టీపీసీసీ చీఫ్ ఉత్తమ్ అరెస్టు

బెజ్జంకి(కరీంనగర్): తోటపల్లి రిజర్వాయర్ రద్దు ప్రతిపాదనను విరమించుకోవాలని డిమాండ్ చేస్తూ కాంగ్రెస్ చేపట్టిన రాజీవ్ రహదారి దిగ్బంధం సందర్భంగా టీపీసీసీ అధ్యక్షుడు ఉత్తమ్‌కుమార్‌రెడ్డితోపాటు పలువురు నేతలను పోలీసులు అరెస్టు చేశారు. బుధవారం ఉదయం చేపట్టిన ఈ కార్యక్రమం సాయంత్రం వరకు కొనసాగుతోంది.

పెద్ద సంఖ్యలో వాహనాలు నిలిచిపోవటంతో పోలీసులు రంగప్రవేశం చేసి ఉత్తమ్‌తోపాటు మాజీ మంత్రి శ్రీధర్‌బాబు, మాజీ ఎంపీ పొన్నం ప్రభాకర్, ఎమ్మెల్యేలు ప్రవీణ్‌రెడ్డి, ఆరెపల్లి మోహన్ తదితరులను అరెస్టు చేసి, బెజ్జంకి స్టేషన్‌కు తరలించారు.