వ్యభిచార కేంద్రంపై పోలీసులు దాడులు

బంజారాహిల్స్ (హైదరాబాద్): ఓ వ్యభిచార కేంద్రంపై మంగళవారం జూబ్లీహిల్స్ పోలీసులు దాడులు నిర్వహించారు. ఓ నిర్వాహకురాలితో పాటు మరో ముగ్గురిని అరెస్టు చేశారు. వివరాల్లోకి వెళ్తే జూనియర్ ఆర్టిస్ట్ అయిన నాలావత్ సుజాత(25) వెంకటగిరిలో వ్యభిచార కేంద్రాన్ని నిర్వహిస్తోందన్న సమాచారం మేరకు పోలీసులు ఓ ఇంటిపై దాడి చేసి కడపకు చెందిన యువతి, ఫలక్‌నుమాకు చెందిన మరో యువతితోపాటు గుడివాడకు చెందిన ముత్తిలి అనే విటుడ్ని అరెస్టు చేశారు. పట్టుబడిన యువతులు ఇద్దరినీ పునరావాస కేంద్రానికి తరలించగా నిర్వాహకురాలిని, విటుడిని అరెస్టు చేసి రిమాండ్‌కు తరలించారు.