TV
కశ్మీర్ వేర్పాటువాద నేత సయ్యద్ అలీషా గిలానీకి తొమ్మిది నెలల కాలపరిమితితో మంగళవారం పాస్‌పోర్ట్ జారీఅయ్యింది. సౌదీలో
న్యూఢిల్లీ: కశ్మీర్ వేర్పాటువాద నేత సయ్యద్ అలీషా గిలానీకి తొమ్మిది నెలల కాలపరిమితితో మంగళవారం పాస్‌పోర్ట్ జారీఅయ్యింది. సౌదీలో అనారోగ్యం తో బాధపడుతున్న కూతురును చూసేందుకు వీలుగా తనకు పాస్‌పోర్ట్ కావాలని గిలానీ చేసుకున్న దరఖాస్తు సరిగా లేదనే కారణంతో 2 నెలల కిందట ప్రభుత్వం దానిని తిరస్కరించిన విషయం తెలిసిందే.
గిలానీ ప్రాంతీయ పాస్‌పోర్ట్ కార్యాలయంలో హాజరై బయోమెట్రిక్ వివరాలను నమోదు చేశాక ఆయనకు పాస్‌పోర్ట్ జారీ అయింది. సాధారణంగా అయితే పదేళ్ల కాలపరిమితితో పాస్‌పోర్ట్ ఇస్తారు. గిలానీ పాస్‌పోర్ట్ మాత్రం 9 నెలలే చెల్లుబాటు అయ్యేలా జారీ అయింది.
