ఆపిల్ రికార్డు బ్రేక్ చేసింది

శాన్ఫ్రాన్సిస్కో : టెక్ దిగ్గజం ఆపిల్ 2015  నాటి రికార్డు బ్రేక్ చేసింది. ఇంట్రాడేలో ఆపిల్ షేర్ ధర మంగళవారం రికార్డు స్థాయిలోకి ఎగిసింది. ఆల్ టైమ్ గరిష్టంగా స్టాక్ ధర 135.09 డాలర్ల(రూ.9039.61)గా నమోదైంది. గత రెండేళ్లలో ఈ మేర పెరగడం ఇదే తొలిసారి. గతంలో 2015 ఏప్రిల్లో షేరు ధర 134.54 డాలర్లుగా నమోదై రికార్డు సృష్టించింది. ప్రస్తుతం ఆ రికార్డును ఆపిల్ బ్రేక్ చేసింది. ఐఫోన్ 10వ వార్షికోత్సవం  ఇన్వెస్టర్లలో కొత్త ఆశలను చిగురించింది. డిసెంబర్ క్వార్టర్లో ఆపిల్లో బెర్కషైర్ హాత్అవే స్టాక్ను మూడింతలు పెంచినట్టు ప్రపంచ స్టాక్ మార్కెట్లో లెజండరీ ఇన్వెస్టర్ వారెన్ బఫెట్ చెప్పారు. తన ఆ కంపెనీ షేర్లను 15.2 మిలియన్ల నుంచి 57.4 మిలియన్లకు పెంచినట్టు తెలిపారు.