ఈ నెల 13 వరకు రైతుబంధు దరఖాస్తులు

సాక్షి, హైదరాబాద్‌: రాష్ట్రంలో ఈ ఏడాది జనవరిలో కొత్తగా పాస్‌ పుస్తకాలు వచ్చినవారు, ఇంతకుముందే పాస్‌ పుస్తకాలు వచ్చినా రైతుబంధుకు దరఖాస్తు చేసుకోనివారు ఎవరైనా ఉంటే ఈ నెల 13లోగా దరఖాస్తు చేసుకోవాలని వ్యవసాయ శాఖ విజ్ఞప్తి చేసింది. ఈ మేరకు మంగళవారం ఓ ప్రకటన విడుదల చేసింది. దరఖాస్తుతో పాటు భూమి పాస్‌బుక్‌ జిరాక్స్‌ లేక ఎమ్మార్వోచే డిజిటల్‌ సంతకం చేసిన పేపర్, ఆధార్‌కార్డు జిరాక్స్, బ్యాంక్‌ పాస్‌బుక్‌ జిరాక్స్‌ (సేవింగ్స్‌ ఖాతా) తీసుకొని రావాలని సూచించింది. రైతు మాత్రమే వచ్చి దరఖాస్తు ఇవ్వాలని తెలిపింది.