TV
భార్య, ప్రియుడిని నగ్నంగా ఊరేగించి..
రాజస్థాన్ లోని ఉదయ్ పూర్ జిల్లాలో దుశ్శాసనపర్వం చోటుచేసుకుంది. భర్తను వదిలి ప్రియుడితో పారిపోయిన మహిళను దారుణంగా అవమానించారు.
ఉదయ్పూర్: రాజస్థాన్లోని ఉదయ్పూర్ జిల్లాలో దుశ్శాసనపర్వం చోటుచేసుకుంది. భర్తను వదిలి ప్రియుడితో పారిపోయిన మహిళను దారుణంగా అవమానించారు. భర్త, ఆయన కుటుంబ సభ్యులు, గామస్తులు కలసి.. గిరిజన తెగకు చెందిన ఆ యువతిని, ప్రియుడిని పట్టుకుని వచ్చి నగ్నంగా ఊరేగించారు. ఆ తర్వాత ఇద్దరినీ అలాగే రెండు రోజుల పాటు కట్టేసి చిత్ర హింసలు పెట్టారు. కొందరు యువకులు వారి ఫొటోలను తీసి సోషల్ మీడియాలో పోస్ట్ చేశారు. కసోటియా గ్రామంలో గత సోమవారం ఈ దారుణం జరిగింది.
ప్రభుత్వ కార్యాలయం, స్కూలుకు సమీపంలోనే ఈ సంఘటన జరిగింది. స్కూలు టీచర్లు, వైద్య సిబ్బంది ఈ దృశ్యాలను చూసినా ఎవరూ అధికారులకు ఫిర్యాదు చేయలేదు. యువతి ప్రియుడు లాలూరామ్ కుటుంబ సభ్యులు గ్రామస్తులకు 80 వేల రూపాయలు చెల్లించడంతో రెండు రోజుల తర్వాత అతణ్ని విడిచిపెట్టారు. ఈ విషయం పోలీసుల దృష్టికి వచ్చాక శుక్రవారం బాధిత మహిళను రక్షించారు. మహిళ భర్త, ముగ్గురు మహిళలతో సహా 13 మందిపై కేసు నమోదు చేసి అరెస్ట్ చేశారు. ఆ గ్రామ పట్వారీని జిల్లా ఉన్నతాధికారులు సస్పెండ్ చేశారు. వివరణ ఇవ్వాల్సిందిగా టీచర్లను, వైద్య సిబ్బందిని ఆదేశించారు. ఉదయ్పూర్ ఎస్పీ రాజేంద్ర ప్రసాద్ గోయల్ గ్రామంలో పోలీసు క‍్యాంపు ఏర్పాటు చేశారు.
