దేశ రాజధానిలో మరో దారుణం

ఢిల్లీ: దేశ రాజధాని ఢిల్లీలో మరో దారుణం వెలుగుచూసింది. ఇద్దరు దుండగులు ఢిల్లీ శివారున ఉన్న గురుగ్రామ్‌ నుంచి ఓ యువతిని (21) కిడ్నాప్‌ చేసి కారులో తీసుకువచ్చి ఆమెపై లైంగికదాడికి పాల్పడ్డారు. బుధవారం రాత్రి నైరుతి ఢిల్లీలోని ద్వారక సమీపంలో హరివిహార్‌లో ఈ దారుణం జరిగింది.

నిందితులు ఆమెను ఓ ఫ్లాట్‌లో బంధించి తాళం వేశారు. వారి బారి నుంచి తప్పించుకునే క్రమంలో ఆ యువతి  బిల్డింగ్‌పై నుంచి పడి గాయపడింది. ఆమెను ఆపే క్రమంలో ఓ నిందితుడు గాయపడ్డాడు. వీళ్లను దొంగలుగా భావించిన ఇరుగుపొరుగు వెంటనే పోలీసులకు సమాచారం అందించారు. నిందితులను హిమ్మత్, సునీల్‌గా గుర్తించారు. సునీల్‌ గతంలో ఉబెర్‌ డ్రైవర్‌గా పనిచేశాడు. పోలీసులు కేసు నమోదు చేసుకుని ఇద్దరిని అరెస్ట్‌ చేశారు. నిందితులు డ్రగ్స్‌ తీసుకున్నట్టు తెలిపారు.