చేసిందంతా చేసి అమాయకత్వమా?

సాక్షి, హైదరాబాద్: ఆంధ్రప్రదేశ్ సీఎం చంద్రబాబు తెలంగాణకు అడుగడుగునా ద్రోహం చేశారని మంత్రి టి.హరీశ్‌రావు బుధవారం ధ్వజమెత్తారు. వెన్నుపోట్లకు, ద్రోహానికి, మాట తప్పడంలో చంద్రబాబుకు డాక్టరే ట్లున్నాయని మండిపడ్డారు. కడుపులో విషం పెట్టుకుని, మొహంపై చిరునవ్వుతో మాట్లాడడం ఆయనకే చెల్లిందన్నారు. ‘‘బాబు చేసేదంతా చేసి అమాయకత్వాన్ని ప్రదర్శిస్తున్నారు. సీఎం కాగానే పీపీఏలను రద్దుచేయడం, సీలేరు, కృష్ణపట్నం నుంచి కరెంట్ రాకుండా చేయడం, సంప్రదాయేతర ఇంధనంలో వాటా రాకుండా చేయడం వంటివి తెలంగాణకు ద్రోహం చేయడం కాదా?’’ అని ప్రశ్నించారు. శ్రీశైలంలో విద్యుదుత్పత్తి ఆపాలంటూ కృష్ణా బోర్డుకు ఏపీ ప్రభుత్వం లేఖ రాయడం తెలంగాణకు ద్రోహం చేయడమేనని హరీశ్ అన్నారు.