మర్కజ్‌ @1,030

1030 People From Telangana To Have Attended Nizamuddin Markaz In Delhi - Sakshi

తెలంగాణ నుంచి ఢిల్లీకి వెళ్లొచ్చిన వారి సంఖ్య..

వీరిలో 20 మందికి కరోనా.. ఆరుగురు మృతి

ఒక్కొక్కరు సగటున పదిమందితో కాంటాక్ట్‌ 

అలా 10 వేల మందితో  కాంటాక్ట్‌ అయ్యుండొచ్చు

వైద్య, ఆరోగ్య శాఖ ప్రాథమిక అంచనా

అందరినీ గుర్తించే పనిలో నిఘా బృందాలు

సెక్రటేరియట్‌కూ కరోనా కుదుపు.. 

ఐసోలేషన్‌లో ఉద్యోగి

సాక్షి, హైదరాబాద్‌: తెలంగాణ నుంచి ఢిల్లీలోని నిజాముద్దీన్‌ మర్కజ్‌లో జరిగిన మత ప్రార్థనలకు 1,030 మంది వెళ్లొచ్చినట్లు వైద్య, ఆరోగ్యశాఖ వర్గాలు నిర్ధారించాయి. రాష్ట్రంలోని అన్ని జిల్లాలకు చెందినవారు ఇందులో ఉన్నారు. వారిలో 20 మందికి కరోనా పాజిటివ్‌ వచ్చినట్లు తేలింది. వీరిలో  ఆరుగురు చనిపోయారు. రాష్ట్రంలో సంభవించిన మరణాలు.. ఢిల్లీ నుంచి వచ్చిన వారివే కావడం ఆందోళన కలిగి స్తోంది. ఢిల్లీ వెళ్లొచ్చిన వారు.. స్నేహితులు, బంధువుల ఇళ్లకు వెళ్లడం, ప్రార్థనల్లో పాల్గొనడంతో వారెందరితో కలిసి తిరిగారన్నది అంతుబట్టడం లేదు. వైద్య, ఆరోగ్యశాఖలో కరోనా కీలక కమిటీలోని ఓ ఉన్నతాధికారి అంచనా ప్రకారం.. ఢిల్లీ నుంచి వచ్చిన వారు ఒక్కొక్కరు పదిమందినైనా కలిసి ఉంటారు. అలా కనీసం 10 వేల మందితో వారు కాంటాక్ట్‌ అయి ఉండొచ్చని ఆయన చెబుతున్నారు. కొందరైతే రోజువారీ కార్యకలాపాల్లో పాల్గొనడం, ప్రార్థనలకు వెళ్లడం తదితర కారణాల వల్ల ఇంకా ఎక్కువ మందికి అంటుకుందని భావిస్తున్నట్లు ఆయన తెలిపారు.

సెక్రటేరియట్‌లో కరోనా కలకలం
ఢిల్లీ వెళ్లిన వారిలో సెక్రటేరియట్‌లో పనిచేసే పశుసంవర్థకశాఖ ఉద్యోగి కూడా ఉన్నారు. ఆయన సం బంధితశాఖ ఉన్నతాధికారులను కలవడం, తోటి ఉద్యోగులతో కలసిమెలసి తిరగడం ఇప్పుడు కలకలం రేపుతోంది. ఆయనను గాంధీ ఆసుపత్రికి తీసుకెళ్లి నమూనాలను పరీక్షల కోసం పంపారు. అక్కడే ఐసోలేషన్‌లో ఉంచారు. పరీక్ష ఫలితాలు రావాల్సి ఉంది. అతను సెక్రటేరియట్‌లో ఎంతమందిని కలి శారనే దానిపై ఆరా తీస్తున్నారు. అతనితో మరింత సన్నిహితంగా ఉన్నవారు హోం ఐసోలేషన్‌లో ఉండాలని, లక్షణాలేమైనా ఉంటే సంప్రదించాలని వైద్యాధికారులు కోరుతున్నారు. సచివాలయంలో ప్రభుత్వ ప్రధాన కార్యదర్శి మొదలు, వివిధ శాఖల ముఖ్య కార్యదర్శులు, ప్రత్యేక ప్రధాన కార్యదర్శులు, కార్యదర్శులు, మంత్రులు, వారి పేషీ అధికారులుంటారు. పైగా ప్రస్తుత సచివాలయం ఇరుకుగా ఉండటం, గాలీ వెలుతురు తక్కువగా ఉండటంతో వైరస్‌ వ్యాప్తిపై ఆందోళన నెలకొంది. దీంతో సచివాలయ ఉద్యోగులు, అధికారులు షాక్‌కు గురయ్యారు.

