైళ్లు ప్రారంభం కాక‌పోవ‌డంతో అక్క‌డ జ‌నాలు ఎవ‌రూ లేక‌పోయేస‌రికి పెద్ద ప్ర‌మాదం త‌ప్పింది. కాగా ఇటీవ‌లే సాకెట్‌ మెట్రో స్టేష‌న్‌లో కొండ‌చిలువ‌ను, ఓక్లా బ‌ర్డ్ సాంక్చుయ‌రీ మెట్రో స్టేష‌న్‌లో నాగుపామును ర‌క్షించిన‌ట్లు వైల్డ్ లైఫ్‌ స్వ‌చ్ఛంద సంస్థ వెల్ల‌డించింది. (పాముల కాలం.. జర భద్రం)

న్యూఢిల్లీ: దేశ రాజధాని ఢిల్లీ మెట్రోరైలు కార్పోరేషన్‌లో పనిచేస్తున్న 20 మంది ఉద్యోగులకు కరోనా పాజిటివ్‌గా తేలింది. తమ సంస్థలో పని చేసే వివిధ స్థాయి ఉద్యోగులకు వైరస్ సోకినట్టుగా ఆ సంస్థ ప్రకటించింది. దీనిపై ఢిల్లీ మెట్రో రైల్‌ కార్పొరేషన్‌ (డీఎంఆర్‌సీ) ట్వీట్‌ చేస్తూ.. ‘దేశంలో కరోనా మహమ్మారి విస్తరిస్తున్న నేపథ్యంలో దానిపై పోరాడుతున్నాము. ప్రభుత్వం నుంచి ఆదేశాలు రాగానే అన్ని చర్యలు తీసుకొని మెట్రో సర్వీసులను పరుగులు పెట్టించడానికి తాము సిద్ధంగా ఉన్నామంటూ’ ఢిల్లీ మెట్రోరైలు మస్కట్, మాస్క్, గ్లోవ్స్ ధరించిన బాలిక పోస్టరును అధికారులు ట్వీట్ చేశారు. మెట్రోరైలు కార్యాలయాలు, రైల్వేస్టేషన్లు శానిటైజ్ చేయిస్తూ కరోనా విస్తరించకుండా జాగ్రత్తలు తీసుకుంటున్నామని మెట్రోరైలు అధికారులు వెల్గడించారు. కాగా ఢిల్లీలో ఇప్పటిదాకా.. 23,645 పాజిటివ్‌ కేసులు నమోదుకాగా.. 606 మంది మరణించారు. 9,542 మంది కరోనా మహమ్మారి నుంచి కోలుకొని డిశ్చార్జి అయ్యారు. చదవండి: భారత్‌లో కొత్తగా 9,851 కేసులు Along with the rest of the country, DMRC is also fighting the battle against Covid - 19. Delhi Metro's employees have shown exemplary resilience in reporting back to their duties to keep the Metro system in all readiness for eventual resumption of services. #DMRCFightsCOVID pic.twitter.com/La5ev8Dgco — Delhi Metro Rail Corporation (@OfficialDMRC) June 4, 2020

న్యూఢిల్లీ : కరోనా వైరస్‌ నియంత్రణలో భాగంగా ప్రధాని నరేంద్ర మోదీ ఆదివారం రోజున జనతా కర్ఫ్యూకు పిలుపునిచ్చిన సంగతి తెలిసిందే. జనతా కర్ఫ్యూలో భాగంగా ప్రజలంతా ఆరోజు ఉదయం 7 గంటల నుంచి రాత్రి 9 గంటల వరకు ఇళ్ల నుంచి బయటకు రావద్దని కోరారు. ఈ నేపథ్యంలో ఆదివారం మెట్రో సేవలను నిలిపివేస్తున్నట్టు ఢిల్లీ మెట్రో రైలు కార్పొరేషన్‌ ప్రకటించింది. ప్రజలు ఇళ్లలో ఉండి జనతా కర్ఫ్యూను విజయవంతం చేసేందుకే ఈ నిర్ణయం తీసుకున్నట్టు తెలిపింది. కరోనాపై పోరాటం చేయడం చాలా ముఖ్యమైనదని పేర్కొంది. కాగా, కేంద్ర ఆరోగ్యశాఖ శుక్రవారం ఉదయం వెల్లడించిన వివరాల ప్రకారం దేశంలో 195 కరోనా పాజిటివ్‌ కేసులు నమోదయ్యాయి. కరోనా వైరస్‌ నియంత్రణ కోసం కేంద్రం పలు కఠిన నిర్ణయాలను తీసుకుంది. మార్చి 22 నుంచి వారం రోజులపాటు అంతర్జాతీయ విమానసర్వీసులను రద్దుచేస్తున్నట్టు ప్రకటించింది. రైళ్లలో జనసమ్మర్ధాన్ని నివారించే ఉద్దేశంతో తాము ఇస్తున్న పలు రాయితీలను నిలిపివేస్తూ కేంద్ర రైల్వే శాఖ ఆదేశాలు జారీచేసింది. అలాగే పలు రాష్ట్రాలు కూడా కరోనా నియంత్రణలో భాగంగా మార్చి 31వరకు షాపింగ్‌ మాల్స్‌, విద్యాసంస్థలు, సినిమా హాళ్లు మూసివేయాలని ఆదేశాలు జారీచేశాయి. చదవండి : అతను చనిపోయాడన్న వార్తలు అవాస్తవం : విశాఖ కలెక్టర్‌ మరో రెండు కరోనా కేసులు.. మొత్తం 18

న్యూఢిల్లీ: మెట్రోలో మహిళలకు ఉచిత ప్రయాణం కల్పిస్తామన్న ఢిల్లీ ప్రభుత్వ నిర్ణయాన్ని సుప్రీంకోర్టు ప్రశ్నించింది. అసలు మెట్రోలో ఉచిత ప్రయాణం ఎందుకు? ఇలా ఉచిత ప్రయాణం కల్పించడం వల్ల భవిష్యత్తులో ఢిల్లీ మెట్రో రైల్‌ కార్పొరేషన్‌ (డీఎమ్‌ఆర్‌సీ)ను నష్టాల బాటలో నడిపిస్తారా? అంటూ ఆగ్రహం వ్యక్తంచేసింది. ‘ఉచిత’ నిర్ణయంపై ఢిల్లీ ప్రభుత్వం వెనక్కి తగ్గాలని, ఇలాంటి ఉచిత తాయిలాలను ఉపేక్షించబోమని ధర్మాసనం స్పష్టంచేసింది. ఢిల్లీలో నాలుగో ఫేజ్‌లో భాగంగా త్వరలో చేపట్టే మెట్రో విస్తరణ కోసం భూసేకరణ చేయాలని, దానికి అయ్యే వ్యయంలో సగం కేంద్రం భరించాలని ‘ఆప్‌’ ప్రభుత్వం వేసిన పిటిషన్‌ విచారణ సందర్భంగా ధర్మాసనం ఈ వ్యాఖ్యలు చేసింది. ఉచిత ప్రయాణాల వల్ల దీర్ఘకాలంలో నష్టాలు తప్పవని, ఇలాంటి హామీలనిస్తూ కేంద్రం ఈ ఖర్చునంతా భరించాలనడం సరికాదని వ్యాఖ్యానించింది. ఢిల్లీ సీఎం కేజ్రీవాల్‌ మెట్రో, బస్సులలో మహిళలకు ఉచిత ప్రయాణం కల్పిస్తామని గతంలో ప్రకటించడం తెల్సిందే.

న్యూఢిల్లీ : ఢిల్లీ మెట్రో రైలులో తలెత్తిన సాంకేతిక లోపంతో ప్రయాణీకులు తీవ్ర ఇబ్బందులు ఎదుర్కొన్నారు. మంగళవారం ఉదయం 9.30 గంటలకు గుర్గావ్‌-ఢిల్లీ మార్గమధ్యంలో సాంకేతికలోపం తలెత్తడంతో మెట్రో రైలు అర్ధాంతరంగా ఆగిపోయింది. దీంతో రైలులో ఉన్న సుమారు వెయ్యిమంది రోడ్లపైకి రావడంతో గురుద్రోణాచార్య, కుతుబ్‌మినార్‌ మెట్రోస్టేషన్‌ల మధ్య(జాతీయరహదారి 8పై) భారీగా ట్రాఫిక్‌జామ్‌ అయింది. దీంతో మెట్రో ప్రయాణీకులతో పాటు సాధారణ ప్రయాణీకులు తీవ్ర అవస్థలు పడ్డారు. ఈ విషయం ఢిల్లీ సీఎం కేజ్రీవాల్‌ దృష్టికి రాగా ఆయన ట్విటర్‌ వేదికగా స్పందించారు. ఈ ఘటనపై పూర్తి సమాచారాన్ని అందజేయాలని రవాణశాఖ మంత్రిని ఆదేశించారు. అంతేకాకుండా ఢిల్లీ మెట్రోనే పూర్తి బాధ్యతవహించాలన్నారు. సుల్తాన్‌పూర్‌ స్టేషన్‌లో ఓవర్‌హెడ్‌ వైర్‌లో సమస్య తలెత్తడంతో సేవలు నిలిచిపోయాయని, దీంతో ఎల్లోలైన్‌ సేవలకు తీవ్ర అంతరాయం కలిగిందని అధికారులు పేర్కొన్నారు. తాత్కలికంగా హుడా సిటీ సెంటర్‌, సమయాపూర్‌బద్లీ, కుత్‌బ్‌మినార్‌ స్టేషన్ల మధ్య మెట్రో సేవలు అందించినట్లు పేర్కొన్నారు. అయితే ఈ సమస్య వల్ల ఇబ్బంది పడ్డ ప్రయాణీకులు ట్విటర్‌ వేదికగా తమ అసహనాన్ని వెల్లగక్కారు. ఇదే అదునుగా భావించిన క్యాబ్‌ డ్రైవర్లు మాత్రం చార్జీలు అమాంతం పెంచేసి ప్రయాణీకుల జేబుకు చిల్లు పెట్టారు. మరికొందరు పట్టాలపై నడుచుకుంటూ ఇతర స్టేషన్‌కు చేరుకున్నారు. I have asked transport minister to seek a detailed report and direct Delhi Metro to fix responsibility https://t.co/0jkf9HvfKb — Arvind Kejriwal (@ArvindKejriwal) 21 May 2019 Electricity Issue of Delhi Metro Between #Sultanpur and #Qutub_Minar _MetroStation...Highly Rush &Traffic in Delhi Roads.@PMOIndia pic.twitter.com/kdSF4j4UYh — himanshu sharma (@himansh55221232) 21 May 2019

న్యూఢిల్లీ : నగరమంటేనే ఉరుకుల-పరుగుల జీవితం. ఇప్పుడు దేశంలోని అన్ని ప్రధాన నగరాల్లోనూ మెట్రోరైళ్లు నడుస్తున్నాయి. మెట్రోలో ప్రయాణిస్తున్న వారి సంఖ్య రోజురోజుకు పెరుగుతోంది. ఈ క్రమంలో మెట్రోలో ప్రయాణిస్తున్నప్పుడు, ముఖ్యంగా మెట్రో రైలు నుంచి దిగేటప్పుడు అప్రమత్తంగా ఉండాల్సిన అవసరాన్ని ఈ ఘటన చాటుతోంది. ఓ 40 ఏళ్ల మహిళ మెట్రో రైలు దిగుతుండగా.. ఆమె చీర బోగీ డోర్‌లో చిక్కుకుపోయింది. దీంతో ఆమెను ఫ్లాట్‌ఫామ్‌ మీద మెట్రోరైలు లాక్కెళ్లింది. ఈ విషయాన్ని గుర్తించిన ఓ ప్రయాణికుడు ఎమర్జెన్సీ బటన్‌ నొక్కడంతో ఆ మహిళకు పెద్ద ప్రమాదమే తప్పింది. ఈ ఘటనలో ఆమె తలకు గాయాలయ్యాయి. బ్లూలైన్‌ మార్గంలోని మోతినగర్‌ మెట్రో స్టేషన్‌లో మంగళవారం ఈ ఘటన చోటుచేసుకుంది. బాధితురాలిని గీతగా గుర్తించారు. గీత తన కూతురితో కలిసి.. మోతినగర్‌ మెట్రో స్టేషన్‌లో దిగుతున్నప్పుడు ఈ ఘటన జరిగింది. ‘నవాడా నుంచి గీత, నా కూతురు మెట్రోలో ప్రయాణిస్తున్నారు. మోతినగర్‌లో ఆమె దిగారు. అయితే, దిగే సమయంలో ఆమె చీర మెట్రో బోగీ డోర్‌లో చిక్కుకొని.. డోర్‌ మూతపడింది. దీంతో మెట్రో రైలు కదలడంతోపాటు ఆమెను ఫ్లాట్‌ఫాం మీద ఈడ్చుకెళ్లింది. ఈ విషయాన్ని గుర్తించిన ప్రయాణికుడెవరో ఎమర్జెన్సీ బటన్‌ నొక్కారు. దీంతో డ్రైవర్‌ రైలును ఆపారు’ అని ఆమె భర్త జగదీశ్‌ ప్రసాద్‌ తెలిపారు. ఈ ఘటనలో గాయపడిన గీతను సమీపంలోని ఆస్పత్రికి తరలించి చికిత్స అందజేశారు. మోతినగర్‌ మెట్రో స్టేషన్‌లో ఈ ఘటన జరిగిన విషయం వాస్తవమేనని, ఈ ఘటనతో ఈ మార్గంలో మెట్రో సేవల్లో కొంత అంతరాయం ఏర్పడిందని ఢిల్లీ మెట్రో రైలు కార్పొరేషన్‌ సీనియర్‌ అధికారి ఒకరు తెలిపారు.

