TV
'హర్భజన్, గీతల పెళ్లికి రండి'
ప్రేమపక్షులు క్రికెటర్ హర్భజన్ సింగ్, బాలీవుడ్ భామ గీతా బస్రా పెళ్లి తేదీ ఎట్టకేలకు నిశ్చయమైంది.
న్యూఢిల్లీ: ప్రేమపక్షులు క్రికెటర్ హర్భజన్ సింగ్, బాలీవుడ్ భామ గీతా బస్రా పెళ్లి తేదీ ఎట్టకేలకు నిశ్చయమైంది. వాయిదాలు పడుతూ వస్తున్న వివాహ తేదీని ఖరారు చేశారు. ఈ నెల 29న హర్భజన్, గీత వివాహం జరగనుంది. నవంబర్ 1న రిసెప్షన్. ఈ మేరకు ఆహ్వాన పత్రికలు కూడా సిద్ధం చేశారు.
భజ్జీ, గీతల వివాహ ఆహ్వాన పత్రికను డిజైనర్ ఏడీ సింగ్ రూపొందించారు. ఈ వివాహ పత్రికను ట్విట్టర్లో పోస్ట్ చేశారు. హర్భజన్ సొంతూరైన పంజాబ్లోని జలంధర్కు 20 కిలో మీటర్ల దూరంలోని ఓ హోటల్లో జరగనుంది. సంగీత్, మెహంది, రిసెప్షన్లతో సహా పెళ్లి వేడుకలు ఐదు రోజుల పాటు జరగనున్నాయి. పెళ్లి రోజున గీత గాగ్రా, హర్భజన్ షేర్వానీలతో మెరిసిపోనున్నారు.
