మరోసారి మెరిసిన పి.వి.సింధు | Indian shuttler P.V. Sindhu shines in japan open | Sakshi
Sakshi News home page

మరోసారి మెరిసిన పి.వి.సింధు

Sep 18 2013 11:54 PM | Updated on Sep 1 2017 10:50 PM

బలమైన స్మాష్‌లు... మెరుగైన డ్రాప్ షాట్లు... నెట్ వద్ద పూర్తి అప్రమత్తంగా వ్యవహరించిన ఆంధ్రప్రదేశ్ స్టార్ క్రీడాకారిణి పి.వి.సింధు... జపాన్ ఓపెన్ బ్యాడ్మింటన్ టోర్నీలో మరోసారి మెరిసింది.

టోక్యో: బలమైన స్మాష్‌లు... మెరుగైన డ్రాప్ షాట్లు... నెట్ వద్ద పూర్తి అప్రమత్తంగా వ్యవహరించిన ఆంధ్రప్రదేశ్ స్టార్ క్రీడాకారిణి పి.వి.సింధు... జపాన్ ఓపెన్ బ్యాడ్మింటన్ టోర్నీలో మరోసారి మెరిసింది. . బుధవారం జరిగిన మహిళల సింగిల్స్ తొలి రౌండ్‌లో ఎనిమిదో సీడ్ సింధు 21-12, 21-13తో యుకినో నకాయ్ (జపాన్)పై విజయం సాధించి తన సత్తాను చాటింది. కేవలం 29 నిమిషాల పాటు జరిగిన ఈ మ్యాచ్ మొత్తంలో ఏపీ అమ్మాయి ఆధిపత్యం కనబర్చింది.

 

తొలి గేమ్‌లో 3-0 ఆధిక్యంలో నిలిచిన సింధు తర్వాత చెలరేగింది. దీంతో స్కోరు 10-4కు వెళ్లింది. ఈ దశలో మరోసారి విజృంభించిన ఆమె వరుసగా ఏడు పాయింట్లు నెగ్గింది. యుకినో ఒకటి, రెండు పాయింట్లకే పరిమితం కావడంతో సింధు సులువుగా గేమ్‌ను సొంతం చేసుకుంది. 6-0తో రెండో గేమ్చ్‌లో ఆధిక్యంలోకి వచ్చాక సింధు కాస్త నెమ్మదించింది. దీంతో ఇరువురు ఒకటి, రెండు పాయింట్లతో సరిపెట్టుకున్నారు. అయితే స్కోరు 16-13 ఉన్న దశలో సింధు డ్రాప్ షాట్లతో ఐదు పాయింట్లు నెగ్గి గేమ్‌తో పాటు మ్యాచ్‌ను సొంతం చేసుకుంది.
 
 మ్యాచ్ మొత్తంలో నెట్ వద్ద 21 పాయింట్లు గెలుచుకుంది. ప్రిక్వార్టర్స్‌లో సింధు... క్వాలిఫయర్ అకానే యమగుచి (జపాన్)తో తలపడుతుంది.
 

Advertisement

Related News By Category

Related News By Tags

Advertisement
 
Advertisement

పోల్

Advertisement