సాక్షి, హైదరాబాద్‌: మెట్రో రెండోదశ ప్రాజెక్టు దిశగా వడివడిగా అడుగులు పడుతున్నాయి. తొలుత అనుకున్న మార్గాల్లో కాకుండా తాజాగా బీహెచ్‌ఈఎల్‌–లక్డీకాపూల్‌ (25 కి.మీ.), రాయదుర్గం– శంషాబాద్‌ (30 కి.మీ.), ఎల్బీనగర్‌–నాగోల్‌ (5 కి.మీ.) మార్గాల్లో మొత్తంగా 60 కి.మీ. మెట్రో రెండోదశ మెట్రో ప్రాజెక్టు ఏర్పాటుపై వేగంగా కసరత్తు జరుగుతోంది. ఈ ప్రాజెక్టుకు సంబంధించి ఢిల్లీ మెట్రో రైలు కార్పొరేషన్‌ (డీఎంఆర్‌సీ) త్వరలో సమగ్ర ప్రాజెక్టు నివేదికను ప్రభుత్వానికి సమర్పించనున్నట్లు విశ్వసనీయంగా తెలిసింది. రెండోదశ ప్రాజెక్టుకు సుమారు రూ.10 వేల కోట్ల వ్యయం కానుందని ప్రాథమికంగా అంచనా వేస్తున్నారు. ఈ మార్గాల్లో చేపట్టనున్న డిపోలు, స్టేషన్లు, పార్కింగ్‌ సదుపాయాల కల్పనకు అవసరమైన స్థలాలను ప్రాథమికంగా గుర్తించినట్లు తెలిసింది. మెట్రో రెండో దశలో ప్రధానంగా శంషాబాద్‌లోని రాజీవ్‌గాంధీ అంతర్జాతీయ విమానాశ్రయానికి మెట్రో కనెక్టివిటీని పెంచాలని నిర్ణయించిన విషయం విదితమే.  బీహెచ్‌ఈఎల్‌–లక్డీకాపూల్‌ మెట్రో రూట్‌ ఇలా.. ఈ కారిడార్‌ పరిధిలో సుమారు 70 ఎకరాల స్థలాన్ని బీహెచ్‌ఈఎల్‌ (రామచంద్రాపురం)లో మెట్రో డిపోకు కేటాయించనున్నట్లు తెలిసింది. ఈ కారిడార్‌లో 22 స్టేషన్లను ఏర్పాటు చేయనున్నారు. ఈ మార్గాన్ని బీహెచ్‌ ఈఎల్, మదీనాగూడా, హఫీజ్‌పేట్, కొండాపూర్, కొత్తగూడా జంక్షన్, షేక్‌పేట్, రేతిబౌలి, మెహిదీపట్నం, లక్డీకాపూల్‌లలో మెట్రో స్టేషన్లు ఏర్పాటు కానున్నాయి.  రాయదుర్గం–శంషాబాద్‌ మెట్రో రూట్‌ ఇలా.. రాయదుర్గం, బయోడైవర్సిటీ జంక్షన్, ఖాజాగూడా, తెలంగాణ పోలీస్‌ అకాడమీ, రాజేంద్రనగర్‌ మీదుగా శంషాబాద్‌ వరకు ఏర్పాటు చేయనున్నారు. ఈ మార్గంలో బుద్వేల్‌ లేదా శంషాబాద్‌ ప్రాంతాల్లో 60 ఎకరాల స్థలాన్ని మెట్రో డిపో ఏర్పాటు కోసం కేటాయించనున్నారు. ఈ మార్గంలో హైస్పీడ్‌ రైలును నడపనున్నట్లు సమాచారం. దీంతో విమానాశ్రయానికి రాకపోకలు సాగించే ప్రయాణికులకు సమయం ఆదా కానుంది. ఈ మేరకు ఢిల్లీ మెట్రో రైలు కార్పొరేషన్‌ అధికారులు రెండోదశ మార్గాల్లో విస్తృతంగా అధ్యయనం జరిపి ఈ రూట్లను ఖరారు చేసినట్లు తెలిసింది. కాగా సుమారు రూ.10 వేల కోట్ల అంచనా వ్యయం కానున్న ఈ ప్రాజెక్టును రాష్ట్ర ప్రభుత్వం ఈపీసీ (ఇంజినీరింగ్‌ ప్రొక్యూర్‌మెంట్‌ కన్‌స్ట్రక్షన్‌) విధానంలో చేపట్టాలని నిర్ణయించినట్లు సమాచారం. డీఎంఆర్‌సీ సమర్పించనున్న సమగ్ర ప్రాజెక్టు నివేదికలో తేలనున్న అంశాలివే... - రెండోదశ మెట్రో రైళ్లకు సిగ్నలింగ్‌ వ్యవస్థ, కోచ్‌ల ఎంపిక, ట్రాక్‌ల నిర్మాణం ఎలా ఉండాలో ఈ సంస్థ సూచించనుంది. - భద్రతా పరమైన చర్యలు.. టికెట్‌ ధరల నిర్ణయం - రెండోదశ ప్రాజెక్టుకు నిధుల సమీకరణ - వివిధ రకాల ఆర్థిక నమూనాల పరిశీలన - ప్రాజెక్టును పూర్తి చేయాల్సిన గడువు, దశలవారీగా చేపట్టాల్సిన షెడ్యూలు ఖరారు ఈనెలాఖరులో హైటెక్‌ సిటీకి మెట్రో రైళ్లు..  అమీర్‌పేట్‌–హైటెక్‌ సిటీ (13 కి.మీ.) మార్గంలో మెట్రో రైళ్లు ఈనెలాఖరున సిటిజన్లకు అందుబాటులోకి రానున్నాయి. ఈ మార్గంలో ఇప్పటికే మెట్రో రైళ్లకు ప్రయోగ పరీక్షలను నిర్మాణ సంస్థ విజయవంతంగా పూర్తిచేసింది. ఇక జేబీఎస్‌–ఫలక్‌నుమా మార్గంలో వచ్చే ఏడాది మార్చిలో మెట్రో రైళ్లు రాకపోకలు సాగించ నున్నాయి. ఎంజీబీఎస్‌–ఫలక్‌నుమా మార్గంలో మెట్రో ప్రాజెక్టు ఎప్పుడు పూర్తవుతుందా..? పాతనగరానికి మెట్రో రైళ్లు ఎప్పుడు రాకపోకలు సాగిస్తాయన్న అంశం మిలియన్‌ డాలర్ల ప్రశ్నగా మారింది.  ఈ మార్గాల్లో మెట్రో లేనట్టేనా..? ప్రస్తుతం రెండోదశ ప్రాజెక్టుకు ప్రభుత్వం కసరత్తు ప్రారంభిం చినప్పటికీ గతంలో మరో ఐదు మార్గాల్లో రెండో దశ మెట్రో ప్రాజెక్టును ఏర్పాటు చేయాలని నిర్ణయించినప్పటికీ ఆ దిశగా అడుగులు పడకపోవడంతో ఈ మార్గాల్లో మెట్రో అనుమా నమే అన్న సందేహాలు వ్యక్తమవుతుండటం గమనార్హం. 1.ఎల్బీనగర్‌–హయత్‌నగర్‌ 2.ఎల్బీనగర్‌–ఫలక్‌నుమా–శంషాబాద్‌ ఎయిర్‌పోర్టు 3.మియాపూర్‌–పటాన్‌చెరు 4.తార్నాక–ఈసీఐఎల్‌ 5.జేబీఎస్‌–మౌలాలి


 అమరావతి : విజయవాడ మెట్రో రైలు ప్రాజెక్టుకు సంబంధించిన సివిల్ పనులకు డీఎంఆర్‌సీ (ఢిల్లీ మెట్రో రైలు కార్పొరేషన్) సోమవారం టెండర్లు పిలిచింది. ఏలూరు, బందరు రోడ్డుల్లో 26 కిలోమీటర్ల నిర్మించే కారిడార్ల డిజైన్ అండ్ ఆర్కిటెక్చర్‌తోపాటు ఎలివేటెడ్ బ్రిడ్జి, మధ్యలో కిలోమీటరుకు ఒక స్టేషన్, ఎంట్రీ-ఎగ్జిట్ ద్వారాల నిర్మాణం, ఫ్లంబింగ్ పనులన్నింటినీ కలిపి రూ.1800 కోట్ల అంచనాతో చేపట్టాల్సివుంటుందని పేర్కొంది.
 
 ఏలూరు రోడ్డు కారిడార్‌కు రూ.969 కోట్లు, బందరు రోడ్డు కారిడార్‌కు రూ.831 కోట్ల అంచనాతో విడిగా టెండర్లు పిలిచింది. స్టేషన్ల నిర్మాణ పనులకు సంబంధించిన టెండరు పత్రాలను డిసెంబర్ ఐదు నుంచి 16వ తేదీ వరకూ విక్రయిస్తారు. జనవరి 12 నుంచి 16వ తేదీలోపు టెండర్లు దాఖలు చేయాలి. త్వరలో నిడమానూరులో కోచ్ డిపో, రెండు కారిడార్లలో ట్రాక్ నిర్మాణం, విద్యుత్ తదితర పనులకు విడిగా టెండర్లు పిలవనుంది.


 న్యూ ఢిల్లీ: మెట్రో వినియోగదారుల కష్టాలను తీర్చడానికి ఢిల్లీ మెట్రో రైల్ కార్పోరేషన్(డీఎంఆర్సీ) నడుంబిగించింది. గత ఐదేళ్లలో మెట్రో వినియోగదారుల వార్షిక వృద్ధి 17.5 శాతంగా నమోదైంది. దీంతో 916 కోచ్లను అదనంగా పట్టాలెక్కించే పనిలో డీఎంఆర్సీ పడింది. ప్రయాణికుల సంఖ్య రోజురోజుకు పెరడగంతో రద్దీకి అనుగుణంగా మెట్రోను విస్తరించడానికి రాష్ట్ర, కేంద్రప్రభుత్వాల సహకారాన్ని కోరింది.   
  
 ఢిల్లీలో ప్రజా రవాణా అవసరాలను తీర్చడానికి అనుగుణంగా మెట్రో రైల్వే ఫ్రీక్వెన్సీ పెంచాలని సుప్రీం కోర్టుతో పాటూ అన్ని వర్గాల నుంచి చాలా రోజులుగా డిమాండ్ ఉంది.  ఢిల్లీ మెట్రో తన పరిధిలో 1396 కోచ్లతో పని చేస్తోంది. మరో 916 కోచ్లు అంటే దాదాపు 65 శాతం అధికంగా కోచ్ల సంఖ్యను పెంచేలా ప్రణాళికలు సిద్దం చేసింది. దీని ప్రకారం మెట్రో ట్రైన్ల సంఖ్య విషయానికొస్తే ప్రస్తుతం ఉన్న 227 రైళ్లకు అదనంగా102 కొత్త రైళ్లు వినియోగంలోకి రానున్నాయి. కేంద్ర, ఢిల్లీ సర్కారు ఆమోదం లభిస్తే మెట్రో విస్తరణ పనులు  2017 ఏప్రిల్లో ప్రారంభించి 2021 మార్చిలోగా పూర్తి చేస్తామని డీఎంఆర్సీ ఆధికారులు తెలిపారు. ఈ ఏడాది లెక్కల ప్రకారం మెట్రో విస్తరణ పనులకు రూ. 13284 కోట్ల ఖర్చు అవుతుందని అంచనా వేస్తున్నారు.  ప్రస్తుతం 6 కారిడార్ల ద్వారా ఢిల్లీ మెట్రోను ఆపరేట్ చేస్తున్నారు. ఫేస్ 3లో భాగంగా మరో రెండు కారిడార్లను పెంచనున్నారు.


 ♦ తగినంత జనం లేకుండా రాజధానికి మెట్రో’ను విస్తరించడం అనవసరం
 ♦ సాధ్యాసాధ్యాల నివేదికలో తేల్చిచెప్పిన ఢిల్లీ మెట్రో రైలు కార్పొరేషన్
  
  సాక్షి, విజయవాడ బ్యూరో: రాజధాని అమరావతికి విజయవాడ మెట్రో రైలు ప్రాజెక్టును విస్తరించడం అనవసరమని శ్రీధరన్ నేతృత్వంలోని ఢిల్లీ మెట్రో రైలు కార్పొరేషన్(డీఎంఆర్‌సీ) తేల్చేసింది. జనం లేకుండా ప్రాజెక్టు నిర్మిస్తే పెట్టుబడులు తిరిగి రావని స్పష్టం చేసింది. రాష్ట్రంలో మెట్రో రైలు ప్రాజెక్టులకు సలహాదారుగా ఉన్న ఢిల్లీ మెట్రో రూపకర్త శ్రీధరన్ రాజధానికి మెట్రో విస్తరణకు సంబంధించి రూపొందించిన సాధ్యాసాధ్యాల నివేదికలో ఈ అంశాలను పేర్కొన్నట్టు సమాచారం.
 
  రూ.పదివేల కోట్ల ఖర్చవుతుందని అంచనా..
  విజయవాడ మెట్రో రైలు ప్రాజెక్టుకు కొనసాగింపుగా రెండో దశలో రాజధానికి మెట్రో ప్రాజెక్టును విస్తరించాలని ప్రభుత్వం ప్రతిపాదించింది. రాజధానికి మెట్రో రైలును విస్తరించాలంటే సుమారు రూ.పది వేల కోట్లు ఖర్చవుతుందని డీఎంఆర్‌సీ అంచనా వేసింది.
 
  ప్రయాణికులేరి?
  కారిడార్ నిర్మించే ప్రాంతంలో కనీసం 20 లక్షల జనాభా అయినా ఉండాలి. విజయవాడ మెట్రో రైలు ప్రాజెక్టుకు మొదట్లో జనాభా సమస్య వస్తే శివారు ప్రాంతాలన్నింటినీ కలపి 20 లక్షల జనాభాను చూపించారు. ఇప్పుడు రాజధానిలో అంత జనాభాను ఎక్కడినుంచి తీసుకొస్తారనేది డీఎంఆర్‌సీ మొదటి ప్రశ్న. మెట్రో ప్రాజెక్టుపై ఖర్చుపెట్టిన డబ్బు తిరిగి రావాలంటే ప్రతిరోజూ 2.5 లక్షలనుంచి 3 లక్షల మంది ప్రయాణికులు అందులో ఎక్కాలి.  ప్రస్తుతం రాజధాని గ్రామాల జనాభా 98 వేలు. అన్నీ అనుకున్నట్లు జూన్‌లో తాత్కాలిక సచివాలయం ప్రారంభమైతే నాలుగు వేలమంది ఉద్యోగులు, ఇతరులు ఒక వెయ్యిమంది అక్కడికొచ్చే వీలుంది. ఈ నేపథ్యంలో మెట్రో ఎక్కేవారి సంఖ్య వందల్లోనే ఉంటుందని డీఎంఆర్‌సీ వాదన.
 
