TV
జగిత్యాల: నీటి వృథాను అరికట్టాలని, అడుగంటిపోతున్న భూగర్భజలాలను రక్షించుకునేందుకు ఇంటికో ఇంకుడుగుంత నిర్మించుకోవాలని జగిత్యాల ఎమ్మెల్యే జీవన్‌రెడ్డి కోరారు. అంతర్జాతీయ నీటి దినోత్సవాన్ని పురస్కరించుకొని గురువారం జగిత్యాలలో మున్సిపాలిటీ ఆధ్వర్యంలో ర్యాలీ నిర్వహించారు. ఎమ్మెల్యే మాట్లాడుతూ ప్రతి ఇంటి ఆవరణలో మున్సిపల్‌ ఆధ్వర్యంలో ఇంకుడుగుంత ఏర్పాటు చేయాలని సూచించారు. నీటి సంరక్షణకు అందరూ పాటుపడాలని కోరారు. మున్సిపల్‌ చైర్‌పర్సన్‌ విజయలక్ష్మి, కమిషనర్‌ సంపత్‌కుమార్‌ సిబ్బంది పాల్గొన్నారు.
