జేకే సిమెంట్ లాభాలు జూమ్

ముంబై: దేశంలో రెండవ అతిపెద్ద  సిమెంట్ ఉత్పత్తి దారు జేకే సిమెంట్  లాభాల్లో దూసుకుపోయింది.  జూన్ 30 తో ముగిసిన త్రైమాసికంలో రూ 60.85 కోట్ల స్వతంత్ర నికరలాభాలను ఆర్జించినట్టు శనివారం ప్రకటించింది.  గత ఆర్థిక సంవత్సరం ఇదే కాలంలో కంపెనీ నికర లాభం రూ 1.05 కోట్లతో పోలిస్తే గణనీయనమైన లాభాలను ఆర్జించింది.   కంపెనీ నికర అమ్మకాలు 886,70 కోట్లకు పెరిగాయని  జేకే  సిమెంట్ లిమిటెడ్ బిఎస్ఇ ఫైలింగ్ లో  తెలిపింది.గత ఏడాది ఇదే కాలంలో రూ 812,09 కోట్ల రూపాయలు గా ఉంది.  జేకే  సిమెంట్  వెబ్సైట్   అందించిన సమాచారం ప్రకారం  వైట్ సిమెంట్ 6,00,000 టన్నుల, 7,00,000 టన్నుల  వాల్ పుట్టి వార్షిక సామర్ధ్యాన్ని  కలిగి వుంది.