పోలీసుల అదుపులో మావోయిస్టు అగ్రనేత మీసాల రాజిరెడ్డి!

May 5 2015 5:37 AM | Updated on Oct 16 2018 2:39 PM

మావోయిస్టు పార్టీ కేంద్ర కమిటీ సభ్యుడు మల్లా రాజిరెడ్డి అలియాస్ మీసాల రాజిరెడ్డి దంపతులను తమిళనాడులోని కొయంబత్తూరు పోలీసులు అదుపులోకి తీసుకున్నట్లు ప్రచారం జరుగుతోంది.

హైదరాబాద్: మావోయిస్టు పార్టీ కేంద్ర కమిటీ సభ్యుడు మల్లా రాజిరెడ్డి అలియాస్ మీసాల రాజిరెడ్డి దంపతులను తమిళనాడులోని కొయంబత్తూరు పోలీసులు అదుపులోకి తీసుకున్నట్లు ప్రచారం జరుగుతోంది. అయితే ఈ విషయాన్ని రాష్ర్ట పోలీసు వర్గాలు ధృవీకరించడం లేదు.

కరీంనగర్ జిల్లా మంథనికి చెందిన రాజిరెడ్డి గతంలో అరెస్ట్ అయ్యి బెయిల్‌పై విడుదలయ్యారు. అనంతరం మళ్లీ అజ్ఞాతంలోకి వెళ్లిపోయారు. తాజాగా కొయంబత్తూరు పోలీసులు స్థానికంగా తలదాచుకున్న కొందరు మావోయిస్టులను అదుపులోకి తీసుకున్నట్లు తెలిసింది. వారిలో రాజిరెడ్డి దంపతులు ఉన్నట్లు చర్చ జరుగుతోంది.