  గుంటూరుకు మెట్రో విస్తరణా అసాధ్యం!
  సీడ్ రాజధాని నుంచి గుంటూరుకు మెట్రో విస్తరణ కూడా సాధ్యమయ్యే పనికాదని డీఎంఆర్‌సీ తేల్చింది. గుంటూరు జనాభా ఆరు లక్షలు దాటలేదని, ఈ నేపథ్యంలో అక్కడికి ప్రాజెక్టును విస్తరించడం ఏ కోణంలోనూ సరికాదని స్పష్టం చేసింది.


 విజయవాడ మెట్రో రైలు ప్రాజెక్టుకు కేంద్ర పట్టణాభివృద్ధి శాఖ సూత్రప్రాయంగా అంగీకారం తెలిపింది. మెట్రో ప్రాజెక్టు చేపట్టేందుకు ఆంధ్రప్రదేశ్ ప్రభుత్వం ముందుకు వెళ్లొచ్చని కేంద్ర మంత్రి వెంకయ్యనాయుడు చెప్పారు. మొత్తం 25 కిలోమీటర్ల పొడవున రెండు లైన్లతో విజయవాడ మెట్రో రైలు నిర్మాణం అవుతుందని ఆయన వివరించారు.
 
 మెట్రో గురు ఇ. శ్రీధరన్ నేతృత్వంలో ఢిల్లీ మెట్రోరైలు కార్పొరేషన్ విజయవాడ మెట్రో పనులను చేపట్టనున్న విషయం తెలిసిందే. తొలుత గుంటూరు - విజయవాడ మధ్య మెట్రో రైలు ఏర్పాటు చేయాలని భావించినా, అది ఆర్థికంగా అంత వెసులుబాటు కాదని నిపుణులు చెప్పడంతో ఆ ప్రతిపాదనను ఉపసంహరించుకున్నారు.


  తవ్వించాలని నిర్ణయించిన రాష్ట్ర ప్రభుత్వం
 కరువు నివారణ చర్యల్లో భాగంగానే..
  
  ముంబై : ముంచుకొస్తున్న కరవును నివారించడానికి రాష్ట్ర ప్రభుత్వం చర్యలు చేపట్టింది. లక్ష బావులు, యాభైవేల చెరువులు తవ్వించాలని నిర్ణయించింది. ఆగస్టు 15 నుంచి పనులు ప్రారంభమవుతాయని ఈ మేరకు సీఎం ఫడ్నవీస్ గురువారం వెల్లడించారు. కరవు వల్ల భూగర్భ జలాలు పూర్తిగా అడుగంటిపోవడంతో వ్యవసాయానికి తీవ్ర ఇబ్బందులు ఎదురయ్యాయి. దీంతో నీటి సంరక్షణ చర్యలు చేపట్టాలని ప్రభుత్వం సంకల్పించింది. ‘ఈ కార్యక్రమం వల్ల 14 జిల్లాలకు లబ్ధి చేకూరుతుంది.
 
 ప్రస్తుతమున్న బావుల తవ్వకం పనులు తొందరగా పూర్తి చేసి, వ్యవసాయం కోసం మరో లక్ష బావులు, యాభైవేల చెరువులు తవ్విస్తాం’ అని సీఎం అన్నారు. రాష్ట్రం ప్రస్తుతం సహజ విపత్తుల వల్ల ఇబ్బంది పడుతోందని, తాగు, సాగునీటికి తీవ్ర ఇబ్బంది తలెత్తుతోందని చెప్పారు. గతేడాది అకాల వర్షాలు, వడగళ్ల వానల వల్ల వ్యవసాయానికి తీవ్ర నష్టం వాటిల్లిందని, ఈ ఏడాది అసలు వర్షాలు కురవకపోవడంతో పంటలు ఎండిపోతున్నాయని, మేత లేక పశువులు అల్లాడుతున్నాయని ఆవేదన వ్యక్తం చేశారు.
 
 దీంతో కరువు నివారణ చర్యలు తీసుకోవాల్సిందిగా అన్ని జిల్లాల అధికారులకు సూచించినట్లు చెప్పారు. నీటి సంరక్షణ చర్యలతో పాటు, రాష్ట్రంలోని పలు జిల్లాల్లో ఆహార భద్రత పథకాలు ప్రారంభిస్తామని, రాజీవ్ గాంధీ జీవనిధి యోజన పథకం కింద ఆరోగ్య భద్రత కల్పిస్తామని చెప్పారు.
 
  ‘అంధేరీ-దహిసర్’ మెట్రోకు సర్వం సిద్ధం
  అంధేరీ తూర్పు-దహిసర్ తూర్పు మెట్రోకు ఈ నెల 20వ తేదీన ముఖ్యమంత్రి దేవేంద్ర ఫడ్నవీజ్ ఆమోదం తెలపనున్నారు. రూ.5,757 కోట్ల ఈ ప్రాజెక్టుకు సంబంధించి అధ్యయనం పూర్తి చేసిన ఢిల్లీ మెట్రో రైల్ కార్పొరేషన్ (డీఎంఆర్‌సీ).. ముంబై మెట్రోపాలిటన్ రీజియన్ డెవలప్‌మెంట్ అథారిటీ (ఎమ్మెమ్మార్డీఏ)కి నివేదిక సమర్పించింది. 16.5 కిమీ మేర నిర్మించే ఈ మెట్రో మార్గానాకి గాను నాలుగు నుంచి నాలుగున్నర ఏళ్ల సమయం పడుతుందని, ఈ కారిడార్‌లో 16 స్టేషన్లు ఉంటాయని ఎమ్మెమ్మార్డీఏ సీనియర్ అధికారి అన్నారు.


 రెండు నెలల్లో పేపర్ వర్క్ పూర్తి
 నాలుగు నెలల్లో పనులు ప్రారంభం
 సిద్ధం కావాలని డీఎంఆర్‌సీకి ప్రభుత్వం లేఖ
 సిబ్బందిని సమకూర్చుకుంటున్న శ్రీధరన్ బృందం
 8న ఢిల్లీలో ప్రాథమిక సమావేశం
  
 మెట్రో ప్రాజెక్టును వేగంగా పట్టాలెక్కించడానికి ప్రభుత్వం సన్నాహాలు చేస్తోంది. ఇందుకోసం ఢిల్లీ మెట్రో రైలు కార్పొరేషన్‌కి లేఖ కూడా రాసింది. దీంతో రెండు నెలల్లో ప్రాజెక్టు పేపర్ వర్క్ పూర్తి చేయడానికి డీఎంఆర్‌సీ అధికారులు ప్రయత్నిస్తున్నారు. పనులు ప్రారంభించడానికి నాలుగు నెలలు పడుతుందని చెబుతున్నారు.
  
 విజయవాడ బ్యూరో : విజయవాడ మెట్రో రైలు ప్రాజెక్టు నిర్మాణ పనుల్ని ప్రారంభించేందుకు సిద్ధం కావాలని ప్రభుత్వం డీఎంఆర్‌సీ (ఢిల్లీ మెట్రో రైలు కార్పొరేషన్)కి సూచించింది. ఈ మేరకు లేఖ అందుకున్న డీఎంఆర్‌సీ పనులు చేపట్టడానికి అవసరమైన
  ప్రాథమిక వనరులను సమకూర్చుకోవడానికి సమాయత్తమైంది. రెండు రోజుల క్రితం ఢిల్లీలో సమావేశమై ప్రాజెక్టు గురించి చర్చించిన శ్రీధరన్ బృందం ఈ నెల ఎనిమిదో తేదీన మరో కీలక సమావేశం నిర్వహించనుంది. ప్రాజెక్టు నిర్మాణానికి సంబంధించి ప్రభుత్వంతో కుదుర్చోవాల్సిన ఒప్పందం, నిధుల సమీకరణ, ప్రాజెక్టు విధివిధానాల గురించి ఈ సమావేశంలో చర్చించనున్నారు. ప్రాజెక్టుకు అయ్యే రూ.6,823 కోట్ల వ్యయంలో 40 శాతాన్ని కేంద్ర, రాష్ట్ర ప్రభుత్వాలు సంయుక్తంగా భరించాలని ఇప్పటికే నిర్ణయించాయి. మిగిలిన 60 శాతం మొత్తాన్ని జపాన్‌కు చెందిన జైకా సంస్థ నుంచి రుణంగా తీసుకోవాలని భావించి వారితోనూ చర్చలు జరిపారు. పనులు మొదలు పెట్టడానికి తొలుత ప్రభుత్వం కొంత నిధులు కేటాయించాల్సి ఉంది. ఈ అంశాలన్నింటిపైనా సమావేశంలో చర్చించి వివరాలను నివేదిక రూపంలో ప్రభుత్వానికి సమర్పిస్తారు. అనంతరం కొద్దిరోజుల్లోనే ప్రభుత్వంతో ఒప్పందం చేసుకునే అవకాశం ఉంది. ప్రాజెక్టు వ్యయంలో కొనుగోళ్లకు అయ్యే మొత్తంలో ఆరు శాతాన్ని డీఎంఆర్‌సీ ఫీజుగా తీసుకుంటుంది. పనులన్నింటినీ దాదాపు కన్సల్టెన్సీలు, ఇతర కంపెనీలకు అప్పగించి డీఎంఆర్‌సీ పర్యవేక్షణ చేస్తుంది. ఈ అంశాలన్నింటినీ ఒప్పందంలో చేర్చే అవకాశం ఉంది. ఇదంతా జరగడానికి కొంత సమయం పడుతుంది కాబట్టి వాటితో సంబంధం లేకుండా పనులు ప్రారంభించడానికి డీఎంఆర్‌సీ ప్రణాళిక రూపొందించింది. ప్రభుత్వం కూడా ఇందుకు మౌఖికంగా అంగీకారం తెలిపింది. ఈ నేపథ్యంలో రెండు నెలల్లో ప్రాజెక్టు పేపర్ వర్క్‌ను పూర్తి చేయడానికి డీఎంఆర్‌సీ అధికారులు ప్రయత్నిస్తున్నారు. క్షేత్రస్థాయిలో పనులు ప్రారంభించడానికి నాలుగు నెలలు పడుతుందని డీఎంఆర్‌సీ అధికారులు చెబుతున్నారు.
 
 సీఈ నేతృత్వంలో ప్రాజెక్టు పనులు
 మెట్రో పనులు మొత్తం ఒక చీఫ్ ఇంజనీర్ నేతృత్వంలో జరగనున్నాయి. రైల్వేలో అనుభవం ఉన్న సీనియర్ చీఫ్ ఇంజనీర్‌ను డీఎంఆర్‌సీ త్వరలో నియమించనుంది. సవివర నివేదిక రూపకల్పన దశ నుంచే ఒక డెప్యూటీ డెరైక్టర్ (డెప్యూటీ చీఫ్ ఇంజనీర్) పనిచేస్తుండగా వారం క్రితం మరో డెప్యూటీ డెరైక్టర్‌ను నియమించింది. త్వరలో 30 నుంచి 40 మంది సిబ్బందిని నియమించనున్నారు. నగరంలో మెట్రో కార్యాలయాన్నీ ఏర్పాటు చేయనున్నట్లు సమాచారం.


 న్యూఢిల్లీ: మెట్రో రైళ్లలో ప్రయాణికుల రద్దీని తగ్గించేందుకు ఢిల్లీ మెట్రో రైల్ కార్పొరేషన్(డీఎంఆర్‌సీ) చర్యలు చేపట్టింది. ప్రయాణికుల సౌకర్యార్థం రేపటి నుంచి అదనంగా 17 రైళ్లను నడపనున్నట్లు తెలిపింది. ముఖ్యంగా ప్రయాణికుల రద్దీ అధికంగా ఉండే ఉదయం 11 గంటల నుంచి రాత్రి 8.30 వరకు వీటిని నడపబోతున్నట్లు పేర్కొంది. గ్రీన్ లైన్, ఎయిర్‌పార్టు ఎక్స్‌ప్రెస్ లైన్ మినహా మిగిలిన అన్ని మార్గాల్లో ఈ 17 రైళ్లను అదనంగా తిప్పుతామని చెప్పింది. అదనంగా ఏర్పాటు చేస్తున్న ఈ రైళ్లు రద్దీ సమయాల్లో మొత్తం 104 ట్రిప్పులు వేస్తాయని వెల్లడించింది. ఈ చర్యల వల్ల పీక్ అవర్స్‌లో ప్రయాణికుల రద్దీని తగ్గించడంతో పాటు మరింతగా ప్రోత్సహించినట్లు అవుతుందని డీఎంఆర్‌సీ ప్రతినిధి చెప్పారు. ప్రయాణికులతో అత్యంత రద్దీగా ఉండే ద్వారాకా-నొయిడా(బ్లూ లైన్),
  
  జహంగీర్‌పురి-గుర్‌గావ్ (యెల్లో లైన్) మార్గాల్లో కొత్తగా 12 రైళ్లను ఏర్పాటు చేశారు. అదనపు కేటాయింపులతో బ్లూ లైన్ మార్గంలో రైళ్ల సంఖ్య 53కి పెరగగా, యెల్లో లైన్ మార్గంలో 63కి చేరింది. అలాగే ట్రిప్పుల సంఖ్య కూడా వరుసగా బ్లూ లైన్(619), యెల్లో లైన్(734)కి పెరిగింది. రెడ్ లైన్ మార్గంలో మాత్రం ఆఫ్ పీక్ అవర్స్‌లో తిప్పేందుకు ఒకే ఒక రైలును వేయగా, వయొలెట్ లైన్‌లో పీక్ అవర్స్ కోసం ఒక రైలును కేటాయించారు. ఢిల్లీ మెట్రో ద్వారా రోజుకి 25 లక్షల మంది ప్రయాణిస్తున్నారని అంచనా. ప్రయాణికుల రద్దీ కారణంగా 2010-14 మధ్య కాలంలో కోచ్‌ల సంఖ్యను 640 నుంచి 1,076కి పెంచింది. ఈ విధంగా డీఎంఆర్‌సీ చేపడుతున్న చర్యలతో మెట్రోలో ప్రయాణం ఇక సులభతరం అయ్యే అవకాశం ఉంది.
  