అత్యధికులు హైదరాబాద్‌ వారే..
ఢిల్లీ నిజాముద్దీన్‌ ప్రాంతంలోని మర్కజ్‌ మసీదు దేశవ్యాప్తంగా చర్చనీయాంశమైంది. ఈ నెల 13 నుంచి 15 వరకు అక్కడ జరిగిన ప్రార్థనలకు వెళ్లినవారిలో కొందరికి కరోనా పాజిటివ్‌ అని తేలింది. అక్కడికి తెలంగాణకు చెందినవారు 1,030 మంది వెళ్లగా, వారిలో హైదరాబాద్‌ జీహెచ్‌ఎంసీ పరిధికి చెందిన వారు 603 మంది ఉన్నట్టు వైద్య ఆరోగ్యశాఖ వెల్లడించింది. నిజామాబాద్‌ (80), నల్లగొండ (45), వరంగల్‌ అర్బన్‌ (38), ఆదిలాబాద్‌ (30), ఖమ్మం (27), నిర్మల్‌ (25), సంగారెడ్డి (22) జిల్లాలతో పాటు మిగిలిన జిల్లాల నుంచీ పలువురు ప్రార్థనలకు వెళ్లినట్టు ఆరోగ్యశాఖ నివేదికలో పేర్కొన్నారు. అక్కడి నుంచి వచ్చిన వారిలో ఆరుగురు చనిపోవడం కరోనా తీవ్రతను తెలియజేస్తోంది

జల్లెడపడుతున్న నిఘా బృందాలు
ఢిల్లీ వెళ్లొచ్చిన వారిని పట్టుకోవడం ఇప్పుడు ప్రభుత్వానికి సవాల్‌గా మారింది. ఇందులో 3 సమస్యలున్నాయి. ఢిల్లీ వెళ్లిన వారందరినీ గుర్తించి ఐసోలేషన్‌కు తరలించి పరీక్షలు నిర్వహించడం, వారితో కాంటాక్ట్‌ అయిన 10వేల మందిని గుర్తించడం, వారిలోనూ లక్షణాలున్న వారిని గుర్తించి పట్టుకోవడం. ఇంకా వీరి ద్వారా ఇంకెంతమంది కాంటాక్ట్‌ అయ్యారన్న దానిపైనా చర్చ జరుగుతోంది. వైద్య ఆరోగ్యశాఖ వర్గాలు ఇప్పటికే సర్వైలెన్స్‌ టీమ్‌ల ద్వారా ఢిల్లీ వెళ్లొచ్చిన వారిలో 70 శాతం మందిని గుర్తించి పట్టుకున్నారని అధికారులు చెబుతున్నారు. మరో 30 శాతం మందిని గుర్తించే పనిలో ఉన్నారు. ఇక వారెక్కడెక్కడకు వెళ్లారు? వారితో కాంటాక్ట్‌ అయిన 10 వేల మందిని గుర్తించడం కీలకంగా మారింది. హైదరాబాద్‌లో ఇప్పటికే 200 బృందాలు, అన్ని జిల్లాల కలెక్టర్లు ఇదే పనిలో ఉన్నారు.

మార్చి 18 నుంచే రంగంలోకి..
రాష్ట్రానికి వచ్చిన ఇండోనేసియా బృందానికి కరోనా పాజిటివ్‌ వచ్చినట్టు మార్చి 18న గుర్తించారు. అప్పుడే ప్రభుత్వం అప్రమత్తమైంది. ఢిల్లీలో వారు దిగినప్పుడు ఎటువంటి లక్షణాలు కనిపించలేదు. ఢిల్లీలోని ప్రార్థన మందిరానికి వెళ్లొచ్చాకే వారిలో లక్షణాలు బయటపడ్డాయి. దాని ఆధారంగా తీగ లాగితే డొంక కదిలింది. నాటి నుంచి ఇంటెలిజెన్స్‌ వర్గాలు ప్రతి జిల్లాను జల్లెడ పట్టాయి. ఢిల్లీ వెళ్లొచ్చిన వారి జాడను కనుగొన్నాయి. మార్చి 21న కేంద్రం కూడా ఈ విషయంలో రాష్ట్ర ప్రభుత్వాన్ని అలర్ట్‌ చేసింది. కాగా, ఇప్పటికే గుర్తించిన వారందర్నీ ఆయా జిల్లాల్లోని ఐసోలేషన్‌ కేంద్రాలకు తరలించారు. లక్షణాలున్న వారికి కరోనా పరీక్షలు నిర్వహిస్తున్నారు. వారి కుటుంబాలను కూడా క్వారంటైన్‌లో ఉంచారు. అవసరమైతే వారికీ కరోనా పరీక్షలు నిర్వహించే అవకాశం ఉందని అధికారులు చెబుతున్నారు. ముఖ్యంగా ఢిల్లీ వెళ్లొచ్చిన వారి కుటుంబాల నుంచి ఇతరులకు ఇన్‌ఫెక్ట్‌ కాకుండా దృష్టిపెట్టారు.

