TV
పాడుబడిన బావిలో మొసలి
పాడుబడిన ఓ బావిలో మొసలి కనిపించిన ఘటన రంగారెడ్డి జిల్లా మర్పల్లి మండలం బిల్‌కల్‌లో బుధవారం వెలుగుచూసింది.
మర్పల్లి: పాడుబడిన ఓ బావిలో మొసలి కనిపించిన ఘటన రంగారెడ్డి జిల్లా మర్పల్లి మండలం బిల్‌కల్‌లో బుధవారం వెలుగుచూసింది. వివరాలు.. గ్రామానికి చెందిన చింతల గట్టు అంతయ్య బుధవారం తన పొలంలోని పాడుబడిన బావి చుట్టు ఉన్న పిచ్చిమొక్కలు తొలగిస్తున్నాడు. ఈ క్రమంలో ఆయనకు బావిలో ఓ మొసలి పిల్ల కనిపించింది. వికారాబాద్ ఫారెస్టు బీట్ అధికారి అరుణ, మెదక్ జిల్లా సంగారెడ్డి బీట్ అధికారి సత్యనారాయణ ఆధ్వర్యంలో మొసలి పిల్లను పట్టుకున్నారు. దానిని మెదక్ జిల్లా మంజీర ప్రాజెక్టులో వదిలి పెడుతామని అధికారులు తెలిపారు.