  న్యూఢిల్లీ: డాక్యుమెంట్ల రూపంలో భద్రపరిచే ఢిల్లీ మెట్రో రైల్ కార్పొరేషన్(డీఎంఆర్‌సీ) సమాచారాన్ని అవసరమైనప్పుడు క్షణాల్లో తిరిగి చూసుకునేలా డిజిటలైజ్ చేశారు. కేంద్ర ప్రభుత్వానికి చెందిన నేషనల్ ఇన్‌ఫర్మేటిక్స్ సెంటర్ (ఎన్‌ఐసీ) ఏజెన్సీ రూపొందించిన ఈ వెబ్‌సైట్‌ను డీఎంఆర్‌సీ మేనేజింగ్ డెరైక్టర్ మంగూ సింగ్, ఎన్‌ఐసీ డిప్యూటీ డైరక్టర్ జనరల్ రాజీవ్ ప్రకాశ్ మెట్రో భవన్‌లో ప్రారంభించారు. ఈ సందర్భంగా సింగ్ మాట్లాడుతూ వెబ్‌సైట్ రూపకర్తలను అభినందించారు.  దీనిని సక్రమంగా వినియోగించుకోవాలని అధికారులకు సూచించారు. కాగా, భవిష్యత్‌లో కూడా సంస్థ ఉద్యోగుల కోసం మరిన్ని ఆధునిక సాంకేతిక పద్ధతులను వినియోగిస్తామని డీఎంఆర్‌సీ సోమవారం విడుదల చేసిన ఓ ప్రకటనలో తెలిపింది. దీర్ఘకాలంపాటు డాక్యుమెంట్లను సంరక్షించడమే కాకుండా ఎప్పుడు కావలంటే అప్పుడు క్షణాల్లో సమాచారాన్ని చూసుకోవడానికి శాస్త్రిపార్కులోని నేషనల్ డేటా సెంటర్‌లోని ఎన్‌ఐసీ సర్వర్ తోడ్పతుందని చెప్పింది.
  


 న్యూఢిల్లీ: బీటింగ్ రిట్రీట్ కార్యక్రమాన్ని పురస్కరించుకుని భద్రతా చర్యల్లో భాగంగా ఈ నెల 29న  రెండు స్టేషన్‌లలో మెట్రో రైలు సేవలపై ఆంక్షలు విధించారు. గురువారం మధ్యాహ్నం రెండు గంటల నుంచి సాయంత్రం ఆరున్నరవరకూ సెంట్రల్ సెక్రటేరియట్, ఉద్యోగ్ భవన్ స్టేషన్లు ప్రయాణికులకు అందుబాటులో ఉండవు. ఈ విషయాన్ని మంగళవారం విడుదల చేసిన ఓ ప్రకటనలో ఢిల్లీ మెట్రో రైల్ కార్పొరేషన్ (డీఎంఆర్‌సీ) పేర్కొంది. సాయంత్రం ఆరున్నర గంటల తర్వాత ఈ రెండు స్టేషన్లలో సేవలను పునరుద్ధరిస్తారు. అయితే నగరంలోని మిగతా అన్ని మెట్రో స్టేషన్లలో సేవలకు ఎటువంటి అంతరాయమూ ఉండదు.
  


  న్యూఢిల్లీ: ఢిల్లీలోని ఎయిర్‌పోర్ట్ ఎక్స్‌ప్రెస్ లైన్‌కు ప్రయాణికుల నుంచి ఆదరణ పెరుగుతోంది. కాగా, గత జూలైలో ఢిల్లీ మెట్రో రైల్ కార్పొరేషన్ (డీఎంఆర్‌సీ) ఈ మెట్రో నిర్వహణను హస్తగతం చేసుకుంది. అప్పటినుంచి ఈ రైలుకు ప్రయాణికుల్లో ఆసక్తి పెంచేందుకు పలుచర్యలు తీసుకుంది. అందులో భాగంగా టికెట్ ధరను తగ్గించింది. దాంతోపాటు రైల్వేస్టేషన్లలో మౌలిక వసతులు కల్పించడంతో ఈ రైలుకు ప్రయాణికుల నుంచి విపరీతమైన స్పందన లభిస్తోంది. ప్రస్తుతం ఇందులో ప్రయాణించేవారి సంఖ్య గత ఏడాదితో పోలిస్తే 30 శాతం వృద్ధి సాధించినట్లు రైల్వే వర్గాలు పేర్కొన్నాయి. ఇదిలా ఉండగా, 2013 జూలై నుంచి 2014 జూలై వరకు సరాసరి రోజువారి ప్రయాణికుల సంఖ్యలో పెద్దగా మార్పులేదు. 2013 జూలైలో రోజూ 10,069 మంది ప్రయాణిస్తే, 2014 జూలైలో ఆ సంఖ్య 13,838కి మాత్రమే పెరిగింది. అయితే గత జూలైలో ప్రయాణచార్జీలను తగ్గించిన తర్వాత ఒక్కసారి ప్రయాణికుల సంఖ్య పెరిగింది.
  
  ఒక్క నవంబర్‌లోనే 5,38,293 మంది ఈ రైలును ఆశ్రయించారు. అంటే సరాసరిన రోజున18 వేల మంది ప్రయాణించినట్లు అధికారికంగా తేలింది. ఈ సందర్భంగా డీఎంఆర్‌సీ అధికారి ఒకరు మాట్లాడుతూ.. గత జూలై వరకు ఈ రైల్లో ప్రయాణించడానికి కనిష్టంగా రూ.30, గరిష్టంగా రూ.180 టికెట్ ధర ఉండేదన్నారు. కాగా, జూలై నుంచి ఈ ధరలను రూ.20, రూ.100గా మార్చామన్నారు. అలాగే శివాజీస్టేడియం నుంచి మెట్రో ఎక్స్‌ప్రెస్ రైల్‌కు ఫీడర్ బస్సు సర్వీస్‌ను ఏర్పాటు చేశామన్నారు. దీంతోపాటు ఇండియన్ ఎయిర్‌లైన్స్‌కు చెందిన రైళ్లకు అనుసంధానం చేస్తూ ఈ ఎక్స్‌ప్రెస్ రైళ్ల సమయాలను మార్చామన్నారు. దీంతో ఇటీవల కాలంలో ఈ రైళ్లకు ప్రయాణికుల నుంచి మంచి స్పందన లభిస్తోందని వివరించారు.
  


 న్యూఢిల్లీ: ఎయిర్‌పోర్ట్ మార్గంలో మెట్రో రైళ్లను నడుపుతున్న ఢిల్లీ మెట్రో రైల్ కార్పొరేషన్ (డీఎంఆర్‌సీ) ఈ ఏడాది జులైలో చార్జీలను దాదాపు 40 శాతం తగ్గించింది. అయినప్పటికీ సంస్థ ఆశించిన లక్ష్యం నెరవేరలేదు. చార్జీలను తగ్గించినప్పటికీ ఈ మార్గంలో ప్రయాణికుల సంఖ్య ఆశించినమేర పెరగలేదు. తొలుత ఈ మార్గంలో మెట్రో రైళ్ల నిర్వహణ బాధ్యతలను రిలయన్స్ సంస్థ చేపట్టింది. అయితే 2013, జులైలో ఆ బాధ్యతలనుంచి తప్పుకోవడంతో డీఎంఆర్‌సీ తన భుజస్కంధాలపైకి ఎత్తుకుంది. అప్పట్లో ప్రతిరోజూ దాదాపు 10,069 మంది రాకపోకలు సాగించేవారు. ఆ తర్వాతి సంవత్సరం అది 17,943కు చేరుకుంది. ఆ తర్వాత రైళ్ల ఫ్రీక్వెన్సీని పెంచడంతోపాటు చార్జీలను కూడా తగ్గించింది. అంతేకాకుండా మెట్రో రైలు సేవలను ప్రారంభ సమయాన్ని గం. 4.45గా చేసింది.
  
  అంతకుముందు గం. 5.15 నిమిషాలకు తొలి రైలు బయల్దేరేది. అంతకుముందు ఈ మార్గంలో ప్రతి 15 నిమిషాలకు ఒక మెట్రో రైలు వచ్చేది. రైళ్ల ఫ్రీక్వెన్సీని పెంచడంద్వారా ఇప్పుడు ఆ సమయాన్ని పది నిమిషాల 30 సెకండ్లకు కుదించారు. ఇందువల్ల ఈ మార్గంలో ట్రిప్పుల సంఖ్య గణనీయంగా పెరిగింది. ఈ విషయాన్ని సంబంధిత అధికారి ఒకరు వెల్లడించారు. అంతకుముందు 148 ట్రిప్పులు ఉండగా ఆ తర్వాత వీటి సంఖ్య 166కు చేరుకుంది. అంతేకాకుండా ప్రయాణికులకు వసతులు కూడా బాగా పెంచారు. శివాజీ మెట్రో స్టేషన్ వద్ద ఫీడర్ సేవలను పెంచారు. ఆయా స్టేషన్లవద్ద దిగిన ప్రయాణికులకు తక్షణమే బస్సులు అందేవిధంగా ఏర్పాట్లు చేశారు. ఇంతచేసినప్పటికీ ఆశించిన లక్ష్యం నెరవేరలేదు. ప్రయాణికుల సంఖ్య అంతంతగానే పెరిగింది.
  
  ఈ విషయం డీఎంఆర్‌సీని సంభ్రమాశ్చర్యాలకు గురిచేస్తోంది. ఈ మార్గంలో మొత్తం 21 స్టేషన్లు ఉన్నాయి. కాగా ఎయిర్‌పోర్ట్ మెట్రో మార్గాన్ని పొడగించే అంశంపై  ఢిల్లీ మెట్రో రైల్ కార్పొరేషన్ (డీఎంఆర్‌సీ) దృష్టి సారించింది. గుర్గావ్ వరకూ పొడిగించాలని భావిస్తోంది. ఇందులోభాగంగా హర్యానా ప్రభుత్వంతో ఇప్పటికే చర్చలు జరిపింది. ఈ విషయమై సంబంధిత అధికారి ఒకరు మాట్లాడుతూ గుర్గావ్ వరకూ ఈ మార్గాన్ని పొడిగించినట్టయితే మెట్రో రైలు సేవలను వినియోగించుకునేవారి సంఖ్య పెరుగుతుందని భావిస్తున్నామన్నారు. ఇందువల్ల వారు తమ తమ గమ్యస్థానాలకు సత్వరమే చేరుకునే వీలుంటుందని ఆయన పేర్కొన్నారు.
  


 సాక్షి, న్యూఢిల్లీ : ఢిల్లీ మెట్రో రైల్ కార్పొరేషన్(డీఎంఆర్‌సీ) తన కార్యకలాపాలు ప్రారంభించి 12 ఏళ్లు పూర్తిచేసుకుంది. ప్రయాణికుల ఆదరణ పొందుతూ అంచలంచెలుగా విస్తరణ చెందుతున్న ఢిల్లీ మెట్రో కారణంగా 2014 సంవత్సరంలో దాదాపు రూ. 10,346 కోట్ల పొదుపు జరిగిందని సెంట్రల్ రోడ్ రీసెర్చ్ ఇనిస్టిట్యూట్(సీఆర్‌ఆర్‌ఐ) అంచనా వేసింది. 190 కి.మీ. పొడవున్న ఈ మెట్రో నెట్ వర్క్ కారణంగా ప్రాణ నష్టం ఏటా గణనీయంగా తగ్గుతోందని అంచనా వేసింది. సంబంధిత వివరాలను డీఎంఆర్‌సీ  ఛైర్మన్ మంగూసింగ్ మీడియాకు వె ల్లడించారు. ఇంధన పొదుపు విషయానికి వస్తే ఢిల్లీ మెట్రో దాదాపు రూ. 1,972 కోట్ల విలువైన ధనాన్ని పొదుపు చేసింది. 2011లో దాదాపు 1.06 లక్షల టన్నుల ఇంధనం పొదుపు అవగా.. 2014లో ఇది 2.7 లక్షల టన్నులకు చే రుకుంది. ఇక వాహన పెట్టుబడి- నిర్వహణ వ్యయం రూ. 2,617 కోట్లు మేర ఆదా అయ్యింది.
  
  ప్రయాణికుల అమూల్యమైన సమయానికి లెక్కకడితే దాని విలువ రూ. 4,107 కోట్లు అవుతుందని సింగ్ వివరించారు. అంతేకాకుండా 2007లో 16,895 వాహనాల వినియోగం తగ్గితే... 2011లో 1,17,249 వాహనాల వినియోగం తగ్గిందని, 2014లో ఆ సంఖ్య 3,90,971కి చేరిందని వివరించారు. 2007లో 24,691 టన్నుల ఇంధనం పొదుపవగా.. 2014లో 2,76,000 టన్నుల ఇంధనం పొందుపైందని వివరించారు. 2011లో ప్రతి ప్రయాణికుడికి తాను ప్రయాణం చేసినప్పుడు 28 నిమిషాలు ఆదా కాగా.. ఈ ఏడాది 32 నిమిషాలు ఆదా అయ్యిందని తెలిపారు. అలాగే ట్రాఫిక్ జాముల కారణంగా వృథా అయ్యే ఇంధనం మెట్రోల ద్వారా మిగిలిందని, దీని విలువ రూ. 491 కోట్లు ఉంటుందని వివరించారు. అలాగే కాలుష్యం తగ్గింపు కారణంగా దాదాపు రూ. 489 కోట్లు ఆదా అయ్యింది. ఈ అన్ని అంశాలు కలిపితే 2014లో రూ. 10,346 కోట్లు ఆదా అయినట్లని వివరించారు. ఏటా ప్రమాదాల సంఖ్య గణనీయంగా తగ్గుతోందని తెలిపారు.
  
  క్రమంగా విస్తరణ
  ఢిల్లీ మెట్రో రైలు తన సేవలను క్రమంగా విస్తరిస్తోంది. 2014లో జన్‌పథ్, మండీ హౌజ్ స్టేషన్లను ప్రారంభించింది. అలాగే 11 రైళ్లను 8 కోచ్‌లు గల రైళ్లుగా మార్చింది. ఫేజ్-1లో 65 కి.మీ. ఫేజ్-2లో 125 కి.మీ. మేర మెట్రో నెట్‌వ ర్క్ అందుబాటులోకి వచ్చింది. ప్రస్తుతం ఫేజ్-3, ఫేజ్-4 విస్తరణ పనులు నడుస్తున్నాయి. ఫేజ్-3లో మరో 167.27 కి.మీ. మేర  నెట్‌వర్క్ విస్తరించాలని లక్ష్యంగా పెట్టుకున్నారు. ఫేజ్-4లో మరో 100 కి.మీ. మేర నెట్‌వర్క్‌ను విస్తరించనుంది.
  


