పసిడి ధర పెరుగుతోంది కానీ...

న్యూఢిల్లీ : వరుసగా రెండో రోజూ పసిడి పరుగులు పెడుతోంది. 10 గ్రాముల బంగారం ధర శుక్రవారం రూ.175లు ఎగిసి రూ.31,525గా నమోదవుతోంది.అంతర్జాతీయంగా వస్తున్న పాజిటివ్ సంకేతాలతో పాటు, దేశీయ మార్కెట్లో ఆభరణాల వ్యాపారులు బంగారం కొనుగోళ్లు  ఎక్కువగా చేపడుతుండటంతో ఈ ధరలు పెరుగుతున్నట్టు మార్కెట్ విశ్లేషకులు చెబుతున్నారు. కానీ మరో విలువైన మెటల్ వెండి ధరలు మాత్రం పడిపోతున్నాయి. కేజీ వెండి ధర 50 రూపాయలు కిందకి దిగజారి రూ.45,500గా నమోదవుతోంది. పరిశ్రమ యూనిట్లు, కాయిన్ తయారీ దారుల నుంచి కొనుగోలు మద్దతు లేకపోవడంతో వెండి ధరలు కిందకి దిగివస్తున్నాయని విశ్లేషకులు పేర్కొంటున్నారు.