మూడో దశలోకి వెళ్లినట్టేనా!
మొదట్లో విదేశాల నుంచి వచ్చిన వారితోనే సమస్య నెలకొందని భావించిన సర్కారు, ఇప్పుడు ఢిల్లీ వెళ్లొచ్చిన వారితో తలలు పట్టుకుంటోంది. ఈ 1,030 మంది ఇంకెందరిని కలిసి ఉంటారనేది వైద్యాధికారులను ఆందోళనకు గురిచేస్తోంది. మొదటి కరోనా కేసుగా నమోదైన సాఫ్ట్‌వేర్‌ ఇంజనీర్‌ 86 మందితో క్లోజ్‌గా ఉన్నా, ఎవరికీ పాజిటివ్‌ రాలేదు. బయటి నుంచి వచ్చిన పాజిటివ్‌ కేసులు, వారి ద్వారా అంటించుకున్న వారు ఆరోగ్యంగానే ఉన్నారు. కానీ ఢిల్లీ వెళ్లొచ్చిన వారిలో 20 మందికి సోకడం, వారిలో ఆరుగురు చనిపోవడంతో వైరస్‌ జన సమూహంలోకి ఏ మేరకు వెళ్లిందోననేది వైద్య, ఆరోగ్యశాఖ వర్గాల్లో వణుకు పుట్టిస్తోంది. ఇలా వైరస్‌ జన సమూహంలోకి పోవడాన్నే కరోనా మూడో దశగా వైద్యాధికారులు చెబుతున్నారు. ఈ దశలో బాధితుల్ని గుర్తించడం కష్టంగా మారుతుందని అంటున్నారు.  