 సాక్షి ప్రతినిధి, తిరుపతి: తిరుపతిలో మెట్రో రైలు(మాస్ ర్యాపిడ్ ట్రాన్సిస్ సిస్టమ్) కూత వినిపించదా? తొలి దశలో విశాఖ, విజయవాడల్లోనే మెట్రో రైలు ప్రాజెక్టులను చేపట్టనున్నారా? రెండో దశలో అంటే 2018 తర్వా తే తిరుపతికి మెట్రో రైలు ప్రాజెక్టుపై ఆలోచన చేస్తారా? అనే ప్రశ్నలకు అవుననే సమాధానం చెబుతున్నాయి అధికారవర్గాలు. మెట్రో రైలు ప్రాజెక్టు ఇప్పట్లో తిరుపతిలో చేపట్టే అవకాశాలు లేవని అధికారవర్గాలు స్పష్టీకరిస్తున్నాయి.
 
 రాజధాని ఏర్పాటుపై ప్రజల్లో అసంతృప్తి ప్రబలుతుందని గ్రహించిన సీఎం చంద్రబాబు.. సెప్టెంబర్ 4న శాసనసభలో జిల్లాపై వరాల వర్షం కురిపించారు. ఆ వరాలతో ప్రజల ఆగ్రహాగ్నిని చల్లార్చాలని భావించారు. ఆ హామీల్లో తిరుపతిలో మెట్రో రైలు ప్రాజెక్టు చేపట్టడం ఒకటి. కానీ.. ఆ హామీ ఇచ్చినప్పటి నుంచీ దాన్ని అటకెక్కించే దిశగా చంద్రబాబు పావులు కదుపుతూ వస్తున్నారు.
 
 రాష్ట్రంలో చేపట్టే మెట్రోరైలు ప్రాజెక్టులకు సలహాదారుగా పనిచేసేందుకు ఢిల్లీ మెట్రో రైల్ కార్పొరేషన్ మాజీ ఎండీ శ్రీధరన్ అంగీకరించారు. వీజీటీఎం(విజయవాడ-గుంటూరు-తెనాలి-మంగళగిరి), విశాఖపట్నంలకు  మెట్రో రైలు ప్రాజెక్టులను మంజూరు చేస్తూ ఆగస్టు 30న ఉత్తర్వులు జారీచేసింది. ఆ ఉత్తర్వుల్లో ఎక్కడా తిరుపతి మెట్రో రైలు ప్రాజెక్టు ప్రస్తావన లేకపోవడం గమనార్హం.
 
 వీజీటీఎం పరిధిలో మెట్రో రైలు ఏర్పాటు సాధ్యాసాధ్యాలను పరిశీలించేందుకు సెస్టెంబర్ 20న విజయవాడ, మంగళగిరిలో పర్యటించారు. విజయవాడ, మంగళగిరి మధ్య మెట్రో రైలు ఏర్పాటుచేయాలని సూచిస్తూ ప్రభుత్వానికి ప్రతిపాదనలు పంపారు. గత నెలలో విశాఖపట్నంలో పర్యటించిన శ్రీధరన్ బృందం తొలి దశలో మెట్రో రైలు ప్రాజెక్టు చేపట్టే ప్రాంతాల్లో పర్యటించి.. ప్రభుత్వానికి నివేదిక ఇచ్చింది.
  
 ఇదేంటి బాబూ!
 మెట్రో రైలు ప్రాజెక్టులను చేపట్టేందుకు అవసరమైన సమగ్ర ప్రాజెక్టు నివేదికలు(డీపీఆర్) రూపొందించే బాధ్యతను డీఎమ్మార్సీకి అప్పగిస్తూ అక్టోబరు 8న ప్రభుత్వం ఉత్తర్వులు జారీచేసింది. ఆ ఉత్తర్వుల్లో వీజీటీఎం, విశాఖపట్నంలో మెట్రో రైలు ప్రాజెక్టు ఒక కిమీ డీపీఆర్ రూపొందించేందుకు కన్సల్టెన్సీ ఫీజు కింద రూ.ఎనిమిది లక్షలు ఇచ్చేందుకు ప్రభుత్వం అంగీకరించింది. కానీ.. అదే ఉత్తర్వుల్లో తిరుపతి మెట్రో రైలు ప్రాజెక్టు చేపట్టడానికి వీలుగా డీపీఆర్ రూపొందించాలన్న అంశాన్ని ప్రస్తావించలేదు.
 
 తిరుపతిలో మెట్రో రైలు ప్రాజెక్టు చేపట్టడానికి సాధ్యాసాధ్యాలను అధ్యయనం చేసి.. ఫీజుబులిటీ రిపోర్టు ఇచ్చేందుకు రూ.50 లక్షలను కన్సల్టెన్సీ ఫీజుగా ఇచ్చేందుకు ఆ ఉత్తర్వుల్లో ప్రభుత్వం అంగీకరించడం గమనార్హం. మెట్రో రైలు ప్రాజెక్టులపై హైదరాబాద్‌లో సీఎం చంద్రబాబు.. ఆ ప్రాజెక్టు సలహాదారు శ్రీధరన్, పురపాలకశాఖ ఉన్నతాధికారులతో సమీక్ష సమావేశం నిర్వహించారు. విశాఖపట్నం, వీజీటీఎం మెట్రో రైలు ప్రాజెక్టుల డీపీఆర్‌లను మార్చి 31, 2015లోగా పూర్తి చేసి, అందించాలని సీఎం కోరారు. వీజీటీఎం, విశాఖపట్నంలలో మెట్రో రైలు ప్రాజెక్టు తొలి దశ పనులను జూన్, 2015 నుంచి చేపట్టి, జూన్, 2018లోగా పూర్తిచేయాలని దిశానిర్దేశం చేశారు. కానీ.. తిరుపతి మెట్రో రైలు ప్రాజెక్టును చేపట్టడంపై చర్చించలేదు.
  
 ఇప్పటికి లేనట్లే..
 తిరుపతికి మెట్రో రైలును మంజూరు చేస్తున్నట్లు ప్రభుత్వం నుంచి ఎలాంటి ఉత్తర్వులు వెలువడకున్నా.. తుడా అధికారులు ఆ ప్రాజెక్టుకు అవసరమైన ప్రాథమిక నివేదికను సిద్ధం చేసి ప్రభుత్వానికి పంపారు. రేణిగుంట విమానాశ్రయం, తిరుచానూరు, ఆర్టీసీ బస్టాండు, పద్మావతి మహిళా యూనివర్సిటీ, శ్రీనివాసమంగాపురం, ఎస్వీ యూనివర్సిటీ, ఎస్వీ జూ, అలిపిరి, కపిలతీర్థం, రేణిగుంట విమానాశ్రయం మధ్య తొలుత మెట్రో రైలు మార్గాన్ని ఏర్పాటుచేయాలని తుడా అధికారులు ప్రతిపాదించారు.
 
 సుమారు 60 కిలోమీటర్ల మేర మెట్రో రైలు మారాన్ని నిర్మించాల్సి వస్తుందని తుడా అధికారులు అంచనా వేశారు. ఈ నివేదికను డీఎమ్మార్సీ పరిశీలించి.. ఫీజుబులిటీ నివేదికను ప్రభుత్వానికి ఇవ్వాల్సి ఉంది. కానీ.. ఇప్పటిదాకా డీఎమ్మార్సీ బృందం తిరుపతిలో పర్యటించలేదు. విశాఖపట్నం, వీటీజీఎం మెట్రో రైలు ప్రాజెక్టుల డీపీఆర్ రూపకల్పనలో డీఎమ్మార్సీ బృందం నిమగ్నమైతే.. తిరుపతిలో ఇప్పట్లో పర్యటించే అవకాశం లేదని అధికారవర్గాలు స్పష్టీకరిస్తున్నాయి. వీటీజీఎం, విశాఖపట్నంలలో మెట్రో రైలు ప్రాజెక్టులు తొలి దశ పూర్తయిన తర్వాత.. తిరుపతి ప్రాజెక్టుపై ప్రభుత్వం దృష్టి సారించే అవకాశం ఉందని తుడా ఉన్నతాధికారి ఒకరు ‘సాక్షి’కి వెల్లడించారు.


  న్యూఢిల్లీ: దేశంలో మెట్రో టెక్నాలజీలో చేస్తున్న అసాధారణమైన కృషికి, నాయకత్వ ప్రతిభకు గుర్తింపు ఢిల్లీ మెట్రో రైల్ కార్పొరేషన్ (డీఎంఆర్‌సీ) మేనేజింగ్ డెరైక్టర్ మంగూసింగ్‌కు ఓ ప్రైవేట్ యూనివర్సిట్ గౌరవ డాక్టరేట్‌ను ప్రదానం చేసింది. నోయిడాలో శనివారం జరిగిన ఓ కార్యక్రమంలో ఉత్తర్‌ప్రదేశ్‌కు చెందిన ఎమిటీ యూనివర్సిటీ ఈ గౌరవ పురస్కారాన్ని అందచేసింది. డీఎంఆర్‌సీ సాధిస్తున్న అపూర్వమైన విజయాలు, అత్యంత వేగంగా అది సాధిస్తున్న పురోగతి వెనుక స్ఫూర్తిదాయకమైన సింగ్ నాయకత్వం ఉందని యూనివర్సిటీ అభినందించింది. సొరంగ మార్గాలను నిర్మించే టన్నెలింగ్ అసోసియేషన్ ఆఫ్ ఇండియా (టీఏఐ)కి అధ్యక్షునిగా మంగూసింగ్ ఢిల్లీ, కోల్‌కతా నగరాలలో మెట్రో ప్రాజెక్టు అమలులో ఎనలేని కృషి చేశారని కొనియాడింది. భారీ మెట్రో ప్రాజెక్టుల నిర్మాణంలో సింగ్ ఎన్నో విప్లవాత్మకమైన మార్పులు తెచ్చారని పేర్కొంది. నిర్దేశిత సమయంలో, కేటాయించిన బడ్జెట్ నిధులతోనే ప్రాజెక్టులను పూర్తి చేశారని తెలిపింది.
  


 మార్చికి డీపీఆర్ సిద్ధం చేస్తామంటున్న డీఎంఆర్‌సీ అధికారులు
 నగరంలో మొదటి సర్వే పూర్తి
 ట్రాఫిక్‌పై సమగ్ర పరిశీలన  కొనసాగుతున్న రెండో సర్వే
  
 విజయవాడ : మెట్రో రైలు ప్రాజెక్టు పనులు ఊపందుకున్నాయి. నగరంలో 25 కిలోమీటర్ల మేర నిర్మించనున్న మెట్రో రైలు ప్రాజెక్టుకు సంబంధించిన డీటైల్డ్ ప్రాజెక్ట్ రిపోర్ట్(డీపీఆర్) తయారీ బాధ్యతలను ఢిల్లీ మెట్రో రైల్ కార్పొరేషన్(డీఎంఆర్‌సీ) నిర్వహిస్తోంది. ఇందుకోసం నాలుగు సర్వేలు నిర్వహించి సమగ్ర అధ్యయనం తర్వాత డీపీఆర్‌ను కేంద్ర, రాష్ట్ర ప్రభుత్వాలకు సమర్పించనున్నారు. డీపీఆర్ తయారీకి రూ.25కోట్లు మంజూరయ్యాయి.
 
 చకచకా సాగుతున్న పనులు
 
 ఢిల్లీ మెట్రో రైల్వే కార్పొరేషన్ సలహాదారు శ్రీధరన్ బృందం సెప్టెంబర్ 20  నగరంతోపాటు గుంటూరు జిల్లాలోని మంగళగిరి, తాడేపల్లి మండలాల్లో పర్యటించి మెట్రో రైలు ఏర్పాటుకు రూట్ మ్యాప్‌ను ఖరారు చేశారు. సుమారు రూ.8వేల కోట్ల వ్యయంతో ఈ ప్రాజెక్ట్ చేపట్టారు. దీనిలో 20 శాతం కేంద్ర ప్రభుత్వం, 35 శాతం రాష్ట్ర ప్రభుత్వం భరిస్తాయి. మిగిలిన 45 శాతం రుణం మంజూరవుతుంది. డీపీఆర్ పనులను డీఎంఆర్‌సీ నాలుగు భాగాలుగా విభజించి వాటి బాధ్యతలను నాలుగు కన్సల్టెన్సీలకు అప్పగించింది. డీపీఆర్‌కు సంబంధించిన సర్వేను నగరంలోనే కాకుండా భవిష్యత్తు అవసరాలను దృష్టి పెట్టుకుని విజయవాడ చుట్టుపక్కల ప్రాంతాల్లోనూ నిర్వహిస్తున్నారు. మొదటిగా ట్రాఫిక్ సర్వే పూర్తిచేశారు. రెండో విడతగా టోఫోగ్రఫీ సర్వే, మూడో విడతలో జియోటెక్ సర్వే (భూసార పరీక్షలు), నాలుగో విడతలో ఎన్విరాన్‌మెంటల్ సర్వే నిర్వహిస్తారు. ఈ క్రమంలో గత వారం డీఎంఆర్‌సీ మేనేజింగ్ డెరైక్టర్ మంగూ సింగ్ కూడా పర్యటించి డీపీఆర్ పనులను పరిశీలించారు.
 
 ట్రాఫిక్ సర్వే పూర్తి
 
  నగరంలో ట్రాఫిక్ సర్వేను గత వారంలో పూర్తిచేశారు. ప్రస్తుతం ట్రోఫోగ్రఫీ సర్వే పనులు జరుగుతున్నాయి. మొదటి సర్వేలో భాగంగా నగరంలో ట్రాఫిక్ పరిస్థితి, సిగ్నలింగ్ సిస్టం, బందరు, ఏలూరు రోడ్లలో ద్విచక్రవాహనాలు, కార్ల వినియోగంపై, మెట్రో రైలు నిర్మించిన తర్వాత ఆక్యుపెన్సీ శాతంపై పరిశీలన చేశారు. మెట్రోరైలు ప్రాజెక్టు నిర్మించే ప్రధాన మార్గాల్లో బస్సులు, ఆటోలు, కార్ల రాకపోకలపై సమగ్రంగా సర్వే నిర్వహించారు. సర్వే బృందాలు ముఖ్యంగా ట్రాఫిక్ సిగ్నల్ పాయింట్ల వద్ద ఉండి వాహనాల రాకపోకలను పరిశీలించాయి. ప్రస్తుతం టోఫోగ్రఫీలో భాగంగా రోడ్ల విస్తీర్ణం, ప్రధాన మార్గల్లో రోడ్ల స్థితిగతులు, ఇతర అంశాలపై సర్వే కొనసాగుతోంది.
 
