ఈఎస్‌ఐ పరిధిలోకి కాంట్రాక్టు ఉద్యోగులు

హైదరాబాద్‌: భవిష్యత్తులో అంగన్‌ వాడీ, ఆశా వర్కర్స్ తో పాటు కాంట్రాక్టు ఉద్యోగుల ను కూడా ఈఎస్‌ఐ పరిధి లోకి తీసుకు రావడానికి ప్రయత్నం చేస్తున్నామని.. అందుకోసం ఆర్ధిక శాఖ అనుమతి కోరినట్లు కేంద్రమంత్రి బండారు దత్తాత్రేయ తెలిపారు. కార్మిక శాఖ అద్వర్యంలో హైదరాబాద్‌లో మహిళా సదస్సు జరిగింది. ఈ సదస్సు పాల్గొన్న దత్తాత్రేయ మాట్లాడుతూ.. భవన నిర్మాణ  కార్మికులను సంఘటిత రంగంలోకి తీసుకు వచ్చామని తెలిపారు. మహిళలకు ప్రసూతి సెలవులు పెంచామన్నారు. వర్క్ ఫ్రమ్ హోమ్ అవకాశం కూడా ఇచ్చామని పేర్కొన్నారు. మహిళ లకు సమాన హక్కుల కోసం తమ శాఖ ప్రయత్నం చేస్తుందన్నారు.