ప్రపంచకప్ నిలబెట్టుకుంటాం

ప్రపంచకప్ నిలబెట్టుకుంటాం

దుబాయ్: అండర్-19 ప్రపంచకప్‌ను నిలబెట్టుకుంటామని భారత యువ జట్టు కెప్టెన్ విజయ్ జోల్ అన్నాడు. ఈ నెల 14 నుంచి మార్చి 11 దాకా యూఏఈ వేదికగా జరిగే ఈ టోర్నీలో గ్రూప్ ‘ఎ’లో... భారత యువజట్టు తమ తొలిమ్యాచ్‌ను  పాకిస్థాన్‌తో 15న ఆడనుంది. కాగా, ఈ మ్యాచ్‌లో గెలిచి పాక్‌పై పైచేయి సాధిస్తామని జోల్ అన్నాడు.
 
 అయితే తమపై ప్రత్యేక ఒత్తిడేమీ ఉండదన్నాడు. ‘పాక్‌తో మ్యాచ్  ఎప్పుడూ ప్రత్యేకం, భిన్నమైనదే.  ఇటీవలే అండర్-19 ఆసియా కప్ ఫైనల్లో వారిని ఓడించినందుకు మానసికంగా మాదే పైచేయి’అని జోల్ అన్నాడు. గ్రూప్ ‘ఎ’లో భారత్, పాక్, స్కాట్లాండ్, పీఎన్‌జీ జట్లు ఉన్నాయి.