 మార్చికి డీపీఆర్ సిద్ధం : రంగయ్య
 
 వచ్చే ఏడాది మార్చికి డిటైల్డ్ ప్రాజెక్ట్ రిపోర్ట్ పూర్తిగా సిద్ధమవుతుందని ప్రాజెక్ట్ డెప్యూటీ డెరైక్టర్ సీహెచ్ రంగయ్య ‘సాక్షి’కి తెలిపారు. ప్రస్తుతం రెండో సర్వే పనులు కొనసాగుతున్నాయని చెప్పారు. మిగిలిన రెండు సర్వేలను కూడా త్వరగా పూర్తిచేసి, మార్చి నెలాఖరులోపు డీపీఆర్ రూపొందించి ప్రభుత్వానికి పంపిస్తామని వివరించారు.


  నోయిడా: నోయిడా సిటీ సెంటర్-సెక్టార్ 62, నోయిడా సిటీ సెంటర్  -గ్రేటర్ నోయిడా మధ్య రాకపోకలు సాగించే ప్రయాణికులకు శుభవార్త. ఈ రెండు మార్గాల్లో మెట్రో రైలు ప్రాజెక్టు నిర్మాణానికి సంబంధించి ఢిల్లీ మెట్రో రైల్ కార్పొరేషన్, నోయిడా అథారిటీ శనివారం అవగాహన పత్రంపై సంతకాలు చేశాయి. ఈ కార్యక్రమంలో కేంద్ర ప్రభుత్వ ప్రతినిధి శంకర్ అగర్వాల్, నోయిడా చైర్‌పర్సన్ రమారమణ్ తదితరులు పాల్గొన్నారు. ఈ రెండు మెట్రో మార్గాల పొడవు 6.675 కిలోమీటర్లు.
  
  ఈ ప్రాజెక్టు పనులకు ఉత్తరప్రదేశ్ ముఖ్యమంత్రి అఖిలేష్‌సింగ్ యాదవ్ ఈ ఏడాది సెప్టెంబర్ 30వతేదీన ఆమోదం తెలిపిన సంగతి విదితమే. అవగాహన పత్రాలపై సంతకాలు పూర్తయిన నేపథ్యంలో నిధుల చెల్లింపు అనంతరం ఈ ప్రాజెక్టు పనులకు సంబంధించిన అనంతర ప్రక్రియ ప్రారంభమవుతుంది.  నోయిడా సిటీ సెంటర్-సెక్టార్ 62 పనులకు రూ. 1,816,  నోయిడా సిటీ సెంటర్  -గ్రేటర్ నోయిడా పనులకు రూ. 5,064 కోట్ల మేర వ్యయమవుతుందని అంచనా వేశారు. 2017నాటికల్లా పనులు పూర్తి చేయాలని లక్ష్యంగా పెట్టుకున్నారు. ఈ రెండు ప్రాజెక్టులకు అయ్యే వ్యయాన్ని  కేంద్రం, యూపీ ప్రభుత్వం భరించనున్నాయి.
  


  ప్రయాణికులకు శుభవార్త... నగరంలో మెట్రో రైలు సేవలు మరింత విస్తరించనున్నాయి. ఇందుకు కారణం నాలుగో దశ కింద 103.93 కి.మీ మేర మెట్రో మార్గాన్ని నిర్మించనుండడమే. ఇందుకు సంబంధించిన సమగ్ర నివేదికను ఢిల్లీ ప్రభుత్వంతోపాటు కేంద్ర పట్టణాభివృద్ధి శాఖకు సమర్పించింది.  సాక్షి, న్యూఢిల్లీ: ఢిల్లీ మెట్రో రైల్ కార్పొరేషన్ (డీఎంఆర్‌సీ) నాలుగో దశ మెట్రో మార్గ నిర్మాణాన్ని ప్రతిపాదించింది.  ఇందులోభాగంగా 103.93 కిమీ పొడవైన మెట్రో మార్గాన్ని నిర్మించనుంది. ఈ పనులను 2022 నాటికి పూర్తి చేయాలని లక్ష్యంగా పెట్టుకుంది. ఇందుకు సంబంధించిన సమగ్ర ప్రాజెక్టు నివేదిక  (డీపీఆర్)ను డీఎంఆర్‌సీ... కేంద్ర పట్టణాభివృద్ధి మంత్రిత్వశాఖతోపాటు ఢిల్లీ ప్రభుత్వానికి సమర్పించింది. ఈ రెండింటి ఆమోదం కోసం ఎదురుచూస్తోంది.
  
  నాలుగవ దశ  కింద రిఠాలా నుంచి నరేలా (921.73కిమీ),పశ్చిమ జనక్‌పురి నుంచి ఆర్.కె.ఆశ్రం (28.92కిమీ), ముకుంద్ పురి నుంచి మౌజ్‌పూర్ (12.54 కిమీ), ఇందర్‌లోక్ నుంచి ఇంద్రప్రస్థ ( 12.58 కిమీ), ఏరోసిటీ నుంచి తుగ్లకాబాద్ ( 20. 20 కిమీ), లజ్‌పత్‌నగర్ నుంచి సాకేత్ జీ-బ్లాక్ 9 (7.96 కిమీ) వరకు ఆరు కారిడార్లను నిర్మించాలని డీఎంఆర్‌సీ ప్రతిపాదించింది. రిఠాలా- నరేలా వరకు ఉండే కారిడార్ బర్వాలా, బవానాల మీదుగా, పశ్చిమ జనక్‌పురి నుంచి ఆర్‌కెఆశ్రం వరకు ఉండే కారిడార్ పీరాఘడీ మీదుగా ముకుంద్‌పుర్- మౌజ్‌పుర్ కారిడార్ వజీరాబాద్, ఖజూరీఖాస్‌ల మీదుగా, తుగ్లకాబాద్ - ఏరోసిటీ కారిడార్ మెహ్రోలీ, మహీపాల్‌పుర్ గుండా, ఇందర్‌లోక్ - ఇందర్‌బస్తీ కారిడార్ దయాబస్తీ,న్యూఢిల్లీ రైల్వే స్టేషన్, దిల్లీ గేట్, సచివాలయం మీదుగా నిర్మించాలని డీఎంఆర్‌సీ ప్రతిపాదించింది.
  
  పనులు మొదలుపెట్టిన ప్పటి నుంచి 72 నెలల్లోగా నాలుగోదశ నిర్మాణాన్ని పూర్తి చేస్తామని డీఎంఆర్‌సీ అంటోంది. 2016, ఏప్రిల్‌లో పనులు ప్రారంభమైతే 2022 మార్చి నాటికి పూర్తవుతాయని సంబంధిత అధికారులు తెలిపారు. నాలుగో దశలో ఆరు కారిడార్లలో 67 మెట్రో స్టేషన్లను నిర్మిస్తారు. ప్రస్తుతం నగరంలో మెట్రో మార్గం 190 కి.మీ పొడవుతో విస్తరించి ఉంది. ప్రతిరోజూ 25 లక్షల మంది ప్రయాణికులు వీటి సేవలను వినియోగించుకుంటున్నారు. మూడో దశ మెట్రో నిర్మాణం ప్రస్తుతం కొనసాగుతోంది. 140 కి.మీల ఈ మెట్రో నిర్మాణం పూర్తయిన తరువాత  ప్రయాణికుల సంఖ్య ప్రతిరోజూ 40 లక్షలకు చేరుకుంటుందని ఆశిస్తున్నారు. నాలుగో దశ నిర్మాణం తరువాత ఢిల్లీ మెట్రో  ప్రయాణికుల సంఖ్య ప్రతిరోజూ 60 లక్షలకు చేరుకుంటుందని భావిస్తున్నారు.
  


 ఢిల్లీ మెట్రో నిక్కచ్చితత్వానికి పెట్టింది పేరు. నిర్దేశిత సమయానికే స్టేషన్‌కు గమ్యస్థానానికి చేరుతుంది.  న్యూఢిల్లీ: ప్రయాణికుల మనసులను దోచుకోవడంలో 18 అంతర్జాతీయ మెట్రోల్లో ఢిల్లీ మెట్రో ద్వితీయస్థానంలో నిలిచింది. ఈ విషయాన్ని  ఢిల్లీ మెట్రో రైల్ కార్పొరేషన్ (డీఎంఆర్‌సీ) అధికారి ఒకరు ఆదివారం వెల్లడించారు. గ్లోబల్ మెట్రో బెంచ్‌మార్కింగ్ గ్రూప్స్ అయిన నోవా, కోమట్ సంస్థలు సంయుక్తంగా అంతర్జాతీయ మెట్రో సేవలపై అధ్యయనం చేశాయి. ప్రజారవాణా వ్యవస్థల్లో అత్యుత్తమ సేవలకు సంబంధించి యూరోపియన్ ప్రమాణాల ప్రకారం ఈ సంస్థలు అధ్యయనం చేశాయి.
  
  ఇందులోభాగంగా అందుబాటు, వినియోగం అత్యంత సులువుగా ఉండడం, ప్రయాణానికి ముందే సమాచారం అందుబాటులో ఉండడం, ప్రయాణ సమయంలో నిరంతరం సమాచారం అందించడం, విశ్వసనీయత, ప్రయాణికుడికి ప్రాధాన్యత, వారికి తగు భద్రత తదితర అంశాల ప్రాతిపదికగా ఈ అధ్యయనం సాగింది. ఈ ఏడాది ఏప్రిల్ 28వ తేదీనుంచి మే 25వ తేదీవరకూ అధ్యయనం చేశారు. ఇందుకోసం పలు ప్రముఖ వెబ్‌సైట్‌లు, సామాజిక మీడియాలను వేదికగా చేసుకున్నారు. ప్రపంచంలోని 18 ప్రముఖ మెట్రో రైళ్ల సేవలను వినియోగిస్తున్న దాదాపు 41 వేలమంది అభిప్రాయాలను సేకరించారు. వాటిని క్షుణ్ణంగా పరిశీలించారు. హాంగ్‌కాంగ్ ఎంటీఆర్, లండన్ అండర్‌గ్రౌండ్, మెట్రో డీ మాడ్రిడ్, ప్యారిస్ ఆర్‌ఏటీపీ, న్యూక్యాజిల్ నెక్సస్, మెట్రో రియో తదితర ప్రముఖ సంస్థలను ఇందులోభాగస్వాములను చేశారు. ఈ అధ్యయనంలో ఢిల్లీ మెట్రో ద్వితీయ స్థానంలో నిలవగా, లండన్ డాక్‌లాండ్స్ లైట్ రైల్వే, బ్యాంకాక్ మెట్రోలకు ఆ తర్వాతి స్థానం లభించింది.
  
  ఐదు మార్గాల్లో సేవలు
  2002, డిసెంబర్ 24వ తేదీన ఢిల్లీ మెట్రో సేవలు మొదలయ్యాయి. మొత్తం ఐదు మార్గాల్లో  ఢి ల్లీ మెట్రో రైల్ కార్పొరేషన్ (డీఎంఆర్‌సీ) ప్రయాణికులకు సేవలు అందిస్తోంది. ప్రతిరోజూ దాదాపు 2.4 మిలియన్ మంది ప్రయాణికులు వీటిలో రాకపోకలు సాగిస్తున్నారు. మొత్తం రైళ్ల సంఖ్య 204 కాగా వీటికి నాలుగు, ఆరు, ఎనిమిది చొప్పున బోగీలు ఉంటాయి. నగరంతోపాటు నోయిడా, గుర్గావ్, ఘజియాబాద్ వంటి దూరప్రాంతాలకు కూడా వీటి సేవలు అందుబాటులో ఉన్నాయి. దేశంలో కోల్‌కతా తరువాత ఇదే అతి పెద్ద మెట్రో రైలు వ్యవస్థ. ఈ మెట్రో మార్గం మొత్తం పొడవు 193.2 కిలోమీటర్లు కాగా స్టేషన్ల సంఖ్య 139.
  
  మూడో దశకు నిధులు
  న్యూఢిల్లీ: మూడో దశ మెట్రో రైలు ప్రాజెక్టు పనులకోసం రాష్ట్ర ప్రభుత్వం తన ఈక్విటీ  వాటా కింద ఢిల్లీ మెట్రో రైల్ కార్పొరేషన్ (డీఎంఆర్‌సీ) కి రూ. 200 కోట్ల మేర నిధులను విడుదల చేసింది. ఈ విషయాన్ని సంబంధిత అధికారి ఒకరు తెలియజేశారు. నిధుల విషయంలో కొన్ని కఠినతరమైన నిబంధనలను విధించామన్నారు. డీఎంఆర్‌సీ తన ప్రాజెక్టులను నిర్దేశిత కాలవ్యవధిలోగానే పూర్తి చేయాల్సి ఉంటుందన్నారు. ఆర్థిక, రవాణా, ప్రణాళికా విభాగాల పురోగతికి సంబంధించి కు ఈ సంస్థ ప్రతి నెలా తన నివేదికలను సమర్పించాల్సి ఉంటుందన్నారు. ప్రభుత్వం గతంలో విడుదల చేసిన నిధులకు సంబంధించి ఆడిట్ చేసిన వినియోగపత్రాన్ని తమకు అందజేయాల్సి ఉంటుందన్నారు. దీంతోపాటు కేంద్ర ప్రభుత్వం గతంలో విడుదల చేసిన నిధులకు సంబంధించి కూడా ఆడిట్ చేసిన వినియోగపత్రాన్ని సమర్పించాల్సి ఉంటుందన్నారు. ప్రభుత్వ ఈక్విటీ వాటా నిధులను నిర్దేశిత పనులకే వినియోగించాల్సి ఉంటుందన్నారు. డీఎంఆర్‌సీ పనితీరును రవాణా శాఖ ఎప్పటికప్పుడు అంచనా వేస్తుం దన్నారు. నిర్దేశిత లక్ష్యాలను డీఎంఆర్‌సీ సాధించిందా లేదా అనే అంశంపైనా ఈ శాఖ తమకు నివేదిస్తుందన్నారు.
  


