నోట్ల రద్దయినా ఆ వసూళ్లు పెరిగాయ్!

న్యూఢిల్లీ: పెద్ద నోట్ల రద్దు ప్రభావం ఉన్నప్పటికీ పన్ను వసూళ్లు బాగానే పెరిగాయట. గతేడాది కంటే 2016 ఏప్రిల్-నవంబర్ కాలంలో ప్రత్యక్ష పన్నులు 12.01 శాతం, పరోక్ష పన్ను వసూళ్లు 25 శాతం పెరిగినట్టు ఆర్థికమంత్రి అరుణ్ జైట్లీ వెల్లడించారు. సోమవారం నిర్వహించిన మీడియా సమావేశంలో ఆయన పన్ను వసూళ్ల గణాంకాలను వెల్లడించారు.  పన్ను వసూళ్లు తగ్గిపోతాయంటూ భయాందోళనలు వ్యక్తంచేస్తూ వచ్చిన రిపోర్టులు, గణాంకాలను ఆయన కొట్టిపారేశారు. తాను వెల్లడించిన గణాంకాలు అసలైనవిగా చెప్పారు. ఆర్థిక వ్యవహారాల కార్యదర్శి సైతం పన్ను వసూలపై ఎలాంటి ఆందోళన చెందాల్సినవసరం లేదని తెలిపినట్టు జైట్లీ పేర్కొన్నారు.