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

14-01-2021
Jan 14, 2021, 15:35 IST
న్యూఢిల్లీ: భారత ప్రభుత్వం ఎంత అప్రమత్తంగా వ్యవహరిస్తున్నా దేశంలో యూకే కరోనా స్ట్రెయిన్ కేసుల సంఖ్య పెరుగతుండటంపై కేంద్ర ఆరోగ్య మంత్రిత్వ...
14-01-2021
Jan 14, 2021, 14:01 IST
సాక్షి, న్యూఢిల్లీ: రాష్ట్రంలో కోవిడ్‌ టీకా డ్రైవ్‌ జనవరి 16 నుంచి ప్రారంభమవుతుందని ముఖ్యమంత్రి అరవింద్ కేజ్రీవాల్ గురువారం ప్రకటించారు....
14-01-2021
Jan 14, 2021, 05:35 IST
సాక్షి, హైదరాబాద్‌: రాష్ట్రంలో కరోనా కేసులు నమోదవుతూనే ఉన్నాయి. మంగళవారం 38,192 మంది నమూనాలను పరీక్షించగా, అందులో 331 మందికి...
14-01-2021
Jan 14, 2021, 04:45 IST
న్యూఢిల్లీ: కరోనా వ్యాక్సినేషన్‌కు కేంద్ర ప్రభుత్వం చురుగ్గా ఏర్పాట్లు చేస్తోంది. టీకా సరఫరా కోసం ఉద్దేశించిన కో–విన్‌ యాప్‌లో ఇప్పటికే...
14-01-2021
Jan 14, 2021, 01:48 IST
భారత్‌ బయోటెక్‌ తయారు చేసిన కోవాగ్జిన్‌ టీకా వేసుకునే లబ్ధిదారులు తప్పనిసరిగా అంగీకారపత్రం ఇవ్వాల్సి ఉంటుందని ..
13-01-2021
Jan 13, 2021, 17:43 IST
నిరాధారమైన ఆరోపణలు చేయడం విచారకరమని సోమ్‌ పేర్కొన్నారు.
13-01-2021
Jan 13, 2021, 14:42 IST
సాక్షి, న్యూఢిల్లీ: ఢిల్లీ ముఖ్యమంత్రి అరవింద్‌  కేజ్రీవాల్‌   తనరాష్ట్రప్రజలకు తీపి కబురుఅందించారు. కేంద్రం ప్రభుత్వం కరోనా వ్యాక్సిన్‌ ను ఉచితంగా ...
13-01-2021
Jan 13, 2021, 05:08 IST
న్యూఢిల్లీ/పుణే: ఈనెల 16వ తేదీన జరిగే దేశవ్యాప్త కోవిడ్‌–19 వ్యాక్సినేషన్‌కు ఏర్పాట్లు చకచకా జరిగి పోతున్నాయి. కేంద్ర ప్రభుత్వం సోమవారం...
13-01-2021
Jan 13, 2021, 03:23 IST
సాక్షి, అమరావతి/గన్నవరం: రాష్ట్రానికి కోవిడ్‌ టీకా వచ్చేసింది. గన్నవరం విమానాశ్రయానికి కోవిడ్‌ టీకా బాక్సులు చేరుకున్నాయి. సీరం ఇన్‌స్టిట్యూట్‌కు సంబంధించిన...
12-01-2021
Jan 12, 2021, 16:44 IST
ప్రభుత్వ మెగా టీకా డ్రైవ్‌లో అందించే కోవిషైల్డ్ వ్యాక్సిన్ ధరపై స్పందించిన అదర్‌ పూనావాలా మొదటి 100 మిలియన్ మోతాదులకు మాత్రమే  200 రూపాయల ప్రత్యేక ధరకు అందించామన్నారు. ...
12-01-2021
Jan 12, 2021, 09:51 IST
ముంబై: ఏడాది పాటుగా కరోనా వైరస్‌తో కకావికాలమైన దేశం మరి కొద్ది రోజుల్లో ఊపిరి పీల్చుకోనుంది. వైరస్‌ని ఎదుర్కొనే కోవిడ్‌...
12-01-2021
Jan 12, 2021, 09:50 IST
ప్రాణాంతక కరోనా మహమ్మారి చైనాలోనే పుట్టిందని ప్రపంచవ్యాప్తంగా ఆరోపణలు వినిపిస్తున్నాయి.
12-01-2021
Jan 12, 2021, 05:44 IST
సాక్షి, హైదరాబాద్‌: ‘ఈ నెల 16 నుంచి రాష్ట్ర వ్యాప్తంగా కోవిడ్‌ వ్యాక్సినేషన్‌ను అన్ని పీహెచ్‌సీల పరిధిలో ప్రారంభించడానికి అవసరమైన...
12-01-2021
Jan 12, 2021, 05:39 IST
సాక్షి, హైదరాబాద్‌: కరోనా వ్యాక్సిన్లు ఏమాత్రం పక్కదారి పట్టకుండా ఉండేందుకు, బ్లాక్‌ మార్కెట్లకు తరలకుండా ఉండటానికి గట్టి నిఘా పెట్టాలని...
12-01-2021
Jan 12, 2021, 04:46 IST
న్యూఢిల్లీ: కేంద్ర వార్షిక బడ్జెట్‌ ప్రతులను పార్లమెంట్‌ సభ్యులకు ఈసారి డిజిటల్‌ రూపంలో ఇవ్వాలని ప్రభుత్వం నిర్ణయించింది. కోవిడ్‌–19 ప్రొటోకాల్‌...
12-01-2021
Jan 12, 2021, 04:25 IST
న్యూఢిల్లీ: దేశ వ్యాప్తంగా ఈ నెల 16వ తేదీ నుంచి ప్రారంభం కానున్న కోవిడ్‌ వ్యాక్సినేషన్‌ దిశగా కీలక పరిణామం...
12-01-2021
Jan 12, 2021, 04:18 IST
న్యూఢిల్లీ: కరోనా టీకాను తొలిదశలో 3 కోట్ల మందికిపైగా ఆరోగ్య సంరక్షణ సిబ్బంది, ఫ్రంట్‌లైన్‌ వర్కర్లకు అందజేస్తామని ప్రధానమంత్రి నరేంద్ర...
11-01-2021
Jan 11, 2021, 17:31 IST
సాక్షి, న్యూఢిల్లీ: జనవరి 16వ తేదీనుంచి కరోనా వైరస్‌ మహమ్మారికి అంతానికి దేశంలో వ్యాక్సినేషన్‌ ప్రక్రియ షురూ కానున్న నేపథ్యంలో కేంద్రం...
11-01-2021
Jan 11, 2021, 12:17 IST
కరోనా వైరస్‌ మహమ్మారి అమెరికాలో పురుషులతో పోలిస్తే  ఉపాధిని కోల్పోయిన వారిలో మహిళలే ఎక్కువ ఉన్నారు.
11-01-2021
Jan 11, 2021, 05:04 IST
లండన్‌ : బ్రిటన్‌ రాణి ఎలిజెబెత్, ఆమె భర్త ప్రిన్స్‌ ఫిలిప్‌కు కోవిడ్‌–19 వ్యాక్సిన్‌ ఇచ్చారు. విండ్సర్‌ కేజల్‌లో ఉంటున్న...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top