 రాష్ట్ర ప్రభుత్వ నిర్ణయం.. ఆర్థిక శాఖ ఆమోదం!
 
 హైదరాబాద్: ఆంధ్రప్రదేశ్‌లో వీజీటీఎం(విజయవాడ-గుంటూరు-తెనాలి-మంగళగిరి) పరిధిలో, విశాఖ, తిరుపతి ల్లో ఏర్పాటు చేయనున్న మెట్రో రైలు ప్రాజెక్టుల కీలకమైన సమగ్ర ప్రాజెక్టు నివేదిక (డీపీఆర్) బాధ్యతలను ఢిల్లీ మెట్రో రైల్ కార్పొరేషన్ (డీఎంఆర్‌సీ)కు అప్పగించాలని ప్రభుత్వం నిర్ణయించింది. డీఎంఆర్‌సీ మాజీ ఎండీ శ్రీధరన్ ఏపీలో మెట్రో రైలు ప్రాజెక్టులకు పనిచేసేందుకు ఇటీవలే అంగీకరించారు. ఈ నేపథ్యంలో ప్రాజెక్టు డీపీఆర్ బాధ్యతలను కూడా డీఎంఆర్‌సీకే అప్పజెపితే బావుంటుందన్న ఆలోచనకు ప్రభుత్వం వచ్చింది. ఇందుకు ఆర్థిక శాఖ కూడా ఆమోదం తెలిపినట్లు సమాచారం. మాస్ రాపిడ్ ట్రాన్సిట్ సిస్టం (ఎంఆర్‌టీఎస్)లో భాగంగా విజయవాడ (వీజీటీఎం పరిధి), విశాఖపట్నం నగరాల్లో 4 కారిడార్లను నిర్మించాలని ప్రభుత్వం నిర్ణయించింది. తొలిదశలో వీజీటీఎం పరిధిలో 49 కిలోమీటర్లు, విశాఖపట్నంలో 20 కిలోమీటర్లు నిర్మించనున్నారు.
 
 వీజీటీఎం, విశాఖ మెట్రో రైల్ కార్పొరేషన్లకు చైర్మన్‌లు, డెరైక్టర్లను గత నెల 13వ తేదీనే ప్రభుత్వం నియమించింది. వీటితోపాటు తిరుపతి నగరంలోనూ ఈ ప్రాజెక్టు చేపట్టాలని నిర్ణయించింది. ఈ నగరాల్లో ఎక్కువ జనాభా, రద్దీ (ట్రాఫిక్) ఉన్న ప్రాంతాల్లో మెట్రో రైలు ఏర్పాటు చేయనున్నారు. ఈ ప్రాజెక్టులకు తొలి అడుగుగా భావించే డీపీఆర్ బాధ్యతలను డీఎంఆర్సీ చేపట్టనుంది. ఈ సంస్థ మూడు నగరాల్లో మెట్రో రైలు ప్రాజెక్టు రూట్ మ్యాప్, స్థల సేకరణ, భూసార పరీక్ష (సాయిల్ టెస్టింగ్), ప్రాజెక్టు అంచనా వ్యయం తదితరమైనవన్నీ సర్వే చేసి ప్రభుత్వానికి నివేదిక ఇస్తుంది. ఈ నివేదిక వచ్చాకే పనులు మొదలవుతాయి. ఇందుకోసం డీఎంఆర్‌సీ అధికారుల బృందం త్వరలోనే మూడు నగరాలకూ వస్తుందని పురపాలక శాఖ అధికారి ఒకరు తెలిపారు. ఇక్కడి మెట్రో రైలు హైదరాబాద్ తరహాలో ఉంటుందా లేక ఢిల్లీ తరహాలోనే భూగర్భంలో నిర్మిస్తే బావుంటుందా అన్నది కూడా డీఎంఆర్‌సీ అధికారులు వారి నివేదికలో తెలుపుతారని చెప్పారు. గతంలో మెట్రో రైలు ప్రాజెక్టుపై ప్రభుత్వం ఇచ్చిన ఉత్తర్వుల్లో తిరుపతి మెట్రో రైలు ప్రస్తావన లేకపోయినా, దీనికి కూడా ప్రాజెక్టు రిపోర్టు సిద్ధం చేసుకోవాలని, ఆ తర్వాత పరిస్థితినిబట్టి ఇక్కడ ప్రాజెక్టును చేపట్టాలా వద్దా అనేది నిర్ణయించుకోవచ్చునని ప్రభుత్వం భావిస్తోంది.
  
  


 న్యూఢిల్లీ: ఒకే రోజు అత్యధిక మంది ప్రయాణీకులను తరలించిన ఓ రికార్డును ఢిల్లీ మెట్రో రైలు సొంతం చేసుకుంది. జూలై 21 తేదిన 26 లక్షల మంది ప్యాసింజర్లను ఢిల్లీ మెట్రో తరలించింది.  
  
 జూలై 21 తేదిన 26,84,132 మంది ప్యాసింజర్లు ప్రయాణించారని డిల్లీ మెట్రో రైలు కార్పోరేషన్ (డీఎమ్ఆర్సీ) తెలిపింది. గత సంవత్సరం ఆగస్టు 19న  26,50,635 ప్రయాణించారని డీఎమ్ఆర్సీ ఓ ప్రకటనలో పేర్కొన్నారు. 
  


  న్యూఢిల్లీ: బొటానికల్ గార్డెన్ -కాళిందికుంజ్ మధ్య మెట్రో రైలు మార్గం పొడిగింపు ప్రాజెక్టుకు సంబంధించిన అవగాహన పత్రం (ఎంఓయూ)పై ఢిల్లీ మెట్రో రైల్ కార్పొరేషన్ (డీఎంఆర్‌సీ), నోయిడా అథారిటీ సంస్థలు బుధవారం సంతకం చేశాయి. స్థానిక మెట్రో భవన్‌లోఎ డీఎంఆర్‌సీ చైర్మన్ మంగూసింగ్  సమక్షంలో ఆ సంస్థ బిజినెస్ డెవలప్‌మెంట్ విభాగం డెరైక్టర్ ఎస్‌డీ శర్మ, నోయిడా అథారిటీ సీఈఓ రమారమణ్‌లు ఒప్పందంపై సంతకాలు చేశారు. ఈ విషయాన్ని డీఎంఆర్‌సీ కార్పొరేట్ కమ్యూనికేషన్స్ విభాగం కార్యనిర్వహణ అధికారి అనుజ్ దయాళ్ వెల్లడించారు. కాగా బొటానికల్ గార్డెన్ (నోయిడా)-కాళిందికుంజ్ (ఢిల్లీ) మధ్య మెట్రో రైలు మార్గం నిర్మాణానికి సంబంధించినప్రతిపాదన మూడు సంవత్సరాల క్రితమే రూపుదాల్చింది.
  
  ఈ మార్గం మొత్తం పొడవు 3.9 కిలోమీటర్లు. ఈ ప్రతిపాదనకు ఉత్తరప్రదేశ్ ముఖ్యమంత్రి అఖిలేశ్ యాదవ్ గత జూన్ నెలలో ఉత్తరప్రదేశ్ రాజధాని నగరం లక్నోలో జరిగిన మంత్రిమండలి సమావేశంలో ఆమోదముద్ర వేసిన సంగతి విదితమే. ఈ మార్గం అందుబాటులోకి వస్తే ప్రయాణికులు హుడా సిటీ సెంటర్-జహంగీర్‌పురి మార్గంలో ప్రయాణించడం కోసం రాజీవ్‌చౌక్ మెట్రో స్టేషన్‌కు వెళ్లాల్సిన అవసరం ఉండదు. హౌజ్‌ఖాస్, ఎమిటీ విశ్వవిద్యాలయం, కల్కాజీ స్టేషన్ల మీదుగా కాళిందీకుంజ్‌కు చేరుకోవచ్చు. ఈ మార్గ ంలో సగటున 48,500 మంది ప్రతిరోజూ ప్రయాణిస్తారని సంబంధిత అధికారులు అంచనా వేశారు. ఈ ప్రాజెక్టు నిర్మాణం పూర్తయితే ఢిల్లీ నగరం శివారులోని జాతీయ ప్రాదేశిక ప్రాంత పరిధిలోని బొటానికల్ గార్డెన్ తొలి ఇంటర్‌చేంజ్ స్టేషన్ అవుతుంది.
  


 న్యూఢిల్లీ: మండి హౌస్-సెంట్రల్ సెక్రటేరియట్ మెట్రో మార్గంలో భద్రతా తనిఖీ ప్రక్రియ ఇటీవల పూర్తయింది. ఈ నేపథ్యంలో మెట్రో రైల్ సేఫ్టీ (సీఎంఆర్‌ఎస్) సెంట్రల్ కమిషనర్ ఆమోదమే ఇక మిగిలిఉంది. ఈ ప్రక్రియ కూడా పూర్తయితే ఈ మార్గంలో సేవలు నగరవాసులకు అందుబాటులోకి వస్తాయి. మూడో దశలో భాగంగా ఈ మార్గాన్ని నిర్మించారు. ఈ మార్గాన్ని ఈ నెల పదో తేదీన భద్రతా విభాగం అధికారులు తనిఖీ చేసిన సంగతి విదితమే. సేఫ్టీ సర్టిఫికెట్ వచ్చేందుకు మరో వారం రోజుల వ్యవధి పట్టే అవకాశముందని సంబ ంధిత వర్గాలు ఆదివారం వెల్లడించాయి. ఈ విషయమై ఢిల్లీ మెట్రో రైల్ కార్పొరేషన్ (డీఎంఆర్‌సీ) అధికార ప్రతినిధి మాట్లాడుతూ సీఎంఆర్‌ఎస్ నుంచి భద్రతా పత్రం (సేఫ్టీ సర్టిఫికెట్) వచ్చేదాకా ఈ మార్గంలో సేవలను ప్రారంభించలేమన్నారు.  సీఎంఆర్‌ఎస్ దీనిని లాంఛనంగా ఆమోదించాల్సి ఉందన్నారు.
  
  ఈ నేపథ్యంలో ఈ మార్గంలో సేవలు ఎప్పటికి అందుబాటులోకి వస్తాయనే విషయాన్ని నిర్దిష్టంగా ఇప్పుడే చెప్పలేమన్నారు. కాగా అధికారిక వర్గాల సమాచారం ప్రకారం ఈ నెల పదో తేదీన భద్రతా కమిషనర్‌తోపాటు వారి సిబ్బంది రోజంతా ఈ మార్గంలో తనిఖీలు నిర్వహించారు. మూడో దశలో భాగంగా మూడు కిలోమీటర్ల మేర ఈ మార్గాన్ని నిర్మించారు. ఈ మార్గంలో గత ఏడాది డిసెంబర్‌లో సంబంధిత అధికారులు ప్రయోగాత్మక పరుగు కూడా నిర్వహించారు. ఈ మార్గం అందుబాటులోకి వస్తే అత్యంత రద్దీగా ఉండే రాజీవ్‌చౌక్ మెట్రో స్టేషన్‌పై ప్రయాణికుల భారం తగ్గుతుంది. అంతేకాకుండా నోయిడా, వైశాలి దిశగా రాకపోకలు సాగించే ప్రయాణికులు బదర్‌పూర్-సెంట్రల్ సెక్రటేరియట్ లైన్ స్టేషన్‌లో ఇంటర్‌ఛేంజ్ సదుపాయాన్ని వినియోగించుకునేందుకు వీలు కలుగుతుంది. ఈ మార్గం అందుబాటులోకి వస్తే 70 వేల మంది ప్రయాణికులకు ప్రయోజనం కలుగుతుందని సంబంధిత అధికారులు అంచనా వేశారు.
  


  ఇంధనం, నీరు పొదుపు చేయనున్న మెట్రో స్టేషన్లు
 
  న్యూఢిల్లీ: మెట్రో రైలు మూడో దశలో హరిత స్టేషన్లను నిర్మించనున్నారు. ఇవి నీరు, ఇంధనం పొదుపు చేయనున్నాయి. ఈ విషయాన్ని ఢిల్లీ మెట్రో రైల్ కార్పొరేషన్ (డీఎంఆర్‌సీ) వెల్లడించింది. 2016 నాటికి ఇందుకు సంబంధించిన పనులు పూర్తికానున్నాయి. మూడో దశలో భాగంగా మొత్తం 90 స్టేషన్లు నిర్మితమవనున్నాయి. వాననీటి పరిరక్షణ, ఇంధన ఆదాతోపాటు వ్యర్థాలను నిర్వహించేవిగా ఉంటాయి.
  
  ట్యాప్‌లలోనుంచి నీరు తక్కువగా రావడం వంటి అనేక వెసులుబాట్లు ఈ స్టేషన్లలో ఉంటాయి. దీంతోపాటు పచ్చదనానికి అత్యధిక ప్రాధాన్యం ఇవ్వనున్నారు. త్వరగా వేడెక్కకుండా చేసేందుకుగాను ఈ స్టేషన్ల గోడలు, కిటికీలతోపాటు పైభాగాన్ని మూసేస్తారు. దీంతోపాటు లోపలికి వీలైనంతమేర తాజా గాలి వచ్చేవిధంగా డిజైన్ చేయనున్నారు. కొత్త స్టేషన్ల నుంచి టన్నుల కొద్దీ ఇంధనాన్ని డీఎంఆర్‌సీ పొదుపు చేయనుంది.
  
  గాలిలోకి కార్బన్ డయాక్సైడ్‌ను విడుదల చేయకుండా ఉండేందుకుగాను తగు జాగ్రత్తలు తీసుకోనున్నారు. ఎలివేటెడ్ మెట్రో స్టేషన్లు ఏడాదికి సగటున 3,66.272 కెడబ్ల్యూహెచ్ మేర ఇంధనాన్ని పొదుపు చేసే అవకాశముంది. భూగర్భ స్టేషన్లు ఏడాదికి 10,11,482  కేడబ్ల్యూహెచ్ విద్యుత్‌ను పొదుపు చేసే అవకాశముంది. ఇదిలాఉంచితే సబ్‌స్టేషన్లతోపాటు అధికారుల నివాస సముదాయాలను సైతం ఇదే పద్ధతిలో నిర్మించనున్నారు. కాగా బారాఖంబాలోని మెట్రోభవన్‌ను హరిత స్టేషన్‌గానే నిర్మించిన సంగతి విదితమే.
  
 అటవీశాఖకు స్థలం అప్పగింత
 నగరంలో పచ్చదనాన్ని విస్తరించాలనే లక్ష్యంలో భాగంగా డీఎంఆర్‌సీ మొక్కలను నాటడం కోసం డీఎంఆర్‌సీ తనకు చెందిన కొంతస్థలాన్ని అటవీశాఖకు అప్పగించింది. శాస్త్రి పార్కు వద్దగల 15 హెక్టార్ల భూమిని అప్పగించామని సంబంధిత వర్గాలు వెల్లడించాయి. అంతేకాకుండా సస్టయినబుల్ గ్రీన్ ఇనీషియేటివ్ (ఎస్‌జీఐ) అనే స్వచ్ఛంద సంస్థ సహకారంతో నగరంలోని వివిధ ప్రాంతాల్లో మున్ముందు మొత్తం 25 వేల మొక్కలను నాటాలని డీఎంఆర్‌సీ నిర్ణయించింది. ఇప్పటికే ఈ సంస్థ నగరంలో మూడు లక్షల మొక్కలను నాటిన సంగతి విదితమే.
  
 అంతేకాకుండా ఆరు వేల చెట్లను ఇతర ప్రాంతాల్లో తిరిగి నాటింది. వాస్తవానికి మెట్రో తొలి దశ పనులను చేపట్టిన సమయంలో 14,505 చెట్ల కూల్చివేతకు అటవీశాఖ నుంచి అనుమతి లభించినప్పటికీ డీఎంఆర్‌సీ మాత్రం 13,85 చెట్లను మాత్రమే తొలగించడంద్వారా పచ్చదనానికి ఇస్తున్న ప్రాధాన్యాన్ని చెప్పకనే చెప్పింది. రెండో దశలో 24,453 చెట్ల కూల్చివేతకు అనుమతి లభించినప్పటికీ 17,997కే పరిమితమైంది. ఇక మూడోదశలో 16 వేల చెట్ల తొలగింపునకు అనుమతి లభించింది. అయితే అందులో 15 నుంచి 20 శాతంమేర చెట్లను కాపాడే దిశగా డీఎంఆర్‌సీ ప్రణాళికలను రూపొందించుకుంటోంది.


  న్యూఢిల్లీ: సెంట్రల్ సెక్రటేరియట్-కాశ్మీరీ గేట్ కారిడార్‌లో భాగంగా పాత ఢిల్లీలో ఐదు స్టేషన్ల ప్రవేశ, నిష్ర్కమణ ద్వారాలు, పాదచారుల కోసం సబ్‌వేలను నిర్మించాలని ఢిల్లీ మెట్రో రైల్ కార్పొరేషన్ నిర్ణయించింది. 2015 కల్లా వీటిని పూర్తిచేయాలని ప్రతిపాదనలు తయారుచేసినట్లు డీఎంఆర్‌సీ అధికారి ఒకరు తెలిపారు. ఈ ఐదు సబ్‌వేలను ఢిల్లీ గేట్, జామా మసీద్, లాల్‌ఖిలా మెట్రో స్టేషన్లలో నిర్మించనున్నట్లు తెలిపారు. వీటినే ఎప్పుడూ బిజీగా ఉండే రోడ్లు దాటేందుకు పాదచారులు సైతం సబ్‌వేలుగా ఉపయోగించుకునేలా రూపకల్పన చేయనున్నారు. ఢిల్లీ గేట్ వద్ద బహదూర్ షా మార్గ్ కింది నుంచి నిర్మించున్న సబ్‌వే ఫిరోజ్‌షా కోట్లా, అంబేద్కర్ స్టేడియం మధ్య దూరాన్ని తగ్గించనుంది. అలాగే జవహర్‌లాల్ నెహ్రూ మార్గ్, అసఫ్ అలీ రోడ్ కింది నుంచి నిర్మించనున్న సబ్ వే ఓరియంటల్ ఇన్స్యూరెన్స్ భవనంతో లోక్‌నాయక్ జైప్రకాష్ ఆస్పత్రిని కలుపుతోంది. ఇదిలా ఉండగా, జామా మసీద్ మెట్రో స్టేషన్ వద్ద నేతాజీ సుభాష్ మార్గ్‌ను, జామా మసీద్‌ను అనుసంధానపరుస్తూ సబ్‌వేను నిర్మించనున్నారు.
  
  అలాగే నేతాజీ సుభాష్ మార్గ్ నుంచి ఎర్రకోట వైపు ఉన్న రోడ్డుకు కలుపుతూ మరో రెండు సబ్‌వేలను నిర్మించేందుకు ప్రతిపాదనలు సిద్ధం చేస్తున్నారు. ఈ సబ్‌వేల నిర్మాణం వల్ల స్థానికంగా ఉంటున్న ప్రజలకు చాలా ఇబ్బందులు తగ్గనున్నాయని అధికారులు పేర్కొంటున్నారు.ప్రస్తుతం చాలా పరిమితంగా ఉన్న పాదచారుల సబ్‌వేలు, ఫుట్ ఓవర్ బ్రిడ్జీలు వీరి అవసరాలను తీర్చలేకపోతున్నాయి. దీంతో వీటిని కూడా ఫేజ్ -3 పనుల్లో భాగంగా మెట్రో స్టేషన్ల ప్రవేశ, నిష్ర్కమణ మార్గాలుగా మార్చేందుకు ఢిల్లీ మెట్రో యత్నిస్తోంది. ఇదేవిధంగా రింగ్ రోడ్, అవుటర్ రింగ్ రోడ్లలో కూడా అవసరమైన సదుపాయాలను ఏర్పాటుచేయాలని ఢిల్లీ మెట్రో యోచిస్తోంది. ఫేజ్-3 ప్రాజెక్టులో భాగంగా నగరంలోని 138 కి.మీ.ల మేర విస్తరించాలని ఢిల్లీ మెట్రో ప్రతిపాదనలు సిద్ధం చేస్తోంది.
  


 న్యూఢిల్లీ: మెట్రో రైలులో విహార యాత్ర చేయాలనుకుంటున్నారా.. అయితే వెంటనే మమ్నల్ని సంప్రదించండి.. అంటున్నారు ఢిల్లీ మెట్రో రైల్ కార్పొరేషన్ అధికారులు. వచ్చే వేసవి సెలవులను దృష్టిలో పెట్టుకుని పర్యాటకులను ఆకట్టుకోవడం ద్వారా తన ఆదాయాన్ని పెంచుకోవడానికి మెట్రో రైల్ కార్పొరేషన్ నిర్ణయించింది.
  
 ఈ మేరకు వారు రిజర్వేషన్ ఆఫ్ కార్స్/ట్రైన్ విధానంలో భాగంగా ఎవరైనా టూర్ ఆపరేటర్లు, ప్రభుత్వ లేదా ప్రైవేట్ ఏజెన్సీలు తమను సంప్రదించవచ్చని పేర్కొంది. డీఎంఆర్‌సీ కథనం ప్రకారం.. విదేశీ యాత్రికులు, టూరిస్టులు, ప్రభుత్వ లేదా ప్రైవేట్ పాఠశాల యాజమాన్యాలు, వికలాంగుల కోసం ప్రత్యేక పాఠశాలలను నడిపే స్వచ్ఛంద సంస్థలు.. ఇలా ఎవరైనా మెట్రో రైలులో విహారయాత్ర చేద్దామనుకుంటే వెంటనే ఆ సంస్థ అధికారులను సంప్రదించవచ్చు.
  
  దూరం, స్టేషన్ల బట్టి రూ.30 వేల నుంచి రూ.50 వేల వరకు చార్జి వసూలు చేస్తారు. ఒక్కొక్క గ్రూప్‌లో 45 నుంచి 150 మంది వరకు ఉండవచ్చు. రైల్‌లో ఉన్న 8 కోచ్‌లలో ఒక్కో గ్రూప్‌నకు ఒక్క కోచ్‌ను మాత్రమే కేటాయిస్తారు.మెట్రో నెట్‌వర్క్‌కు సంబంధించి ఎయిర్‌పోర్ట్ ఎక్స్‌ప్రెస్ లైన్‌తో సహా ఏ స్టేషన్ నుంచైనా బృందాలు కోచ్‌ను బుక్ చేసుకోవచ్చు. అయితే ప్రభుత్వ పాఠశాలలకు, స్వచ్ఛంద సంస్థల నిర్వహించే ప్రత్యేక పాఠశాలలకు ప్రత్యేక సదుపాయాల నిమిత్తం ఎటువంటి అదనపు చార్జీలు వసూలు చేయబోరు.
  
  లెన్ 1,2,3/4లలో రూ.50 వేలు, 5వ లైన్‌లో రూ.30 వేలు, ఎయిర్‌పోర్ట్ ఎక్స్‌ప్రెస్ లైన్ పైన రూ.40 వేలు వసూలు చేయనున్నట్లు వారు తెలిపారు. అయితే, ప్రత్యేక సదుపాయాల ఏర్పాటుకు వసూలుచేసే చార్జీలు వీటికి అదనం. ఈ ధరలు కూడా ప్రతి ఏడాది ఏప్రిల్ ఒకటో తేదీనుంచి 10 శాతం పెరుగుతాయి.
  
  ఈ యాత్రలో భాగంగా నామమాత్రపు చార్జీలకే మెట్రో మ్యూజియం, టెక్స్‌టైల్స్,  చేనేత ఎగ్జిబిషన్‌ల సందర్శనకు ఆయా బృందాలకు అవకాశమిస్తారు. అలాగే ఆయా స్టేషన్లలో సదరు గ్రూపులకు స్వాగత తోరణాలు ఏర్పాటు, ప్రత్యేక ప్రకటనలు, ప్రయాణికులకు మెమెంటోలు అందజేయడం, కోచ్‌ను బుక్‌చేసుకున్న బృందానికి సంబంధించిన వాహనాలకు ఉచిత పార్కింగ్ సదుపాయం ఏర్పాటుచేయడమే కాక బృందసభ్యులకు యాత్ర సమయంలో మార్గదర్శకత్వం చేయడానికి ఒక వ్యక్తిని కూడా ఏర్పాటుచేసేందుకు డీఎంఆర్‌సీ నిర్ణయించింది.


 న్యూఢిల్లీ: వచ్చే నెలలో అసెంబ్లీ ఎన్నికలు ఉండటంతో మెట్రో చార్జీలు పెంచే అవకాశాలు కనబడటం లేదు. చార్జీల పెరుగుదల గురించి ఢిల్లీ మెట్రో రైల్ కార్పొరేషన్ (డీఎంఆర్‌సీ) ఎన్నిసార్లు అభ్యర్థించినా పట్టణ అభివృద్ధి మంత్రిత్వ శాఖ అధికారుల్లో ఎలాంటి చలనం లేదు. చార్జీల స్థిరీకరణ కమిటీ సభ్యులను ఇప్పటివరకు నియమించలేదని సంబంధిత వర్గాలు తెలిపాయి. అయితే ఎస్కలేటర్ల కోసం వినియోగించే విద్యుత్ చార్జీలు పెరిగాయని, రైలు చార్జీల ధరలను సవరించాల్సిన అవసరముందని డీఎంఆర్‌సీ అధ్యక్షుడు మంగూ సింగ్ కనీసం మూడుసార్లు లిఖితపూర్వకంగా కోరారని చెప్పాయి. 
  
  ఇదిలావుండగా డీఎంఆర్‌సీ చట్టం కింద చార్జీల స్థిరీకరణ కమిటీకి నియమించాల్సిన ముగ్గురు సభ్యులను ఇంకా పట్టణ అభివృద్ధి శాఖ ఖరారు చేయలేదు. ఈ చట్టం కింద ఈ కమిటీ 90 రోజుల్లో నివేదికను సమర్పించాల్సి ఉంటుంది. అయితే ఏ సమయంలోనైనా ఢిల్లీ అసెంబ్లీ ఎన్నికల కోడ్ ప్రకటించే అవకాశముండటంతో ఇప్పుడిప్పుడే చార్జీలు పెంచే అవకాశం మాత్రం కనిపించడం లేదని సంబంధిత వర్గాలు తెలిపాయి. అయితే  రిటైర్డ్ జడ్జి ఆధ్వర్యంలో ఈ చార్జీల స్థిరీకరణ కమిటీ సభ్యులు పనిచేస్తారని మాస్ రాపిడ్ ట్రాన్స్‌పోర్ట్ సిస్టమ్ డెరైక్టర్ ప్రకాశ్ సింగ్ తెలిపారు. చార్జీల పెరుగుదలకు ముందు వీరు విద్యుత్ వ్యయం, ఇతర ఆర్థిక స్థితిగతులను సమీక్షిస్తారని వెల్లడించారు. 
  
  ‘ఎయిర్‌పోర్టు మెట్రో పనులపై సాధికార బృందాన్ని కలుస్తాం’
  ఢిల్లీ ఎయిర్ పోర్టు మెట్రో మార్గానికి సంబంధించిన సమస్యలపై మంత్రుల సాధికార బృందం సలహాలు, మార్గదర్శనాలు చేయాలని పట్టణ అభివృద్ధి మంత్రిత్వ శాఖ కోరనుంది. వచ్చే రెండు, మూడు వారాల్లో ఆ బృందాన్ని కలుస్తామని నగరంలో మంగళవారం జరిగిన ఓ కార్యక్రమంలో పాల్గొన్న పట్టణ అభివృద్ధి మంత్రి కమల్‌నాథ్ తెలిపారు. ఎయిర్ పోర్టు మెట్రో మార్గం గురించి సలహాలు, సూచనల కోసం సాధికార బృందంతో భేటీ కానున్నామని చెప్పారు. ఈ మార్గం నిర్మాణ పనుల నుంచి ఎయిర్ పోర్టు మెట్రో ఎక్స్‌ప్రెస్  లైన్, ఢిల్లీ ఎయిర్‌పోర్టు మెట్రో ఎక్స్‌ప్రెస్ ప్రైవేట్ లిమిటెడ్‌లు తప్పుకోవడంతో డీఎంఆర్‌సీ ఆ బాధ్యతలను స్వీకరించిన సంగతి తెలిసిందే.